بتحرق زوجها

فتاة الحاسر

فتاة الحاسر

New member
إنضم
2009/02/12
المشاركات
579
صباح الخير غاليآتي..

انا مضايقه ومهمومه والله
اكتب لكم وانا ابكي ومو قادره اتحمل

آه اهآتي حاااااااره حرقتني وخايفه تحرق زوجي وحياتي بعد

المشكلة فيني انا حساسه درجه اولى واضايق لأتفه الأمور وموبسهل اني اتقبل اي شي
واذا تضايقت ما اتكلم لأني احس ماعرف اعبر و اني استحي او اتردد وعلى طول يبين على وجهي يعني اذا حسيت اني مضايقه من موضوع معين وهو تافه اصلا احاول اني ماقول
بس يبين على وجهي واظل افكر فيه ويأثر على تصرفاتي وينعرف اني مضايقه واذا سألني زوجي شفيك اقوله مافيني شي واحس دائما هذا الشعور معاي نادرا ماكون مفتله واضحك وامزح وزوجي مايحب ابدا هذا النوع بس مو عارفه اتغير ..
واللي معذبني آه زوجي يحبني وحاسه اني اتعبه معاي هو شمالي غربي واللي تعرف صفات الشمالي بتعرف اطباع زوجي هو قالها لي مره كنت مضايقه مدري نسيت ليه المهم قالي حبيبتي انا احبك مابيك تخسريني اه والله كلماله ويزيد صياحي مو متحمله والله يحبني حيييل بس انا احس موعارفه اتصرف بقولكمك شصار معي امس بس اذا هديت برجع اكتب واعذروني على الأطالة
 
اكيد انك جنوبيه ويمكن شرقيه لابد انك تتغير اذا حابه تكسبي حياتك وزوجك ادخلي جو المرح في البيت الحياه حلوووووووووووووه
انتي اقوى شدي همتك وقوي عزيمتك وراح تقدري
 
انتي نفس حالتي انا مثلج جذي وايد حساسه ويبين على ويهي ودي اضحك ودي افرفش بس مااقدر

بس انا عكسج من اللي يسويه فيني ريلي صرت جذي يعني لو يحبني ومخلصلي مااعتقد اني بكون بهالصفات

الله يعينج وبنتظارج

:)
 
ياااقلبي ماتحوج كنك تتكلمي عني بس انا خسرت حاولي تتغيري مو صعبه بس تتضايقي من شئ قووولي لاتستكتي خليكي صررررررررررررررررريحه والله لو تتحولي لوقحه بس عشان ماتخسري الي تحبيه اهم شئ الصراحه لما تكتمي بشئ مزعلك نيتك طيبه انتي بس تتفهم انو بتكدبي عليه

قلبووو شو ماصار بس حاولي تتكلمي انا زيك ماعرف اعبر عن الي بقلبي كتير فزعل مليون مره وارضا بس تخسري لاتستني الييين تخسري حاولي تتغيري ان شاء الله لو تكتبي بورقه وتخلو في ورق او شئ زي كدا بس تكتبي لو فيه لما تكوني زعلانه بالبدايه اسم انو تتعودي تتكلمي بس لازم تكوني صريحه

الله يسهل لك ويسخرك لزوجك ويسخره لك يارب
انتبهي على نفسك
 
الله يكون بعونك
دائما كرري دعاء اللهم اني اعوذ بك من الهم والحزن
واكثري من الاستغفار
كملي بانتظارك
 
الشمالي الغربي يكره الدمووووع
حاولي تقوين نفسج ...وعلى فكرة انا مثلج جنوبية شرقية
الله يهيدج يارب ويسخر لج زوجج
ننتظر
 
كنت نفس الشي في بداية حياتي الزوجيه
نفس الشي كان زوجي يتضايق من طبعي
بس مع الوقت تغيرت وصرت الحين مرحهه مررررررررره
واضحك متن غير سبب =مهستره ماحدقاله هههههه
 
حاولي تكتبين خلي عندج دفتر خاص واي شي يضايقج كتبي فيه
وبعدين اذا شي بينج وبين ريلج حاولي تكتبين له رساله باللي مضايقج او اشتري سبوره وعلقيها في الغرفه واكتبي عليها ادعيه او كتبي شي مضايقج او كتبي فيها كلام حلو او اعتذري منه من موقف يعني السبوره راح تنفعج كثير
وبالنسبه للضيقه اللي فيج حاول قد ماتقدرين تتخلصين من هذي الصفه لان حرام زوجج يشوف زوجته اللي قاعده معاه 24 ساعه مكشره ومعصبه ولا يعرف ايش بها
لان بهالحاله راح يطفر حرام
انتي جذي تدفعيه يشوف حد يريحه ويضحك معاه , ان شاء الله يارب مايوصل لهذه المرحله
واخر نصيحه اقرأي دايما " الم نشرح لك صدرك "
والدعاء " اللهم اشرح لي صدري ....."
 
يا عمري بعدك صغيره وتو الدنيا خذيها نصيحه هاي طريقه تاثر على اعصابك وانتي توك باول المشوار
الشمالي ما يتحمل كثير شوي وتبطل تفرق معه والرجال بشكل عام ما تعجبهم المراه الحساسه يملو منها بسرعه
تحياتي وتقبلي مروري
 
مشكووووووووورين كلكم وحده وحده من كل فلبي والله حسيت في احد يفهمني ومعاي

زوجي يشتغل موظف اتصالات وافه يومين واحيانا ثلاث والأربعا والخميس افه الأربعا كنت تعبانه
كبدي لأيعه وكلمت زوجي وقلت له وهو مسكين قعد يحاتيني وبس ماجه من الدوام الا 9 الليل
ومن 6 ايام تقريبا ماشفته مشاتقه له مررهطلعنا رحنا مشوار ورجعنا وتحسنت شوي قالي خلينا نروح الغرفة وانا فيني التهاب واكثر من 4 مرات نسوي العلاقه من غير مايدخله يكتفي بالمص وهو متفهم ومو مضايق وحنا اثناء العلاقه فجأه سألني مارحتي المستشفى عن هذا الألتهاب قلت له لا وقلت في داخلي مو وقته يعني هالسؤال لا تقولون لي مضايق او طفش يبي لا انا فهمت قصده كأنه من باب المعرفه والله اعلم بعد انا تضايقت شوي لأن هذا الموضوع يضايقني وانهيت العلاقه وتغطيت :tears: واا اقول شفيه مايحس فيني المهم وكنا مخططين نطلع بكره المنتزه نفطر ونتغدى وماجلسنا الا متأخر ومارحنا فليل رحنا المجمع وخلاني اشتري على راحتي وكنا مبسوطين ومفتلين عادي(زوجي مايشيل في خاطره ودائما يحاول مايضايقني)
رجعنا نمنا عادي اليوم الثاني نجتمع انا وخواتي بيت اهلي وانا مارحت على اساس بنروح المستشفى وبعده نطلع نتمشى وحنا نفطر فتح موضوع الألتهاب قالي ليه ماقلتي لأخوانك يودونك عادي قلت له اخواني مايفضون لهالمشاوير ابدا قالي طيب كان تصرفتي قلتي لأحد من اخواني حتى قلت له مستحيل وهو زي اللي رفع صوته شوي وماكنا لوحدنا كنا في الصاله والغرفه فيها بنات اخته وخفت يسمعون قلت له طيب شفيك وقمت رحت اصلي واجهز
ورحنا وطووووول الطريق ساكتين مرينا على القريه اللي جنبنا وفيها مطر قال اووه هنا مطر وحنا ماعندنا انا مارديت ولا علقت المستشفى قالو مافي تحاليل قالو لي تعالي يوم ثاني رجعنا ونفس شي سامتين وصلني عند البيت وراح يوقف السياره ومارجع وكنا ناوين نطلع نتمشى قلت اكيد راح بيت اخته وماقالي انا بسوي مثله بروح بيت اهلي ومراح اقوله لأنه قريب رحت ضليت ضليت وماتصل سأل ولا شي اتصلت انا وقلت له وين انت قالي برا ولهجته عادي مو زعلان قلت بعيد قلي يعني تبين شي قلت له ابي اطلع زهقانه قالي اي معي اختي وبنتها قلت له ايي رحتو تتمشون قالي اي بس مانزلنا من السياره قلت امم يلا باي وجا لي ومجاهلني طوووول الوقتولا كلمه كلمني ولما رجعنا البيت صلا واخذ ثيابه بيوديهم المغسله قاطعته وقالت له ليه مجاهلني وكذا ووو وتناقشنا يعني وانا تضايقت ورحت الغرفه اصيح جا وجلس جنبي وضمني وسكتني وهدئة قالي شفيك قلت له مضايقه قالي مو بس انتي مضايق انا بعد مضايق وخلاص راضاني وقمت كشخت وتزينت ورجعت بيت اهلي اكمل الجمعه
وبعدها رجعنا الشقه وجهزت شنطته عشان بكره الدوام ورحنا الغرفه وكنا مو حيل مبسوطين عادين بدينا العلاقه وعلى وطول استعجل بالمص انا انقهرت قلت مثل ماهو يبي انا بعد ابي
وسكر الليت ونمنا هو مسكين يفكرني عادي مرتاحه انا قمت اخذت جوالي وطلعت الصاله
جالي وقالي شفيك قلت له زهقانه قالي لازم تتكلمين توضحين شتحسين فيه قلت وش اقول يعني (لأن اكثر من مره تكلمنا فيه وهو ماقول ماسوا بالعكس تغير حييييل ويحاول بأي طريقه ان يريحني بس انا مو جايه افهم) ورجع للغرفه وانا ضليت شوي الا سمعت صوته ودخلت الا هو متغطي ومايكلم احد في الجوال قلت شفيه المهم فجأه قام ولبس ثوبه وقالي بمشي اللحين << دوامه مو في منطقتنا انا حسيت بالذنب وقالت له لا لا تروح الله يخليك مسكته وبسته وتخيلو تخيلو يابنات قعد يصيح يصيــــــــــــــــــــــــــــح اول مره اشوفه يصيح انهرت و ماقدرت اشوفه رحت اركض للمطبخ وجلست اصيح وبعدها رحت ضميته وقلت الله يخليــــــــــــــك لاتصيح هو شافني كذا هدا وجلس يفضفض لي قالي شفيك انا انسان اصيح عادي لاتفكرين عليك انا قايل لك مضايق وتذكر ابوه المرحوم واخوه وامه تعبانه واشيا واجد وخلاص قلت انا غبيه غبيه والله بعدها قالي خلاص خلينا ننام وخلاص بعدها صار طبيعي بس شوي تعبان وهو في الدوام رسلت له "كيفك ياروحي " لأن ماتتصورون ضميري يألمني حيييييل الشقه والله من ادخلها اقعد اشاهق صياح واشوف صوره اللي فكل مكان واذكر مواقفه اللي كلها محبه لي وازيد بنات والله الغباء وعدم التفهم ولحساسيه بيموتوني تخيلو انا الحين سهرانه لأني جالسه تحت عند اهل زوجي وشقتي فوق مابي اصعد لأني ادري بانقهر وبقضيها صياح :tears:

ارجوكم ساعدوني واعذرووووووووووووني طولت عليكم واشكركم مررررررره ثانيه على ردودكم الرائعه
 
ياحياتي انتي ياحبيبتي
اتوقع انك قريب متزوجه انا كنت زيك بالضبط في تاني اسبوع زواجي زوجي من الصباح الى 1 او2 بالليل وهو بالدوام
وانا بالبيت بس ابكي ابكي من الوحده ومن القهر اني غير كل العرايس وابكي من شوقي له لانه لما يجي تعبان يروح ينام انا من جواتي عاذرته بس من قهري اجلس ابكي
والله نكدت عليه حياته هو يدري اني مضغوطه ويقولي حتى انا مضغوط وهدا الشيء مو بيدي
المهم الحمدلله اقنعت نفسي اني لازم ماازودها عليه ولازم اكون له الحضن الدافي لازم اريحه حتى لو باضغط على نفسي
والحمدلله تغيرت ولما تغيرت انا تغير هو وتغيرت حياتنا الحمدلله للاحسن
المهم تفهمينه وياقلبي ترى كتر البكى مايفيدك بالعكس يضرك حاولي ماتبكين في وجوده حسسيه بكل احساس انتي تتمنين تحسينه منه حاولي تضحكين مع اللي حولك وتغيري جوك انبسطي علشان لو جا يشوف الفرحه في عينك
وتنعكس عليه
صدقيني مافي اي بني ادم في هدي الحياه يحب النكد والزعل لاتخربين حياتك واستغفري ربك كتير
الله يوفقك
 
حبيبتي اتعوادي من الشيطان لا تتدققي علي كل شي ولا تنكدي علي زوجك لا انه النكد ولاكتاب ينتقل لزوجك كمان وتصيرو دائم في مشاكل حكايت الاتهابات حاولي تعالجيها عشان ما تعكر مزاجه وبعدين ارمي شخصيت الحزن واول ما يجي زوجك خليك فراشه مبتسمه الرجال يعشك الابتسامه قبل الشكل حاولي تسوي مقالب وخفت دم حاولي تتغيري الله يسعدك
 
حبيبتي انا احبك مابيك تخسريني
أنقر للتوسيع...


اذا قالها الشمالي يعنيهااااااااااااااااااااااااااااااااااااااااااااااااااااااااااااااااااااااااااااااااااااااااااا

وحده زوجها شمالي غربي وكان يموت فيهااااااااااا وبعدين هي بارده ومعطيته طنش
قالها حبيبتي غيري من نفسك ترى اذا رحت والله ما ارجعلك لو انك دوااااااااااااااي :surrender:
وفعلا صادق في كلمته وهي ماتغيرت قالت يحبني ويم تغيرت سارت تعطيه وجه الا هو ملللللللللل تبي ترجعه ماااااااااااااااااااااااااااااااااااااااااااااااااا قدرت تعاني تعاني تعاني تعاني

لها سنه تبي ترجعه زي اول ما قدرت ~ يلا اللحين اللحين شوفي الصفات اللي يحبها الشمالي وسويها بسرررررررررررررررررعه قبل فوات الاون ~ مابي اخوفك بس ترا من جد
 
شوفي حبيبتي انا بنصحك نصيحه من اخت تحبك في الله---- داومي على صلاة قيام الليل

وانطرحي بين يدي الله وبثي شكواك وحزنك لربي خاصة في الثلث الاخرواطيلي في السجود


واجعلي لك ورد يومي تلاوة جزء من القران مع التدبر اجعلي كتاب التفسير جنبك بعد الفراغ من التلاوه اقرئي تفسير ماقرأتي

اكثري من الاستغفار -----بينشرح صدرك وبتتغيرين بأذن الله0000لاملجأ ولاملتجى الا بالله في جميع امور حياتنا000

اسئل الله العظيم ان يديم السعاده بينكم ويرزقكم سعادة الدارين000امييييييييييييييين
 
انتي انسانه حساسه مررررررررررره وزوجك ماشاء الله عليه مومقصر معك بشيء حاولي انك تحتوينه والمسكين باين عليه عنده ضغوطات نفسيه كثيره وانتي كذا قاعده تضغطين عليه بالحساسيه حاولي انك تنطشين وانا تراني مثل حالتك وزوجك تقريبا مثل زوجي الحين علشانه بعيد عني لسنوات كل هاذي الذكريات تمر عندي وانا اتحسر اقول ياليتني استفدت من ذيك الايام وموفقه ان شاء الله
 
الله يكون في عونك حبيبتي

انا اشوف حساسيتك هذي ناتجه من احساسك بالذنب

واذا المشكله عندك في الالتهابات

فعلا دبري نفسك اما اخوانك اواخوانه مع وحده من حمواتك طبعا يودونك

ولا يعرفون نوعية مرضك ايش

بس قولي لهم تعبانه عشان اذا جاء زوجك تكونين متهيأه له

وعيشي حياتك وانبسطي ياشيخه

والله ان الهم والنكد يقصرون العمر

والشي اللي بخاطرك اكتبيه بورقه وخلي زوجك يقراه

الله يهدي سرك ويحنن قلبه عليك زياده
 
شوفي حبيبتي الشمالي الغربي يكرررررررررررررررره النكد نصيحة مجربه كنت زيك وتخيلي مالي الا سنتين وحاول يتزوج والسبب هذي الحركه بغيت اموت من القهر لما دريت وللان ماثره علي ولكن احاول اطور نفسي بدت تخف الحاله كثير الحل اشغلي نفسك دراسه شغل طلعات انا غربيه واحب الطلعات والفرفشه وهو يطلع ويروح ويجي وانا محبوسه بالبيت علشان كذا كانت نفسيتي تعبانه لكن بديت اسلي نفسي والحمدلله مشى الحال
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل