Sally love
New member
- إنضم
- 2008/12/15
- المشاركات
- 89
السلام عليكم
انا هدخل في الموضوع علطول عشان بجد نفسيتي مش مؤهلاني لاي ترحيب
انا بنت عندي 21 سنة متدينة من اسرة محترمة جدا جدا - جميلة بشهادة الجميع - جامعية
اتقدملي واحد من طرف واحد صاحب بابا شهر 10 اللي فات تمت خطبتي له عجبني اول ما شفته
اكتر حاجه عجبتني فيه حياؤه لاني بحب الراجل اللي بيتكسف عشان بيكون اكيد مكنش له علاقات تانيه
المهم .. وافقت عليه وهو كمان وافق عليا بعد خطبتي باسبوع سافر السعودية هو شغال مهندس سافر
عشان شغله هناك سافر شهر 10 رجع شهر 2
شهر 3 اتكتب كتابي عليه
هو من القاهرة لما كتبنا الكتاب بات عندنا هو واهله 3 ايام
كانوا اجمل 3 ايام في عمري
بس فرحتي مكملتش
اول زيارة له من بعد كتب الكتاب اكتشفت انه له علاقات
لقيت رسالة علي موبايله من واحده اسمها سوزان وكان واضح من الرسالة ان العلاقة مش بريئة
قلتله ساعتها مقدرتش اخبي عشان كان باين عليا اوي
اتصدمت صدمة عمري كنت حاسه انه هيغمي عليا عشان دي كان اخر حاجه اتوقعها منه
لانه ابن ناس جدا وشكله محترم جدا جدا
كنت ممكن استحمل اي حاجه وحشه فيه الا انه يكون خاين او يعرف بنات
المهم.. واجهته انكر وقعد يقول كلام مايدخلش عقل حد
وبردو ما قلش الحقيقة كل اللي قاله ده موضوع وعدي انا ساعتها قلت مش مهم
وسكت قلت دي اكيد كانت حاجه في السعودية لان البنت اللي كانت بعتاله المسج سعودية
فقلت نبدأ من النهارده مع انه خلاص كان اتكسر جوايا حاجه عمرها ما هتتصلح
مافتحتش معاه الموضوع ده تاني خالص
بس طبعا بقيت بشك في كل حاجه
بدأت اراقبه من النت
لانه بيعشق النت وبيقضي عليه وقت كبير جدا جدا
هو كان له اميلين كان مديني واحد والتاني معرفهوش
عملت اميل ودخلت كلمته علي اساس اني بنت تانيه
لقيته بيتكلم ماشاء الله وبيتكلم في الجنس بافظع الكلام واقذره
عملتها مره ومقدرتش اكمل
اكتشفت بعد كده ان مفيش موقع تعارف علي النت ولا موقع جواز الا وهو مسجل فيه
وله اصدقاء طبعا بنات بس وبنات وحشه جدا بيبنا طبعا من صورهم
كل ده كنت كتماه في قلبي وساكته لاني حبيته جدا جدا جدا
ولما بتخيل حياتي من غيره بعد اعيط بشكل هستيري
لانه كان اول حب في حياتي واول لمسه اول بوسه اول حضن
صعب جدا اني محبهوش
بصوا استحملت اد ايه وانا ساكته ومش مبيناله اي حاجه
لاني كنت مفكره ان كل ده مجرد تسلية وكلام علي النت
بس امبارح بس اكتشفت اني غلطانه
انا اكتشفت ان له اميل تاني بس هو ميعرفش اني عارفاه خالص فمطمن جدا من ناحيته
عملت اميل جديد ودخلت كلمته علي اساس اني بنت تانيه
لقيته بيتكلم وبيتجاوب بس كان بيتكلم باحترام عشان انا مدتلوش فرصه يقل ادبه
سالني انتي مرتبطه قلتله كنت قلتله وانت قالي انا كمان كنت
وهو فعلا كان كاتب كتابه علي واحده قبل مني
قلتله طب كلمني عنها
قعد يكلمني عنها وقالي انه لسه بيحبها وانه وهو معاها عمره ماكلم بنت تانيه عشان كان بيخاف علي مشاعرها !!!!!!!!!!!!!!
طب وانا فين مشاعري كان واضح جدا من كلامه اني مليش اي اعتبار عنده وانه عمره حتي ما حبني
سالني عن سبب انفصالي انا كمان علي اساس اني كنت قيلاله ان انا كمان كنت مرتبطة
قلتله ان سبب انفصالي انه كان خاين وقلتله نفس قصته بالظبط
قلتله اللي بيحب عمره مايخون قالي صح
سالته قلتله هو ليه الراجل بيخون ؟؟
قالي يمكن عشان مبيحبهاش او ملقاش الحاجه اللي عايزها فيها
قلتله بس ده عمره ما يديه الحق انه يخونها لان الخيانه ملهاش مبرر
قالي صح بس الخاين بيستسهل الخيانه
كلامه كان بيقطع فيا
بعتله صورة واحدة قعد يتغزل فيها ويقولي ده انتي قمر !!!!!!!!!
قلتله طب ابعتلي صورة لك قالي معنديش بس ممكن نتقابل لو عايزة
هو من القاهرة وانا من اسكندرية فانا قلت اقله اني كمان من اسكندرية عشان لو هيقابلها ابقي عارفه
قلتله ماشي انا ممكن اقابلك قالي ماشي واتفق معايا انه جاي كمان اسبوعين
وهيفسحني
وقالي عايزة تروحي فين وماشاء الله يعني
انا خلاص قررت اني اسيبه
يوم ما هيجيلي طبعا هيسبني عشان يروحلها ساعتها هقله علي كل حاجه
وهديله الخاتم بتاعه وكل حاجه انتهت
عارفه اني هموووووووت هموت بجد مش كلام
بس مفيش قدامي حل تاني
انتم عندكم حل تاني ؟؟؟؟؟؟؟؟؟؟؟؟
انا هدخل في الموضوع علطول عشان بجد نفسيتي مش مؤهلاني لاي ترحيب
انا بنت عندي 21 سنة متدينة من اسرة محترمة جدا جدا - جميلة بشهادة الجميع - جامعية
اتقدملي واحد من طرف واحد صاحب بابا شهر 10 اللي فات تمت خطبتي له عجبني اول ما شفته
اكتر حاجه عجبتني فيه حياؤه لاني بحب الراجل اللي بيتكسف عشان بيكون اكيد مكنش له علاقات تانيه
المهم .. وافقت عليه وهو كمان وافق عليا بعد خطبتي باسبوع سافر السعودية هو شغال مهندس سافر
عشان شغله هناك سافر شهر 10 رجع شهر 2
شهر 3 اتكتب كتابي عليه
هو من القاهرة لما كتبنا الكتاب بات عندنا هو واهله 3 ايام
كانوا اجمل 3 ايام في عمري
بس فرحتي مكملتش
اول زيارة له من بعد كتب الكتاب اكتشفت انه له علاقات
لقيت رسالة علي موبايله من واحده اسمها سوزان وكان واضح من الرسالة ان العلاقة مش بريئة
قلتله ساعتها مقدرتش اخبي عشان كان باين عليا اوي
اتصدمت صدمة عمري كنت حاسه انه هيغمي عليا عشان دي كان اخر حاجه اتوقعها منه
لانه ابن ناس جدا وشكله محترم جدا جدا
كنت ممكن استحمل اي حاجه وحشه فيه الا انه يكون خاين او يعرف بنات
المهم.. واجهته انكر وقعد يقول كلام مايدخلش عقل حد
وبردو ما قلش الحقيقة كل اللي قاله ده موضوع وعدي انا ساعتها قلت مش مهم
وسكت قلت دي اكيد كانت حاجه في السعودية لان البنت اللي كانت بعتاله المسج سعودية
فقلت نبدأ من النهارده مع انه خلاص كان اتكسر جوايا حاجه عمرها ما هتتصلح
مافتحتش معاه الموضوع ده تاني خالص
بس طبعا بقيت بشك في كل حاجه
بدأت اراقبه من النت
لانه بيعشق النت وبيقضي عليه وقت كبير جدا جدا
هو كان له اميلين كان مديني واحد والتاني معرفهوش
عملت اميل ودخلت كلمته علي اساس اني بنت تانيه
لقيته بيتكلم ماشاء الله وبيتكلم في الجنس بافظع الكلام واقذره
عملتها مره ومقدرتش اكمل
اكتشفت بعد كده ان مفيش موقع تعارف علي النت ولا موقع جواز الا وهو مسجل فيه
وله اصدقاء طبعا بنات بس وبنات وحشه جدا بيبنا طبعا من صورهم
كل ده كنت كتماه في قلبي وساكته لاني حبيته جدا جدا جدا
ولما بتخيل حياتي من غيره بعد اعيط بشكل هستيري
لانه كان اول حب في حياتي واول لمسه اول بوسه اول حضن
صعب جدا اني محبهوش
بصوا استحملت اد ايه وانا ساكته ومش مبيناله اي حاجه
لاني كنت مفكره ان كل ده مجرد تسلية وكلام علي النت
بس امبارح بس اكتشفت اني غلطانه
انا اكتشفت ان له اميل تاني بس هو ميعرفش اني عارفاه خالص فمطمن جدا من ناحيته
عملت اميل جديد ودخلت كلمته علي اساس اني بنت تانيه
لقيته بيتكلم وبيتجاوب بس كان بيتكلم باحترام عشان انا مدتلوش فرصه يقل ادبه
سالني انتي مرتبطه قلتله كنت قلتله وانت قالي انا كمان كنت
وهو فعلا كان كاتب كتابه علي واحده قبل مني
قلتله طب كلمني عنها
قعد يكلمني عنها وقالي انه لسه بيحبها وانه وهو معاها عمره ماكلم بنت تانيه عشان كان بيخاف علي مشاعرها !!!!!!!!!!!!!!
طب وانا فين مشاعري كان واضح جدا من كلامه اني مليش اي اعتبار عنده وانه عمره حتي ما حبني
سالني عن سبب انفصالي انا كمان علي اساس اني كنت قيلاله ان انا كمان كنت مرتبطة
قلتله ان سبب انفصالي انه كان خاين وقلتله نفس قصته بالظبط
قلتله اللي بيحب عمره مايخون قالي صح
سالته قلتله هو ليه الراجل بيخون ؟؟
قالي يمكن عشان مبيحبهاش او ملقاش الحاجه اللي عايزها فيها
قلتله بس ده عمره ما يديه الحق انه يخونها لان الخيانه ملهاش مبرر
قالي صح بس الخاين بيستسهل الخيانه
كلامه كان بيقطع فيا
بعتله صورة واحدة قعد يتغزل فيها ويقولي ده انتي قمر !!!!!!!!!
قلتله طب ابعتلي صورة لك قالي معنديش بس ممكن نتقابل لو عايزة
هو من القاهرة وانا من اسكندرية فانا قلت اقله اني كمان من اسكندرية عشان لو هيقابلها ابقي عارفه
قلتله ماشي انا ممكن اقابلك قالي ماشي واتفق معايا انه جاي كمان اسبوعين
وهيفسحني
وقالي عايزة تروحي فين وماشاء الله يعني
انا خلاص قررت اني اسيبه
يوم ما هيجيلي طبعا هيسبني عشان يروحلها ساعتها هقله علي كل حاجه
وهديله الخاتم بتاعه وكل حاجه انتهت
عارفه اني هموووووووت هموت بجد مش كلام
بس مفيش قدامي حل تاني
انتم عندكم حل تاني ؟؟؟؟؟؟؟؟؟؟؟؟
