بظف عفشي واترك بناتي المعاقات بسبب زوجي والشغاله

الله يعينك والله ماحبيت اطلع من غير مارد الله يكون بعونج ويجبر بخاطرج
 
سمو الأميرة قال:
على فكرة حتى انتي تصرفتي بشكل غلط لما زعلتيه عليج و صديتيه يعني انتي بايدج .. الزوج جنتك و نارك ..
عندي احساس انه حتى هو مش مرتاح و لا حاس بالسعادة لأنج انتي عبرتي له عن مشاعر سلبية تجاهه .. ليش ما تحسسينه بحبج بدال ما انتي تطلبين الحب و الحنان؟! .. كيف تريدينه يحبج و هو حاس انج انتي ما تحبينه .. يمكن هو ما يعرف يعطي حب و عاطفة .. ليش ما تعلمينه انتي ؟!
انصحج انج تحسبين تصرفاتج زييين ...صح ظروفج خلتج تعيسة لكن انسي الماضي و افتحي صفحة جديدة .. و بسسس خلاااص انسي النكد والشك و لعب دور الضحية .. كرهتي شريك حياتج في نفسج .. حتى لو كنتي ملكة جمال الرجل يريد زوجة تحبه بالقول و بالفعل ..
البسي و تمكيجي و خذيله هدية مع بطاقة اعتذار و عبري فيها انج تريدين تغيرين من نفسج و انج تريدين تكونين سعيدة معاه .. حتى لو ما كنتي غلطانه .. اكيد هو ماخذ منج موقف .. بس يكفي ألم و معاناة .. اقلبي نظرتج للحياة و شوفي الامور بايجابية ..خليج مبتسمة على طول .. مهما صار .. الحمد لله على كل حال .. تخيلي السعادة اللي ممكن تعيشينها معاه .. الموضوع اللي صاير هو مجرد سوء فهم .. لا انتي فهمتيه صح ولا هو فهم ..
لازم تكونين متفاهمه معاه ولا تتنرفزين من كلامه ابداً .. مهما قال خليه يتكلم على راحته و انتي ابتسمي و انسي السلبيات و قوليليه خلاص انا اريد افتح صفحة جديدة و انسى الماضي .. نقدر نكون سعيدين و سعادتنا بيدنا ..

و لو ما عطاج فرصة اترجيه بس هالمرة تحاولون تصلحون اللي بينكم ..
لكن قبل كل هذا انتي اقعدي مع نفسج و فكري انتي وييين غلطتي .. مستحييييل الغلط منه هو بس.. حاولي تتخطين سلبياتج و كل الامور اللي غلطتي فيها و عاهدي نفسج انها ما تتكرر .. لأن الطريقة الوحيدة عشان تتخطين هالأزمة هي انج تفهمين وين كان الغلط و تصلحينه ..
و الله يوفقج .. لا تنسين الدعاء لج و لزوجج .. ^_^
يمكن كنت قاسية شوي ما عليه .. بس لا تسمعين اي حد يقول لج خلي بيت زوجج .. هذا هروب مش حل
أنقر للتوسيع...


كلماتك رغم قسوتهااوقفتني كثيرا
هل معقوله اكون انا سبب قسوته?
هل انا سبب كرهه لي?
هل وهل وهل
اختي
لا اخفيك اني قرات ردك بدل المره 3
وبحاول فعل ماذكرتي

احيانا افكر ان عصبيته وزعله
وهواشه بسبب السكر
لاني دائم اسمع ان مريض السكر يعصب بدون سبب
ماادري
ماادري
انا نفسي متلخبطه
 
طلبنا منه اليوم الخميس يطلعنا البر
وطلعنا واصروا انهم يلعبون بالدبابات

بنت الاولى المصابه عمرها عشر سنوات
ولكن للاسف
لا نموها ولاعقلها بعمرها
المهم هي الي خلته يرضى ويركبهم
واخذ لها دباب اصغر شي
بس البنت من يوم ركبت
حطت يدها على البنزين
وطاااااااااااااااااااااار فيها

انا كنت راكبه بالسياره
شفته يركض وراى الدباب وامسكه بس بسرعة الدباب اسحبه على الرمل وانطلق الدباب بالبنت لانها من خوفها وصراخها مااقدرت توخر يدها
انا من خوفي طلعت من السياره
والدباب صار بوجهي
كنت ابي اوقف بنتي لو اموت
وفعلا
صدم فيني الدباب وباب السياره
ووقف
تخيلو موقفه بذي اللحظه
وصل بسرعه كنت انا طايحه بالارض
والدباب صدم بباب السياره








