بسررعه للي مرت عليهم وذوات الخبره

أ

أستغفررالله

New member
إنضم
2010/06/08
المشاركات
103
السلام عليكم ورحمة الله وبركاته


بنااات إختي عمرها 18 وخطبوها ناس لولدهم والولد عمر ه 19

وبصرااحه مدري الظاهر الوالده تبي تزوجها قلت بستشير البنات


فيه حد مرة عليهم نفس الحاله قريب ولا أخ

يعلمني وكيف حالهم مشت ولالا:9:
 
حرام بعدها صغيره وخاصة الشاب بعده مراهق
​
 
قال الرسول صلى الله عليه وسلم :

" من أتاكم من ترضون دينه وخلقه فزوجوه " أو كما قال عليه الصلاة والسلام

والعبرة مو بالعمر العبرة بالأخلاق والدين والمسئولية ..

فإذا شهد له بأنه كفوء وقد المسئولية ويقدر يتحمل الزواج ومسئولية بيت وزوجة وعيال

فليه لأ الله يوفقهم ويسعدهم ..

أما إذا كان تفكيره تفكير مراهقين ومش تبع مسئولية فالباب يفوت جمل

والطريق قدامها طويل ..

وخليها تستخير رب العالمين قبل كل شيء

 
كيف حبيبتي جروح بأن العبره مب بالعمر
العمر له دور يعني شاب عمره 19 هل تتوقعين ان بيكون قد المسؤليه ويقدر يتحمل الزواج وخاصة شباب هالزمن
​
 
جتكم عزيزةأم الاراااااء السديده
احم
شوفي اول تستخير
واسألو عن دينه واخلاقه اما العمر والله ان فيه شباب من هالعمر عنده عقل ابو 30سنه وابو الثلاثين ماعنده حتى اسلوب فالكلام لاتناظرين مسأله العمر اذا بالمدرسه او بالجامعه يملك الحين وبس يتخرج يتزوج والبنت نفس الشي توكلو على الله اخوي بنفس عمره خاطبين والبنت بعد نفس عمر اختس والحين هو بالجامعه بس يتخرج بنملك له والزواج مع الوظيفه ان شالله
 
والله افضل اذا كان كفوا واختك عاقله وفاهمه
بعد الاستخاره توافق طبعا
<<لأن قريبتي في عمرها وتوها احسها مطفوقه يعني توها مابعد ركدت والله ماكملت سنه وتطلقت
يعني انتبهوا قبل يطيح الفاس بالراس
والله يكتب اللي فيه الخير
 
يعتمد على عقليته
1-امكن عاقل و امه بتفرح بيه و هو اراغب الزواج
2-و امكن طايش و امه بتعقله بالزواج
اذا شفتو انه الاول زوجوه و توكلو على الله و اما اذا التاني فاصبرو عليها بيجيها الاحسن وبلاش تروح ضحيه العباره المشهورة

زوجي ولدك الصايع يعقل​
 
نصيحتي لك لا تقبل
اولا انا تزوجت وعمري 18 والله ندمت ندم عمري على الرغم ان كان زوجي عمره 27 لكن تعبت تعبت بمعنى الكلمه
ثانيا الولد باقي صغير ومارح يتحمل مسؤوليه نهائي رح تتعب معه كثير مره مره
واختي زوجها عمره 25 وهي اصغر منه بسنه لكن باقي تصرفاته غير مسؤول لا عن بيت ولاعن اطفالهم
 
انا باقولك سالفة جيراننا الام والاب موسوسين على ولدهم من الانحراف وهو صديق اخوي من يومهم صغار في الحاره ويمدحه ويمدح اخلاقه ومع ذلك زوجوه وعمره 19 سنه وتوه يدرس من وحده يتيمه برضه في نفس الحي وعمرها18 وامها تبغاها تنستر وتكون قريبه منها وطبعا سكنوا مع اهله لكن كان يقول لاخوي مااحس اني رجال وقد الزواج واستحي من البنت اني حتى المسها احس انها زي خواتي وكانت امه تكرفها في المطبخ وماتحط لها قدر وهو مع خوياه برا البيت وفي الاخير مارضت امها باللي يصير لبنتها ورجعت البنت لامها وتحلف امها انه طلقها وهي بكر مالمسها وكتب هالشي في صك طلاقها والولد بعد ماتوظف وصار عمره خمس وعشرين تزوج وعايش مبسوط ماشاء الله وكذلك البنت تزوجت وتوفقت . فحتى لو البنت صغيره والرجال فوق العشرين نمشيها ونقول تفكر لكن الزواج دون العشرين زواج اطفال خاصة في هالزمن اللي ماحد يتحمل فيه المسئوليه ............نصيحه لاتزوجون اختك مراهق ..الرجاجيل اللي يقال ناضجين يالله يدبرون بيوتهم ويتعاملون مع زوجاتهم ويخططون لمستقبل عيالهم ..كيف عاد ولد صغير يبون اهله يمنعونه من الانحراف يوهقون اهلك فيه المفروض يزوجونه وحده اكبر منه عشان تتوازن حياتهم مو وحده صغيره ماعندها خبره في الحياه ........وبعدين مع موضة زواج القصر! المفروض يضعون سن 21 سن قانوني للزواج للرجل والمرأه كحد ادنى ويتركون المقارنه مع الرسول الكريم والصحابه ......ليصاروا مثل الرسول واصحابه وفي مثل اخلاقهم وفي تمسكهم بالدين يقارنون ....وليش نروح بعيد ...ليصاروا مثل ابانا واجدادنا قبل سبعين سنه يتزوجون في سن صغيره مافيه مشكله لانهم كانو رجال ونساء يتحملون المسئوليه ...هذا راي شخصي واختك انصحيها تستخير توها صغيره والعمر قدامها.
 
الزواج صعب وتشوفون كبار بالعشرينات والثلاثينات ودايخين كيف يمشون حياتهم وامورها, طيب اذا كانوا بعمر 19 شلون يكون حالهم...اشوف انو افضل حل هو الاستخارة...وعدم الاستعجااال...التروي والتمهل افضل طريقه لكشف حقائق الامور...وموفقين
 
نصيحه -----لاتتزووووووج ------الزواج مسؤليه عظيمه والشاب اذا اقبل على الزواج لابد ان يكون متحمل الزواج وتوابعه --خاصة في هذا الزمن000

والاولين كانويزوجون عيالهم لان ماكان هناك فتن من المزرعه للبيت ومن البيت للمزرعه واذا اقبل على الزواج يقبل على هدف هو ان يحصن نفسه ويبحث عن الاستقرار والسكينه وزوجه تخدم امه وابوه وعيال وذريه صالحه عيشه بسيطه جدا


لكن في هذا الزمن اغلب اللي يتزوجون في سن مبكره يفكر ان الزواج جنس فقط لكن لما تنتهي السكره وتجي الفكره تلاقين المشاكل وعدم تحمل المسؤليه والشاب يبغى يعيش بترف وما يكون فيه احد يقيد حريته مع اصدقائه وسفراته وروحته وجيته000
لذلك انا كام مستحيل ازوج ولدي الا بعد ان اشعر انه تحمل للمسؤليه ويتزوج في سن معقوله من 25 سنه تقريبا
وبعد ان يتحمل مسؤليته تجاه زوجته وعياله 000
وكثير من تزوجوا في سن صغير تجدينه اذا بلغ سن الثلاثين عددويبحث عن الثانيه 0000 لحاجه في نفسه لايدركها ولايشعرها الاهو 000والله المستعااان
 
اختي رزينه وعاقله تزوجت بعمر الـ 18 وزوجها عمره 20 والحمد لله عايشين مبسووطين ..(من جاءكم من ترضون خلقه ودينه فزوجوه )
..
..
وبالتوفيق ياارب..​
 
ياربي انصرني قال:
نصيحه -----لاتتزووووووج ------الزواج مسؤليه عظيمه والشاب اذا اقبل على الزواج لابد ان يكون متحمل الزواج وتوابعه --خاصة في هذا الزمن000

والاولين كانويزوجون عيالهم لان ماكان هناك فتن من المزرعه للبيت ومن البيت للمزرعه واذا اقبل على الزواج يقبل على هدف هو ان يحصن نفسه ويبحث عن الاستقرار والسكينه وزوجه تخدم امه وابوه وعيال وذريه صالحه عيشه بسيطه جدا


لكن في هذا الزمن اغلب اللي يتزوجون في سن مبكره يفكر ان الزواج جنس فقط لكن لما تنتهي السكره وتجي الفكره تلاقين المشاكل وعدم تحمل المسؤليه والشاب يبغى يعيش بترف وما يكون فيه احد يقيد حريته مع اصدقائه وسفراته وروحته وجيته000
لذلك انا كام مستحيل ازوج ولدي الا بعد ان اشعر انه تحمل للمسؤليه ويتزوج في سن معقوله من 25 سنه تقريبا
وبعد ان يتحمل مسؤليته تجاه زوجته وعياله 000
وكثير من تزوجوا في سن صغير تجدينه اذا بلغ سن الثلاثين عددويبحث عن الثانيه 0000 لحاجه في نفسه لايدركها ولايشعرها الاهو 000والله المستعااان
أنقر للتوسيع...




مثل ماقلت اختي اذ انتهت السكره واتت الفكره بتلاقينهم مو قد تجمل اي مسؤلية

وعمر18 و19 فترة مراهقة

وخليها تستخيار لو الله كاتبه لها بياخدها غصب على الناس -ولو ماهي من نصيبه ماراح تاخده​
 
والله ياحبيبتي احس ان التجارب في هالموضوع ماتهم (( مع احترامي الكبيــــــــــــر لآراء أخواتي )) لأن هذا يعتمد على شخصياتهم اثنيناتهم .. واذا انتي تقولين اختك رزينة وعاقلة وقد المسؤولية .. فبإذن الله راح تكون قدها وقدود .. كثيـــــــر تزوجوا بعمرها وعاااااااقلات وماشاء الله من اسعد الناس وانا اعرفهم شخصيا ..
وما بقى عليكم الا الولد ( وهذا شي يبيله رواااااااقة وتحررري ) عشان تتأكدون انه قد الزواج والمسؤولية ..
لأن اختك الصراحة عادي عمرها .. بس هو احسه صغير ولاازم تتأكدون.. والله يوفقهم ويكتب لهم الخيرة ..
ولا تنسون الاستخارة وهذا الأهم ..
 
اول شي عمرة صغير ومو قد المسؤلية ثاني شي ما عندة وضيفة يعتمد علية من وين يصرف علا اختك ولا بيجلس عالة علا اهلة والله صعبة وها الزمن الطلبات يا كثرها وبعد وبعد اذا جابت عيال
يعني ما يصلح ها الزواج وهي توها صغيرة وان شاء الله يجيها احسن منة
 
ما احس العمر شرط يعني في ناس كبااار عقولهم صغار وبعدين وين راح تسكن شكله توه طالب

انا احس اذا كانوا اهله اللي غاصبينه يتزوج فالله يخلف عليها

انا تزوجت وعمري 18 وزوجي كان عمره 20 والحين عمري 24
والحمدلله مبسوطين

لان زوجي هو اللي كان يبي يتزوج ما احد غصبه

ما اقول انه حياتنا ورديه ومافيها مشاكل بس الحمدلله كلها مشاكل بسيطه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل