بستشيركم بزواج اخوي

[لولو النعيمي]

مرحبا بنات

والله هالموضوع صارله فتره ماثر فيني اخوي متزوج وعنه عيال صارله 3 سنوات يقول لنا اخطبولي واحنا مطنشين مع ان مرته مقصرررره معااااه واااايد وصار فتره طويله تنام في غرفه وهو في غرفه امي نصحتها وانا وخواتي نصحناها قلنا لها الرجال يحب المره النظيفه والي تكشخ له لكن مافي فايده لاحياة لمن تنادي!!!

وصارله فتره يحن علينا يبي يتزوج واخيرن امي لقت له وحده بس احنا خواته مش مقتنعين ان يتزوج الثانيه لان احنا مانرضاها ع نفسنا يعني مانرضاها ع غيرنا خايفات ربي يبيلنا بازواجنا وفنفس الوقت خايفين عليه يروح فالحرام

وقال حق امي مراح اخطب لين خواتي يشوفون العروووس وانا وخواتي شايلين يدنا من الموضوع !!

عطووونا راايكم

 

[ديمة الشوووق]

طيب ليش ماتقولون له ان فلان مبلشنا يقول دوروا لي
والحين لقى المره ويقول شوفوها
غديها تتحرك وتفز
كخ
احيانا المره تدور رجال
واحيانا الرجال يبي مره سنعه

 

[نقااء الثلج]

اذا هي مو مهتمه فيه وهي بغرفه وهو بغرفه شو تتوقعي منه والله معاه حق اذا فكر يخطب لو هي مهتمه كان لحقت نفسها قبل لا يطيح الفاس براس انتو انصحوها يمكن تعدل من روحها

 

[تاج راسه]

3سنوات وعايز يتجوز تاني
يا لهوي
هي الرقالة حصللها ايه
ما يغور هو يقوللها وانت وامك وخواتك اطلعو منها بس
حاقة تقرف

 

[doonat]

قوليله انت صاحب الموضوع يعني انت رح شفه بالنسبه لزوجته زعله زعله عليكم سواء خطبتوله او شلتو ايديكم من الموضوع

 

[لولو النعيمي]

ديمة الشوق .. هي تدري انه ناوي يخطب

نقاااء الثلج ..ملينا ننصحها بس نحس مافي فايده مع انها كبير ه فالعمر عمرها 31اكبر مني بعشر وامي انصحتها بس مافي فايده والله

تاج راسه ..هو صارله متزوج من 10 سنوات وفكر بالزواج من 3 سنوات

دونااات..هو طلب منا لنه يثق فينا وبذوقنا بس احنا رفضنا

 

[ملآمح طآغيه]

انا من رايي
دامكم خوات رجل ماشاءلله تبارك الله
الله يسعدك ياربي
ويوفقكم لحسن نيتكم صراحه
ماعرفك لا انتي ولا اخوتك بس حبيتكم لوجه الله
يعجبوني الي يحبون لانفسهم زي مايحبون لغيرهم
والانانيه متجرده منهم
الله يديمكم ع هالطبع

ف انا اقول دامكم كملتو معروفكم ونصحتوها
باقي تنبونها وتنصحونها
وتقولون لها بالصوت الصريح
اخونا يدور بنت ويبي يتزوج
وامي لقت له
واحنا يا خواته مانبي نروح نشوف
ف الله يخليك تغيري كانك تبين تحافظين ع مملكتك
لانو اذا ظغطنا اخوي وكيذا ماندري وش بتكون ردة فعلنا

وظحو لها لا يصير ولا يتم الزواج بدون ماتوظحون هالنقاط
لعل وعسى تخاف من فكرة الزواج وتتغير
لاني بجد ماايد في مساعدة الولد بتزوجيه زوجه ثانيه
وخاصه من اهله

​

 

[لولو النعيمي]

