بالله عليكم أنا منهااارة

[أم لوله]

ياعالم أنا بيجيني حالة نفسية من زوجي والله والله لو ماني خايفة من ربي كان قد انتحرت من زمان زوجي عصببببببببببببببببببببببببببي فوق ما تتخيلون طيب وحبيب وعاقل بس مصيبة اذا زعل من أتفه شئ قلب حياتي جحيم بصوته وفلسفته اللي مادري من وين جايبها ويسوي من الموضوع قضية وتكبر السالفة وياوييييييلي لو مارضيته واعتذرت منه وطيبت خاطره حتى لو ماني مقتنعه بسبب زعله يقول لاتشرحين لي راضيني أول وبعدين ناقشيني وأنا رايق واعتبريني (حمار) بس لاتخليني زعلان تخيلو ولو سويت كذا حتى وهو رايق ممكن يزعل وأندم إني كلمته ويقول إذا عصبت كلميني وأنا أبعد عنه عشان ماتزيد المشكلة حتى يهدأ هو لأ يقول أنا غير طيب وش الحل؟؟ فيه وحده تحب المشاكل وتجيبها لنفسه ؟ بس هو ما يقتنع عجزت معاه وماني قادرة أحكي لأهلي أو خواتي ما أبغى يكرهونه لأنهم شايفينه انسان ممتاز .وعلى فكره على أتفه سبب يهددني بالطلاق في كل نقاش ويغلط عليه قدام أولادي وهم صغار ولما يكون رايق ماتتخيلون كيف انه طيب ودمه خفيف وكريم ويدور رضاي .بتقولون ابعدي عن الأشياء اللي تزعله أقولكم ماصرت داريه وش يزعله كل شوي وهو زعلان وأحيانا على سبب تافه بالله عليكم أعطوني حل والا دعوة في ظهر الغيب ان الله يحنن قلبه علي وينزل محبتي في قلبه وان الله يرزقه حسن الخلق ولا تنسين الملائكة تقول ولك بمثل خلاص بنفجر من البكاء ماني قادرة أكمل.

 

[المخطوبه]

الله يعيينك حبيبتي ..
الله يحنن قلبه علييك ان شااء الله ...
بس حبيبتي انتي قعدي معاه جي شووي بروقـآن كلمييه بنعوومه ولاتخلينه يزعل
قولي له ان انت صاير تزعل ع اتفه الاسباب يمكن بعدين الله يهدييه و ينسى الزعـل ..

والله يخليكم لبعض ان شااء الله ... ​

 

[الماسه وحساسه]

اسأل الله العظيم رب العرش الكريم في هالساعه بين الاذان والاقامه انه يسخر زوجك لك ويزينك ويزين كل افعالك في عينه ...شوفي حبيبتي مادامه يقول لك انه اذا زعل راضيه فهذا شي سهل مافيه مشكله من يزعل تبسمي واعتذري واحتوي الخلاف لان نوعيته ماينفع يعصب على طول بيقب عليك وشوي ويرمي عليك اليمين وهذا شي محد يبيه لذلك انتي عرفتي علاجه خلاص اصبري اصبري اصبري وتحملي واعتذري من تشوفيه زعلان..........ياحبيبتي مشكلتك بسيطه بالنسبه لمشاكل الخيانه والضرب والاخلاق الفاسده مشكلتك حلها انك تبردي اعصابك وتحتوي زعله وتتحاشين النقاش خلاص لاتناقشيه بكيفه دامه بيسكت ولايهاوش لان النقاش مع الرجل العصبي ضايع فخليك مثل ماقلت لك والله يرزقك الحلم ويصلح بالك ويسخره لك يارب

 

[dream.live]

الله يحنن قلبه عليكي ويسخره لكِ ويجعلك قرة عينه

 

[*..الحلوة..*]

والله لو زعل زعلي انتي قبله عشان يعرف ولا ترضين ابدا وكبري السالفة صيري زعلانه مثله عشان يحسو خليه يراضيج

 

[azoooza]

ياقلبي الله يهون عليك ويبرد على قلبك
ويرزقني واياك قوة الصبر ان شاءالله

 

[الملكه اليزابيث]

الله يعينك بس لو انا مكانك بطنشه واخليه يصارخ لين ينفقع كبده خير على الطالعه والنازله

الله يهديه ويسخره لك اميييييييييييين

 

[شذا الليل]

لما يزعل انت غيري مكانك من جدامه وحاولي تنصحينه لما تكونوا رايقين وحبابين انه لما يحس نفسه بيعصب وما قادر يمكسك نفسه انه يستغفر ويطلع شوي يمشي برع البيت وخليه يتعود على هذا النظام واذكري له حديث الرسول عن الغضب وقولي له انه الغضب من الشيطان وانت ملاك كيف يتلازم شيطان مع ملاك وبصوت هادي وناعم والله يسخره لك

 

[أرق ورده]

الله يعينك احس ان بس صليتي الوتر وبكيتي من قلبك شاكيه امرك لله ويشوفك انك متأزمه بس وقت الصلاه اتوقع بيجي براسه الف استفهام ........الله يصلح حاله .........يارب

 

[الجده الصغيره]

الرسول عليه الصلاة والسلام عنده العلاج للغضب الشديد...لو اقنعتي زوجك باتباع السنه لتغير تغييرا جذريا

 

[حياة روحى]

الله يعينك بس انا اتوقع يبغاله علاج عند اخصائي جلسات سلوكية

وجربي مرة اخذي موقف جاد وحازم شوفي كيف بتكون ردة فعله الله يعينك عليه ويصبرك يارب

 

[..ام مهنـد..]

الله يعينكم

 

[عبيرزوجها]

الدعاء
أفضل حل واحمدي ربي انه يكون راضي احيانا فيه ناس ما ترضى ابد​