اول مرة معاكم ياريت تنصحوني

[الوردة الدامعة]

السلام عليكم اخواتي ...في الحقيقة انا كنت متابعة في صمت واخيرا قررت اتسجل واشارك بمشكلتي خصوصا بعدما لاحظت ان الاخوات ما شاء الله عليهم متفهمات وعاقلات
المهم انا متزوجة وعندي ولدين وحامل في بداية زواجي كنا عايشين عند اهل زوجي مؤقتا لحين يجهز البيت الجديد ليهم ويخلونا في القديم يعني زوجي واخوه يقسمو البيت كل واحد له طابق وبقينا على هد الحال سنتين تقريبا ولما خلص البيت انتقلو وخدو معهم كل شي حتى المراوح في السقف شالوها وابتدينا من الصفر انا وزوجي ما كان معانا الا غرفة نومنا لانها كانت لي حسب عاداتنا ان اللي جبتها لما عرست ...المهم فها الفترة قررت اقف مع زوجي واساعده في فرش البيت وكل شي مع اني لا بشتغل ولا عندي شي بس اهلي ناس طيبيبن وقفوا معانا وساعدونا كان كل مبلغ بيطيح في يدي بجيب بيه لوازم للبيت وكنت اطلب من اخواني ...الحمد لله كلشي كان تمام ...وكنت دايما اتنازل عن ابسط حقوقي لحين نقف على رجلينا الظاهر انسجمت كتير في دور الزوجة الميتالية والحين بعد ما مرت سنين لازال الوضع على ما هو عليه وزوجي استحلى الوضع وطنش وصار واجب علي اني اساهم في مصروف البيت ولبس العيال و...و...وطبعا مصروفي لامحل له من الاعراب وانا يا اخواتي تعبت وصرت استحي من اهلي انهم لسه شايلين همي وهم عيالي بعد ...زهقت ومليت بس هو مو من النوع اللي ممكن التفاهم معاه يعني لو حاولت اكلم معاه يسبني ويجرحني وممكن يضربني وانا اصلا ما عندي الجراة اني اواجهه حسبي الله ونعم الوكيل
هدا جانب واحد من المشكلة وبعدين اكلم عن جوانب تانية كتير بس ممكن سؤال كيف اعرف نوع زوجي جاوبوني من فضلكم

 

[ملكة بإحساسي]

بسببج صاااااااار كذا لو ما رحتي لأهلج من البداية أحسن وخليتي كل شي عليه وحملتيه المسؤولية ويقولج المثل ولدج علي ماربيتيه وريلج علي ماعودتيه,,وتعود كل شي ع الجاهز يجيه ولا اهتم حتى انج ما تشتغلي وانج تاخذي من أهلج الغلط منج أختي وألحين أنصحج لازم تصلحي الوضع ولو شو ما يصير لا تروحي تطلبي مساعدة أهلج وقوليله اي عذر مثل أهلي محتاجين فلوسهم يريدوا سوى شي وبعد صرتي تستحي قولي اي عذر اهم شي لا تروحي وخليه يتحمل المسؤولية​

 

[سموالذوق]

الله يعينك حبيبتي حااااااااااااااسة فيك اول اشي الغلط عليك انتي اعطيته وجهه بس خلاص صار الي صار لازم الحين تمسكي شوي مهما احتاجوا عيالك قولي ما عندي وهلي مو ملزومين فيني وعيالك خليك قوية واجههية ولا تسكتين الي متى الاولاد بكرة بيكبروا وبيزيد مصروفهم لا تسكتين ابدا والله ما فيه رجال يستاهل التضحية انا ما ابي اخرب بيتك بس انتي باقي في البداية وتقدرين تتحكمين في تصرفاتك ناقشية ولو طول لسانه عليك اهم شي خليك قوية وقولي له اهلي مو ملزومين فيك وعيالك لو بدأيرفع صوته ويصارخ قومي وخليه وبالنسبة لنمط زوجك شوفي الانماط بقلم الدكتورة ناعمة والله ما اعرف احط الرابط وان شاء الله الاخوات يفيدونك
تقبلي مروري واتمنى لا تزعلين مني يمكن صار عندي ندية للرجال من كثر ما اسمع من مشاكل هالحريم المساكين​

 

[جرح الشوق]

ما راح ازيد ع كلام ملكه احساسي و لا ع سمو الذوق كلامهم مضبوط والله يعينك ويصبرك

 

[الوردة الدامعة]

مشكورات حبيباتي على ردودكم ودعواتكم الطيبة

 

[الزوجه الاوليه]

الله يهديك الرجال مايفيد فيهم الطيب بل يستغلون الوحده اشد الاستغلال
لازم تصلحي امورك وتقصري على عمرك شوي وتعودينه من اول وجديد الله يعينك ويهدي لنا رجالنا يارب

 

[*..الحلوة..*]

كلام البنات مية على مية وفي طريقة تخليه شوية يرجع جزء من المبلغ قوليله انا اتدينت المبلغ واهلي محتاجينة يالله سدد المبلغ وانشا الله يوافق ويسدد

 

[الوردة الدامعة]

هو مايطلب مني اني متلا اجيب شي من بيت اهلي بس يطنش حتى لو عرف انو في حاجات ناقصة احيانا بطلب منو بس بسوي حالو ما سمعني وانتظر ولما مايجيبها اجيبها من بيت اهلي لاني حتى لو انا تنازلت وتحملت شنو دنب هالاطفال

 

[حناااان الكون]

عارفه الخطأ وين ؟؟ أنك ما تملكين حاجة يعني منتي موظفة ولا لك راتب شهري ولا هو يعطيك مصروف شهري وأجتهدتي بتأثيث البيت من جيب أهلك وهو حاط يده ع خده وعم يتفرج عليك​

 

[تفــآصيلـ]

هالرجال ما ينفع ويااهم إلا التكشيـــر
ماالت عليهم
..
.
يرفعون الضغط

 

[الخط الفاصل]

صراح إنت الغلطانة والغلط رااااااااااااااااااااااااااااااكبك من فوق لتحت واعذريني إذا جرحتك

يعني أطفالك يموتون جوع لو ماجبتي من أهلك؟
لا تطلبين من أهلك خليهم يبكون فوق راسه إلين يجيب لهم.
إنت وزوجك استغلاليين بس كل واحد بطريقته.

 

[الوردة الدامعة]

انا عن نفسي لغيت نفسي من زمان كاني مو بشر عندي احتياجات بس اتمنى انو يتحمل مسؤولية عياله وبيته ويرحني من هد الهم اللي تعبني احنا مابدنا غير العيش الكريم وهو موظف وقادر يعيشنا بكرامة بس ما افهم لييييش مطنش وين النخوة وين الرجوووووولة

 

[الخط الفاصل]

طالما عودتيه ع الدلع مافي نخوة ولا رجووووووولة

 

[الوردة الدامعة]

فعلا اختي الخط الفاصل انا غلطانة بس انا اختي كبرت معززة مكرمة في بيت اهلي ونفسي اولادي يعيشو فنفس الجو والله العظيم اختي من ايام وهما يبكون يطلبو جبن ومربى وانا ما عندي فلوس وهو كلما دخل يسالونه جبتهم يقول نسيت يوم ورا يوم انا ما قدرت اتحمل رحت وجبت من اهلي والله عيالي قطعو قلبي بس هو ما عندو احساس

 

[الخط الفاصل]

حبيبتي برضه إنت غلطانة

زوجك مانسي ولا شي..يماااااااااااااااطل

مابيجيب عشان إنت تطلبي من اهلك وتجيبي وهذا اللي حصل ريحتيه وحققتي رغبته.

بطلي تحزني على أطفالك إلين تعودي زوجك يمشي في الدرب الصحيح..

يختي أهلك مو مسؤولين عن أطفالك.

 

[الوردة الدامعة]

حسبي الله ونعم الوكيل الله يصبرني على ما بلاني
بس كيف اغير الوضع وكيف اخليه يتحمل مسؤولياته

 

[الوردة الدامعة]

يا الله يا البلقيسيات انا متعطشة استفيد منكم رجاء لا تبخلو علي

 

[ملكة بإحساسي]

زوجج موظف وباين من كلامج قادي يلبي أحتياجاتكم بس عشان تعود كل شي على الجاهز صااار كذا أنا انصحج لا تهملي نفسج ابدا نفس ما تهملي عيالج ولا تقصري في حق نفسج وأنصحج مرة ثانية لا تروحي لعند أهلج هو مجبور يعطيج فلوس ويصرف عليج قوليله خلاص أنا ما بروح أقول لأهلي ويهي احترق منهم ما قااادرة وقوليله اذا ما وفرت طلباتي بصير أتسلف وبعدها انت بتدفع الديون لأن أنت مسؤول عني ,احس حتى لو تسلفتي ما بيدفع بيقول بتروح لأهلها بتاخذ فلوس وبتدفع أكيد من البداية انتي كنتي تمدحي أهلج وانهم عندهم خير وما يقصروا معج فأكيد بيقول هاي خلاص تقدر تحصل فلوس ما لازم اصرف عليها بس أحسن حل قعدي ولو شو ما قصر لا تروحي لأهلج انتي الام وما مسؤولة تصرفي على البيت خليه ينقص فالبيت وأعتقد حتى هو بيحس لأنه اب وبيحس انه عيالهم ناقصهم شي بس خليه يفهم شي واحد مهم لو انقلبت الدنيا ما بتروحي بيت أهلج يساعدوج واختلقي أي عذر ,,بس صدقيني الغلط بيتصلح بما انه عنده فلوس قوليله هو يعطيج أتمنى أكون فدتج وربي يوفقج وييسر أمورج ويسخر لج زوجج,,​

 

[الوردة الدامعة]

مشكورات اخواتي على الردود والنصح

 

[فديت حبيبي]

Allah y3 ench