دانة الشام
~◦ღ( حكيمة الإستشارات الزوجية )ღ◦
- إنضم
- 2010/10/30
- المشاركات
- 3,508
لكل مجتمع ظروف وصفات مافينا نقول ليش السوريات هيك وليش السعوديات هيك !!!!!!!بس أنا بحس إنو نحنا حاسين بالامان أكتر من ناحية رجالنا يعني فكرة التعدد وشبح الضرة لايلاحقنا مثل باقي المجتمعات يعني الرجل يلي بفكر يتزوج مرة تانية بيلاقي الانكار من أقرب المقربين حتى أهله بوقفوا بوجهوا لأنو لسى عنا بيعتبروا الرجل يلي بياخد فوق مرتو رجل عينو لبرا ومو منيح حتى لو كان بالحلال ع فكرة وأغلب الرجال عنا مابفكروا بالزواج التاني لأنو بيعرفوا أنه باب للمشاكل وهوي مانو قدو من كافة النواحي لذلك يكتفوا بالزوجة كيف ماكانت لأنو كمان الاغلبية غير قادرين على فتح بيتين ويلي بكونوا مقتدرين ماديا بدل مايفتحوا بيت تاني بجخوا ع أم الاولاد بهنوها وبدللوها وبسفروها لأنها وقفت جنبهم وساندتهم يعني مابردلها الجميل بزواج آخر وبجيب الضرة فوق راسها .....لذلك نحنا منحس بالامان وعايشين بسلام ببيوتنا وماكتير منحس إنوالزوج ممكن إمتى ماكان يطير من بين أصابيعنا هادا الشي بينعكس ع تصرفاتنا وكلامنا...ومافينا نغفل طبيعة رجالنا يعني أنا لما بقرأ بعض المشاكل من بعض الاخوات بشوف إنو في ممارسات وتصرفات من رجالهم نحنا عنا مو موجودة نحنا عنا الرجل بفكر ميييييييية مرة قبل مايحكي أو يتصرف شي تصرف غلط لأنو بهمو كمان صورته بالمجتمع وبين الناس ..يعني في مية سبب وسبب لأختلاف التصرفات والطباع وردات الفعل بين كل مجتمع ومجتمع ومافينا نعمم بكل الاحوال. يعني كمان عنا في نماذج سيئة ياما منسمع عن نسوان بطققوا الزلمي وبجيبولو الجلطة يالطيف ....بس عموما متل ماقالت نور كندا تربينا إنو اللسان الحلو بطالع الحية من وكرها وياما في نسوان بلسانهم وشطارتهم خلو أصعب وأعسر رجال خواتم بأصابيعهم وهادا شوف عيني ....الله يحسن أخلاقنا ويحسن خاتمتنا يااااااااااااااارب.
