ايش رأيكم بمواقع الزواج (أنا مسجلة وابغى نصيحتكم)

[رنااااد]

مرحبا خواتي​

انا اليوم حابة آخذ رايكم بمواقع الزواج...انا من تجربتي سجلت بأكثر من موقع بس المشكلة دائما تطلع مشكلة بالانسان اللي اتواصل معاه لدرجة اني صرت اشك انه كل اللي مسجل فيه عيب علشان كذا سجل بالموقع...يمكن بعضكم يقول انه انسب طريقة للزواج هو التقليدي وعن طريق الاهل وانا اوافقكم الرأي....بس اذا كل الاهل عايشين بدولة ثانية...وحتى اللي موجودين بنفس البلد مافي احتكاك معاهم ...لا تقولون سوو زيارات للاهل لاني اعرف الشي هذا مستحيل...هنا كل واحد بحاله والزيارات تصير بالمناسبات...يعني مثلا اخر زواج حضرته كان من سنة ! فعلشان كذا قلت اسجل بالموقع ...فيه ناس اتوفقوا واتزوجه عن طريقه بس اغلبية اللي داخلين داخلين تعارف وبس....مع انه والله الموقع يشترط القسم قبل التسجيل....انا الحين مسجلة لي كم شهر...ونفسي والله اتوفق واتزوج وتصير عندي عائلة وبيت واطفال وخاصة انه عمري 26 واحس اني كبيرة:sad_1:...تنصحوني اكمل بالموقع والا لأ؟​

تكفون ادعولي الله يرزقني بالزوج اللي يسعدني​

 

[انسه طفشانه]

لا
لو عن طريق الخطابه تكون جاده اكثر
الله يرزقك وايانا بالزوج الصالح

 

[مستحيل انساك.]

لا يااايالغالية نصيحه من اخت لأختهاا

لا تدخلي مثل هالمواقع

ان شاء الله نصيبك راح يجيلك ..

انتي اهم شي استغفري كثير بنيه الزوج ..

وان الله ربي ماراح يخيبك ..

وبتوفيق ..

 

[ماسة نجد]

معظم الي بالمواقع لعابين ومو جاديين او
متزوجين ويبغون مسيار
اتوقع الزواج ما راح يكون ناجح
لكن لو عن طريق صديقات او خطابة يمكن يكون اكثر جدية
بعدين احس الرجال يكون في اعتقادهم ان الي تحط نفسها
برغبة الزواج يسترخصها
وما راح يعطيها حقوقها الي هي تحتاجها
لذا لا تثقي باي احد من خلال المواقع
الله يوفقك
​

 

[$لورا$]

رنووودة الحلوة :
اذا انتي ما طالعتي حلقة الابتزاز " تجار الفضيحة " من برنامج 99 عالقناة السعودية
انصحك تحملينها من اليوتيوب عشان تعرفي ايش صار بهالمواقع !!!!!

كل اللي فيها لعابين ولا يرضون لانفسهم بزوجات من هذا المكان اصلا !!

نصحتي لك لااااااتدخليييييييييين هذي الموااااااااقع ابداااااا ونصيبك بيجيكي

الله يرزقك اللي تتمنين

 

[قلب وافي]

الله يرحم صرنا بزمن البنت همها العرس

انا شيبت ومااعرست :detective2:


انا رأيي مثل رأي اللي قبلي


ان دخلتيها سمي على روحك وان طلعتي سالمه احمدي الله واشكريه


خطابه اسلم لك , والتقرب الى الله اضمن لك . .


،


اتركيها والله بيعوضك خير ورزقك بيجيك لعندك بس لاتنسين تعزمينا

 

[رنااااد]

خلاص ان شاءالله بوقف عضويتي بالموقع اليوم
وبستغفر كثير بنية الزواج
طيب بالنسبة للخطابة...تعرفون رقم وحدة ثقة وغرضها مو الفلوس وبس:detective2:
وهل عادي الوحدة تتواصل مع خطابة بغرض الزواج؟؟ والا عيب
​

 

[قلب وافي]

خلاص ان شاءالله بوقف عضويتي بالموقع اليوم​

وبستغفر كثير بنية الزواج
طيب بالنسبة للخطابة...تعرفون رقم وحدة ثقة وغرضها مو الفلوس وبس:detective2:
وهل عادي الوحدة تتواصل مع خطابة بغرض الزواج؟؟ والا عيب ​

لا مو عادي تتواصلين مع خطابه انه لأمر جلل وعظيم وخطير جدآ :santa_1:


انهو لـعار عليكي, اجل تتواصلين معها بغرض الصداقه


ايه عادي يجوز انه تخطبين لك بالشرع بعد واشفيها


عني مابعرف . .

موفقه خيتو

 

[فاطمه محمد]

نصيحه لوجه الله ...

عندي وايد ناس جربوه .. و خذي نصيحه مجرب ولا دوا خبير ..

هاذي المواقع أغلب اهداف الاشخاص الي داخلينها للبحث عن عشيقه و للعب و ليس البحث عن زوجـــة ..


و عادي تواصلي مع الخطابه اعرف بنات تزوجوا عن طريقها و الحمدلله التوفيق كله من الله ...



بس عن هالمواقع احذرج .. احذرج .. ثم احذرج

 

[بنوته جنان]

رنااااااااااااد حياتي الله يرزقك بالزوج الصالح
اللي يسعدك
ويهنيك
ويعشقك
ومايشوف بعيونه الا انتي وبس
يااااااااااااااااااارب



ونصيحتي لك يالغلا ..
المواقع هذي
بلاااااااااااااااااااشي منها ..


وتقبلي مروري ..

 

[فاطمه محمد]

مرحبا خواتي​

انا اليوم حابة آخذ رايكم بمواقع الزواج...انا من تجربتي سجلت بأكثر من موقع بس المشكلة دائما تطلع مشكلة بالانسان اللي اتواصل معاه لدرجة اني صرت اشك انه كل اللي مسجل فيه عيب علشان كذا سجل بالموقع...يمكن بعضكم يقول انه انسب طريقة للزواج هو التقليدي وعن طريق الاهل وانا اوافقكم الرأي....بس اذا كل الاهل عايشين بدولة ثانية...وحتى اللي موجودين بنفس البلد مافي احتكاك معاهم ...لا تقولون سوو زيارات للاهل لاني اعرف الشي هذا مستحيل...هنا كل واحد بحاله والزيارات تصير بالمناسبات...يعني مثلا اخر زواج حضرته كان من سنة ! فعلشان كذا قلت اسجل بالموقع ...فيه ناس اتوفقوا واتزوجه عن طريقه بس اغلبية اللي داخلين داخلين تعارف وبس....مع انه والله الموقع يشترط القسم قبل التسجيل....انا الحين مسجلة لي كم شهر...ونفسي والله اتوفق واتزوج وتصير عندي عائلة وبيت واطفال وخاصة انه عمري 26 واحس اني كبيرة:sad_1:...تنصحوني اكمل بالموقع والا لأ؟​

تكفون ادعولي الله يرزقني بالزوج اللي يسعدني​

حبيبتي


البنت تدخل هالمواقع و هي بريئه نقيه داخله تحسب ان الستر بتلقاه مع واحد من هالمواقع



بس والله انا اشوف لو هالمواقع تنحذف كليا و تنلغي ...


لأنها للأسف تروج للحرام عن طريق للحلال .. و تاخذ مسمى الحلال و الزواج لتكوين صداقات مخفيه بين الذكور والاناث بحجه الزواج ...




يعني تخيلي ...


تدخل البنت و تسجل .. و من تسجل تلقى لها مليون رساله من كم واحد .. و كل واحد يقول لها ابغي اتواصل معاج ..

و من بعد ما تقوم هالبنت بالاختيار بالتواصل ... تختار شخص معين و هي ماتدري ان هالشخص المعين كل ما شاف بنت جديده سجلت ارسل لها رساله تطلب التواصل ..



فيتواصل مع هاذي و هذيك ... و طبعا يختلي معاها و مع هذيك بالمسنجــــــــر ..


و يكلمها بالمسنجر ... و يسألها عن مواصفاتها ويتعرف عليها و هي تتعرف عليه ...

و تطول فتره التعارف لأن الرجل يقول لها انا لازم اعرفج و اعرف صفاتج اكثر عشان اخطبج كان كتابه المسنجر كافيه تطلع كل العيب و النواقص و الطباع و الاخلاق للبنت .. ويا ليل ما اطولك ..



و في منهم حتى اذا ما عجبتهم مواصفات بعضهم البعض ... يظلون مستمرين على محادثات المسنجر و على صداقه المسنجر ...


طبعا هو يكون عنده مجموعه صديقات .. و كلهن مثل ما يقولون عطاهن عضــــويه الخطيبات و بهذا الاساس بدا علاقته معاهن ...


يعني حرام ... كلها لعب في لعب ... يعني الانسان اذا ما تزوج في الواقع خلاص يتجه لطريقه مجهوله اكثر و هي الانترنت !!



ابدا ابدا ما انصح اي بنت و اي مطلقه و اي ارمله .. ترمي نفسها في هاذي المواقع ..


للأســـف اختي كلها غش في غش .. !!


و الله يا اختي في رجل من عده رجال من اصدقاء اخوي .. تخيلي مسجل من سنه 2006 او 2007 و كل يوم يتواصل مع وحده .. و الى اليوم ماتقدم و خطب اي وحده رسميا من اهلها !!

و في منهم مسجلين من سنين .. بس علشان يجددون صداقاتهم و يشوفون لهم كل فتره شو اليديد الي نزل في السوق من الحريم و البنات في هالمواقع !!





حرام والله ياما هاذي المواقع فتحت ابواب لعلاقات غير منتهيه بين الجنسين ...



و على فكره مهما قالوا اصحاب المواقع انهم مانعين الارقام مثلا في الرسائل الخاصه او ان الرسائل مراقبه و و و ...




لكن يظلون غير قادرين على السيطره على نفوس الناس و مايقدرون يراقبون كل شي ...




البنت هناك تكون قطعه حلوى وسط الذباب .. و الكل يبغي ياكلها .. و على حسب عاد الي بياكلها هل بياكلها بشويش او الي بياكلها بسرعه و بشراهه اكبر





الله يزوجج رجل صالح و يوفقج معاه ..






كرري ربي لا تذرني فردا و انت خير الوارثين ..



ادعي الله في ثلث الليل ... ادعيه في الليل لا تيأسين ... ادعي كل وقت و كل ما تكونين مشغوله اوفاضيه .. رب العالمين يسمعنا كل وقت و كل ساعه و كل دقيقه و كل ثانيه ...



ادعي الله بين الاذان و الاقامه .. صلي القيام و ادعيه سبحانه ..




و الله يوفقج اختي ..

 

[رنااااد]

الله يرضى عليكم يا بنات ويسعدكم يا رب....والله اقتعنت بكلامكم و خلاص انا اليوم قررت اوقف عضويتي بالموقع وارسلت طلب بالشي هذا وانتظر يوقفون عضويتي...انا بدعي واستغفر زي ما ذكرتو...بس صح المفروض اعمل بالاسباب؟ طيب ايش هيا هذي الاسباب غير الدعاء والاستغفار؟ يعني مثل ما قلتلكم احنا ما عندنا اي تواصل مع الاهل (الا نااااادر) ولا تواصل مع المعارف:sad_1:...ولا اروح مناسبات الا كل كم سنة!!! فكيف اعمل بالاسباب...وبالنسبة للخطابة اكرر طلبي...اللي تعرف وحدة ثقة(بالسعودية) ياليت تقولي كيف اتواصل معاها والله يوفقكم ويسعدكم دنيا واخرة يا رب...​

 

[مسرعه بشويش]

الحمدلله على سلامة خروووووووووووووووووجك منها
ثانيا الخطابة اضمنلك لانها حرمه وتفهم بالحريم وتعرف كل شي اذا كانت امينه وتخاف الله مو مادية وثالث شي واهم شي خلي علاقتك بالله قوية رددي دعاء احد الانبياء مايحضرني اسمه بس اعتقد يونس والدعاء لاإله الا انت سبحانك اني كنت من الظالمين والله الدعوه هذي سرها عجيب جربتها بوقت خطوبتي ان ولد عمي مايجي يخطبني لان ابوي مابيرد عيال اخوه قسم بالله ظليت ادي بهالدعوه الا تخرب سيارتهم وهم جايين يطلبوني وخالتي جت مسيار واستغلت هالفرصة واخطبتني بدون سابق موعد وكلنا تفاجانا سبحان الله خلي علاقتك بربك اقوى الله يرزقك انتي وخالتي واخوي وصديقتي وخواتها وشباب وبنات المسلمين يارب وان شاء الله ماتمر فتره قصيره الا اشوفك تحوسين عندنا تدورين زفات وحركات للعرايس يارب اللهم ارزقها الزوج الصالح التقي النقي يارب هي وبنات المسلمين

 

[روروو]

الله يرزقك ويرزقني ويرزق جميع بنات المسلمين بالزوج الصالح قريب يارب

 

[ممتنة]

الله يرزقك بالصالح وكل بنات المسلمين يارب عاجلا غير آآآجل

 

[مسرعه بشويش]

طمنينا عنك حبيبتي

 

[fatoom 3loom]

نصيحه لوجه الله ...

عندي وايد ناس جربوه .. و خذي نصيحه مجرب ولا دوا خبير ..

هاذي المواقع أغلب اهداف الاشخاص الي داخلينها للبحث عن عشيقه و للعب و ليس البحث عن زوجـــة ..


و عادي تواصلي مع الخطابه اعرف بنات تزوجوا عن طريقها و الحمدلله التوفيق كله من الله ...



بس عن هالمواقع احذرج .. احذرج .. ثم احذرج

:icon30::icon30::icon30:
ميه بالميه كلامها صح
صح لسانج يا فاطمة
وانا رايي نفس الشي
الله يوفقج ويرزقج الزوج الصالح
آمين يا رب العالمين
​

 

[*غاليه*]

في موقع اسمه موقع العفاف لفضيلة الشيخ / محمد بن فهد الهويمل . إمام وخطيب جامع رياض الصالحين بالخبر .والمشرف على مركز الألفة الأسرية بالندوة العالمية للشباب الاسلامي بالشرقية .

وهالموقع بنظري افضل من اي موقع غيره..ومافيه ترقيم ولا شيء والمشرفين يراقبون الرسايل بين كل رجل وامراة
يعني مثلا يراسلك واحد يقولك شوفي بياناتي لأن بياناتك اعجبتني وانا جاد واذا اعجبك تسألون بعض الاسئلة عشان تعرفون بعض اكثر بكل ذوق واحترام..انا سجلت فيه لنفسي ولصديقتي من فترة سنه واكثر ورقمي السري نسيته ورقم صديقتي مانسيته من كثر ما احبها وابي لها الخير..واقدر اقولك ان في رجال مو جادين وبعضهم جادين لكن طلباتهم وشروطهم كثيرة ومدري وش تبي..!!
وبعضهم متزوجين وياكثرهم يبون تعدد

ويازين الزواج لمن يجي كذا بدون ماتدرين
الله يكبر حظوظنا ويرزقنا بالصالحين امين

 

[*غاليه*]

وطبعاا اذا اتفقتي انتي واي رجل على كل شيء لابد انه يراسل المشرفين ويرسل صورة من بطاقته بالفاكس للمشرفين
ويكلمونه ويسألونه ووين انت وايش تشغل ومن ذا الكلام..وبعدين يكلمون البنت ويستفسرون منها وبعدين يعطونه رقم ولي امر البنت ويروح يخطب وبكذا ينتهي دور المشرفين ويبدأ دور الرجال

وممكن تسوين نفسك صديقة وتبحثين لصديقتك عشان بكرا لا يجلس يعاير اذا عقليته غبية

الله يوفقنا جميعاا

 

[انفلونزا الرجال]

مادري انتوا ليش متحاملين على مواقع الزواج

ترى مثلها مثل اي زواج خطابه او غيره...لأن العيب مو بطريقة الزواج لااا العيب باللي تزوجوا سواء رجل او امرأة

ومثل مافيه مواقع مشبوهه كذلك اغلب الخطابات مشبوهات غرضهم الربح طبعا بغض النظر عن نجاح الزواج بالمستقبل

يعني ماينجح الا الزواج التقليدي؟؟!!

الآن الحياه مختلفه ... قلت اجتماعات البشريه ... وتعددت طرق التواصل والزيجات..وانشغل العالم الى اهتمامات اكثر وانصرفوا الى العمل ... فما تكون فرصه للزواج إلا اقل من سابقها فكانت فكرة الزواج عن طريق النت اختصار للوقت والجهد وحسب المواصفات المطلوبه



صحيح فيه مواقع الغرض منها الربح وثلاث ارباعه محتالين غرضهم التعارف واصطياد الفتيات .... لكن بالمقابل هناك مواقع تسعى للخير والعفاف بالفعل

مثل موقع العفاف الذي يشرف عليه الشيخ الهويمل...لأنه يمنع استخدام اي اداه للتواصل سواء ماسنجر او ارقام او اي شي والمشرفين يراقبون الرسائل بين الطرفين على الدوام

والرسائل كلها تدور حول محور سؤال وجواب

وبعد استكمال التواصل في حدود المراقبه يتم الانتقال الى الخطوه التاليه حيث يتم اخذ بقية المعلومات من الرجل وارسال اوراقه الرسميه وماشابه ذلك ..ثم تتم الخطبه وهكذا



اسأل التوفيق للجميع