ملامح طاغيه تسلمين فديتج هذا من طيب اصلج والله حتى احنا ماودنا بان يتزوج الثانيه بس هي الله يهديها كبيره بس عقلها صغيير اخوي يكسر خاطرنا بس بعد مانأييد زواجه ..بقولكم موقف صار قدامنا من اسبوع اخوي كان راجع من المستشفى مسوي عمليه ولما وصل البيت كلنا رحبنا فيه وتحمدنا له بالسلامه الاهي تقوله اففف ريحتك خايسه تخيلوااا!!!(انها تنكت يعني ) احنا انصدمنااااا كسسسر خاااطري اخوي طلعت من المجلس والدمعه بعيني

 

[تشكرات]

قـــــال عبدالله بن العباس حبر هذه الأمّه :

( أعـــــــــــرف ســـــوء أخلاقـــي من تعــامل زوجتــــي

لــــي ودابتـــي ..) ..أو كما قال رضي الله عنه ..

يا أختي الفاضلــه ( الرجل وحده هو من يستطيع أن يجعل زوجته

نظيفه ومرتبه وسنعه وعلى استقامه ..وكلّ صفه طيّبه ) ..

وهذا يحصل ( اذا أخوكــــي ..كان طيّب وعقد العزم على اصلاح

نفسه أوّلآ ...وبالتـــالي ينعكـــــس هذا على زوجتـــــه ...!!!

أرجـــــو أن تكــــونـــي فهمتــي مقصدي وكلامـــــي ..!!

الظاهر والله أعلم ان أخوكي ( يبغى يجدّد ويغيّر ) ,,والا أين كان

كل هذه الفتره ..عن أخطــــاء زوجته ..؟؟...

نصيحتي لك ولأخواتـــك ( أن ترفعوا أيديكم عن هذا الأمـــر ) حتى

لا تدعــــي عليكم زوجة أخيكم ..

يمكن أن تكــــــون زوجة أخوكـــم مقصّره في أمورها مع زوجها!!

لكن هذا لا يعنــــي أنها لا تنفع ولا تصلح ..فهي ( بشر )

وكلّ البشر خطّاؤون ...من منّا ملاك ..؟؟..

هل أخوكـــي ( ملاك ..؟؟) ..اللـــه يهديـــه ..

 

[اسيرة فكري]

انتو علموا زوجته انه بيزوج عليها وامك الي ماترضاه لبنتها ليه ترضاه لبنات الناس واقل حاجه انكم ماتساهم بالموضوع لا من بعيد ولا من قريب بكره زوجته تقعد من نومتها ويقول لكم انتوا الي شجعتوني وخربتوا حياتي والله هالرجال عله اذا جاوا يزوجون يدورون اهم شي جميله وصغيره ويغضون النضر عن الاشياء الثانيه وبعد الزواج يبون كامله يعني هي معادله والزايد منى ناقص منى الله يهدي من خلق

 

[محبة مكة]

ممكن محتاجة كلمة حلوة من اخوك
ايضا انصحوا اخوككم
وقولوا طيب سفرها
غير لها الجو وهية بنرد لك الجميل
وخلي اخوكي يهتم فيها
وما يجرحها

 

[محبة مكة]

وهية بتردك الجميل
تصحيح الخطا

 

[هموسآ]

اختي

يمكن اخوك فيه عيوب وهي ماتتكلم,

زي مايشوف عيوبها يشوف عيوبه

لي مايحاول هو يشد بيدها ويغيرها’, يوديها دورات , ندوات محاضرات للازواج ويعدل من حالها, الله يصلحهم

يدخلها دورات تجميل وغيرها ويثقفها يخليها تنشغل باهتمامات تعجبه ويعطيها من الكلام الحلو الين تتعلم منه,


وقولوا لها انه بيتزوج وامي خطبت له يمكن تفوق شوي​

 

[لولو النعيمي]

تشكراات ماقولج ان اخوي ملاك يمكن غلط في اشياء ماادافع عنه والله لنه اخوي بس ,مستحييل رجال يروح يقوول لمرته سويلي !!دايمن الرجال يحب المره تجيه جاهزه مب يعلمها شتسويله مع ان احيانا يقولها انا ماحب هالشي لاتسووينه وتجي تقولنا بنفسها انه هو قالها انا مابيج تسووين هالشي تروح تسوي العكس مثلا يقولها مابيج تصبغين شعرج اسود ماحبج بالاسود تسوي العكس وهو هاااااااااادي مايحب يتشكى لحد ومب من النوع الي يعصب والله من الهموم صللع وكل شوي يمرض علينا

 

[عذب اللمى]

لولو النعيمي
زوجة اخوكي هذي بارده و تدري ان زوجها يبي يتزوج عليها و ساكته ماغيرت من طريقة تعاملها و لسا تنام بعيده عنه ولا همها ولا زعلت ولا شي خلاص ليش انتي خايفه الله يبتليكم بأزواجكم حبيبتي مو انتوا اللي قاعدين تزنون عليه يتزوج عليها هو اللي يبي يحس برجولته يعيش مع زوجه تهتم فيه خلوه مسكين يتزوج واخطبوله وزوجته هي راضيه اصلا لو مو راضيه وخايفه عليه كان عدلت من نفسها و على العموم قبل ماتخطبون له اقعدوا معاها قولو شوفي زوجك يبي يتزوج عدلي من نفسك من الحين وغيري معاملتك معه وناديه ينام معك بغرفه وحده و لا احنا بنزوجه مانبيه يروح للحرام
وشوفوا اذا قالكم بعدها على نفس الحاله زوجوه و خلوه يرتاح
هذا راي لولو وانتوا سوو اللي تشوفون فيه الخير
"""""""""""""""""""""""""""""""""​

 

[ندمانة حيل]

سبحان الله

واحدة مهملته وتنام في غرفة لوحدها من كيفها مو هو اللي طردها
ونصحتوها ما فيه فايدة وتدري انه بيتزوج كمان عادي وفوق كذا تقولون حرام يتزوج عليها ليه مو ماله حق يعيش مع وحدة تريحة


والا تنتظرون الين يهج لبنات الحرام وبعدين تقولون خاين وما يخاف الله


انا لو كذا ......وتزوج زوجي بعد الشر...ما راح الوم الا نفسي
زوجة اخوك تتحمل نتيجة برودها واهمالها

 

[الزوجه الاولى]

انا من رايي

دامكم خوات رجل ماشاءلله تبارك الله
الله يسعدك ياربي
ويوفقكم لحسن نيتكم صراحه
ماعرفك لا انتي ولا اخوتك بس حبيتكم لوجه الله
يعجبوني الي يحبون لانفسهم زي مايحبون لغيرهم
والانانيه متجرده منهم
الله يديمكم ع هالطبع ​

ف انا اقول دامكم كملتو معروفكم ونصحتوها
باقي تنبونها وتنصحونها
وتقولون لها بالصوت الصريح
اخونا يدور بنت ويبي يتزوج
وامي لقت له
واحنا يا خواته مانبي نروح نشوف
ف الله يخليك تغيري كانك تبين تحافظين ع مملكتك
لانو اذا ظغطنا اخوي وكيذا ماندري وش بتكون ردة فعلنا​

وظحو لها لا يصير ولا يتم الزواج بدون ماتوظحون هالنقاط
لعل وعسى تخاف من فكرة الزواج وتتغير
لاني بجد ماايد في مساعدة الولد بتزوجيه زوجه ثانيه
وخاصه من اهله ​

كلام الاخت صحيح ومقنع

 

[الزوجة الأولى]

يا عمري
اكيد جاهلة ما تعرف هذه الامور
اعتبريها اختك وانصحيها وعلميها من غير ما تجيبين لها طاري اخوك

 

[الزوجة الأولى]

يا عمري
اكيد جاهلة بهذه الامور
اعتبريها اختك واكيد ما بترضين على اختك انها تكون مهملة
علميها وانصحيها بدون ما تقوليلها ان اخوك متضايق منها واذا تقدري اشتريلها مجموعة حمام كاملة ( نعومي ) واذا ما تقدري قولي لاخوك ياخذها على انه بيشتريله ويمر نعومي او اي محل من هذه المحلات
وبكذا يحطها امام الامر الواقع وهي راح تفهم اكيد

 

[lЗèЯOo]

انا مع الاخت تشكرات , يعني هما زوجين وانتو ماتعرفو ايش يسير بالتمام بينهم
يمكن هوا يبين اخطائها ويخفي اخطاءه عشان نفسو يتزوج وخلاص
الله يكون في العون