بسافر اليوم.... وبخلي ريلي بروحه... ساعدوني؟؟

[9a7bt alsmw]

انا اليوم الساعة 4 الفجر بسافر للعلاج ويتم اسبوع بعيده عن ريلي ... بصراحه انا ما اريد اسافر عنه ولا هو يريدني اسافر عنه بس شو أسوي لازم اسافر ... أبي ريلي يشتاق لي وايد وااااااااااايد وأنا بعيده عنه... قولولي شو أسويله من الحركات وشو أقوله من الكلام قبل لا أسافر...

أبيكم تساعدوني وتفيدوني بآراكم الله يخليكم... أنا بحاجتكم
:icon1366:

 

[بانة]

ارسلي له رسائل شوق وغرام

كلميه كل يوم واسألي عنه

 

[9a7bt alsmw]

مشكوره بانة حبيبتي بس انا عرف ريلي أذا طرشتله مسجات حب وغرام يتغلى وااااااااااااااايد

 

[المنقبة]

دامج انتي الي بتسافرين للعلاج خليه هو يتصل فيج يسال عنج مب انتي و لا تطرشين له شئ رشي عطرج في غرفتكم هذا الي اعرفه و اكيد البنات ما راح يقصرون وياج تستفدين و نستفيد معاج

 

[المنقبة]

دامج انتي الي بتسافرين للعلاج خليه هو يتصل فيج يسال عنج مب انتي و لا تطرشين له شئ رشي عطرج في غرفتكم و لا تنسي مخدته هذا الي اعرفه و اكيد البنات ما راح يقصرون وياج تستفدين و نستفيد معاج

 

[ترانيم الحب]

ضميه بقوه ولا تبتعدين عن احضانه و قولي له ما اقدر على فراقك .. بشتاق لك .. و من ها الكلام .. و لاتنسين الدمعتين قبل ما تروحين .. ولا تنسين المسجاااااااااات و انتي مسافرة الله الله فيها اااااااا .. الله يسعدك و يرجعك با السلامه ..

 

[ترانيم الحب]

اذا يتغلى ارسايله رسائل عتاب ليه ما يسأل عنك ..

 

[9a7bt alsmw]

حبايبي والله مشكورين ع تفاعلكم معاي...
بس عندي سؤال صغير ؟؟؟
اذا سافرت اتصل فيه ولا لا.

 

[ام فطومه]

اذا عندك لاب توب كلميه عليه اوحتى خليه يشوفك كل يوم وياحبذا لو كان بالليل قبل النوم لان في هالوقت يكون الذهن صافي والمشاعر في اوج رومنسيتها وحتى تكوني اخر شي يفكر فيه واول شي يصحى عليه
الله يوفقك ويشفيك وير جعك بالسلامة ويهنيك ويسعدك انت وزوجك
واعذريني انا ما عرف شو بعد بس انشاء الله البنات ما بيقصرون ......

 

[هديل001]

اتصلي عليه بس مو كل يوم خليها يوم ويومين لا خليكِ ثقيلة ترى الثقل صنعة

 

[حبيبي لودي]

الله يشفيك ويخليك لعين ترجيك
خليه هو يدق يتطمن عليك

 

[نبع الحنين]

اثقلي عليه خليه يدور عليك دواره واذا كلمك قولي حبيبي مشغوله اكلمك بعدين ومن هالحركااات بتذبحه الغيره .

 

[9a7bt alsmw]

مشكووووووووووووورين والله ما استغنى عنه بس بحاول اشوي اتغلى

 

[سهرانه]

انا اشوف ان الاصول هو يدق عليك لانك مارحتى تتمشين انتى رايحه تتعالجين الله يشفيك وكل مسلم .. يعنى الواجب هو يدق يتطمن عليك لانك بتكونين مشغوله بالعلاج .