اول مشاركة لي ... سواق مع وقف التنفيذ..

[الطيارة]

السلام عليكم ........

زوجي جاب لي سواق بحكم انشغالة بس سواق مثل قلتة ...... مايبيني اركب معه لحالي ابدا ابدا ....

يعني اذا مثلا برجع من بيت اخوي يرسل ولدي عمرة 5 سنين مع السواق علشان يكون معي بالسيارة...وفي طريقة جاي لي يكون الولد بروحة ....طيب ماتخاف على ولدك الي عمرة 5 سنين ...... اهو قصدة اني مااخذ حريتي ..... احيانا يخلي الشغالة تركب وياه تخيلو .....

غير اني مااروح اي مشوار الا احد معي ... واذا مافية احد بيركب معي خلاص اقعد ...

والحين لنا 3 اسابيع مايكلمني ليش؟؟ لاني مرة بطلع لبيت عمي بنفس الحي بعدنا بشارعين ... يعني المشوار مايكمل دقيقتين .... وكان ولدي نايم .... وقلت مو لازم تركب معي الشغالة ..... وطلعت بسرعة ....

وانا هناك دق علي ..... وسمعني كلام وقال لاتردين البيت بطلقك .......!!!!!
ارسلت لة رسالة كتبت فيها اني اسفة ..... ورجعت البيت وطنشتة .... من يومها مايكلمني لنا 3 اسابيع بدخل الاسبوع الرابع.....

المهم انة في هذي الاسابيع الثلاث ...... مايكلمني ابدا ..... صحيح اني ارتحت من اهاناتة وهواشة ..... راحة
بس لو ابي سوق مافية وكوافير مافية وحتى البيت ناااااقصة اغراض كثيرة وكان ناوي انا وياه نروح هذي الفترة نشتريها ... مافية ....تعرفون هذي الايام طلعات .....ومحبوسة بالبيت والسواق فاضي .....

ملييييييييت منة والحين البيت لايطاق ..... اي شيء ابية ماافكر اسالة لانة بيرفض علشان يقهرني .....

وش الحل تعبت من عقدة الغبية

 

[umm yusuf]

حبيبتي ليه زعلانه زوجك ماغلط لما يمنعك تطلعي مع السواق لحالك
اصلا حراااااااااام تطلعي معاه ومافي معاكم محرم حتى ابنك ابو خمس سنوات الله يخليه لك مايعتبر محرم لك ... انا مااشوف فيها اي شي بتصرف زوجك واحسك مستهتره بالموضوع وهو موضوع مهم جدا وفيه خلوة مع اجنبي ودا حرام شرعا
هداك الله وسخر لك زوجك

 

[norahmed]

انا مع ام يوسف .. حبيبتي لاتزعلي بس الحق مع زوجك والمفروض تطيعيه هو ماسوى كذا إلا من خوفه عليكي وحبه ليكي إما لو العكس ما كان سأل فيكي من البداية... حاليا مادري ايش اقولك تسوي معه اخاف اقولك كلميه ويسفهك واكون السبب ولكن إستغفري ربك واعملي إغراأت غير مقصودة له وان شاءلله هو يجيك وبعدين مهما طال الوقت بتلاقيه بيجي لأنك ام العيال... بس حاولي تكتبي ورقة مثلا تبيني فيها انه معه حق وانك كنتي غافلة وماكنت ادري يازوجي انك تحبني وتخاف علي لهلدرجة ومن هالكلام وبيني إعثدارك قمصيره يلين ويارب يسخره لك يارب

 

[مناكير وردي]

لو واثقةانك مراح تزعلي م كلامي كان سألتك وش براسك ماتحبين احد يطلع معك لا الشغالة ولا احد من عيالك!
المفروض ماترضينها على نفسك ولاتكون عينك قوية واللي سويتيه غلط ويستحق العقاب
لازم تؤمني بأن طلعاتك لحالك مع السواق حتى لو للبقالة عييييييييييييييييييييييييييييب
وقبل لايكون عيب لايجوووووووووووز
اركدي واتركي عنك سوالف البنات اللي ماوراهم رجال انتي متزوجه ومحتلرمة وزوجك لو مايحبك ماكان زعل منك
الله معك​

 

[مؤاسم الدهر]

بصرحة انت ترضين البنتك تكون مع السوق لوحدة تامنين عليها من شخص اجنبي لوحدهم بعقل عزيزتي

 

[الطيارة]

انا مابي اروح معاه لوحدي بس ........ انا دايما معي احد ....... بس انا اقصد فية حالات فردية طارئة ... مومعقولة اقعد وانا عندي سواق لمجرد مافية احد يركب وياي مرة راح علي موعد اسنان مهم كان سني مكسور محد راضي يركب معي

 

[مازال عندي امل*]

انا بعد مع ام يوسف

وانا بعد متزوجه ما اروح من بيت اهلي مع السواق لوحدي لو يطيرو وويوقعوا

اخاف

حاجه ثانيه زوجي غير مسموح لي بذلك يعني اروح مع امي او اخوي مو ولدي ولا شغاله ؟؟؟؟؟؟؟؟؟؟؟؟

وراضيه ومبسوطه عادي

واذا تبي ترتاحي جيبي سواق وشغاله زوجين وروحي وتعالي معاهم


ادعي الله واستغفري الله وان شاء الله ربي يهدي الامور بينكم​

 

[أم عيالي]

والله زوجك معه حق اصلا مايجوز تركبي معاه لحالك واحمدي ربك ان عندك زوج يغار عليك ويهتم احسن من بعض الرجال اللي مهملين حريمهم

 

[فوز 999]

الصراحه زوجك مرة يحبك ويغارعليك ويبي يحافظ عليك احمدي ربك جاب لك سواق لكن يصرفي بحكمه ولا تخليه يندم تاسفي منه وقولي له اناما كنت ادري غلاي عندك ها الكثر واكسبيه تراه رجال ما شاء الله عليه

 

[بتوته توته]

حبيبتى ااعناد يجيب الاعناد الريال مايتعاند حمدى ربج ريال فى غيره ويخاف عليج احسن اهو نايم وانت تصيعين مع السايك يابنتى كومى صلى ركعتين شكر فى هازمن فى ريال ابن حلال يخاف على حرمته