انا تعبت كثير لي ماقدرت اتغلب علي هالشي
كنت يوميا افكر واحاتي
من كثر ما احاتي حتى الدورة الشهرية قطعتني
اول شي رحت عند دكتوره في مستشفى خاص
وكانت دكتوره مصريه ضحكت علي وقالت الريال بيطفش منك
وخلتني احس بالضعف
وعطتني حبوب تافهه جربت حبه ماسوت شي
ثاني دكتوره رحت لها
عاملتني بقسوه وبخشونه
وسوت لي فحص مهبلي كانت نتيجته اني تألمت عقبها اسبوع
وكرهت سيره الزواج كلها
بعدها بشهر زوجي ابتدا يلمح انه يبي طفل وانه كبير ويحتاج هالشعور وان اخوه زوجته حملت من اول شهر
هالشي خلاني اتحرك للمستشفى الامريكي
ودخلت عالدكتوره بعد ماصليت استخاره واستعديت
وشرحت لها حالتي كلها وانه مابي فحص مهبلي بس ابي حل للدورة وهالمشكله الي هي التشنج
تمت تتكلم معاي نص ساعه عن العمليه الجنسيه وعن الرجل والمرأه والتركيبه
وقالت لي جربي شوي شوي بروحج لين ماتقدرين
وعطتني حبوب مهدأه قبل الجماع بساعه و عطتني كريم املا للمنطقة الخارجيه تخدير وعطتني كي واي
بنفس هاليوم رجعت البيت جربت بروحج الكريمات
وجربت بيدي الشعور اكتشفت ان المنطقه منمله وانه مابيعورني
ثاني يوم قلتله يا بو الشباب انا جاهزه وكنت اسحب فيه وهو يضحك علي
لين ماقدرنا نتم العمليه لاول مره
صج ماصار قذف داخلي لان كنت اتالم شوي من داخل بسبب ضيق المكان
الا انه بالنسبه لي كان انجاز خلاني انام الليل مرتااااحه
لحد الحين ماجربت لثاني مره بس راح اجرب اليوم
وانا حاليا معاها على حبوب تنزول الدوره عشان عقبها تحسب معاي متى يكون يوم التلقيح بالضبط
ويارب يا كريم اني احمل من هالشهر واحقق له امنيته وامنيتي
ادعولي يا بنات
