بروح لبيت اهلي<<<<< الله لايعيدها

[احلىحلاوه]

السالفه ومافيهاا وخذو العضه والعبره منهااا والشين لاتاخذونه

تهاوشت انا و رجلي مييير... ينغزني بليس جعله الطاعون ويقولي هددي رجلك قولي ابروح بيت اهلي​

مير التفت على رجلي ...بكل ثقه وكبريااء واقوله ابرووح لاهلي ماابيك

​

متعوده اذا قلتها يراضيني اقلها يقول مافي روحه او يطلع من البيت وياخذ مفتاح السياره من السواق​

اثاري بليس جعله الطاعون ناغز رجلي بعد​

قال لي رجلي هذا السواق عندك خليه يوديك

​

مير تطقني ام الركب والروعه خخخخخخخخخخ قلت ايه بس لاتاخذ مفتاح السياره منه​

ابي اذكره عشان ياخذ المفتاح منه​

قال لااا مانيب ماخذه روحي لاهلك ​

واقوم انادي الخدامات واقولهم نزلو الشنط من المستودع واقوله بصوت عالي​

وهو قاعد يتفرج على التلفزيون​

وانا قاطعني وجهي من هالخدامات واقوم اضف من هالملابس واعبي الشنط واقول في نفسي الله يعين هالخدامات على الترجيع
ومغير اطلع عنده في الصاله كاني اباخذ شي ابيه يقول شي لي واللرجال ساكت ويتفرج على التلفزيون
وانادي ولدي قلت شف ياوليدي انا بنروح ننام في بيت ماما فلانه<<<امي
وبتطفش هنااك وماراح اخذ السوني ولا شي رح قل لابوك بابا مانبي ننام في بيت خوالي نبي ننام عندك
قال ولدي الثور لا ياماما الله يخليك خل نروح لخوالي خخخخخخخخ ننام عندهم
واهاوشه قلت رح قل هالكلام وانت ساكت​

راح هالدلخ قال بابا ماما تقول قل لبابا نبي ننام عندك
انا عند الباب اتسمع بغى يغمى علي مير اقول تعال يافلان مو قلت لك مافي نوم هناا بنام في بيت اهلي عشان بابا بيسافر ويمكن يطول مره عشرين سنه​

ابي زوجي يدري اني اذا طلعت ماراح ارجع له
مير هالخبل فرررح قال اشوااا بنام في بيت خوالي كثير
وكل هذا ورجلي والجدار واحد
واقعد اعبي الشنط وانا اقول ياودودو ياودودو يامغيث اغثني لاتوهق
وابي زوجي يشوف الشنط واني معزمه عشان يراضيني قلت له الشنط ماكفت رح جب لي كراتين
قال خذي الضروري والباقي ارسله لك بكره

:
ير قامت الدنيا تدور بي
قلت تعال نزل هالشنطه من فوق الدولاب وجا نزلها
يعني ابو الشباب ماهمه مير من غير رائيي اقعد احكي على عمري وسبحان الله مانزلت مني ولادمعه الظاهر اني جازعه خخخخخخخخخ
وننزل الشنط ونركبها السياره
مير اقوله قم ودني لبيت اهلي
قال روحي مع السواق
قلت السياره مليانه عفشناا ماتكفي مافي مكان نركب
قال يله مشينا

وساعه وانا اسحب عيالي واماطل والرجال معزم
وانا اقول في نفسي توبه اقول بروح بيت اهلي جعل لساني المقص
وركبنا ورحنا بيت اهلي قلت لعيالي لاتنزلون لين يفتحون الباب حر وشمس
واحط نفسي ارن الجرس وانا مارنيته مجرد لامسته خخخخخخ
قلت شكل محد في البيت قال اتصلي عليهم
قلت مابي اروع امي
قال تعالي اوديك مع الباب الثاني باب الرجال عاد ذاك الباب فيه غرفه الحارس والسواق بيفتحون على طول
قلت له لا خلاص ودني لفندق يومين عشان امهد لامي ودني الفيصليه عشان اقرب لمدرسه ولدي مابي شقه مفروشه اخاف خخخخخخخ
قال مافي فناادق ولاشقق انزلي لبيت اهلك وقولي رجلي مسافر​

عاد هنا شعشع الامل في قلبي
قلت مالك دخل فيني اسكن في الي ابي اصلا خلاص انا ابي ورقتي ومابي عيالي لين شافو عيال اخوي مع ابوهم يحسون ويضيق صدرورهم ابسكن في شقه مفروشه لين ادبر لي بيت جنب اهلي وعيالي ابحرمك منهم خخخخخخ
مابقى اقوله الا رجعني البيت معك لاذبحك خخخخخخخخ
حسيت انه بدء يتاثر يوم قلت عيالي قلت اشوا ابو الهول بدء يحس
قال انتي الي جايبه هالشي لعيالك
قال وين تبين اوديك خخخخخخخخخخ
قلت ودنني لبيت وحده من خواتي ابقعد عندها عشان ماتدري امي وتتعب امي فيها سكر وضغط وقلب لو تدري انك مسوي فيني تنهبل لين ادبر لي شقه مفروشه مع اني مستحيه اجلس في بيت ولد الناس واكيد بيعلم اهله بس الشكوى لله ولد الناس بيهتم فيني وفي عيالي اكثر من ابو عيالي وهو الي بيصرف على عيالي ياكلون من بيته وينامو فيه
وهو متنح وساكت​

يعني لمحت له ان ماكان تصريح لاتوديني لبيت اختي خخخخخخخخ
قال لاعيب
يهديك الله وترجعين معي واذا معزمه ماتبيني مافي الا بيت اهلك خخخخخخخخ​

هنا بغيت ازغرد من الفرحه خخخخخخخخخخ

على طول من الفرحه قلت اي رجعني للبيت لين امهد لامي خخخخخخخخ

وانا في نفسي اقول ابقضب الارض واشد بيتي بلا هبال بلا دلع​

هنا عاد ولدي يوم شافنا راجعين انهبل يصيح يبي بيت اهلي بغيت اذبحه خخخخخخخخخ​

بس يابنات الي بتزعل تزعل في بيتهاا ممكن الرجال حتى لو يحبك ويراضيك يمل ويبيعها زي ماصار معي​

عاد ادعو لي ان الله يسخره لي وخذو العضه والعبره

​

​

منقول من ايميلي

 

[شتتنيــ غيابهــ]

هههههههههههههههههه فديييت قلبك وربي انك خطيييره
عاااد ولدك هدا كاااان بيكووون له دووور عضييييم في نووومتك عند اهلك
بس الحمدلله محد من اهلك بالصدفه بغى يطلع البيت وللا كااان توهقتي صدق
لووووووووووووول ربي يسعدك ولااعاد تعيديهااا انتبهي

 

[لمعة نجمه]

الله يسخر لك زوجك يارب
بس اسلوبك تووحفه الله يسعدك

 

[احلىحلاوه]

اسعدني مروركم

 

[انوثتي غير]

ههههههههههه الله يسعدك
انا نفس اسلوبك الله يستر ولايفرقنا

 

[سفن بااارد]

ههههههههههنه والله انك خطييييييييييييره صدق الوحدة تزعل في بيتها احسن لها انا مره زعلت ع زوجي وقلت ودني عند أهلي طبعاأول مره أقولها قاااااااال عااااااااااااااااااااااادي تفكريييين برجعك انسي قلت خليني أنثبرفي بيتي احسن لي ناقصين حنا مشاااااااااااااكل ولدك هذا خربها ههههههه مشكوووووره

 

[ورد وعطر]

الله يسعدك خخخخخخخخخخخخ ولا تعيدينها هههههه

 

[تقوي الهجر]

هههههههههههههههههههههههههههه يازينج زيناه والله ونستيني ونفس الاسلوب دايما اسوي مير الله ايهدانا

 

[الليدي ديانا]

ههههههههههههههه
ربي يسخرلك و يرزقك
بس لاتتعودينها ...

 

[ام مــنــاف]

الله يسعدك ويسخر زوجك ويهديكم
بصراحه تحفه لاتزعلين مررررره ضحكت من كلامك

 

[خواطر من الماضي]

الله يسخر لك زوجك
وماشاء الله على الاسلوب قمة في الابداع جوووونان

 

[خطوآت أنثى]

ههههههههههههههههههههههه الله يرج بليسك
موتيني ضحك في تالي هالليل ..

 

[بحر الجواهر]

والله لو وش تبين ان زوجك فاهم اسلوبك بس قال في نفسه ابجاريها
بس خلاص انتبهي تسوينها
الله يسعدك

 

[احلىحلاوه]

اسعدني مروركم جميعا

 

[مس ون]

هههههههههههههههههههههههههه والله انك خطيره انا اول مررره اعلق بس من كثر ماعجبتيني الله يوفقكم ويسخر لك زوجك وجميع المسلمين

 

[ام عيلها]

ههههههههههههههههه ماشاء الله على ولادك الله يخليه
مره سويته مثلك بس كان بليل متاخر فال زوجي اصبري بالنهار يوم جاء الصبح كل الامور تمام

 

[إم عبدالله]

تقولكم الموضوووووووووووووع منقووووول

 

[مليت اقول ياليت]

ههههههههههههههههههههههههههههههههههههههههههههههههههههههههههههههههههههههه
الله يقطع شيطانك وربي موتني من الضحك وانا ضابق صدري الله يوسع صدرك ويسعدك انتي ورجلك وولدك الحلوو بس خلاص لاعاد تعيدينها توبه هههههههه

 

[وعد الحق]

موتيني ضحك،اسلوبك فكاهي
الله لا يعيدها يابنت الحلال وشكرا عالموعظة
بجد الوحدة ما الها الا بيت زوجها
وعل قولة اخواننا المصريين (ضل راجل ولا ضل حيطة)

 

[يارب ارزقني طفل]

ههههههههههههههههههههههههههههههههههههههههههههههه
الله يسعد قلبك من جد ضحكتيني ..
الله يسخره لك...