ايها الشمالي نريد ان نعيش معك بسلام

كتيرررررررررر جميل....ابدعتي كملي غاليتي:32:
 
كلامك كلو صح بس عندي نقطه ماقدرت اطبقها
دموعي ماقدر امسكها
الشمالي على قد ماهو عصبي على قد ماهو حنووون
الله يخليه لي
يعطيك العافيه
 
بتشكر كل البلقيسيات اللي نورو موضوعي وبعتذر اذا تاخرت عليكن شوي بس هالشي بسبب اني مرضت هاليومين وطلعت حرارتي

الي رجعة ان شاء الله مع المحور التاني من الموضوع
 
الحمد الله على السلامه
انا كنت دلوعة زوجي
والحين ولا شيء عنده ووهو ولا شيء عندي
مادري شنو سبب التغيررررررررررررررر

بس موقادرين نتحمل بعض
 
الف سلامة رنين الصدى ماتشوفين شر ....

منتظرينك ....
 
ب--كيف نوجه الشمالي الذي يمر بمشاكل خاصة؟

1-الشمالي انسان استقلالي قيادي بالدرجة الاولى ومن الصعب جدا ان يتجاوب مع التاثيرات الخارجية(اهل -زوجة -صديق -زميل)

فاذا شفتي شماليكي عم يغلط فاول شي لازم تعمليه انك تبتعدي عن تقديم النصائح


لا تنصحي الشمالي
​
لانو عنيد جدا واستقلالي ومعتد بارائو رح تلاقي صعوبة باقناعو انو هو على غلط اذا نهيتيه بصورة مباشرة او قدمتيلو نصائح بدون طلب منو
ووصليلو توجيهاتك بطريقة غير مباشرة (اوعي تغلطي وتقوليلو انا شايفة انو هالحل هو الانسب الك او تقوليلي :انا بنصحك تعمل هالشي هون رح ينغاظ منك ويقول بقلبو :(شو بيعرفك انتي ؟ليش انتي حتكوني افهم مني ؟
لا شكلك الظاهر بدك تعملي عليي فيلسوفة وبدك توعظيني وتطلعي عليي بالعالي)

ومباشرة رح يرفض يقتنع باي فكرة بتقدميها وشوي شوي مع تكرار هالاسلوب منك رح ينفر منك يا مسكينة و ما يعود يخبرك بالمشاكل اللي عم يمر فيها وهون ساعتها بيصير شمالي علىال silent





2- الشمالي موضوعي لا ياخذ ايا من التوجيهات دون نقد او تفكير :

منشان توصل فكرتك وتوجيهاتك بصورة اوضح

ناقشيه باتباع الاسلوب التسلسلي المنطقي وادعمي كلامك بالادلة الكافية مع الامثلة



2-الشمالي متمركز حول الهدف ويعمل جاهدا لتحقيق مصلحته:
اذا بدك ياه ياخد توجيهاتك بعين الاعتبار

كلميه بحب ومن باب الخوف عليه

بهالطريقة بيحسك انك عم تنصحيه لانك بتخافي عليه وعلى مصلحتو
خليني اعطيكي مثال:
زوجك بدو يعمل مشروع كبير وانتي شايفة انو يمكن ميزانيتو ما بتسمحلو يفوت بهالمشروع الكبير

اذا قلتيلو مباشرة لا تفوت بهالمشروع لانك ما رح تكون قادر على تكاليفو بتكوني فتتي بالمنطقة الخطرة معو والانسب انك تعملي التالي:
اعملي بحث على النت وجمعي معلومات كافية عن هالمشروع واديش بيكلف واحتمالات الربح والخسارة اللي فيه يعني بالمختصر اعمليلو دراسة جدوى مبدئية وفاجئيه فيها
اذا سالك ليش عملتي هيك قوليلو :حبيت ساعدك ووفر عليك وقت لاني بعرف وقتك مهم (الشمالي عندو احساس مضاعف بالوقت) وقلت لحالي خليني ساعد حبيب قلبي بوقتي ومجهودي وهيدي دراسة الجدوى خالصة جاهزة
هون رح يحس بحبك الو اللي ترجمتيه فعليا ورح يحس انك مهتمة لوقتو و متضامنة مع ارائو وقلبك عليه وعلى مالو ورح يقدرلك ياها كتير ولما بيبلش هالاحساس الايجابي عندو بتقدري تمرري توجيهاتك الغير مباشرة وساعتها رح يتقبلها بكل رحابة صدر لانها نابعة من انسانة بتخاف على مصلحتو(الحب عنده يترجم بالفعل وليس بالكلام المعسول)






 
جميييل سلمت يمناك ...وشمالك كمان عشان ماتزعل خخخخ
طيب عندي استفسار كيف اقدر امنعه من انو يقول كلمات جارحه لمن يعصب
شمالي غربي
 
الف سلامة عليكي رنين....انااا لو جنبك كنت عطيتك حبيتين بنادووووووول وسهرررت:32: لتكوووني بخيررر...اوووعي يكون شماااليكي هو اللي رفع حرارتك........هههههههههه

انت رائعة و كلامك عم الشمالي كتيررر مفيد..يسلمووو حبيبتي تعبناكي معانااا
 
الف سلامه عليكى ياأمر ماتشوفى شر انا والله قأدتك وكنت كل شوى ادور على ردك بس مالأيتو وعرفت انو مالك شى الحمدلله انو ربى أومك بالسلامه... ​
 
بداية أشكرك أختي الفاضلة على ماتقدمينه واسأل الله أن يجعله خالصاً لوجه الكريم

بصراحة أنا أعاني بشدة من هذا النمط ولكنني أسعى جاهدة للتعلم وفهمه

والحمدلله أني أدركت قبل فوات الأوان سلبيتي وأنني لم أحسن التصرف ولا الفهم لهذا النمط خلال سنوات عمري الفائتة معه

ولكن فضل الله علي هو ماجعلني استمر معه فالحمدلله أولا وآخرا وظاهرا وباطناً لانحصي ثناءًا عليه..


وبالرغم انني اتطرق لجميع مواضيع الشمالي كلما سنحت لي الفرصة إلا انني مازلت مشتته وأخشى تكرار اخطائي السابقة لهذا أرغب بالتعامل بحذر من الآن فصاعدا... ويارب يقوينا واياكن

طبعاً انا لمن قريت كل فعل وردة الفعل المناسبة مني طلعت اغلط واغلط واغلط بس الحمدلله
طلع زوجي صابر علي ويارب يديم نعمته...

الآن استفساري الذ أرهق كاهلي
أنا طبعي جنوبية غربية طبعا لا أخفيك اني أحب التحدث والفضفضة واللي في قلبي على لساني
وزوجي يزعجة جدا حسن النية اللي عندي
هذه مشكلتي بإختصار
دايما يقولي لاتثقين في احد وياغافل لك الله وبطلي حسن النية اللي مالو داعي
لدرجة أحيانا يحرضني على اخواتي انهم يضعونني في الواجهه ليحصلوا على مرادهم وانا ياغافل لك الله
بحكم ان اخواتي متزوجات اخوانه..

الآن انا بدأت اتحفظ على كلامي وافكر الف مره قبل لااقول اي سالفة
لكن مشكلتي حسن النية لمن ينتقدها زوجي فيني كيف اتصرف ؟؟
ولا أخفيك ان هذا الانتقاد يزعجني بس انا أدرك الآن انه لابد من التخلص من حسن النية لأنها سببت لي مشاكل ماكانت تخطر على بالي رغم انها مواضيع تافهه بس فيه ناس تعمل من الحبة قبه


والأمر الآخر انا متخرجة وعملت في مدرسة قبل 4 سنوات وتركت العمل واليوم جاتني عرض على وظيفة لمدة نصف سنة في مدرسة وهذه المدرسة قريبة جدا من منزلي وعرضت الموضوع على زوجي ورد قال
انتي مو ملحقة على عمرك وتبغين وظيفة قلت له بس 3 اشهر او 4 وراتبها زين وقريبة مني

وسكت قلت له ايش رأيك قال ليه مستعجلة قدامنا خميس وجمعة والا بتروحين بكرة تقدمين؟؟ من باب السخرية قلت له لا بس عرضت عليك الموضوع وابغى اشوف رأيك
وتركتة ورحت اصلي ولاعاد فتحت الموضوع

سؤالي هل اذكره في الوظيفة السبت واسأله اذا اروح اقدم والا اسكت في حال انه مافتح الموضوع معي؟؟؟
علما ان احتمال توظيفي ليس 100% انا بأقدم لأنهم قالوا عندهم احتياج ويبغوا معلمة بتخصصي والله اعلم تكون من نصيبي أو لا..


هذه استشارتي اليوم وللحديث بقية طالما الموضوع يخص الشمالي
اشكرك مقدما وجزاك الله خير..
 
السلام عليكم ورحمة الله وبركاته

ملكة الارض:
انا كان كلامي بمعنى انو ضعف الوازع الديني هو اللي بياثر على استعداد الرجل للخيانة وان كان الجنوبي عندو الاستعداد والتقبل بشكل اسرع من الشمالي بس مش بالضرورة

الدمعة الحنون:

1-زوجة الشمالي كيف يجب ان يكون شكلها واسلوبها؟

الشمالي بيحب المراة المميزة المرتبة الواثقة من نفسها الناجحة بيحبها تكون متلو صاحبة انجازات وصاحبة طلة مميزة
ولما بتكون بهالموالصفات كوني على ثقة انو بيحب يتباهى فيها قدام الناس

اجمالا الشمالي بيحب استايل اللايدي (انوثة طاغية بكل معنى الكلمة )(عكسو تماما الجنوبي :بيحب حبيبتو تكون نعومتها طفولية
بيموت عالنعومة والاسلوب الطفولي الغنوج)


شمالينا يفضل ان تتسلح زوجته باصول الايتيكت لانه يحب الرقي في الشكل واسلوب الكلام والتعبير عن الراي

مع الشمالي فيكي تقعدي معو ساعات طويلة بالنقاش شرط انك تكوني كلاس بتصرفاتك ومنطقية بمناقشاتك

لا تلزقي بالشمالي :ما تشبعيه بوسات واحضان عالرايح والجاي
اسلوب التقل معو بيفيدك كتير (الشمالي بيحب المراة اللي بتتعبو وبتخليه يلحقها وتضل عا طول محور تفكيرو) فاذا انتي استعملتي اسلوب التعبير عن الحب بخفة اعتبري انو راحت جاذبيتك بنظرو



2-كيف لازم خلي زوجي الشمالي يجبلي هدية لما يرجع من سفرو؟

اذا اتبعتي الطرق السابقة وكملتي على هالمنهج مع تاديتك لكامل واجباتك تجاهو بس بدون تلزق رح يتغير منو لحالو ورح يرجع يهتم فيكي متل ايام الخطبة(الشمالي يعبر فعليا عن حبه بالاسلوب المادي والفعلي)

اتبعي معو اسلوب الغموض فعال جدا مع الشمالي
 
معاناتي يا اختي العزيزه تتلخص في انه الشمالي يلي عندي
كذاب و قادر علي الانكار وبدل من تحمل خطئه يرميه علي فورا وباتقان
ولا اثق به وطبعا ن افعاله
انا جنوبيه
 
بطبعي اميرة
طول ما هو مستتر عنك وعم يداري الارقام والمسجات هيدا دليل خير يعني انو عامل حساب لزعلك وخايف من ردة فعلك
اما اذا واجهتيه بالخيانة فاذن اعتبري انو رح يعاندك ويستمر
طالما انك دريتي فبيصير كل شغلو عالمكشوف وعلى عينك يا تاجر متل ما صار وقللك عم احكي مع وحدة عالفيس بوك

لما يجاوبك بهالوقاحة قوليلو بفهم منك انك عطيتني موافقة صريحة اني اقدر احكي مع رجال
وقوليلو :(ولهن مثل الذي عليهن بالمعروف ) الاية

على كل حال يا حبيبي :
عفوا تعف نساؤكم في المحرم
وتجنبوا ما لا يليق بمسلم
ارمي هالكام كلمة عليه وديريلو ضهرك واتركيه واطلعي من الاوضة اللي هو فيها فورا حتى ما يصير الحوار مفتوح وتكبر القصة وحتى يقلب كلامك بدماغو
بس لازم تكون نبرة صوتك واثقة جدا حتى يحس منها بالحزم والجدية بكلامك

 
ivory

لما بتكون زوجة الشمالي مميزة بكل المقاييس اللي سبق وذكرتها(اقري ردي على الدمعة الحنون)
بتصير محط تفكيرو و شغلو الشاغل وخاصة لما بتكون جذابة وغامضة بنفس الوقت وتقيييييييييييلة

الشمالي بيحب التحدي ورح يعتبر كسب قلبك واسعادك وسبر اغوار شخصبتك الغامضة تحدي ممتع وانجازر كبير بالنسبة الو
خليكي دايما بنظرو انسانة بتفاجئو دايما بكل جديد ومميز بشخصيتها واستعيني بالله عز وجل واطلبي منو يسخر لك قلب و عقل زوجك
بالتوفيق
 
حياتي لربي

سبق وذكرت انو لما يضعف الوازع الديني توقعي من زوجك كل شي

بشكل عام الشمالي داهية اسلوبو بالاقناع رهيب قادر انو يقللك انو البحر حلو مش مالح وبيجبلك الدليل (تشبيه مجازي)
شاطر كتير بقلب الحقائق وخاصة اذا حشرتيه بالزاوية ولقى نفسو بقفص الاتهام

جربي انك ما تواجهيه مباشرة وحكيه بطريقة :الظاهر اني فهمانة غلط لاني بعرفك انسان صالح ما بتعمل هالشي وانا بوثق فيك وبصدقك
حتى لو كان عكس هالشي رح تشتغلي على افكارو بهالكلام ورح يعمل جهدو باللا وعي عندو انو يثبتلك انو فعلا متل ما انتي بتشوفيه صادق وانسان طيب
 
كليوبترا

الله يكون بعونك ويسخرلك ياه

بس انتي جربي ما تعامليه بندية (معاملة الند للند)هالاسلوب بيخليه يرد عليكي باسلوب التحدي وتكسير الراس وبتكبر المشكلة وبتوصل لابغض الحلال لا سمح الله
استعملي معو اسلوب نعم ولكن . وبعدها اذكري رايك والادلة على كلامك

لما تلاقيه عصب كتير اسكتي وما تردي وتطلعي فيه وانتي راخية راسك ومعلاية عيونك باتجاهو هالشكل بيوحي بالبراءة وانك انسانة مسكينة

هالمنظر بيعطي اوامر لدماغو انو خفف عليها شوي من عصبيتك (والعكس تماما لما بيعلى صوتك وتفنجري عينيك يا لطيف الطف بنا)
 
وردة ناعمة:
شوفي حبيبتي
(....العاجز من اتبع نفسه هواها وتمنى على الله الاماني)حديث شريف

اذا بتتمني حياة سعيدة ومستقرة مع زوجك لازم تشتغلي على حالك وتضغطي على نفسك يا قلبي
وتتدربي شوي شوي انو تضبطي دموعك

بعرف انها يمكن تكون صعبة عليكي بس الصعوبة شي والمستحيل شي تاني
(انما العلم بالتعلم وانما الصبر بالتصبر وانما الحلم بالتحلم)حديث شريف

ومن هون لبين ما تصيري قادرة على ضبط انفعالاتك ودموعك قدامو اعملي جهدك تختصري مدة النقاش معو اول ما تحسي بغصة بحلقك وتبكي بعدها
و جربي ما تحطي عينك بعينو كتير لانو رح يطلعلك البكي خاصة مع نظراتو الحادة
 
