باستا بالكريمة بس على طريقة ( روح)

[( روح )]

السلام عليكم ورحمة الله وبركاته

حبيباتي اليوم عندي لكم طبق لذيذ لا يقاوم

وخاصة لمحبات المكرونه والباستا

الباستا بالكريمة بس على طريقتي

وأكيد بصور

ما تاخذ وقت في عملها ...بس سلق الباستا هو اللي ياخذ وقت شوي

يالله بسم الله نبدأ

المقادير

مكرونه أو باستا الـ Tagliatelle

كريمة

( إذا استخدمتي باكيت المكرونه كامل استخدمي معاه علبتين كريمة على شان تكفي
هنيه استخدمت نص المكرونه فاحتاجت علبة كريمة وحده بس )

كاس جبن بطعم القشطة ( المراعي )

1 مكعب ماجي

زيت زيتون ( لأني ما استخدم غيره لطبخ...بس اي زيت ما يفرق)

شوية فلفل اسود بودره

1 بصلة صغيرة مفرومه

1 ثوم مهروس ( ممكن الإستغناء عنه للي ما يحبون بس هو اللي يعطي الطعم الرائع للباستا)

شرايح فطر

فلفل بارد ( رومي ) ملون أحمر وأخضر وأصفر وبرتقالي

بيبي ذرة

بيبي جزر

بروكلي



وممكن اضافة
فاصوليا خضراء
هليون
وبيبي ملفوف

بس هالمرة ما كان متوفر معاي

ونحاول على قدر المستطاع يكون تقطيع الخضار بنفس الشكل

هذي صورة عن قرب للكريمة اللي استخدمها وهي جداً رائعه
وأفضل جبن جربته للباستا من المراعي

الطريقة على خطوتين

الخطوة الأولى

نسلق الباستا في ماء يغلي

مع
1\2 م. ط. ملح

1 م. ط. زيت زيتون

مكعب الماجي

والبيبي جرز

والبيبي ذرة

وأي خضار قاسية وتحتاج لطبخ لمدة اطول نضيفها مع الباستا على شان تجهز مع بعض

وإذا كنتي تحبين الأكل الحار

ممكن اضافة فلفل أخضر حار في ماء السلق

قبل ما نطفي النار نضيف البروكلي ينسلق مع الباستا لمدة 2- 3 دقايق فقط

وبعدين نصفي الباستا مع الخضار من الماء

وألحين دور الخطوة الثانية

نحط شوي زيت زيتون في الجدر

ونضيف عليه

باقي الخضار اللي ما طبخناها وهي

البصل والثوم والفطر والفلفل البارد

نقلبها بس لين تذبل
لا تخلونها تحمر على شان ما يتغير الطعم

نضيف علبة الكريمة عليهم

نقلبها لين تسخن

ونضيف كاس الجبن كامل عليها

نقلب لين يسيح الجبن ويختلط مع الكريمة

ونخليه لين يبدأ يغلي

ملاحظه مهمه

ما نضيف الملح في الخطوة الثانية لأننا ضفناه في السلق مع مكعب الماجي

والجبن فيه ملح بعد فيكفي

ونضيف بس فلفل اسود بودرة

ونضيف الباستا عليه ونقلب ونتركه دقايق بس لين يبدا يغلي ونطفي النار

ونقدمه في طبق التقديم وهو ساخن

ملاحظه

هذا الطبق ينأكل على طول وهو ساخن

لأنه يعجن إذا برد ويصير قطعة وحده وغير لذيذ

حلاته وهو ساخن

ممكن يتاكل لوحده

وممكن تسلقين صدور دجاج مقطع مكعبات وتضيفينها وقت تحمير البصل
فبيكون باستا مع قطع الدجاج

وممكن تاكلينه مع الدجاج المشوي

هالمرة عملته بالخضار وزوجي جاب لوبستر ( أم الربيان) بالجبن لأنه يحبها مع الباستا

وهني على قلوبكم

إن شاء الله قدمت لكم شي مميز ولذيذ

جربوها وعطوني رايكم

ولا تنسوني من خالص دعائكم

​

 

[سحابة متفائلة]

طريقتك حلوة
الله يعطيك العافية
عم ستنى طبقي يوصلني

 

[وزيره]

وانا اقول القسم منور ياهلا والله بمراقبتنا روح يسلمووو الايادي ويعطيك الف عافيه واتحفينا بالمزيد بارك الله فيك

 

[لاريسيا]

اممممممممممممممممممممم

ياسلااااااااااااااااااام رووووووووووووووعه

 

[Ontha Halema]

ماشاء الله تبارك الله

تنسيق وترتيب يفتح النفس للطبخ

شوقيتيني اجربها

الف شكر لك

 

[هدوء أميرة]

ماشاءالله روح الموضوع اكثرمن رائع روعـــــــــــــــــــــه الله يعافيك ومنورة المنتدي بلـــــــــقيس ولاتحرمينا جديدك يالغالية

 

[* Um Jawad*]

ما شاء الله سلمتي على الطبق

بصراحه و انا اقراء الوصفه حسيت اني اشم ريحته هههههههه

 

[سهام اليل]

رررررررروعه
ماشاءالله شكلها يفتح النفس

الله يعطيك العاااااافيه

 

[غلا روحي99]

يعطيك العافيه تسلم الايادي ...ننتظر جديدك القادم بشغف

 

[ليلكيه]

ماشاء الله

باااين عليه لذييييييييييذ

تسلم يدك

 

[storylovly]

تسلم الايادي حبيبتي
الله يعطيك العافيه

 

[( روح )]

شكراً على الردود اللي ترفع المعنويات حبيباتي

جربوها وما بتستغنون عنها ههههههههههههه

 

[وزيره]

اكيد طالما من يدينك الحلوه بتكون لذيذه

 

[(A7LA)]

ما شاء الله تبارك الله

شهي و لذيذ و يحتوي على الكثير من الخضراوات المفيدة

هذا الطبق الذي افضله و اطلبه في كل المطاعم لأنني لا أصنعه و لكنني سأحاول تطبيق طريقتك

يسلمو اديكي غاليتي على هذه الوصفة الرووعة

 

[آصآآيل]

تسلم الايادي

من جد طبق لذيذ

الله يعطيك الصحه والعافيه

 

[القلب المهجور]

الله يعطيك العافيه
شكلوووو مشهي

 

[اتيت من بعيد]

حلووووووووووة ربي يعطيك العااافية
وربي يسهل واجربها وارد لك

 

[n7jla]

ررررررررررروعه ماشاء الله

 

[( روح )]

أسعدني مروركن وكلماتكن حبيباتي
​

ما شاء الله تبارك الله

شهي و لذيذ و يحتوي على الكثير من الخضراوات المفيدة

هذا الطبق الذي افضله و اطلبه في كل المطاعم لأنني لا أصنعه و لكنني سأحاول تطبيق طريقتك

يسلمو اديكي غاليتي على هذه الوصفة الرووعة

جربيه يا أحلا ما يبغيله شطاره

انتي قدها وقدود ههههههههه

وانتظر النتيجة :icon30:
​

 

[حورية بحرنا]

يمممممم شكلها لزيزه

بنجربها



يسلمووو يا قمر ع هيك طبخه


ماننحرمش

/