برنامج طموح الروح للتنظيف و التنظيم اليومي.. تعالي إستفيدي

[طموح الروح]

هاي ياحلوات.. شخباركم إن شاء الله :icon30:
ادخل في الموضوع على طووووول :msn-wink:
باكتب لكم برنامجي اليومي في التنظيف والتنظيم :
1- اجهز اكل بنتي اللي تروح الروضة من الليل واخليه في الثلاجه..مثلا سندويشة جبن.. فواكه.. زيتون..مو مقليات طبعا.. علشان احطه في شنطة الأكل على السريع لأن تجهيز السندويشه بعد ياخذ وقت الصبح...
2-ملابسها طبعا تعلقهم بعد ماترجع مباشرة.. علشان لا ندورهم الصبح..
3-اكعد الصبح على الساعة 6 او 6وشي.. واجهز بنتي وأوصلها الروضة .. وتكون أختها الصغيرة نايمه وزوجي طبعا موجود في البيت كاعد يتجهز للشغل.. الروضة قريبه من البيت 5دقائق تقريبا..
4-ارجع وابتدي في شغل البيت.. اولا اشغل الغسالة.. علشان الوقت اللي بتشتغل فيه الغسالة اكون انا فيه اشتغل في البيت يعني اضرب عصفورين بحجر..(إستغلال للوقت) وابعدين ابتدي ارفع كلشي عن الأرض.. بعدها بتدي كنس ومسح.. وساعات يوم وترك.. يوم كنس ويوم مسح على حسب حالة المكان وإحتياجه..
5-حددت لي وقت اللي هو ساعتين تقريبا للتنظيف .. فقط ساعتين .. لأنه احنه مانخلقنه علشان نشتغل ونكرف 24 ساعة في اليوم.. ومحد يطالبج بطلب.. اللي تقدرين عليه سويه..
وساعتين في اليوم (يوميا) كفاية على مااعتقد لتنظيف كلشي.. في شي مانظفتيه اليوم.. تقدرين تنظفينه باجر..مو مشكله الدنيا مابتطير..ولا بترسبين في الأمتحان..
6- للمعلومية بيتي طابقين وعندي بنتين وبزنسي بزنس حر يعني مو دوام ولله الحمد وانا ادعوا الجميع للإتجاه للبزنس الحر بدل لوعة الجبد والدوام ومديره فوق راسج وعفسه..
7- عقب ماتكمل الساعتين اللي مخصصتهم للتنظيف اروح فوق انام لي الساعة 11ونص تقريبا.. وبعدين عقب الصلاة انزل اطبخ إذا فيه طباخ.. او اطلب من المشويات لأنه انسوي رجيم فناخذ كله مشويات..
8- وبالنسبة للأكل من المطاعم.. انا مقتنعه من سالفة إن الأكل من بره البيت أصرف.. بدل شراء الأيدام والعيش والخضره وطبعا كل شي غالي.. وبعدين تعالي خسري غاز للطبخ وغسل مواعين يعني صابون وماي.. خخخخخخخ:showoff: حسبتها وشفت إنها ماتسوى.. فأشتري من بره اصرف واحلى.. مااحب الطباخ شاسوي..
9-نصوم اثنين وخميس من كل اسبوع بس مو على طول...
10-زوجي يرجع البنت من الروضة.. نروح المطبخ نتغدى .. وانظف عقب الغدى مباشرة على لا تتجمع الغثرة.. يروح زوجي والبنات يشوفون التلفزيون في الصالة.. وأحاول اخلي المحل خالي من الأغراض علشان لا يتعفس..
11- يروح زوجي ينام.. وانا اكعد أذاكر مع البنت.. او استقبل الزباين في البيت.. واكعد على النت.. هذا كله العصر
12- فليل اعشي البنات علشان ينامون من وقت..
13- انحبس طبعا طول الأسبوع لأن البنات ينامون من وقت فمااقدر اطلع والشغالات حولتهم على ناس .. فما عندي احد يقعد مع البنات علشان اطلع:sadwalk:
14-وفليل يخلى لي الجو.. يا امي وخواتي يزوروني.. او اكعد على النت..
15-اتعشى وامشي على الجهاز 20 دقيقة...

ملاحظة.. برنامجي هذا باسويه على طول حتى عقب مايروحون البنات للمدرسة (إن شاء الله).. لأن اكتشفت إن الشغل في البيت الصبح فيه بركه وتكملين اسرع.. وخاصة لأن البنت الصغيرة نايمه.. ومحد في البيت يشاغبج..
16- أحاول احصر البنات في محل واحد.. علشان لا يعفسون البيت كامل.. يعني احط ألعابهم والتلفزيون في مكان علشان يكعدون فيه على طول.. لأن محد يعفس إلا اليهال..مااخليهم يسرحون ويمرحون في البيت كامل.. لأنه ولا 10 مرات يبيلج تنظفينه في ذي الحالة..
ودمتم سالمين :clap:
اللي عندها برنامج تكتبه علشان الكل يستفيد....:bye1:

 

[ضحكة الدنيا**]

موضوع جممممميل ورائع لجميع النساء
لكن عندي احساس انك تبالغين شوي يعني مافي راحة ما توجعين ماتنامين
( عندك قوة فولاذية والا اش الحكاية )

 

[روز الحب]

يسلمو حبيبتي موضوعك حلــــــــــــــــــــــو
بس على طااااااااري الطبخ هذه مستحيله عند زوجي ان كل يوم برى لان يحب اكل البيت يقول أنظف وتعرفين شو طابخين فيــــــــــــــــــه بس تنظيمك للباقي رووعه اتمنى الكل يشارك للفائده

 

[طموح الروح]

هلا هلا حبيباتي..
بالنسبة للأخت (البتول) انا مو فولاذية ولا حديدية :showoff:
مكتوب في البند رقم 7 إني اروح انام الضحى بعد ماأكمل ساعتين تنظيف ....شكرا على مرورج عيوني
انتي وروز....
ماكتبتوا برنامجكم.. وإلا ماعندكم برنامج؟:a122:

 

[dodo_sweety]

من جد انتي روووعه ومنظمه
الله يعطيكي العافيه ويخليلك بناتك وزوجك يارب

 

[همسة حزينة]

مشكووووره حبيبتي ..

وطريقتك في محلهاااااااااااااااا

 

[الوردة الذبلانة]

مشكورة حبيبتي وطريقتك مرة حلوة في التنظيم والتنظيف ماشاءالله عليك بس انا لازم اطبخ في البيت و3 وجبات غير وجبة الشاي الله يعين بس

 

[دلع بلقيس]

أهلين عزيزتي...

برنامج رااائع وان شالله انك تستمرين عليه وربي يبارك لك في وقتك ومالك وجهدك وذريتك..

ويخليهم لك ويسخرك ويسخرلك زوجك..


بس عندي تحفظ على رأيك في اكل برى..(مافيه مثل أكل البيت)


تحيااااتي,,

 

[مسلمة مسالمة]

بورك لأمتي في بكورها

قال الرسول صلى الله عليه وسلم :
( بورك لأمتي في بكورها )

لذلك عزيزتي العمل صباحاً فيه بركة

تسلمين على الموضوع الحلو ولي عودة إنشاء الله لكتابة تفاصيل برنامجي اليومي
مع خالص التحية

 

[مسلمة مسالمة]

أتفضلوا برنامج مسلمة مسالمة

بسم الله الرحمن الرحيم​

برنامج مسلمة مسالمة اليومي

1- أصحى بعد آذان الفجر أروح أتوضأ وعلى المطبخ سيدا :essen:أشغل إبريق المويه وأروح أصلي على بال مايطفي,بعدين أروح أصحي بناتي:cupidarrow::cupidarrow:عشان يصلون ويرتبون أسرتهم ويرفعون غرفتهم ويفتحون درايشها ويجهزون للمدرسه وعلى بال مايصلون أكون جهزت فطورهم وجهزت السانوتشات ولفيتها وأروح أخذ فطورهم على السفرة وأناديهم يفطرون طبعاٌ بناتي كبار وحده في سادس إبتدائي والثانيه في رابع بعد الفطور يغسلون ويفرشون أسنانهم ويلبسون المراييل وأمشط أشعورهم ويأخذون فسحتهم ويطلعون مع أبوهم:detective2: يوصلهم

2- يرجع الباشا:detective2:من مدرسة البنات وقتها على مايوصلهم أكون سنعت جلستنا وجهزت الفطور والجرايد وصحيت آخر العنقود بنتي الصغيرة 4 سنوات عشان تفطر معانا وتكشخت كشخه صباحية خفافي:blush-anim-cl:
يفطر شيخ الشباب ويروح الدوام وبنتي على طول أتنام في الصاله ولا تصحى ألا الظهر مهما حست من إزعاج مشاء الله تعودت على حركتي الصباحيه

بعدها يبدأ وقت مسلمة مسالمة الخاص تعالوا نكمل نشوف وش برنامجها الخاص:bigsmile:

**طبعاً هو أجمل وقت عندي في اليوم وأنا أحب الصباح جداً عشان كذا مستحيل انام مهما حصل,,

3-:icon1366:أبدأ أدور في البيت أرفع فيه :
أرتب الصاله وجمع مواعين الفطور من السفرة وأوديها المطبخ:essen: وبعدين على غرفتي أرتبها وأفتح دريشتها وأروح أدخل المطبخ وأخذ الفوطة والمنظفات وأدور أمسح الغبرة وأنظف الطاولات والمرايات وغيره ,طبعاً يختلف من يوم ليوم حسب الحاجه وبعدها أرجع للمطبخ:icon1366: وأغسل المواعيين ,,أف,,عقبال ماتوصل شغالتي قريب بإذن الله وتفكني أدعولي,, وبعدها أكنس البيت وكذا أختم المرحلة الأولى من شغل البيت:bigsmile:

ولبدنك عليك حق
الوقت اللي يخصني بدأ تعالوا شوفوا وش أسوي

4- أروح أغسل وجهي واشغلي فواحة لافندر في الصاله وأبدأ سيدا :a084::showoff:الرياضه نص ساعة بس على الدراجه وبعدين
أروح للمطبخ أجهز قهوتي التركية وأجيب اللابتوب:a025: وعلى مملكة بلقيس سيدا:a200:
أتواصل معاكم حبيباتي وإذا دقت الساعة 11 وصل موعد مكالمة الوالدة الله يحفظها أكلمها وأطمن على أخبارها واخبار الوالد الله يطول فعمارهم

5- يجون بناتي الظهر من المدرسه ونصلي الظهر ياكلون خفايف وينامون بعدين أطبخ غداي وأشيك على الحمامات الله يعزكم وأنظفها و أخذ شور وأتكشخ وألبس:c018: يكون الفحم جاهز وأبخر البيت قبل الساعة وقت4 وصول الباشا:detective2: أكون أنا والبنات مصلين العصر وكاشخين ومجهزين السفرة الملاعق والكاسات والسلطات وبعد مايدخل نستقبله بإزعاج كلنا على الباب الحمدالله الله يديم علينا النعمه وبعدين نتغدا ونشرب الشاهي وبعدها يتحول برنامج البيت على بناتي اللي يرتبون المطبخ بعد الغدا وبعدين يحلون واجباتهم وإذا أحتاجوا مني مساعده ينادوني بعد المغرب أصلي وأشخرلي ساعه وأصحصح أصلي العِشاء وأجهز العَشاء ونتعشى وبعدها أحياناً تجينا صرعة ونطلع نفرفر بالسيارة ممكن نمرلنا مشوار كوفي وألا أغراض للبيت ونرجع وينام الجميع بإنتظار برنامج مماثل.

**الأربعاء بعد المدرسه زيارة الأهل أهلي طبعاً لأنهم معانا في نفس المنطقه أما أهل زوجي في منطقة ثانيه نزورهم في الأعياد والإجازات.
**الغسيل مرة في الأسبوع يكون عادة السبت أو الأحد والكوي ثاني يوم بعده
**الخميس والجمعه إجازه رسميه للجميع ننبسط فيها ونخطط برنامجها سوى أنا وزوجي والبنات

أتمنى بلقيسيات تكون هذرتي فادتكم بحاجه
تحياتي :bigsmile:
في إنتظار تعليقاتكم

 

[غلى روحي mm]

ماشاء الله عليكم على التنظيم والترتيب والاهتمام
الله يدومها ويحفظ لكم عيالكم وازواجكم
ننتظر جداول الباقيين ...
يسلمووووووو على الموضوع الرائع...

 

[mozana]

ماشاء الله عليكم

ماشاء الله
​

 

[طموح الروح]

هلا حبيباتي... اشهاليوميات الروعه مسلمة مسالمة؟
ماشاء الله عليج..خوش برنامج..وين برامجكم ياحلواتي الباقيات؟
في إنتظاركم:shiny:

 

[مسلمة مسالمة]

طموح الروح

 

[بيادر محمد]

:shiny:بصراحه أختي مسلمه مسالمه عجبتيني مرررررره

وباقي الاخوات ماقصرو:shiny:

 

[قمــ كلهم ــرهم]

ماشاء الله حلو نظامك

 

[مسلمة مسالمة]

شكر لجميع الأخوات وأنا بدوري أحول شكركم لصاحبة الموضوع الرئيسية وصاحبة زمام المبادرة فيه العزيزة طموح الروح

وعطونا فكرةعن برامجكم اليومية

تحية

 

[روز الحب]

ننتظـــــــــــــــــــــر المنظمــــــــــــــــــــــــــــــــــــــــات بفارغ الصبر

 

[سكر زماني]

رائعه طووووح
ومسلمه مسالمه

 

[السهم]

روعه ماشاء الله عليكم