قلب مجرح:
دوام الحال من المحال

كتير من العوامل اللي بتاثر على الحياة الزوجية وبتخلي الحال ينقلب بين الزوجين:

1-عمر الزواج:حقيقة علمية عرفتها من هالمنتدى الغالي انو الانجذاب الجسدي والعاطفي الفائر بيبلش تقريبا يخلص بعد تلات سنين لانو الهورمونات المسؤولة عن هالشي بتكون خلصت مدة صلاحيتها expiredههههه

2-طبيعة العلاقة بين الزوجين: رسمية كتير او رفع كلفة بزيادة بتاثر على منحى العلاقة

3-تراكم المشاكل دون حلها
بيكون ساعتها عندنا نار تحت الرماد قابلة لانها تشتعل باي وقت
هالشي بيخلق فجوة بين الزوجين و بيفتح مجال لعمو ابليس انو يفوت عالخط ويكبر هالفجوة املا منه في الوصول الى ابغض الحلال وهدم بيوت المسلمين او في اضعف الاحوال ينجح بتكريه الزوجين بببعض ويدير دفتهن تجاه الحرام

4-الاصابة بالامراض الروحية(عين-حسد-سحر تفريق-جن عاشق) عند احد الزوجين او كلاهما تؤدي الى النفور الغير مبرر


5-حال الزوجين مع الله عز وجل
القلب بين اصبعين من اصابع الرحمن يقلبه كيف يشاء :كلنا منعرف انو القلب سمي قلبا من التقلب

مرة بيحب مرة بيزعل مرة بيحقد وبالاخر بيكره


اذا كنا بعاد عن الله عز وجل وحطينا كل طاقتنا بحب الزوج رح يختل الميزان الروحي عند الانسان لانو الحب الخالص لازم يكون بس لله عز وجل
بس نحنا النسوان تناسينا هالشي وركضنا ورا الزوج لانو فكرنا انو سعادتنا رح تكون بنظرة رضى منو على اكلة بيحبها او بليالي حمرا وصفرا وخضرا .... وفوق هالشي كلو عملناه محور حياتنا وبالاخر بدنا رب العالمين ما يغار؟؟؟؟؟؟؟؟؟

طبعا رب العالمين بيغار من حب انعطى كلو لعبد من عبادو واذا غار ربنا رح يجعل شقانا وتعاستنا مع الشخص اللي فضلناه عليه بالحب والطاعة والتفاني وكان الاولى انو يكون هو رب العالمين بالدرجة الاولى بقلبنا ::لما يامرنا بشي نقول سمعا وطاعة
لما يجي وقت الصلاة نركض ركض لانو قلنا الله اكبر الله اكبر من كل البشر ومن كل هالدنيي كلها

لما يقلنا بكتابو العزيز (فلا تخضعن بالقول فيطمع الذي في قلبه مرض ) ونحنا منصر على المزح مع الزملا الرجال بالشغل منكون ما منحبو الحب الصحيح

تعصي الاله وانت تزعم حبه
ذاك لعمري في الفعال بديع
لو كنت صادقا في حبه لاطعته
ان المحب لمن يحب مطيع


لما يقلنا ويامرنا بشي و نركض عالمشايخ تا يعطونا فتوى تناسب اهوائنا منكون ما عرفنا مين هو رب العالمين واللي ما بيعرف ربو ما رح يقدر يحبو

يمكن اني كون استطردت كتير بهالنقطة بس لاني شايفة انو معظم ابتلائاتنا الخفية سببها هالشي

اللهم انا نسالك حبك وحب من يحبك وحب عمل صالح يقربنا الى حبك

اللهم دلنا عليك ودلنا على من يدلنا عليك

اللهم اجعلنا مع النبيين والصديقين والشهداء والصالحين وحسن اولئك رفيقا
واجعلنا اللهم من عبادك المخلصين


اللهم امين​
 
لي عودة غدا ان شاء الله مع بقية الردود على الاستفسارات
سبحانك اللهم وبحمدك اشهد ان لا اله الا انت استغفرك واتوب اليك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل