بالله تدشوه وتساعدوني انا محتاره ....

ا

ارق على ورق

New member
إنضم
2009/11/19
المشاركات
16
السلام عليكم ..كيف حالكم خواتي ..


هذي اول مشاركه لي ..وراح اكتب لكم قصه اومشكلة اختي ..لان جد محتاجه احد يدليني على الصح وانا في حيره ...


بس قبل كل شي بقولكم شوية معلومات عن اختي .. اهيه توها متزوجه ..صارلها 4 شهور ماعندها عيال.. مطلقه من قبل لا تزوج ..عندها صديقه جدا قريبه منها ..لكنها قذره في تصرفاتها واعتقد فهمتوا كيف ...

اختي جميله بس للاسف ماعندها ثقه بالنفس ..تخون زوجها لانها بعد الطلاق تعلقت بالجوال واخذت تكلم شباب ومازالت تكلمهم....وللاسف بقلة الادب ..يعني مواضيع مخله...

ماعندها ابد وازع ديني <<هذا الي يحرني ...واغلب المشاكل براسها هي وتعرف تطلع منهم ..ومع هذا فهي حكيمه ويعجبك كلامها اذا تكلمت يعني عندها اسلوب مو طبيعي اذا بتقنع احد

من تزوجت تبي تصير الاجمل بالعالم كله ...لو احد يقول لها فلانه جميله تنقهر تمووت ليش تقولون عنها كذا وانا احلى منها ....
مشكلتها بدت عند الزواج ..ماعرفت تسيطر على زوجها ..ولانها تخون اكيد جاها احساس ان زوجها كذلك يخونها ..فقامت تلعب بنفسها من عمليات تجميل واسلوب مغري جدااااااااااا باللبس الي مايلوق ابد على وحده توها متزوجه بينت لزوجها انها تعيش بحريه وثقه من اهلها تطلع وترد على كيفها وزوجها مسايرها ..وعطاها ايضا الحريه وعندها سيارتها كيف ومتى مابغت تروح وترد

المشكله الحين انها تمادت مع زوجها بالجنس ..وخلته يطيح الميانه ...بدرجه فظيعه .. قام يقولها نبي نسافر وراح البسج بكيني <<مافي غيره ابدا<< وكانت اختي مبسوووطه جدا بهالزوج الي يعطيها حريتها
..
وتمادت اكثر وقامت تشوف معاه افلام سكسيه <<وهي توها عروس << وتمثل جدامه انها عاادي وانها تبي ...هي قصدها تبي تطيح الميانه وبس..؟؟؟؟

الحين زوجها يقول لها نبي نسافر وراح اجيب وحده ثانيه تنام معانا بالفراش ...<<هذا وقت الجنس يقول لها هالكلام....اختي انصدمت منه وتقول سكت وماتكلمت بشوف اخرتها...طلع الرجال مايمزح ..

اختي الحين متضايقه ..تقول اخاف يفكر اني من هالنوعيه واخاف فعلا يسويها ....

انا عن نفسي نصحتها ..لكن اتمنى انتوا تنصحوني شنو اقول لها ..انا محتاره ومتضايقه لضيقتها

قلت لها تروح وتذكر الله وتقرا القران يمكن يشوفها تقرا ويعرف ان في حدود وهذي مازالت مسلمه ماترضا بهالامور ...؟

تكفون ساعدوني ,..؟ شقولها محد يدري بالموضوع الا اانا فلا تخلوني ....
 
اختي لازم اختك تبتعد عن اللي تكلمهم وتبدائ حياة جديده مدام انها تزوجت
وبعدين حرام اصلا انها تطالع هالافلام وتسوي هذا كله صدقيني خلة نفسها رخيصة بنظر زوجها لاتتوقعين انه بكذا بيتعلق الحين هو مبسوط من اللي بتسويه بس بتتعذب بعدين وهذي اكبر غلط انه تسمح له
وبعدين تفهمه انو ماعاد تبي تطالع هالاشيا لان جد حرام وصدقيني كذا حياتهم ماراح تنجح ابد لان ارخصت نفسها بهالشي
ومفروض هي ماتسكت ع هالكلام اللي تقوله
ويوم قالها بلبسك سكتتت اظاهر كان يبي يشوف ردها اذاهي لها غيره ع نفسها ولالا
كل شي موحلو صار بينهم راح ينحط في باله ومابينساه
ماحسيت انها تكلم زوجها ابد لازم تبدا تغير نظرة زوجها فيها تبتدي تبتعد عن هالاشيا وصدقيني بتم كذا بيتمادى زوجها اكثر بيجيبون اعيال راح يتدمرون اعيالها فهميها اختي ع اللي تسويه مفروض تستفيد من تجربتها الاولى
بس جد مدري شاقول
الله يهديها يارب
 
يا اختي ان الله لا يغير ما بقوم حتى يغيروا ما بأنفسهم فيما معنى الاية

لذلك لازم اختك تغير طريقة تفكيرها عشان زوجها يغير فكرته عنها

وعليها بالالتجاء الى الله سبحانه وتعالى
 
حبيبتي المشاكل من هذا النوع حلولها واضحه وسهله ومايبغالها الا القناعه والعزيمه خلك وراها بكل قراراتها ولا تتركيها لان زوجها كود يضغط عليها حاولي تقنعيها وتجبريها بالعقل وانا عارفه انك متوتره مع اختك بس الله يعينك لين تنحل المشكله مابعد الصبر الا الفرج
 
مشكوره اختي حنانوو جد كلامك صح واتمنى اوصله لها لاني نسيت انها ارخصت نفسها ونسيت ان اذا صار عندها عيال راح يتضررون ...مشكوره على التوعيه وعسى الله يجعله في ميزان حسناتج
 
سارونه...

الشي الي يقهرني انها ماتحب النصيحه خصوصا اذا كانت بالدين ...تقول انا عارفه...مايصير تطلع غلطانه ابد ...

حتى مره انا دعيت عليها قبل لا تزوج لاني كنت انصحها تترك الشباب ولا فاد قلت لها يارب لما تتزوجين يكون زوجج له علاقات وتخليج منقهره مثل ماتسوين بالشباب وحريمهم ...هي بكت وقتها ..لكن ماحس فاد فيها شي للحين مستمره
 
الله يهديهم قولي لها تصلي تهجد وتكثر من الدعاء والله ماينفعها غير ربها

وتدعي ان الله يهديها

سؤال مافهمت يلبسها بكيني شنو يعني
 
قولي لها نظفي نفسك ونظفي حياتك من الذنوب الا تعملينها الله عاقبك بالدنيا انتبهي لحياتك

مافي داعي تكلم شباب / مافي داعي الافلام الاباحية الا خلت زوجها يفكر يجيب وحده معهم بالعلاقة الخاصة

هي الا حدت واجرفت زوجها لذا التفكير تتحمل نتيجة خطأها

قولي لها تتقرب من الله وتكثر من الدعاء والاستغفار والصدقة بنية التوبة النصوحه الصادقه لله لجل ربي يبارك لها بحياتها ويستر عليها ويكتبها ممكن يشفع لهم رسول الله صلى الله عليه وسلم ..... تجلس مع زوجها وتتفاهم معه عن التفكير الا يقوله والكلام وتردعه وتقوله لو قلت الشي ذا او مجرد فكرت به انا راح ازعل وتركز لو قال الكلام ذا وقت العلاقة ترد عليه لا تسكت حتى لو تخرب عليه جوه وتقوم عنه وتدخل تستحم وتتركه لحاله ... سالفة البكيني تقوله اوكي البسه لك في شاليه لحالنا انا حلالك انت ملك لك انت مب لغيرك زي ما انت ملك لي تحرك بزوجها عامل الغيرة وتحسسه بقيمته عندها وبقيمتها عنده​
 
طيب وانتي كيف عرفتي انها تكلم شباب في امور مخله؟لا يكون تتسمعين؟؟؟
 
اختي لازم تنقذين اختك وحياتها
صدقيني هي يمكن اهدمت بيوت شباب متزوجين فهميها الحين ان الشباب بيهدمون فيها لان كل واحد كلمته وهومتزوج تلقينها تدعي وتتحسب عليها فهميها انو الله مابيخلي حق احد
واذا قالت لك كذا قولي انتي اللي خليتي زوجك ياخذ عنك هالفكره
وصدقيني بيمنعها انها تحمل لان استحالة واحد يرضى ان هذي تكون زوجته لانها رضت انها تسوي هالشي لنفسها الرجال اذا شاف وحده حبت نفسها اكثر من اللي حوليها تمسك فيها بس اذا العكس انتي عارفه وشايفه هالشي
انا اللي اتمناه انها تتوب وتبتعد عن هالشي لان جد ماوراه الاالدمار وخراب البيوت هي موبس بتهدم حياتها بتهدم حياة اهلها وحياة اللي تكلمهم بعد
اهلها وخواتها مالهم ذنب باللي تسويه لازم توقفينها عند حدها لو تسوين ايش خوفيها بالقصص اللي تصير ارسلي لها رساله اذا كانت عندكم نايمة بجوالها اللي مطلعته لهم تخويف صدقيني بعدها بتكرهم وبتخاف وبتتمسك بزوجها وبتتغير كثيرررر
الواحد يبي يموت باعماله الصالحة موبذنوبه
 
يعني هي اللي جابته لنفسها ....(((جنت على نفسها براقش)))....
يعني أختج زعلانة عشان ريلها بس قال أبي علاقة ثلاثية؟؟؟؟؟
وهي كل البلاوي الزرقة اللي سوتها بحق نفسها وحق ربها ما زعلت عليها؟؟؟؟؟؟
يعني هي مسايرة ابليس زعلانة عشان ريلها مسايرها بنفس الطريق؟؟؟؟؟
حدث العاقل بما يعقل حبيبتي .......

الحل بيد اختج خل تسمي بالله وترد لعقلها ودينها قبل لا تخرب حياتها بيدها ,,,,,ريلها ان كان يعرض عليها هالفكرة بكرة بيطبقها وغصب من ورا خشمها بعد.....بيقول انتي مخربتها جات علي.....؟؟؟
الله يهدي بنات المسلمين,,,,,,,,
 
وي وي ي .. وحده ثالثه بالفرااااااااش.. استغفر الله.. استغفر .. الله.. خير .. خير .. ان شاءالله

وليش .. وش يبي في الثالثه.. يارب ارحمنا..


كيف ترضى على نفسها .. تشوف افلام اباحيه.. كيف .. توهم زوجها .. ان اهلها مخلينها على كيفها..

والاخ يصدق.. ويسااايرهاااا.. والله ريايل اخر زمن.. لادين ولاغيره ..


الرياااال مهما كان يخون زوجته.. لكنه ماايقبل على عرضه.. وهذا يقول بلبسج البكيني..


واختج الله يهديها.. المفروض تسوي قدر حق نفسهاااا.. وتترك.. الحراام.. لان الحرام يجر حراام


وقوليلها .. هذا عقباااج من رب العالمين.. شراه ماتسوي في حريم خلق الله.. تكلم ريايلهم..


ربي عطاها واحد.. بكره بقولها .. بييب ربيعي .. اللله يهديها..


خليها تنظف نفسها من الداخل.. وتتقي الله .. في نفسها وفي بيتها.. الله يعين .. والله هالزمن يخوف..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل