بديت اكررهه زوجي

[سوسيتا 515]

حبيبتي من كلامك عن زوجك حسيت أنو فيه إحساس بس كانه خايف من شي أنه يتعلق أو سامع نصايح أنه لايدللها أول الشهور .أو يظن أنك تحبي غيره.. أنا بأقولك شي لعله حل وتكفين إذا مشت معك واستفدتي تكفين خبريني ..
أولا لاتحسسيه أنك متضايقه منه أبد أبد أو تصتصغريه سوي نفسك عادي وانشغلي بلابتوبك وحفظ قرآن على طول أو هوايه ثانيه ..
ثانيآ خليكي على طول كاشخه ولابسه نعومي ومكياج نعومي ..
ثالثا.. قومي بواجبك من غير ماتنتظري أي إطراء منه ..وحسسيه أنك مرتاحه يعني تطبخي عادي وتحضري وانتي تغني أغاني لحنها حلو بس حزينه ..وماتطالعي فيه أبد وأذا كلمك عادي ردي بهدوء مع ابتسامه ...
هلحين حسستيه أن ماعندك مشاكل ومهتمه بنفسك وتخبي عنه أشياء واجد وتخافي ألله فيه ..
آخر شي خذي لك دفتر واكتبي خواطر ..واحرصي أنه يشوفه معك بالغلط وتخبيه منه على طول عشان يهتم يدور له ويقراه ..مثلا حطيه تحت مخدتك وجزء منه بسيط باين ..
أكتبي فيه عن حياتكم بس بدون توضيح عشان مايحس أنه الغرض يقراه ..
مثلا أكتبي ..
رجولته تجذبني ..لا أدري هل أترك قلبي يعشقه .. أم أحمي قلبي من قسوته .. تعودت عليه ...
لاأخفيك ياقلمي أحس على احضانه بالدفء .. هناك قلب ينبض في صدره لاكن لم أجد الطريق ..
وبعدها غيري الموضوع أكتبي ..
مثلاَ ورده حمراء جوهرها مليئ بالرائحه الزكيه .. أحبك أيتها الورده وسأعتني بك وأدللك لآخر لحضه ..سأقبلك كل صباح وأسقيكي قطرات الندى وأهمس لك كم أحبك ..( على أساس أنك تقصدي نفسك تحبيها كثير بس لاتكتبي المقصود ) ولقبي نفسك لقب حلو مثل روح الورد ...
ودايم أكتبي مشاعر حلوه وغامضه فنفس الوقت ..ولاتنسي حرفه أكتبيه كثير ..
وأحرصي يحس انك تبين يقراه ..
ولا بتنكشفي ..
أخيرا ..أستغفري بعد كل صلاه 20 مره وهذا أساس العلاج ,,
وخبريني إذا جابت نتيجه ..ألله وياك​

 

[أحساسي كتلوني]

الله يعييينج حبيبتي

 

[ثقتي بصمتي]

الله يفرج همك ويسخر زوجك ويصب محبتك في قلبه صبا صبا ويريك ذلك انه القادر على كل شيء اللهم آمين

 

[رازيا]

طمنينا عليك

 

[محتاره من امري]

انا اسفه عن التأأأأخير والغياب لكن الله العالم اني مريت بظرف قاااسي جدا خلاني اكره زوجي بشكل غريب

تخيلوووووو
انا اشتريت جوال جديد من مصروفي الخاص وهو طبعا مابيهتم في الجوالات
والجوال اللي اشتريته هو الجالكسي
يعني اتوقع الاغلبيه عارفين الجالكسي يختلف عن البلاك البيري يعني مافيه نفس الخدمه
هو الجالكسي يقاااارب من الاي فون
لساته جديد بنزل فيه برامج
واله تقريبا 3 اياااام معي وهو شااايفه معي وقتها كنت منزله في برامج عن الاذكار وتوقيت الصلاه وحصن المسلم ومن هالنوعيه
برنامج الاذكار تلقااائيا مبرمج ويبنه عند وقت قراه الاذكار
وقبل لاتغيب الشمس رن المنه باني اقرا الاذكار ومسكته قعدت اقرا الاذكار وكمان كنت تعبانه ودايخه ومونايمه كويس اللي يشوفني يعرف اني تعبان وماعندي خلق
قام زوجي وقال من متى جايبه الجوال وليش ماتستاذني والك ساااعتين ماااسكيته في الرومات وغرف الشات والبالتوك
انا وربي ماااستوعبت اللي قاله انصدمت صدمه فضيعه جدا
قلت تعال شوف اذا كنت داخله شات او لاااا
تعال قال انا اصلا ما اعرف لهذا الجوال وطلع من عندي
عاد انا ماااتحملت قمت ابكي بصووت عالي
ورحت لعند اهلي اسلم عليهم على اساااس بيسافرو في اليوم التاني
وهم شافو شكلي وانا مااتحملت وعلمتهم قلت ممكن الحين بيااخذو حقي
قعد اخوي معه وانا كمان ولكن وربي اني متفاااجئه من اسلوب زوجي لف ودار الين مااا حط الغلط علي
وقعد يحاااكيهم بأأأسلوب متفااااججئه منه شكككني بنفسي وربي خلى اخوي يوقف معه

على اساااس انا اتوحم فيه واني حامل وابتليه
وعلى الرغم وربي وربي انا مااابتليه
واللي زاد الطين بله امي الله يهديه ارسلت اله مسج قبل لاتسافر اني تعبانه بسبب الوحام وانه يتحملني
واني تعبانه عشان هم بيسافرو

انا عاد انصدمت كثير من موقف اهلي وجلست ابكي
بعدها بكم يوم جاب جهاز الاختبار وقال روحي حللي
انا قبل لا اخذ الجهاز قلت عارفه نفسي مو حامل وبالفعل طلع مافي حمل

المهم سافرو اهلي الاردن وظلت جدتي الكبيره بالبيت لوحده مع الشغاله
قلت اله خليني اروح لعند جدتي قال لا قلت هي ماعنده حدا يخدمها قال لااا انا قلت لك الزياره مرة وحده في الاسبوع ياناس مو احنا بعطله بدل مايقول نطلع نتمشى ونسااافر
قال لا مافي طلعه
قلت بابنت هدي شوي واتركيه
تاني من يوم ماطلبته شي
وتالت يوم كنت صايمه قال بعد ماتفطري انزلي عند امي تحت
انا قلت انزل يلا اسلم عليها وبالفعل سويت حلى وقهوة ونزلته معي
ونزلت واستناست ويمكن نسيت شوي من الضيقه الي فيني
وهو طلع وماجاني الا قبل اذان الفجر
اخواته طلبوه انه ننزل للحديقه نسائيه هنا في نفس المنطقه رفض وقال لا وطلبو مني اخواته اني اتوسط
عنده
طلبته قلت ودينا قال لا هذا مشوار فاشل
قلت طيب وديني عند جدتي قال انتي ايش فيك ماتفهمي قلت لا مرة وحده في الاسبوع يعني اوديك الاحد الجاي
قلت والله ماهي عيشه واحنا بااجازة ايش فيه ماطلبت منك تمشيني كل الي طلبته وديني عند جدتي
رفض وعند وطلع من البيت
قلت اله الطلعه حلال غليك وحرام علي
قال مو انا من اليوم وانا عند خلقتك 24 ساعه يااااه
والله تعبت تصدقو صرت ادعي عليه في مصيبه تجيه

هذا غير انه متفق مع اخوي خلال اسبوع يسفرني وممكن نلحق اهلي
ايش قال اللي قال هذا الكلام لخوكي اما الكلام الي لكن انسي مافي سفره ومافي طلعه
بالله هذا مو منافق

واذا على الجوال قبل لا اجيب هذا الجوال انا جبت جوال اي فون وقلت اله واستاذنت منه قال هذا خصوصياتك مالي دخل

وعلى الجوال اللي جبته الحين سوالي مصيبه حيرني معه

 

[محتاره من امري]

يس انا الوالده اردنيه متجنسه سعودي
والوالد ايضا والدته اردنيه


على فكره والله في بداية زواجي
زوجي قالها مره بسمافهمت قصده


قال الاردنيات
ياتسحر زوجها بالطيب او بالسحر


تخيلو الا قريب فهمت العباره اتاااري ماخذين فكره عن الاردنين انهم لهم في السحر
على الرغم اني شاااايفه العكس

 

[محتاره من امري]

بسألكم يابنات اذا طلبت الطلاق اي الامور المترتبه علي؟؟

علما اني والله كرهته ومافيني اتحمل وخلصت الاعذار اللي ادورها له

انا مهري 30 الف والمؤخر 50
ترا انا جاهله في الامور هذه


على فكره عرفت موضووع عن اخوه انه كان خاطب وحده وهو نفسه ماتقبلها واهله قالو له طلقها قال والله ما اطلقها غير هي لمن تطلب
وبالفعل البنت طلبت الطلاق وهو قال رجعوووولي الشبكة ايش رأأأيكم

انا عارفه وخايفه ان زوجي يكون مثله هو يكرهني فيه عشان اطلب الطلاق والمصاريف تكون علي بالرغم اني مو موظفه

 

[محتاره من امري]

الحين دخل على اساااس بينام
بس مرت ربع ساعه لبس واخذ جواله وطلع من البيت
وربي وربي زززززهقت وطفشت من تصرفاته

 

[Soook3r]

الله يفرج همك ويصلح حالك

 

[ام منوري ورنودي]

انصحك نصيحةاخت اذا ماعندك اولاد منه فرصه لك استخيري اول الله ثماطلبي الطلاق احسلك من عيشةالمهونه

 

[حياه العاشقين]

كان الله في عونك يا الغاليه الله يطمن قلوبكم ويهدي زوجك لك امين يارب

 

[طيبتي سبب عذابي]

الله يفرج همك وهم المسلمين جميعا

اذا انت عارفه نفسك قايمه بواجباتك وممتعته جنسيا ومو مقصره معه

الناس مو عايشه معاك وشايفه اللي انتي شايفته دايما الناس يحطون اللؤم على المرأه

كثير نغلط نحن النساء بسبب عاطفتنا وعشان الناس مايتكلمو فلانه تطلقت

تتحمل على حساب نفسها وعلى الضغوطات حاولي تطنشين وماتجلسين في المكان اللي هو يجلس فيه وشوفي يسأل عنك او لا

اذا كان تعامله معك في البدايه كذا رايح يكون اخس من كذا اذا انجبتي عيال

كثير من الرجال تعاملهم زين مع الناس ومع زوجته اخس معامله مافي الا التحطيم والرفض ومع الناس يخدمهم من قلبه وعلى قلبه زي العسل وينسون كلام الرسول صلى الله عليه وسلم اوصيكم بالنساء خيرا


الرجال مايذكرون من اقوال الرسول الا تزوجو مثنى وثلاث ورباع


وغيرها مايعرفون

صلي واستخيري ربك كثير اذا في خير لك انه يصلحه لك واذا مافي خير انه الله يفكك منه ويبدله باحسن منه

واحمدي ربك انه جات على كذا ومافي اطفال

واذا انتي اردنيه يعني المجال عندكم مفتوح انك تصادفين ولد حلال يحبك ويصونك


عندنا بالسعوديه الحجاب يمنع الرجال انه يشوفها في مكان عام وماشابه ذلك

يعني عندكم الفرص كثيره للتعارف والزواج


اتمنى لك التوفيق

 

[رازيا]

عزيزتي انصحك شوي بالصبر صدقيني هو الحل الوحيد الصبر والدعاء والاستعانة بالله
طولي بالك شوي الحياة بدها سياسة امسكي ورقة وقلم واكتبي ايجابياته وسلبياته
وشوفي الاغلب مشكلتنا ما عندنا صبر
الجاي لله وهو راح يفرج همك امين
شو اخبارك مع سورة البقرة والاستغفار وصلاة القيام

 

[نووووفه]

الله يساعدك ويحنن قلب زوجك عليك
امدحي زوجك بس مولدرجة "انت استاذي"امدحي نفسك بعد امدحي طبخك واذا ما عجبه قولي سبحان الله الناس اذواق <انا ذوقي مختلف عن زوجي تماما في الاكل الاكل اللي هو يحبه انا اكرهه انا احب الحلا وهولا>
يمكن عشان كذا ينتقد طبخك وابتعدي عن النقاش والمقارنه لان معظم الرجال ما يحبونها اذا عمل سلوك ما تحبينه كلميه ان فلان ما عنده ذوق عمل كذا <الحركه اللي ما عجبتك >خليه يفهم اللي يفهمه
ومثل ما قرات في المنتدى لاتمدحين شخصه امدحي صفاته

 

[نووووفه]

<عزيزتي انصحك شوي بالصبر صدقيني هو الحل الوحيد الصبر والدعاء والاستعانة بالله
طولي بالك شوي الحياة بدها سياسة امسكي ورقة وقلم واكتبي ايجابياته وسلبياته
وشوفي الاغلب مشكلتنا ما عندنا صبر
الجاي لله وهو راح يفرج همك امين>
كلام موزون100%

 

[ام ملوكي العسل]

الله يوفقك حبيبتي
ويسخرلك زوجك ويرزقك الذريه الصالحه

 

[محتاره من امري]

يعني قوووولووولي اصبر الين مااانجب الاولاد والحال يسئ اكثر ترا وربي ماينفع
لاني والله الاعذار خلصت من عندي
ماعاد اعذر اله متل قبل
وياااختي انا مو اردنيه
الوالده اردنيه
انا سعوديه

تخيلو لفين وصلت معه والله الطبخه على الغاز لسى دخل المطبخ قال شغل مشي الحال والدجاج لسى مانضج
وربي لسى على الغاز تطبخ
ايش فيني اصبر اكتر من هيك

اقووول والله هذه ماهي عيشه يقول لعشتي


يعني استنى الاهانه والمذله منه
انا تعبت وربي تعبت
ايش بقى القلب كرهه

زاد مسااااؤه اكثر من قبل بعد تكلم مع اخوي احسه حقد علي
على الرغم ان اخوي وقف معه مو معي


والله يعاملني متل الخدامه
حتى وانا اتغدى يقومني
بالرغم جااايبه كل اشي معي الا يخترع شغله بس مشااان يقومني
والله اقوم وانا ساكته ولا اتكلم

 

[محتاره من امري]

والله صرت اسب واغلط عليه علنا بعد مايطلع ماصرت احترمه نزل من عيني


ياناس الجمعه مابنحس بروحاااانيته متل اول وانا عند اهلي بيكون ناااايم

لاتقوووولي صحيه لانه بيضل مواصل والساعه 8 ينام وهو عارف انه جمعه مابيهتم ابدا

اذا نمت بالسرير وانا من طبعي اتحرك قبل لا انام والله يحاااسبني على الحركه لحتى صابني احساس ان هذا مو بيتي

 

[محتاره من امري]

اووك من هسا بكتب ايجابياته اما سلبياته ذكرته في بداية الموضوع
1- يحب امه كثير وهذا شي جميل جدا
2-اله في الصلاه
3- محافظ بعمله
4-ملتزم من نااحية مواعيد مستشفى او صرف ادويه
5- كريم بيته ماااينقص عليه شي يعني المواد الغذااائيه كامله
6- مصروف اللي كل شهر
7-يفضل اهله كثير
8- اعتقد انه يحفظني بغيبتي اعتقد مو متأكده
9-مايخرج كثير او يسهر خارج البيت
10-مايغلط علي كلام بذيئ
11- حازم في بعض الامور
تقريبا هذه اغلب صفاته الحسنه
واذا اتذكرت شي اكتبه

ياااازيننه مع اصحااابه وياحلو كلامه
عند نومه مااايعرف احد حتى امه

يلتزم اذا جاااء احد من اهلي او اخواني يجلس معهم بس الدقايق الاولى بعدين يستأذن ويطلع

 

[محتاره من امري]

مايسهر خارج البيت بسبب نومه لانه نومه متقلب

لانه لمن يكون صاحي بصراحه يطلع