بطني كبر !

[شباصه]

السلام عليكم ورحمة الله وبركاته



بناااااااااات انا الحين في الشهر الرابع وبطني ماشالله كبراان يعني يتلاحظ اني حامل

امم ما اعرف لي احس يوم اكون قاعده واوقف أفي شد داخل بطني ويوم اتثاوب احس كان بطني ملياااااان ما اقدر اخذ هوا وايد والا بنفجر !!
ويوم ابا اخذ شي من الارض احس بشد في بطني ويوم اقوم من النوم نفس الشي :crazy:

هل هذا طبيعي لان بطني كبر والا شو !!

 

[عطر مطير]

ماشالله عليك
والله ماعندي خلفيه ان شالله يفيدونك البنات بس اكيد لانو بطنك كبران...!
تدرين انا داخله 6 شهور ماشالله والكل يقول وين بطنك
وانا متحطمه حييييييييييييييييل احس حلات اول حممل بالبطن بس ان شالله يكبر فالكم شهر الجايه........!

 

[مشاعر مهمله]

هذا طبيعي يمكن عشان بطنك بدا يكبر بس راجعي دكتوره اذا متخوفه

 

[أحساس دافئ]

ان شاء الله مافيك الا العافيه ياحبيبتي بس تاكدي من الطبيبه

 

[ساكبت العود]

يمكن لك بطن من قبل الحمل ومع الحمل زادت ان شاء الله مافيك الا العافيه

 

[عطاء بلاحدود]

شي طبيعي ...وحجم البطن يختلف من مراة لاخرى

 

[بقعة ضوء]

طبيعي وضعك حبيبتي

وكل وحدة يختلف حجم بطنها عن غيرها ...بعض الحريم بالشهرالثامن يبرز بطنهم وبعضهم من الرابع ..

ومسألة الشد اللي تحسي فيه طبيعي لأن الجنين بمرحلة نمو والرحم يتوسع ويكبر عشان الجنين ..

لا تخافي إن شاء الله طبيعي الوضع وإذا معك موعد قريب تأكدي من الدكتورة ..

 

[rsel2008]

طبيعي الله يتمم حملك وتغر عينك

 

[coffee]

هلا اختي شباصه...على فكره انا وانتي بنفس الحمل ونفس الفتره ونفس الرغبه بانجاب الولد الصالح لي ولك ان شاء الله تعالى..
حبيبتي الله اعلم ان الوضع طبيعي حتى انا بطني كبيره قياسا لحملي السابق سبحان الله كل حمل يختلف وبرضه بشعر بالشد الي تقولين عليه وانا عندي الثلاثاء مراجعه عند طبيبتي وراح اسالها عن الموضوع بس ان شاء الله انو خير عزيزتي.....وما في الا العافيه بس ها شباصه ترا احنا خلصنا الرابع خلاص ودخلنا الخامس...لا عاد تقولين رابع لاني ما اصدق ويمر يوم ولا شهر ويوم اولد هذا عيد.....الله يقوم كل حامل على خير وسلامه هي والي ببطنها ان شاء الله وانا وانت...

 

[شباصه]

انشالله يكووون طبيييعي مشكورلات خوااتي

اختي كوفي انشششالله بس يوم تتأكدين خبريني عشان ارتاح موعدي بعيد على الشهر الجاي ماروم اتنظر

 

[نعوٍِوٍِمه]

انشاء الله خير

بس يمكن حامل بتوام خيتوو

لانه وحده من قرايبنا كانت حامل بتوام وتحس بثقل بالبطن وصعوبه بالتنفس وبطنها كان كبير وكل شهر تراجع وكل مره يقيسون نبض جنين واحد
لا هي ولا الدكتوره تدري انها حامل بتوام الا بالشهر الثامن تصورو عرف انها حامل بتوام

 

[دانة_بوظبي]

كل جسم يختلف عن الثاني ..

وكل حمل يختلف عن الحمل الثاني ..


اانا عن نفسي .. بطني مابين الا اخر السااادس .. يعني توه .. والكل يسألني وينه ؟؟؟

وكنت محتشره اباا بطني يطلع شوي عشاان ادلع باللبس لووول ...

 

[doneaadnan]

اذا بطنك بس هو اللي كبران
فهو طبيعي جدا
وربي يكتب لك الخير
اما اذا جسمك متورم كامل
فلازم تروحي للطبيبة
لانه كبر البطن مع تورم الاطراف والوجه علامات سيئة
ربي يحفظك ووليدك

 

[بيثوا]

ياسبحان الله انتي مثلي تمام انا فارابع وبطني ماشالله كبير بس فارغ من الجونب واحسا كبير من فوق

 

[حصريا في بلقيس]

ينقل لقسم الإستشارات