بدأت قصتي معه بمزحه وقلبت المزحه الى جد

  • بادئ الموضوع بادئ الموضوع نو ر ه
  • تاريخ البدء تاريخ البدء
الحالة
مغلق و غير مفتوح للمزيد من الردود.
ن

نو ر ه

New member
إنضم
2008/09/21
المشاركات
30
بسم الله الرحمن الرحيم

اعذروني بس انا متضايقه كثير وحبيت اكتب قصتي يمكن استفيد من ارئكم

كنت احبه لالا ماكنت احبه كنت اعشقه بدأت قصتي معه بمزحه وقلبت المزحه الى جد
كنت اعرفه من بعيد يعني معرفه اهل كانت خالته تصير زوجه خالي بدايه معرفتي فيه كانت عن طريق خالته اعطتني ايميله الخاص وقالت شوفي ومن هالحكي وانا اخذت الموضوع لعب اضافني وتكلمنا شهر شهرين وكان صادق بكل كلمه يقولها كا اسم وكل شي خاص فيه
انا بعد هالشهرين حسيت بتأنيب الضمير وقلت له حقيقتي اني كنت مرسوله من خالتك وقلت له من اكون هو انصدم وبعدها قال خلاص خلنا نتواصل عن طريق النت بس خالتي لاتدري انا استغربت قلت اوكي
وكانت خالته تسألني عنه قلت ماادري ماعاد شفته يشبك
بعد اسبوع اسبوعين كنت جالسه مع خالته ودقت عليه وكانت حاطه على السبيكر وتكلمه وكانت اول مره اسمع فيها صوته قالت له عندك رسايل وسائط قال ايه قالت طيب ارسلها على رقم وحده عندي ..... وكان رقمي الان هي ماكان جهازها يستقبل وسائط وقعد يرسل وانا ارسلت له وكنت اكتب تحت الرساله اسم خالته المهم رحت بيتنا ولـ اخ باقي يرسل وبعدها ارسلي رساله وقال رسايلك زي العسل ماخلتني انام
قلت تعرف من انا؟ ارسل وقال اوووه لاتسوين نفس حركات النت من انتي بعد :) فلانه
ومر اليوم عادي وجاليوم الي بعده وكان فيه مسجات بينا والي بعده والي بعده الحد ماجا اليوم الي طلبت فيها انه يكلمني وكنت محدده موعد الاتصال الساعه 6 مساء وماتأخر دقيقه الا هو متصل وتكلمنا وقال الي انه يحبني حتى في صلاه يفكر فيني وبعدها بكم يوم قال انه يبي يتزوجني واستمرت علاقتنا بدون علم خالته
الحد ماجا اليوم الي كشفني فيه اخوي وعرف من كنت اكلم فلان الفلاني !!!!!!!!!!
اخوي انصدم الدرجه انه قعد يصيح ماكان يتوقع انه ممكن انا اتكلم مع واحد تصرف معي تصرف ماكنت اتوقعه منه حتى ضرب ماضربني بس اخذ مني التلفون وقال الي شافك عنده صور لك قلت لا انا احبه وهو يحبني ويبي يتزوجني كان وقتها عندي جرائه مو طبيعيه واستحملني الانه كان خايف ان امي تدري ويصير فيها شي
قال الي يحبك يدخل مع الباب مو من الشباك قال الي اسكتي وانا بتصرف قلت لاتكفى لاتضره قال انا مقدر اروح له ولا اكلمه
اوريه سواد وجهي اقوله ليه تكلم اختي بس والله لو ادري انك كلمتيه مره ثانيه او شفته يمر من شارعنا ان اذبحه ...
في نفس هاليله ماصبرت كنت ابي اكلمه واقوله ان اخوي عرف وطبعا قدرت اكلمه عن طريق جوال اختي وقلت له هو انجن وقال بكره اجيب اهلي يخطبونك قلت له .....
يتبع
 
قلت له لا اذا انت تبي تتزوجني وتبيني لا تجي الانهم بيرفضونك انت باقي تدرس وباقي لك كم شهر وتتخرج وماعندك وظيفه خلك لحد ماتتوظف قال لا انا ابجي قلت انت ماتبيني وبتجي بس علشان تبرر موقفك وقال الي خلاص انا بتصرف انتي انتبهي على نفسك وسكرت منه
ومر ت هاليله من اليوم الثاني جتني اختي في المحاضره وقالت فلانه تبيك تقصد زوجه خالي رديت عليها قالت نوره وشفيك صار لك شي!!! انا ماكنت فاهمه شي الا فجئه صوت حبيبي تركي عندها واخذ منها التلفون وكلمني وقال الي انه ماعرف ينام وراح البيت خالته واخذها وقال لها السالفه الي صارت
وسألني عن حالي وقال الي خلاص انتبهي النفسك وشوفي وش يصير معك
مرت الايام كانت نفسيتي فيها تعبانه حتى امي لاحظت وتقول دائما صاير معك شي فيك شي ليه تلفونك مقفل قلت لها شريحتي احترقت وكانت تقول هالكلام بحضور اخوي الحد مامسكني اخوي وقال ارجعي نوره الاولى والي كاتبه ربك راح يصير
قلت له بكل وقاحه لاجا يخطب لاتردونه قعد يطالعني بنظارات القهر وقال الي وينه ليه ماجا قلت بيجي ماراح يخليني قال ليه كلمتيه قلت لا ماكلمته ابد انا ارسلت له رساله من جوال صديقتي وقلت لا تدق علي ان اخوي عرف قال لا يسوي فاهم ويكلمك من جوال صديقتك قلت لالا قال الي انا بشتريلك شريحه وراح اعطيك الثقه مره ثانيه بس لاتخذليني انا سكت
الا مر كم يوم واعطاني شريحه وكان اخوي يراقب تصرفاتي الحد ماحسيت اني راح اختنق
وكان دائما ياخذ تلفوني ويفتش فيه الحد ماحس بالامان مرت اسابيع وانا مااعرف عن تركي شي الا رسايل بالبريد بين فتره وفتره
رجعت اكلمه بحذر بعد شهرين من الي صار حسسني انه متمسك فيني بطريقه مو طبيعيه ورجعت علاقتنا من دون علم اخوي
الدرجه اني كنت اتكلم معه بتلفون البيت والدرجه انه شافني وتقابلنا في مطعم وانجن لما شافني كان يقول الي انتي سحر وشلون انتي حبيتيني ومن بعدها وهو متعلق فيني اكثر واكثر الدرجه انه مره قال الي انا اعبدك وكنت اقول حرام استغفر ربك وش هالكلام .......
مرت شهور وحنا غرقانين في الحب ومرت سنه ونص وتوظف وكان يلمح لـ اهله عني كانت امه بين فتره وفتره تتصل في امي تسلم عليها وكانت امي تمدح فيهم وكنت احس بشعور الامان وان حلمي راح يتحقق وراح نتزوج
لحد ما شفت اهله بحفله وشافوني وعجبتهم وامدحوني عنده
انا كلمت خالتي الكبيره عنه وعن الي صار معي بس ماقلت لها انه شافني .. هي انجنت وشلون تسوين كذا قلت لها انا ابيك تساعديني
اقصد توقف معي عند اخوي وامي واهلي وافقت بس قالت لازم تعطيني خبر بكل شي يصير معك قلت طيب

يتبع
 
الله يستر على بنات المسلمين

في انتضارك اختي الله يستر عليك و يوفقك دنيا وآخره
 
كملي مشتوقه اعرف النهايه.. ان شاء الله تكون سعيده..
 
مرت شهور وكان علي ضغط مو طبيعي من اخوي ومن وضعي واخاف انكشف ويصير شي يهدم حياتي كلها.. كانت فيه ضغوط من اخوي نظرات تدقيق حتى بلبس فجئه ومن دون اي تفكير ولا استشرت تركي حتى رحت لـ امي كانت تصلي وقتها لما خلصت قلت يمه انا احب هي ناظرتني نظره !! مااقدر افسرها قالت تحبين من تحبين قلت احب فلان الفلاني قالت نعم وشعرفك فيه هنا انا دارت فيني الدنيا ماعندي اجابه وش اقول لها؟! قلت حبيته من الكلام قالت وشلون يعني قلت حتى اخوي يعرف قالت بكل عصبيه انتي وش تقولييين من اخوك الي يعرف قلت فلان قالت انتي وشلون عرفتيه قلت يمه حتى خالتي تدري امي ماتدري وش تقول ووالله العظيم ماادري كيف مر هالموقف بسلام امي طبعا ماجابت لخوي سيره عن اي شي انا رحت وكلمت خالتي وقلت لها انا قلت لـ امي قالت خلاص انا بكلمها وكلمت تركي وقلت له اني قلت لـ امي قعد يهاوش ويقول انتي بتخربين علينا ليه تقولين لها قلت مدري انا تعبت من نظرات اخوي وقلت بقولها وارتاح استوعب الموضوع
من اليوم الثاني خالتي دقت على امي وقعدت تهديها وتقول ان بنتك ماسوت شي غلط وهي قايله الي واحمدي ربك ان بنتك قالت لك ماخبت عنك وهو يبي يتزوجها قالت امي لا ماراح تتزوجه لاهم منا ولا حنا منهم واسكتت خالتي على اساس ان امي معصبه وتكلمها وقت ثاني
امي صارت نفس اخوي تدقق بكل شي يعني كأني ماسويت شي الا فجئه تهاوشت مع اخوي
وكان يلمح الموضوعي الا فجئه قال ترى بنتك تكلم فلان انا هنا حسيت اني ضعت
قلت له امي تدري قال تدري وعاجبها قالت امي خلاص وقامت تهاوشه وطلع
وانا قعدت اصيح الا يرجع اخوي وقعد معي ومع امي قال يمه انا خايف عليها هذي اختي والله انها تملك نص قلبي واحرقته بالي سوته قالت امي خلاص اختك تابت وقالت الي وانتهى هنا اخوي حب راسي وقال الي انا اسف بس انتي الي حديتيني هنا قعدت احمد ربي انها انتهت السالفه على كذا واني الحمدالله قلت لـ امي ووقفت معي حتى اخوي تغيير تعامله الانه عرف ان امي عرفت وشالت عنه كثييير
عرف تركي بالي صار وقال انتي ربي يحبك :)
يتبع
 
مرت شهور جا مره وقال تركي الي امي تبي تجيكم وتبي تدق على امك المهم اتفقنا من بكره ان امه تتصل اتصلت امه انا ماكنت عند امي بس عندي خبر انها راح تتصل فجئه الا تركي يدق علي قال الي امك قالت الـ امي انها راح تطلع عندها موعد بالمستشفى واليوم الجمعه وشلون !! عرفت ان امي تصرفها ولاتبيها تجي حتى هو عرف ان امي تصرف مايبيلها فهم قلت له وش نسوي قال كله منك ليه قلتي لها
تهاوشنا وقال انا راسي يعورني بعدين نتفاهم وسكر مني
لما مرت ساعتين الا دق علي وقعد يعتذر وقال يانوره انا تعبان حتى امي تقول ان امك تغيير اسلوبها حتى سلامها مو مثل اول سكتنا وقلنا الله بيحلها ومرت اسابيع وقال الي امي بتتصل على امك
وتحدد معها موعد تجيكم فيه لاتحدني امك اجيب امي فجئه بدون موعد حتى
قلت لحظه لاتخلي امك تجي خلاص رح انت وابوك لـ ابوي واخطب عنده قال لا وشلون لازم امي قبل وابوي ماراح يروح الا اذا اتفقو الحريم علشان مايتفشل قلت طيب خلاص خل امك تتصل واتصلت امه ونفس الحكايه صارت ..امي صرفتها
وامي ماكنت تقول الي ان امه دقت وانا مااقدر اقولها شي وتعرف ان الي علاقه فيه ..
يتبع
 
كان تركي متضايق كثييير وقال انه بيروح مكه يعتمر ويدعي الله انه ييسر امورنا وامي توافق وفعلا راح وبعد مارجع الا يجي يوم ويكلمني ويقول الي وهو يصيح نوره انا تعبت وامي تقول ماراح تتصل الان امك فشلتها كثير حتى مادقت عليها وقالت تعالي قلت له طيب وش بيصير الحين قال الي خلنا ننتظر ونشوف وانتظرنا
وماصار شي في الموضوع دقيت انا على خالتي وقلت لها تكفيين شوفي امي كل مادقت عليها الحرمه صرفتها قالت الي خالتي عندي خبر امك قالت الي انها دقت وقلت لها ليه تصرفينها قالت انها ماتبيهم وتقول ماهم من ثوبنا ولا حنا منهم وماتبي تستقبل امه
قلت خاله وش اسوي طيب قالت مافيه الا انه يجيب ابوه ويخطب عند ابوك ويمكن يغير من نظره امك ويجد شي جديد رجعت وقلت له قال نوره انا بقولك شي قلت وشو ..
يتبع
 
كملــــــــــــــــــــــــــــــــــي تكفين !

الله يكتبلك الخيــــــــــــــــــــر !

طيب اختي نورة انا ودي اعرف زوجة خالك ليه من البداية عطتك ايميله ؟؟؟؟

وبعدها رقم جوالك ! يعني تبيكم لبعض بس مابينت بالصريح !!!!!!!!!!!!!!!!!!
 
الحالة
مغلق و غير مفتوح للمزيد من الردود.
عودة
أعلى أسفل