شال بنتي من الدباب
وقالي قومي بسرعه ادخلي السياره
الناس اجتمعو

وسحبت رجلي ودخلت على
هواشه لي
باني غبيه
كيف اوقف بوجهه الدباب
وليش افتح اصلا باب الساره
قال الشرهه على الي طلعكم
مالام نفسه انه كان المفروض يركبها مع اخوها
او يركب معها
ماسالني تعورتي او لا
وربي يابنات
اني يوم وصلت البيت فسخت نعالي الله يكرمكم علشان اعرج
والا ذي اللحظه وهو يطلع غرفت بنتي يطمن عليها
ويقول اقري عليها اكيد خافت
وشايفني لافه رجلي وماسالني ويش صار
قولولي انااااااااااااااااا غلطاااااااااانه??????????
 
عورتي قلبي
سلامات ماتشوفين شر يالغاليه والحمدلله انها جات ع كذا
يمكن لانه خاف عليج ولانج تهورتي في ظنه يوم بغيتي توقفين الدبابه
الله يعينج يالغاليه ومالج غير الدعااء والصبر وكله اجر
 
الحمد لله ان ردي خلاج تعيدين حساباتج ..
و سلامااااااااات ما تشوفين شر..
بس على فكرة ، لا تفكرين وااايد في مسألة انه ما يحس فيج او أنه ما سأل اذا انتي بخير ولا لا .. لأنه من الأساس الأمور بينكم متوترة و يمكن خوفه على البنت أكثر .. و بعدين هو متضايق منج من قبل فحتى لو خايف عليج الحين ما بيبين هالشي .. لأنج جرحتي كبريائه من قبل فما بيتعاطف معاج الحين لأنه يمكن في باله ما تستاهلين التعاطف ..
اهتمي بنفسج الحين .. و اعتذري له عن الموقف و الاحراج اللي صار قدام الناس و اشرحيلي له اضطريتي تسوين هالشي لأن الوقف ما سمح لج تفكرين على طول تصرفتي بغريزة الأمومة عشان تحمين بنتج .. ولا تلمومييييينه ابداً ابداً و إلا بيزيد حقده عليج..
 
طبيعي مايسال عنك لان الرجل عنده كبرياء وبما ان الجو متوتر ماراح يسالك
لكن الحي على الله بالدعاء والزمي الاستغفار
 
حاولي تقربين منه اما بخصوس البنات فالقناعة كنز لازم تلرضين بالامر الواقع وتتحملين
 
وانا اختك بناتك وش ذنبهم إذا كان تقدرين تاخذينهم معك ولا اجلسي عشانهم حرام عليك هذولي قطعة منك وادعيله بالهدايه وحاولي تجيبين شغالة من جنسية ثانية يعني سيرلنكية ولايكون به اي علاقة والله يكون في عونك
 
انا اقول مثل( محرومه من زوجي)بس قبل ماتروحي عنه خوذي دليل عليه علشان اذا طالب بالاطفال​
 
الله يعينك و يفتحها عليك بلفرج القريب
خليك ويا بناتك و ارجعى لوظيفتك و خليه لاتجلسين وياه بمكان واحد اتركيه بينى انك ماوهامك ابد و انتى مو فاقده شى مهم و قومى بواجبه اهتمام و اتركيه
والشغاله قولى لها كذبه لان الكذب لصالح زوجك حلال قولى لها انو زوجك مريض و خوفيها منه و خليها ترتعب وقولى لها اي شى يبيه منك تجبينه قولى له لا واهربى لانه هو ممكن يسوى لك شى خوفيها و قولى لها انا احبك لانك تحبين بناتى و لازم اقولك علشان مايصير شى لك خطير قولى ممكن يضربك اى شى عطيها صوره انه مررررره مريض

وعيشى حياتك بسجادتك و دعواتك له و لك و لبناتك و خليكى قويه قدامه و اظهرى له انك مهتمه بنظام لبشرتك او جسمك يعنى انو انتى عااايشه يومك بدونه و خليه بحسرته وربى يهديه لكم و يحنن قلبه عليكم
 
محرومه من زوجي قال:
حبيبتي انا متابعه لك
وزوجك تخلى عن بناته اللي من صلبه
ومو عاجز يهينك
حبيبتي اذا تبين الراحه
روحي لمدينتك وارجعي لوظيفتك
وخوذي الشغاله وبناتك معك
واحتسبي الاجر لبناتك
واعتبري زوجك ماله وجود بالحياه
والزمي الاستغفار والحي بالدعاء واقراي البقره يوميا
والله راح يرجع لك ذليل باذن الواحد الاحد
يعني لما جلستي عنده ماتغير الوضع
عشان كذا ابعدي عنه اريح لك
الله يسخره ويرده لك ذليل يااااااااارب
أنقر للتوسيع...




بصراحه انا مأيده لكلام الاخت ولك مني اجمل دعوه والله يصبرك على بلواك
وحاولي تشغلن نفسك بعملك وبناتك لعل وعسى يجيه تأنيب ضمير ويعود لك ولبناتك
 
الله يعينك حبيبتي ....

شوفي اول حاجه تسوينها امنعي الشغاله تنزل عنه نهائيا

وانتي لا تطاوعيه دامه ما يطلع عندك انتي انزلي له تحت

واجلي على قلبه حتى لو قال بنام خليك عنده ولا تروحي عنه

دام بناتك عندهم الشغاله

الله يقوي صبرك ويبعد عن قلبك الهم والضيق يا رب العالمين ويشفي بناتك
 
الله يعينك والزمي بيتك وقومي على تربيت بناتك لاتكونين انت وابوهم والمرض عليهم
الله يجزاكي كل خير وهذولا اولادك وانت ارحم بهم من غيرهم
صدقينى ما تقدرين على بعدهم ابدا
الله يهون عليك
 
زوجك هو جنتك ونارك ......
سعادتك بقربك منه وحسن علاقتكم مع بعض وهذا اللي انتي في قرارة نفسك تبينه وتتمنينه
لاني احبك ومن واقع تجربتي بفيدك باللي عرفته ....المرأة تقسي الرجال عليها بتصرفات عفويه منها اجبرتها ظروفها تسويها
اتوقع زوووجك يتمنى اضعاااف ماتتمنين من حب وعطف وحنااان
لذلك انتي اولا ابدأي بالعطاء وكوني الصدر الحنوون واعلمي ان الشيطان لك بالمرصاد يتربص لاتعطينه فرصه كافي ماعطيتيه من فررص
من النقاط اللي يمكن جعلت حياتك جحيم اولا بعدك مده طويله عنه لاجل الوظيفه وهذه تعتبر ضربه نفسيه قويه على رجولته ومكانته لديك لانك اثبتي له انك مستغنيه عنه فلا بد ان يرد ولو امام نفسه اعتباره
ثانيا تركيز اهتمامك ببناتك وابنائك وانشغالك عنه بكثرة مسؤلياتك
ثالثا وهو الاهم ردة فعلك تجاه صده بصد مماثل تعطيه شعور بانك ند له في الرجوله والقسوه والرجل يحب المراة الهينه اللينه الضعيفه المنكسره
بيني له مدى احتياجك له وليس استغنائك عنه عبري عن حبك له الذي شعرت به بين اسطرك ولا تنكريه فانه الخيط الرفيع الذي سيوصلك باذن الله الى الحياة الهادئه
اظهري شعور التعب من المسؤليه تجاه بناتك وعجزك عن القيام بذلك لوحدك وانه قد حان وقت المشاركه ولكن بحب وحنان وانكسار
ضعي كرامتك في شنطه حديدي واقفليها بالمفتااح وارميه في البحر .....كرامتك في انوثتك وانكسارك تحت ظل رجل محب وعطووووف
هاأنت جربتي ان تقفي لوحدك ومعك مظلة الكرامه التي لن تظلك يوما امام رياح الحياة الزوجيه
ارجوا ان تجد كلماتي طريقها الى قلبك وان ينفع الله بها
وجعل ماواجهتي من احزان والام وقسوة حياة في موازين اعمالك واثابك وفرج عنك همك وازال غمك وابدله فرحا وغبطة وسرورا
 
الله يعينج يااارب ويهدي زوجك قلبي تقطع عليج.....

وش ذنب البنات يحليلهم لو خليتيهم عند ابوهم راح يحطهم بمستشفي المعاقين.....

لو هو مو قد المسوليه ...احتسبي الاجر من عند ربج والله يوفقج حبيبتي....
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل