بخسر الغالي و اناااا السبب ....

[غرتهم عيوني]

السلام عليكم و حمة اللله و بركاته ....


يمكن لما تقرون موضوعي بتقولون ان الموضوع صغير ... بس و الله يابنات اني ساعات انام و انا خاطري اصيييييييح:tears: و طول اليوم اكون سرحااانه بس اني افكر فهذا الموضوع ...

الله يجزيهاااا الف خير اللي بتساعدني ...



انا عروس بعدني ما كملت السنه ... ( معروف عني اني مرحة جدا احب اسولف لو ارمس ساعة ماا بسكت و احب و الضحك و فرفوشة و خفيفة دم بس اشوي عصبية احم احم :bigsmile: ما امدح نفسي هذا بشاهدة الاغلبية..

تزوجت من شاب ... هو اكبر مني ب 5 سنوات ( طيب و حنون و شهم )
من بعد شهر العسل .. للاسف ما اعرف شو صاااار صرت ما اسولف دايما ساكته اجاوب على قد السؤال و قليلة الضحك , كان دايما يسالني انتي فيج شي اقوله لااااا يقولي ليش ساكته اقوله طبيعي ( و انا مب طبيعية ابدااا ) هالحالة بس لما اكون معاه

لما ارجع بيت اهلي ارجع نفس شخصيتي اللي قبل الزواج ... و من اشوفه ما اعرف شو يصير:busted_red: .. حاااولت وااايد اتقرب منه حاااولت اني اسولف بس ما اعرف ليش ما اقدر ..

صرت اكره نفسي دايما لما اشوف خواتي مع ازواجهم ولا اخواني مع حريمهم بس ابغي اصيييييييييح..:tears:

( انا في فترة الملجة ما كلمته وااايد يمكن بس 4 مرات و المكالمة ما اطول )

و الحين صااايرة اجمع السوااالف و ما اصدق اوصل لبيت اهلي و لا اهله و اطلع كل اللي فخااااطري ..
لما قلت لاهلي يقولولي حاااااولي و اناااا تعبت من كثر ما احاااول احس اني بخسرة و انااا السبب ..

و الحين صار حتى هو سااكت و مع غيري سوااالف .... كل يوم اقول بقول هالسالفة ولا بخبرة شو صاااار بس لما اشوف حتى الكلمااات انطقهاااا غلط ..


خلاااص بنات مب قااادرة اتحمل ... شو اسوي مااا اعرف بليز اذا حد شرااات حااالتي يخبرني كيف احل هالمشكلة

دخيلكم ابغي حد يساااعدنيوم


​

 

[في قلب امي]

حبيبتي حاولي تفتحين معاه أي موضوع حتى لو موضوع مكرر ،، عاااادي

وانتم تشوفون التلفزيون حاولي تعلقي على بعض البرامج وهو جالس معاكي ،، يعني خذي الموضوع بمزح ودلع

وصدقيني الكلام يسوق نفسه ،، بتلقين نفسك جالسه تسولفي وتضحكي على أي شي

حاولي انك تسوين شي جديد في البيت ،، بقولك على شي بس يمكن مو حلو ،، بس جربي منتي خسرانه شي

حاولي تلعبي معاه استغمايه في البيت ،، يعني انخشي وخليه يدورك ،، حاولي تجيبي العاب ثانيه ،، القصد ان الضحك بينكم يزيد وتكثر السوالف

والله يسخركم لبعض يارب

 

[ice creeem]

اقعدي معاه وقولي له اللي تحسين فيه يمكن مو متقبله الحياة الجديده والا عين وانتي تسولفين سوى وحط وخلى وفيه احد يسمع وعطاك هذاك الصاروخ الي ماعاد خلاك تكلمين

 

[عرش قلبه]

يمكن لانج ماتعودتي علييه بعدج ..
بس حبيبتي حاولي قد ماتقدرييين .. لاتقولين ما اقدر ومن هالكلام
يلسي معااه ناقشي اي موضوع شوفيه شو يحب واتكلمي فييه تقربي منه
ترا هالبروود فعلاقتكم مب من صالحج .. تكلمي في كل شي لاتخلين شي
في خاطرج لما تكلمينه قولي هذا مب شخص ثاني هذا انا يعني اعتبريه مثل
روحج وقولي له كل اللي في خاطرج

والله يسخركم لبعض

 

[ليه الهجر]

عزيزتي عادي ممكن تجي هالحاله

لاكن انتي عودي نفسك حبيه

شوفي الاشياء الحلوه فيه

تراه ممكن يصبر يوم يومين بس بعدين بيدور احد غيرك يسولف معه

انتبهي عزيزتي لاتخسرينه

دوري على مواضيع وغصب قوليها

ومع الايام بتتعودين

اطلعي معاه امشي معاه وسولفي واضحكي

وشوي شوي راح تتعودي

 

[رموز عشوائيه]

انت اقري على نفسج وحطي سوره البقره مسجل في بيتك يقراها دائم وانت بعد اقريها على نفسك وانفثي لان هذا والله شي مو طبيعي وحصني نفسك دااااااااائما

يمكن عين او سحر او حسد

بس لاتخسرين زوجك على حساب ناس حسوده حصني عمرك واقري على نفسج ايات العين والسحر وسورة البقره

والله يعيننا ويعينك

 

[انهار الحياة]

سؤال انتي تحبينه ؟؟
اتذكر اعرف واحدة نفس مواصفاتك
لما ملكت كانت راضية فيه كزوج لكن ماحبته بسرعة
المهم كانت مثلك كذا مع اهلها وصديقاتها انواع الفرفشة والسوالف

معاه ماتلاقي شي تقوله او تكون جاااااااادة

بس مع الوقت لما اخذت عليه صارت عااااادي تضحك وتسولف

اتوقع اهي مسألة وقت وبس ..

 

[احلى ميمو]

حصني نفسك لأن العين حق

 

[يقين الحب]

انا نفس حالتك لكن انا السبب كان زوجي نفسه لانه هو طبعه صامت اغلب الاوقات فصار عندي طبع لما اكون معاه اجلس صامته لكن مع الاهل او الاصدقاء ما بسكت نهائي

 

[nany2009]

الله يفرج عليك يا قلبي
مش عرفه بصراحه اقولك ايه بس انتي حولي تتكلمي معاه وتتقربي له وداومي علي قراءة سورة البقرة في بيتك و الرقيه
وربنا يسعدك يا قمر

 

[ابرار!]

بقولج شيء انتي ترضين زوجج يدور على بنت عن طريق جوال او نت يسولف معاها؟؟؟؟؟؟؟؟؟

اكيــــــــــــــــــد لا

فحاولي حبيتي تسولفين وياهـ وحطي في بالج صورة بنت تكلم زوجج اكيد راح تتغيريين


والله السوالف حلوهـ خاصه بين الزوجين انا وايــــد احب اسولف مع زوجي


حاولي وان شاء الله تقدرين

 

[m!ss pink]

حبيبتي انتي مطوله من يوم زواجك صرتي بتكملين سنه
اتوقع السبب مو انك ماتعودتي عليه او تستحين
اتوقع انو طريقة سوالفك حلوه وتجذب الناس واكيد فيه ناس قالو ياحظ زوجها فيها وفي سوالفها لانو فيه حريم يتمنون انهم يسولفون وفرفوشات

انصحك قلبو بقراءة سورة البقره يوميا وشغليها ببيتك وحصني نفسك وتوكلي على الله

يارب يفرج عنك ويسعدك ويسخر زوجك لكي ويسخرك له

 

[على الدرب]

حالتك ما تقول إلا عين اله يكفيك شرها
التغيرات الي بلا أسباب غالبا من عين
حصني نفسك صباحا ومساء واكثري من ذكر الله وتلاوة القرآن
إقرئي سورة البقرة كل ثلاث ليال وانفثي في ماء ورشي في أركان المنزل ويا حبذا الرش من بعد المغرب لن هذا وقت انطلاق الشياطين الله يحرسنا منهم
أكثري من الصلاة على النبي والاستغفار والحوقلة
والحسبلة وداومي فالقرآن شفاء من الأمراض والعيون والسحر وهو ما ندفع به كل شر
وندفع به كيد الشيطان إذ يريد ان يفرق بأي شكل بين الناس وخاصة الزواج
الله يبارك لك ويحرسك
حافظي على الصلاة وانتبهي من المحرمات ..تجنبيها
وربي يألف ما بينكم ويصلح احوالكم

 

[small princess]

ههههههههه نفس حالتي... يصيبني السكوت(الطرم خخخ) مع زوجي...

بس الحمدالله احس الفترة هذي وانا الان متزوجه صارلي 10 شهور...

أبشرك بديت افك العقده انا زيك والله عند اهلي والناس اسولف بكل ثقه واضحك كل شي تمااام

بس انا الي كان ينقصني احسه الثقه بالنفس لاني كل ماجيت اقول له سالفه تطلع باااايخه واتلعثم شويه واتحسف اني قلتها... لا وبعد اصير مجهزتها من فترة عشان اقدر اسولف معاه فديته

واليومين هذي احس نفسي بديت اصير مملوحه هههههههههههاي<<< اطلعي برا


اتمنى لك التوفيق لاتخافين طبيعي الي فيك

وحده من زميلاتي كانت كذا الان لها 3 سنوات متزوجه وتتعامل معاه على طبيعتها زماااااان

وكثير والله قالو لي كذا

 

[الويهـ السموحي]

هممم نفس حآلتي معني عروس من 6 شهور .. بس انا كنت اسولف واضحك معاه وكانت شخصيي معاه مثل شخصيي مع الناس واهلي يعني سوالف وفرفوشه وربشه بالقووو يؤيؤ ماكان يمل مني ,, اول مايطلع من البيت على طول يتصل ويسولف معنه مقابلني 24 ساعه مآيطلع من الغرفهـ .. حتى امه وخاونه شكو فينا قالو عنا خفافيش هع هع محد يشوفنا الا ونحن طالعين من البيت رايحين نتمشى .. بس فتره بدت المشآكل بيني وبينه مشاكل تافهه وصرت ماسولف وياه ابدن الا اذا بذمه او اقرضه واول مايبدى يفتج معاي اي موضوع ولا يقولي سالفه اتم ساكته واخر السالفه اقوله زين شو اسويلك يعني >> لامبالاه هع هع

يمكن تكون عين او حسد ( اكيد ) لان الحال تغير 180 درجه صرنا نكره بعض ومحد فينا ييلس فالبيت هو فصوب واانا فصوب ,,
ببدا اقرى البقرة واحصن نفسي وبيتي ,, وانشالله نرد مثل قبل >> سوي نفسي ^^

 

[ROJA.2009]

غريبة حالتك ..............اقري سورة البقرة اللي اعرفه والطبيعي ان المرأة

تحب الهذرة مع زوجها عن اي شئ

انتي حالة شاااااااااااااذة

بس عندي فضول ..........وكمان سؤال ؟؟؟ هل زوجك معك رسميييي مره ؟؟؟

 

[مغريه]

افتحي موضوووووووووع تحسين ان يهمه علشان يتناقش معاج فيه
الله يهديكم

 

[نغمات النجاح]

الله يعينك
بس اجلسي مع نفسك جلسة صفاء
واساليها راح تلاقي الاجابه قدامك بدون تفكير
اتوقع ان ليلة الدخلة كانت شوي متعبه ولاشعوريا اخذتي بخاطرك

 

[أحلام يتيمة]

الله يعينكم يا عرايس

المهم الموضوع بسيط لا تفكرين بها الشي بتااااتا لا تقولين في خاطرج اوه يمكن يضايق لو رمست او يعلق او ينكت يمكن سوالفي ما بتعيبه لا قولي السوالف وخذي راحتج يعني نكتي امزحي طبعا اذا الموقف والمكان يسمحون جدام التلفزيون بالسياره

هذا تردد وخوف من ردة فعل الآخرين يعني شو بيقول عني............


ونصيحه خلكم ملمات بكل شي عن السيارات المباريات وووووووووو

 

[3afraa_33]

ما اري ليش اذا تزوجنا خاااااااست اخلاقنا !

يمكن زوجك ما يحترمك الا اذا كنتي قليلة كلام وهاديه فتبرمجتي على هذا الوضع ؟!