ايهما اسهل تدريس الكبار ام لصغار؟؟!!

[-موج-]

السلام عليكم...
شلونكم احوالكم اموركم ان شاء الله الكل بخير..
اليوم سؤال مر في بالي وقلت اشارككم فيه...
ايهم اسهل للمدرسة تدريس الصغار بالصف الاول والثاني والثالث ام تدريس الكبار من الرابع فما فوق...رأيكم يسعدني...​

 

[-موج-]

وين وجهات النظر والخبرات..نريد ان نستفيد من المدرسات اصحاب الخبرة...

 

[احسبهم يحبوني]

بصرااااحه على كلام صديقاتي المدرسات
يقولون ان تدريس الكبار اسهل بكثير من الصغار

 

[-موج-]

احسبهم يحبوني شكرا لردك حبيبتي..واخيرا احد عبرني...تصدقين هذا الي فكرت فيه ان تدريس الكبار اسهل...لان تدريس الصغار يحتاج الى طريقة واسلوب تجعلهم يركزوووون وهذا شئ .....................!!ما اعرف شأقول...
اتمنى اشوف ردود اكثر...

 

[ولهت عليك]

انا ارئ بحكم خبرتي البسيطه .................
ان تدريس المرحله الابتدائيه اسهل بكثير من تدريس المرحله المتوسطه ..
خصوصا في هذا الوقت حيث ان الطالبات في المرحلتين تصعب السيطره عليهن .....
اما المرحله الابتدائيه لايوجد ازعاج وعندهم استعداد للتعلم والتجديد في طريقه الشرح....
اما كون الصعوبه بين الصفوف الدنيا والصفوف العليا ...
فمؤكد ان الصفوف الدنيا اصعب بكثير لانها مرحلة تاسيس من الصفر...
اما الصفوف العليا فقط تحتاج الى ان المعلمه ترسخ المعلومات القديمه في ذهن الطالبه ...مع المعلومات الجديده ..​

 

[-موج-]

ولهت عليك....شكرا لمشاركتك حبيبتي..وحلو ان وضحت جوانب السهوله والصعوبة من الناحية العلمية والتطبيقية...لان الاطفال فعلا لديهم رغبه بالتعلم الا ان الصعوبة هو في البداية معهم من الصفر الا ان الكبار في تدريسهم سهوله في اعطاء المادة العلميه لكن بينتي لنا صعوبه في ضبطهم...نوعا ما رايك مختلف عن احسبهم يحبوني...
اتمنى ردود اكثر واراء اكثر...

 

[نسيم القلوب]

من أول-- لثالث إبتدائي يبي لهم معلمه طويلة بال وقدها لان تعرفين التأسيس بيكون عليها لو هيه أسست الطالبات صح راح يكونون يا سلااااام في أي مرحله ثانيه
بس من رابع لخامس شوي حلو عليك من مادتك بس مسؤولة عن مادتك وبس
المتوسط والثانوي يبي لهم وحده قويه وفي نفس الوقت تفهمهم
لأن أكيد يبي لهم سيطره وأفضل شي إن إنتي تكونين طيبه وزينه معاهم بس لو وحده غلطت وإنتي حذرتيهم قبل كذا لازم يكون عقابك بوقته لأن ما ينفع التأجيل أو الك لكه في العقاب يعني( تبين تعاقبين بس ما تبين تزعلينهم ما يصير )
وهم أصلا إذا خافوا ما يخافوا إلا على الدرجات

 

[المتغيرة للأفضل]

بالتأكيد اختي تدريس الصفوف العليا اسهل بكثير

 

[~أماسي~]

كل مرحله لها أجابيات وسلبيات

الفصول الدنيا حلوين ببراأتهم ومناهجهم سهله لكن طريقة توصيل المعلومه تبي تمكن ومهاره عاليه

على عكس الفصول العليا لكن مناهجهم أكثر خصوصاً الحين مع التطوير <<هذا كله بالنسبه لمرحله الابتدائي ..

واتوقع المتوسط والثانوي نفس الشيء .

 

[راعية الود]

والله شوفوا بصراحه مو علشان اتعامل مع الصغار . بس تدريسهم صعب والله ومسؤلية
وسنوات تأسيس يعني المعلمه اذا عندها ذمه وضمير . من جد تتعب معهم .
اما تدريس الكبار بصراحه اشرحي الدرس وامشي ... الصعوبه فقط في السيطره
على طولة لسانهم ودلعهم الماصخ ...

 

[حلاوة المدينة]

عزيزتي ليست المسألة أصعب وأسهل ولكنها مسألة استعداد نفسي وقدرة وصفات شخصية تؤهل المعلمة لتدريس الصغار أو الكبار فلكل مرحلة متطلباتها فمن المعلمات لديها العلم الغزير ولكن ليس لديها مهارة التواصل والإتصال مع الصغار وهكذا ..... التعليم ليس بالمهنة السهلة عموما للكبار والصغار ...

 

[يارا.]

اتوقع الكبار لان الكبار يفهموون اكثر من الصغااار واسرع فهم من الصغار

 

[بسـmــة]

بصراحه احب تدريس او ل واثاني متوسط اما ثالث
مستحييييييل شيئ صعب
البنات مايقلون ادبهم مع المعلمة ال يتوقعونها
شديده انت اظهري شخصية متوازنه
ولاتقسين ولا تلينين جدا الوسط افضل شيئ
وعامليهمكاخت ومعلمه ^^

 

[ورودالاسلام]

تدريس الكبار احسن واسهل وهما كبار ويفهم صح فيهم دلع زايد بس انتي لاتعطيهم وجهه للابد

 

[رضينابالهم]

انا بنسبه لى ادرس مرحله متوسطه وابتدائيه وكلا المرحلتين لها عيوب مميزات الابتدائى صغار يحترمونك بس فهمهم بطئ اما الكبار عنيدات ويطلعون روحك ويفهموم عليك بسرعه هذا وجه نظرى

 

[جواهر العبدلي]

الاطفال من اول لثالث مطيعين اكثر بس يبغالهم طولة بال ولكن الصفوف العليا تدريسهم اسهل

 

[-موج-]

الي استنتجته من كلامكم..انو اكثركم مقتنع بان الاطفال تدريسهم سهل من ناحية الاحترام الا ان الكبار تدريسهم سهل من ناحيه استيعابهم اسرع...لكل شئ حسنات وعيوب فعلا...
شكرا لردودكم الحلوة...تسلموووون

 

[عصور]

شوفي أختي الصغار تأخذين وقت في تقريب المعلومة لأذهانهم , يعني المهارة تكون في قدرة المعلم على تبسيط المعلومات والمهارات المدونة في الكتاب لمفاهيم يستطيع صغير السن أن يستوعبها جيدا بالطريقة الصحيحة المأمولة !!!

لكن الكبار تحتاجين أن تكونين ذات أفق واسع وثقافة عالية متنوعة كي تربطي معلومات الكتاب بالواقع من حول الطالبة ... وحتى الصغار تحتاجين مثل هالربط بالواقع لكن مو بالشكل الكبير اللي ممكن ما تستوعبه عقلية الصغير ....

يعني المعلم المبدع للكبار هو الذي يستطيع بمهارة أن يعطي معلومات الكتاب باتقان + ويضيف لها تدعيمات خارجية وتطبيقات واقعية

هذا من ناحية المادة المدروسة ,,,

أما من ناحية التعامل (برأيي الصغار سهولة في الضبط - وربما قليل جدا من الحزم يعالج حالات مستعصية كثيرة )

الكبار تحتاجين مهارات عالية في التعامل كي تستوعبي الطالبة , وتنالي استحسانها من احترام وثقة ,

يعني لازم تكونين ملمة بشكل أكبر بالتعامل مع المواقف ممكن تواجهك عنيدة , وفوضوية , ووحدة تهرج ودها تخرب على البنات الاستماع والحصة , وحدة عندها مشاكل الحصة تنفيس عندها عن كبت تعيشه , الصغار نادرا ما تلاقين مثل هالمشكلات بطبيعة الصغار مسالمين مهذبين يستمعون من اول شيء , ويخافون على طول بل بالعكس أحيان ما تحتاجين ( للحزم ) كله في المرحلة الابتدائية ,,,,

الكبار كل حالة لها تعامل , بطريقة خاصة ومن المهم الانتباه لمرحلة المراهقة وشعور المراهق برغبة الاعتداد بالذات

وفرض الرأي أحيانا للشعور بالاستقلال ,,,

هذا اللي أعرفه من استتنتاجات من خلال الواقع

ممكن بعضها صح وبعضها خطأ بس هذا اللي عندي والله أعلم ...

يعني ما فيه شيء نقدر نقول انه اسهل

لكن ممكن نقول انك تجدين نفسك في التعامل مع هذه المرحلة براحة وابداع وسهولة

وهذه المرحلة تحتاجين فيها بذل مجهود عشان تندمجين فيها بالصورة المطلوبة ...

والله يوفقك أختي

 

[-موج-]

كلامك حلو عصور وافتهمت منه ان رأيك ان تدريس الصغار اسهل بالمقارنة مع تدريس الكبار الذين قد يعانون من مشاكل نفسية تنعكس على الحصة..