ببساطة ماذا لو توترت العلاقة بين اهلك وزوجك

[راجيه الرضا]

لو أهلك _ والدك أو والدتك_ حصل بينهم وبين زوجك خلاف , وحد منهم طلب منك تسيبي بيتك علشان يعاقبوه , وانتي شايفة إن زوجك محترم معاكي وبيحبك
فوقتها كلمة أهلك والخلاف بينهم وبين زوجك , انتي لا علاقة لكي بيه نهائيا وماينفعش تسمعي كلامهم أبدا وتبعدي عن زوجك
لو انت _ كزوج_ حصل خلاف بين زوجتك وأهلك , وأهلك طالبوك بإنك تطلق زوجتك أو تبعد عنها علشان ترضيهم , وانت شايف إن زوجتك محترمة وبتحبك وبتراعيك كزوج لها
فوقتها كلمة أهلك لا محل لها من الإعراب , وماينفعش تهدم أسرتك علشان طرف خارجي
.
وأيوه أهل الزوج وأهل الزوجة , يعتبروا أطراف خارجية بالنسبة للزوج والزوجة
لأن الزواج في أصله إنشاء أسرة مستقلة تماما , بمجرد انفرادهما ببعضهما البعض في سكن مستقل ,,, بقوا كيان واحد من المفترض إن لا يتأثر بأراء وطلبات كيانات أخرى
حتى لو الكيانات دي كانت الأهل
.
لو العلاقة بين زوجك وأهلك متوترة , فحاولي تقريب وجهات النظر من غير ما تاخدي صف أو تقفي ضد حد
مانفعش ,,, يبقى أفصلي الطرفين , وعاملي أهلك بما يُرضي الله , وزوجك بما أمر الله
.
ولو العلاقة بين زوجتك وأهلك متوترة , فحاول تقرب وجهات النظر من غير ما تنحاز لطرف
مانفعش ,,, يبقى تفصل بين الطرفين , وتعامل أهلك بما يُرضي الله , وزوجتك بما أمر الله
.
لكن إللي تهدم بيتها علشان طرف خارجي , تبقى هبلة
وإللي يهدم بيته علشان طرف خارجي , يبقى عبيط
والسلام عليكم ورحمة الله


منقول