كل الأشياء اللي ممكن تضر الشخص العادي يفضل أن الحامل تبتعد عنها .. يعني الأكل الغير مطبوخ بشكل جيد ممكن يضر أي شخص لكن مع الحامل يزيد الخطر لأن العلاج من هذي الحالة ممكن يضر الجنين.. يعني بشكل عام لازم الحامل تهتم أكثر من العادة بنظافة الأكل عشان تتجنب الاسهال و التسمم الغذائي .. و البيض و اللحوم لازم تكون مطبوخة زييييين عشان ما تتعرض للسلامونيلا ..
بالنسبة للعسل .. يعتبر مضر لأنه ممكن يحتوي على نوع من البكتيريا أو الجراثيم .. خاصة العسل الطبيعي .. لأنه ما يمر في أي نوع من التعقيم أو البسترة .. و نفس الشي بالنسبة للألبان و الأجبان لازم تكون مبسترة .. أو اذا حليب طازج لازم قبل ما تشربه تخليه يفور على النار عشان التعقيم ..
بالنسبة للشاي و القهوة..
انا قريت في عدة كتب أن الشاي و القهوة ممكن تشربهم الحامل بس على كميات قليلة لأن فيهم كافيين و كثرة الكافيين في الجسم ممكن تضر .. فإذا شربتي كوب قهوة في اليوم لا تشربين شاي و العكس .. و المشروبات الغازية بعد فيها نسب عالية من الكافيين فلازم التقليل منها أو الأفضل الامتناع عنها ..
و الحامل لازم ما تشرب الشاي و القهوة مع الوجبات لأنها تقلل امتصاص الفيتامينات و المعادن من الأكل مثل الحديد.. و ممكن تشرب كوب قهوة أو شاي ما بين الوجبات ..
و هذا اللي اتذكره حالياً .. أتمنى اني افدتكم
