بعد إغلاق موضوع "محبوبة الجميع " الاخت "يافرح وينك" موضوع جديد للتواصل والردود

[رياح الود]

أمة الله الضعيفة فعلا كلامك قلتي كل اللي بخاطري أقوله ياليت توضحين لنا فروحة

 

[.مزيونه.]

ليش مو هي الي مرضت هههههههه
وانا مع امة الله العفيفه
صدق صراحه شي غريب

 

[بيرين نجد]

فرحتيني والله باخبارك الحلوه هذي الحمدلله انه بيرجع لك وصحيح كلام الاخت الي قبل شوي وضحي يا بهلولتي ​

 

[المتفائله1]

صاااااااااااااااااااادقه امة الله في كل حرف والله انها ذكيه ومحلله ماشاء الله عليها انتبهي لنفسك يافرح لاتكوني طيبه بزياده هالزمن مايعيش الطيب ولاتتنازلين عن حقوقك باسم الحب والله انا نحبك ولانرضى لك الدون تكفين يابتهال هالمره لالالالالالالالالالالالالالالالالالالالاتنازلين انتبهي لنفسك وعلمينا عن تطوراتك يارب تنصرها وترزقها الذريه الصالحه

 

[أمةالله الضعيفة]

اشكركم اخواتي الحبيبات على ثنائكم
ولكن فعلا الحب ليس كل شئ
والانسان منا لازم لا يسمح لأحد يتخطى حدوده معاه
او يمتهنه او يقلل من شأنه ولو باسم الحب
واعتقد فيه ازواج كتير لا يحبون زوجاتهم مثل ما يحبك بندر
لكنهم لا يسمحون لأحد أن يغلط عليها
ولو أمه أو ابوه او اعز الناس ليه
فما بالك بواحدة طعنتك في ظهرك وتكرهك وهو اعلم الناس بذلك

 

[يافرح وينك]

الله يسعدكم يالغاليات والله قريت ردودكم جميعا
أنا الحمدلله بخير ومستمره على الزيت وماء زمزم والمسك والعسل
وبندر أكثر من مرة كلمني اليوم يسأل عن حالي وقال بيجي هاليومين
مدري شو صاير معهم؟!!!!>>>>لقافه ههه
وطلعت اليوم مع الوالد للمكتبة أشتريت كتب الجامعه>>>بدري
وببدا أذاكر من بكره...
عند أهلي أحتسبت الأجر بطاعة والدي والبر بيهما
حتى الشاهي أركض أقدمه للوالد وأحس بسعادة لأجل حسناتي بإذن الرحمن
أصحى بدري وأجهز الفطور والقهوة وأجلس مع الوالد
الوالدة تطول بنومتها
وأجلس أسولف مع الوالد أو بالأصح هو اللي يسولف ويناقشني بأمور كثيرة
وإذا خلصت سوالفنا يذكر جمل بالإنجليزي ههههه
قلت يبه الله يخليك بدل هالجمل قول لاإله إلا الله قول استغفرالله
قال أنتي مثل عمك دائما" يقولي كذا..أبشري..
وجهزت الغدا وجلسنا نتغدا أنا وأمي وأبوي وأخواني نايمين
وأبوي يقول شوفي أمك كبرت لاتطبخ ولاشئ من متى ياابتهال ماذقنا الطبخ الزين ..ياليتك دائما عندنا من غير شر جاي بندر
قلت أفا يمه تتركين أبوي
قالت أبوك ينكر المعروف
هههه
وبدوا في الحرب
طبعا الحرب كلها مزح أبوي يحب يغيظ أمي ويناقرها
بعد ماتغدينا..
جلست أفكر في البنت اللي توفت أمها
لاااااازم بإذن الله أزورها بس متى..مدري...أن شاء الله هاليومين..
قضيت وقتي مع أخواني..كل مايصحى واحد أروح أجهز له قهوة ويجلس يسولف معي..
بعد العصر طلعت مع ناصر لسوق يشري شوية أغراض
وصدع راسي طول الوقت يسولف بنجود
والليلة رحت مع الوالد للمكتبه..وتعشينا برا
وأمي في البيت ماتحب المطاعم وعندها نورة والعيال
قلت للوالد وحنا جالسين
يبه تصدق مااشوف زين شكل صابني قصر نظر
قال لاتخافين يابنت الحلال بيجي بندر ههههه
قلت وش دخل قصر النظر في بندر ههه
قال حركات يالحريم
ههههه
وأول مارجعت للبيت جلست أسولف مع نورة
قلت لها اني حلمت في بندر واتصلت عليه
قالت عيني بعينك يانصابه تدورين عذر عشان تدقين
ههههه قمت ضربتها قالت خلاص مصدقتك
وأول ماأبتعد عنها تقول بلانصب ياابتهال تكفين علميني اشتقتي له وقلتي خلني أتصل هههه
قلت أحسن لاتصدقين هههه
وبندر أكثر من مرة يكلمني اليوم ولاناقشته بالموضوع بس هوقال أوعدك نسافر مع بعض ومن هالكلام ..قلت لامابي اسافر الآن بجلس عند أهلي شهر
قال ليش
قلت خلاص انا رتبت نفسي على أني بجلس عندهم شهر
قال لاأن شاء الله ماأطلع من الرياض إلا وأنتي معي
قلت عموما نشوف إذا رجعت نتفق بيننا
أنا مابي أروح معه منها درس له لأني أدري انه بيتضايق وبتتعب نفسيته مع هدى ولأنه فكر يسافر شهرررر ويتركني وأدري أنه بيجلس على نار إذا كنت عند أهلي..ومنها أني بكمل برنامج العلاج مع فهد وبيقرا علي كل ليلة..وفيه وحده يمدحونها تقرا على كثييير نعرفهم
وامي ناويه تاخذني لها..ولأني بذاكر بعيد عن بندر وهدى..ولأني أحس أهلي محتاجين لي وأنا محتاجتهم...
أمي تغييييرت كثيييير ..دايم تناديني أجلس معها
لوأجلس بعد الصلاة شوي أستغفر..تجي تقول وينك ابتهال تركتيني
ولوأطول شوي بالغرفه تقول ماتجلسين عندي...وصاير معها سكر وهي ماتحافظ على نفسها...مرة تقول أحس جسمي يرتجف ولما قلت لها يمه يمكن من السكر..راحت تقيسه ..وحصلته منخفض لأنها تأخر آكل الوجبات أحيانا"...وأبوي كذلك رجل مريض قلب سكر ضغط...واللي يطبخ الخدامه
وتعرفون طباخ الخدم الله المستعان..
وأهلي مايحبون شئ اسمه (زوجة الولد تخدمنا)أبدا أبدا....مستحيل يطلبون منها شئ..وهي اساسا عندها زوجها وبيتها ..
تصدقون زيارتي لأهلي هذي المره غييييييير..كل شئ مع مرور الوقت يتغير
آااااااه بس..الله يعين...
لذلك ماأتوقع أني أرضخ له وأرجع معه في الفترة الحالية
وأحيانا أفكر أقوله بجلس دائما عند أهلي..مع أني من فترة أزن عليه يبحث عن نقل لرياض..لكن مومحصل...
وإذا على هدى ..إذا هوفعلا يحبني مستحيل يغير فيه بعدي شئ
وأنا متأكدة منه..
بعترف لكم بشئ خطر في بالي الليلة وأنا بالغرفة لحالي
جلست أفكر لوأبوي وأمي يحصلهم شئ..الله يخليهم لي ويطول بأعمارهم
وش بيكون مصيري!!! أحس أني بدون أطفال مثل أرجوحه معلقه في الهواء
مشاكل هدى مع بندر ووجود أطفال لها منه ..هذا الشئ محسسني بالتعب
...أخاف يجي اليوم أكون فيه وحيده وعاله على أخواني وحريمهم
اليوم الوالد وحنا في المطعم يقولي بكتب بيتي بإسمك
قلت ليش يبه؟!!!..هذا لك ولأخواني..والبيت مررره كبير وش أبي فيه
قال ماعليه أتركيهم فيه..بس لأني متأكد أنك أنتي الوحيده اللي مستحيل تبيعينه..أخاف أخوانك بعد عيني يبيعون الأولي والتالي..ويضيعون أنفسهم
على الأقل بيت العمر يكون محفوظ...قلت لامابيه
واللي أنا ملاحظته في زيارتي أن أخواني الطيبين للأسف مع أنهم موقاصرهم شئ..لكن كل ماأجلس مع واحد فيهم يجلس يتكلم عن الثاني وش كثر ياخذ من أبوي شهريا" وأيش شرى له..وأيش عطاه..وليش يعطيه!!!
أحس كل واحد فيهم يبي يلتهم من المال أكثر من الثاني...
مع انهم مترابطين ويطلعون مع بعض وياكلون مع بعض
لكن أستغربت هالأفكار في روسهم وكلامهم معي!!!

قبل فترة كلمتني وحده من الصديقات تعرفت عليها من أحد المنتديات من سنة تقريبا
هي من دولة خليجية...
ومع السوالف قالت لي أبتهال من اسباب اجابة الدعاء
أنك تكونين مسامحه الناس اللي غلطوا عليك ومايكون في قلبك غل على أحد
قلت تصدقين داااائما ومن سنواااات طويله أسمع مشايخه برامج تلفزيونيه وراديوا..ومحاضرات بس لا لا...ماأسامحها و(بلحظة ضعف وقهر من الظلم)
قلت ولاأسامح كل من ظلمني في هذي الدنيا ولاأحللهم وكل ماسجدت أتحسب عليهم..
بل والله أعترف لكم أني آخر دعائي بالوتر وحتى السجود بعد ماأدعي لديني ولدنياي وآخرتي آخذ ربع ساعه وأنا أردد اللهم ياالله ياجبار ياقوي ياعزيز يامن حرمت الظلم على نفسك وحرمته بين عبادك فلانه وفلان و.و..ظلموني يارب..وأنا ضعيفة وهم أقوى مني..لكنك أنت القوي الذي لايعجزك شئ وانا لاحول ولاقوة لي إلا بك
اللهم فخذ لي حقي منهم أخذ عزيز مقتدر..اللهم أرني فيهم عجائب قدرتك
والنتيجه ياأخواتي
حرقة في قلبي..أنتظر أنهزام الظلمة...
وبعد الحوار مع صديقتي كنت متأكده أنها ماراح تقنعني لأني قلت في نفسي معصي أسامحهم..والمشايخه ماأقنعوني والبرامج كيف صديقتي!!
قالت لي سعد بن أبي وقاص كان مجاب الدعاء وترى كان يسامح ويعفواولذلك كان من أهل الجنة
كان الرسول -صلى الله عليه وسلم يجلس بين نفر من أصحابه ، فرنا ببصره الى الأفق في إصغاء من يتلقى همسا وسرا ، ثم نظر في وجوه أصحابه وقال لهم يطلع عليكم الآن رجل من أهل الجنة )000وأخذ الصحاب يتلفتون ليروا هذا السعيد ، فإذا سعد بن أبي وقاص آت000وقد سأله عبدالله بن عمرو بن العاص أن يدله على ما يتقرب به الى الله من عبادة وعمل فقال له لا شيء أكثر مما نعمل جميعا ونعبد ، غير أني لا أحمل لأحد من المسلمين ضغنا ولا سوءا )000
قالت: ابتهال بالآخرة ربك يقول للمظلوم أنظر خلفك وإذا نظر يشوف قصوووور من ذهب ويقول هل تعفوا عمن أساء إليك وراح يقول نعم وبتكون القصور اللي في الجنة له..تخيلتي معي فضل العفو والسماح فما بالك في الدنيا لوعفوتي وسامحتي بيجيك خييييير كثيييييير ورزق ويحقق ربي آمانيك
قالت ابتهال تكفين إذا دعيتي قولي اللهم أني عفوت وسامحت كل من ظلمني فاعفوا عني وسامحني وارزقني..
قلت طيب يمكن أقول كذا وقلبي فيه شئ اتجاههم
قالت أنا سمعت الشيخ يقول عند الصباح والمساء يعني مع الأذكار قولي مرة وحده
ربنا لاتجعل في قلوبنا غلاُ للذين ءامنوا>>>وكرري كلمة غلآ 8 مرات
قلت أن شاء الله
والله ماأن سكرت منها..حتى حنيت لكل ماأتمناه في الدنيا..وتذكرت اللي ظلموني..وش أستفيد إذا شلت في قلبي عليهم ..ودعيت وتحسبت عليهم!!!
هل يقارن بفضل وجزاء العافين..
توكلت على الله ورفعت يديني وقلت مثل ماقالت صديقتي
اللهم اشهد اني عفوت وسامحت كل من ظلمني فاعفوا عني وسامحني وارزقني..
وكررت مع الأذكار اللي قالت ...
وصليت في الليل ولافكرت أدعي على أحد أوأتحسب..أحلف لكم بالله أكتشفت أني مااااكنت أرتاح لما أدعي عليهم وأتحسب...بالعكس الحين عررررفت طعم الراااااحه الحقيقيه...
يالله ندمانه على كل الوقت اللي راح عليهم والتفكير فيهم....قلبي الحين نظيييييييييييف اتجاههم..أزعل شوي من الناس وبسرعه أنظف قلبي وأقول يارب عفوت عنهم واكفني شرررهم...
أنصحكم تجربون لوفترة بسيطه...راح تدعون لي..
بالذات اللي مقهورة من ناس ظالمينها أكيد بتقول مثلي:الله لايسامحهم..كيف أسامحهم..!!
أقول لها جربي..عشان نفسك وحياتك جربي,,
ويمكن تحصلين على رزق ونصر بسبب عفوك..

....
بندر حبيبي أشتقت لك يالغالي...

أشتقت لك واللي خلق حلو الإحساس
يامشغل قلبي وروحي وعيني...

حبي لك أكبر من هوى الناس للناستبعد..
تقرب..
أنت موجود فيني

أنت الحبيب اللي على العين والراس
قربك هوى قلبي
وأحلى سنيني !

 

[يافرح وينك]

أمة الله سامحيني ماشفت ردك الخير والردود الأخيرة ماشفتها
لأني كنت فاتحه الصفحه على إضافة رد...
امر الخيانه مافتحتها معاه..إلا اللي ذكرته في بداية قصتي..
يعني لاتبرير...منه وأنا كذلك ماتكلمت بجلسه هادئة عن الموضوع
يمكن لأن الموضوع مضايقني فما حبيت أفتحه
ولأني بمجرد قبلت في الرجعه له فهذا يدل أني سامحته لذلك ماقدرت أناقشه...
تنفيذ طلباتها أنا شايفه هالشئ وهويبرر ذلك بأولاده لايريد لهم العيش بعيد عنه...إذا طلقها مستحيل ياخذهم..صعبه جدا"..إلا لما يكبروا ويجوا بأنفسهم
وإذا على الوضع معاها..أنا شايفه أنه يتهرب منها إذا كانت موجودة في بيتها
ومشاكلهم كثيرة ألاحظ صراخ بالجوال وأسلوب موطيب..كأسلوبه معي..
كثير تجلس عند أهلها شهر..شهرين..ولاأحسه يفكر إلا بأطفاله
فأنا زوجته وشئ طبيعي أعرررف جيدا" إذا زوجي يحب ضرتي أو لا أوعلى الأقل هل مرتاح معها أو لا..كثير أمور أجده يبحث عنها معي ويمتنع عنها معها..
وطيبتي فعلا من حبي له ولأني أعرف ظروفه الماديه فأنا مااااأطيق أبدا أشوفه مهموم..وأتنازل كثير..بأن يعطيها مثلا مبلغ وأنا لا...

 

[يافرح وينك]

مزيونة يمكن ليش لا هههه

 

[يافرح وينك]

أمة الله فعلا مع مشاكلهم أنا ملاحظة ضعفه أمامها ولاأعرف السبب!!

 

[انا الملكة]

الله يفرح قلبج يا فروووحة

 

[جوهرة المشتاق]

اللهم قر عينيك بشوفته سالماودائما احتسبي الاجر عند الله تعالى​

 

[الواضحة]

الله يفرجها عليكي وترجعو لبعض مبسوطين

 

[أمةالله الضعيفة]

انا اعلم انه يحبك اكتر
ومرتاح معاكي اكتر وانك افضل
لكن انا عايزاكي تتذكري انها قدرت تخليه يخبي عليكي
ويكون بينه وبينها اشياء خاصة
وصلت للخيانة وقتها كانت هي ليست على ذمته اصلا
ولم يكن لها منها اولاد
حبه لكي لم يمنعه من خيانتك معها
وعدم راحته معها ومعرفته اياها على حقيقتها لم تمنعه من زواجها
وان ينجب منها اولاد (ولا اتصور ان يحدث ما يؤدي الى ذلك مع انسانة يكرهها ولا يكن لها اي مشاعر خصوصا مع وجود زوجة اخرى يحبها وهي انت )
وفوق ذلك هو ضعيف امامها
ما اقصده هو انه في مثل وضعك مع بندر الحب وحده لا يكفي
سؤال آخر أسأله لكي
لو كان خالد في موقف بندر وبعد أن رجعها طلبت منه سفر شهر
هل كان يطاوعها
ولو انتي طلبتي منه يعوضك مثلها هل كان يردك
او بمعنى اصح لو كان خالد وانت متاكدة انو يحبك ولا يحبها مثلك
ولا يملك سوى مصاريف سفر شهر
هل كان سفرها وتركك؟؟؟؟
وتذكري انه سفرها فورررررااااااااا ولم يتاخر
رغم ان هذا ضد رغبتك ولم يكن ليشجعه احد من اهله لو علموا قبل سفره
في انتظار ردك
وانا اشجعك على قرارك بالبقاء عند اهلك شهر
لازم تراجعي نفسك
استخيري وتوكلي على الله

 

[يافرح وينك]

أنا الملكه
جوهرة المشتاق
الواااااضحة
الله يجزاكم خير

 

[البرنسيسه2010]

الله يرزقك يافروحه ويوفقك ويعطيك كل الي تتمنينه

 

[نوني الدلوعه]

الله يسعدك ويفررررررررررررررررررررررررررج همك يااااااااااارب والله معك وان شاء الله تبشرينى باخبار زززززينه..

 

["ام يالا"]

الله لا يضيع لك عمل ويأجرك..
أدعي الله بصالح أعمالك وألحي بالدعاء..
الله يوفقك يادلبو

 

[قناديل الحب]

هلا فروحه انشغلت في العيد وتوي اتابع اخر الاحداث
لاتنسين صلاة الاستخاره فهي تيسر امورك وتسهل اتخاذ القرار
تمسكي بحقوقك ولاتتنازلي عنها وان لم تسمح الضروف‏(ا
لسفر‏)
فضعي شروطك واصري عليها اعانك الله وقر عينك برؤية بندر ورزقك الذريه الصالحه

 

[أحبك رسول الله]

أسأل الله أن يفرج همك وأن يحقق لك غايتك وأن يجمعك بزوجك على خير و حب دائم :32:

 

[ماريز]

ابتهال فرج الله همك واراك الحق حقا ورزقك اتباعه