بالله شوروا علي ......

و

وسام الحزن

New member
إنضم
2008/07/19
المشاركات
262
لا إله إلا أنت سبحانك إني كنت من الظالمين​



بدون مقدمات اليوم أنا وزوجي كنا نتكلم عن الجوالات وقلت له أبغى أغير جوالي .........​

تدرون وش رد علي ...؟؟؟​

قال وش سويتي لي عشان أغير جوالك...؟ أنتي قاهرتني الأسبوع اللي راح وتبيني أشتري لك جوال ​

قلت لاتدفع شي بشتري بقيمته قال لا .... قلت خلاص بخلي إخواني يبيعونه لي ... قال لا وياويلك لو ​

خليتيم يبيعونه ... أنا اسكت قال أنتي صايره مهمله وماتهتمين فيني ولا بملابسي ​

السالفه ومافيها إننا كنا بيت أهله الخميس والجمعه كنت مغسله ملابسه وكاويه اثنين منهم لبس واحد ​

الخميس وطلع من الفجر والظهر جا اخوي بياخذني ماامداني اكوي له ثوب كويت بس الشماغ على ​

أساس فيه ثوب مكوي ومعلق ويوم صار الجمعه لبس الثوب طلع ضيق عليه ومافيه غيره وقام ​

يهاوشني ويهزأ فيني وطردني من الغرفه وانا كنت لابسه عبايتي بنروح لجده وهو بيروح للمسجد واخذ ​

وأخذ واحد من ثيابه ونزل يكويه تحت قلت عطني اكويه ولا رد علي ورحنا بعد مارجعنا رقينا بغرفتنا ​

وقام يهاوش علي وقال اكوي كل الثياب هذي وكويتها .....​

تخيلوا يقولي وش سويتي لي عشان اشتري لك جوال وأنا خادمته ومو مقصره معاه صح هذا واجب ​

علي بس ليش عشان شي بسيط يقول انتي ماسويت لي شي وبتل يتكلم ويقول لاشفتك مرضيتني شريت​

لك جوال وأنا دايم أجيب له هدايا بدون مناسبات وهو ماقد ذكرني بهديه الا بايام الملكه واذا عطيته ​

الهديه قال ان شالله بشتريلك ​

طبعا أنا مارديت عليه ولا بكلمه يوم شفته بتل يتكلم سكت وضاق صدري من كلامه يعني لها الدرجه يمن​

علي..يعني مو المفروض يصرف علي ... يعني لو تزاعلت أنا وياه بعدين بوقت مناسبه او عيد ماراح​

يشتري لي شي... وربي ضاق صدري .. وكان اول يقولي بعطيك مصروف وبعدين هون وصار مايمد لي ​

ولا ريال لا بغيت شي لازم تصير سالفه عشان يشتري لي وربي من تزوجت لنا ثمان شهور ماعطاني​

شي ولا قد دخلت السوق الا بعيد الاضحى والفلوس مو منه بعد وربي ضاقت بي الدنيا وقمت عنه وقال ​

وين بتروحين قلت بطلع الملابس وانا اكذب رحت اصييح وهو عارف اني بجلس اصيح قال بسرعه ​

تعالي وبعد مارجعت مسوي نفسه عادي وجلس يسولف ولاكنه مسوي شي ويجي عندي بالمطبخ ​

ويسوي حركات بس خلاص احس اني مالي نفس له يطفش مررره ​

بالله شوروا علي كيف اتعامل معاه واجبره انه يعطيني مصروف وشخصيته شمالي غربي واسفه على ​

الاطاله​
 
الله يعينج الغاليه

ماعرف شوه أقولج بس


حاولي انج تتغيرين وياه يعني من طريقة لبسج ادلعيله واكشخيله

حاولي انج تكسبينه بأسلوبج


الاخوات ف المنتدى منزلين مواضيع وايد فيها فايده


اقري هالمواضيع



الله يسخره لج


الله يهديه ان شاء الله


السموحه منج الغاليه
 
باين انه يحب انج تهتمين فيه وماتهملينه باصغر الامور
حاولي تهتمين فيه زياده وتكلمينه بهدووء ان لازم يبيلج مصروف وكل وحده متزوجه لها مصروفها وزوجها يشترلها الا انا سايسيه يعني بهدووء ودلع وان شاء الله ربي يوفقكم
 
والله حبيبتي ماعندي خبرة بالشمالي الغربي بس الواضح ان زوجك من النوع العصبي ولما يعصب ينسى كل شئ حلو
اذا عصب اسكتي عنه بااحترام وسوي نفسك شوي وبتصحين وهو بيندم ويراجع نفسة
واذا هدى ناقشيه بهدوء وعلمية انك بشر يغلط وما انتي آلة وقولي له ماعندي حسنات تشفع لي هذي الزلة ؟؟
والواضح ان زوجك يحبك ول يحب يشوفك زعلانة
واذا روق وشفتيه مبسوط ناقشية وقولي انت ما تقصر وتعطيني كل اللي ابغى وامدحي فيه وانت كريم الخ
بعدين قولي بس انا ابي مصروف خاص فيني كل شهر تمد لي مبلغ معين <قولي المبلغ اللي يزيد عن حاجتك بزيادة اذا قال لا قولي اجل المبلغ اللي انتي تحتاجين >
لاني استحي اطلب منك كل ما بغيت شئ والا انت ماتقصر
وياحبيبتي مافيه شئ اسمه تجبرينة يعطيك مصروف هذا الشئ بكيفة بس انتي خليك ذكية واخذي اللي تبين بذكاء مو بالغصب
والله يسخرة لك امين
 
دايم ألمح له بس هو يبغاني اتوظف انا اقوله ان اختي زوجها يعطيها مصروف يقولي اختك موظفه توظفي واسوي لك زيه
 
حبيبتي الرجال هما كذا مايثمر فيهم شي
بس انت عديها له بس ساله المصروف هذا واجب عليه يصرف عليكي
الا اذا اكانت حالته الماديه مو كويسه اصبري عليه

الله يعينك
 
شوفي حبيبتي إذا زوجك متضايق لاتفتحين معاه مواضيع من الممكن تتأجل

شوفي الوقت المناسب الي تطلبين فيه شي منه وحاولي ديماً تجهزين
ملابسه وتقومين بواجباتك على اكمل وجه والمصروف ارجعي كلميه
فيه بعد مايروق ،، الله يوفقك ويسعدك في حياتك الطريق قدامك طويل
الله يسخر لك زوجك ويسخرك له يارب..
 
كثير من الرجال يتعاملون مع زوجاتهم بهذه الطريقه تخدمه 24 ساعه ولو قصرت في حقه دقيقه قال ماشفت منك خير00طبعا وللاسف الشديد يخونهم التعبير في تفهيم الزوجه ويجرحها بالكلام 00وزوجك يمكن يقصد من هذا ان تنتبهين وتهتمين وتحرصين اكثر لكن خانه التعبير ولايقصد ان يجرحك بس شايف هو ان هذه الطريقه المناسبه لتعنيفك 00لانه تراجع وكلمك عادي
المهم لاتضيقين صدرك طنشي وحاولي انك تنتبهين وتتفقدين اغراضه اول بأول
 
بالعكس حالته الماديه زينه بس عشان احنا بديره ثانيه غير ديرة اهلنا يحس هو اننا مولازم نصرف كثير وهو ينقص علينا عشان يجمع وبالاخير مايطلع بشي
 
مشكوورين على ردودكم ومروركم بس وربي ودي اتكلم اقوله ابي مصروف بس احس هو مصيطر علي يعني اتوقع لو بس ابدا بكلامي ويعرف اني ابي مصروف على طول بيهاوشني
 
ياروحي انتي ....طولي بالك حبيبتي وحاولي دامك بالبدايه ما تعودينه انك بسرعه اتخلصين اغراضه وتججي بانك بطيئه .........بعدين بيتعود عليك ونصيحه لا تضغطين نفسك لانك بتملين
 

ما قصد انه ما راح يشتري جوال


قصده من الكلام يلفت انتباهك له اكثر ويحسسك بتقصيرك


عموما الرجال باختلاف انماطهم اذا شاف الزوجه اللي ماليه عينه بكل شي وما تسوي الا اللي يبي صار كريم معها


وبعباره ثانيه تبينه كريم ومايرد لك طلب لازم يكون راضي عنك
 
فعلا لازم دايم تكشخين له وتتدلعين عليه واذا زعل حاولي تمتصين غضبه مو تزعلين ووقت انه زعلان لاتفتحين معاها مواضيع تكدر وانتبهي لزوجك وحاولي تكملين اغراض زوجك قبل كل شي وانشاءالله ربي يسخره لك ويسعدك
 
حاولي تجهزي اغراضه دائما على اكمل وجه
وانتي خدي ورقه وقلم واكتبي كل احتياجاتك الصغيره والكبيره وقولي هدي اغراضي ولاتحاولي تطلبي المصروف من الحين خاصه انك توك متزوجه والرجل يخاف تسيطري عليه بس حبه 00حبه
الله يوفقكم يارب
 
اريومه تسلمين يابعد قلبي والله كلامك حلو وهذا الي بسويه ان شالله
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل