اول مرة اشكي وطلع مشاكلي

[ام ذهب]

بسم الله الرحمن الرحيم
اخواتي عمري ماشكيت وماحب اطلع اسراري لكن ماعاد اقدر تحمل والله اكتب وانا ابكي من الغلب اللي فيني
10 سنين متزوج زصابرة ومتحمله عيوب زوجي ولسان عمتي اللي مايرحم انا يتيمة الام والاب والحمدالله اخواني موجودين ومن قبيله معروفه وكبير
زوجي في السجن وجالسة جنب امة كلامها جارح وظالمة اليوم صيحت على عيالي والله من الضغط اللي فيني احاول اربي عيالي وصلحهم وجات
ام زوجي تهاوشني كلمتها وقلت كفايه متحمل ولدك من ضرب وخيانة وحشيش وسكار وحبوب ولاشكيت كل عشان عيالي خلاص بروح عند اخواني وخلي العيال لكم قالت روحي مع السلامة والعيال احنا نربيهم مهو اول واحد يدخل السجن واضرب لكم تقصد قبيلتي حنا بناتنا ماينضربون
هذا جزاة صبري حسبي الله عليها والله يشهد اني اجمل من بناتهم لاني من قبيلة مشهورة بالجمال لدرجة عيالهم حسدين زوجي علي واكثر وحدة صابرة في بناتهم لدرجة رجالهم يقولون بنت رجال
لان وحدة من بناتهم رجالها عطاها كف قوموا الدنيا خلوه مايسوى ريال وانا اضرب لنا على قولها
موحرام نفسيتي تعبت منهم

 

[عنقود عنب]

زوجك ليش مسجون ؟؟؟

هل سبق وشكيتي لاخوانك ؟؟؟

 

[قلب تائه]

حبيبتي ام ذهب... انت كيف متحمله رجل بهالمواصفات ,,,, الله يعينك ,,, وبقولو ليه نسبة الطلاق زادت في المجتمعات ,,, نسبة الطلاق زادت من ورى أشباه الرجال
حبيبتي انا ضد انك تتركي اولادك يربوهم اهل زوجك ,,,, اذا في طريقه تبتعدي عن اهل زوجك بكون احسن ,,,, وبس يقرب زوجك يخرج من السجن احكي لاهلك كل خرابيطه ويا اما بنعدل حاله او اتركيه والله البعد عن هالأشكال غنيمه

 

[خيــآل]

انتي مفتخره انك صابره على ضربه واهانته !!!!!!!

حبيبتي الضرب اهانه واي وحده عندها كرامه ماتسكت وخلي اهلك يربونه لايمد يده شوفي انتي لاضربتي ولدك وجا زوجك سوالك سالفه

المرات الجايه بتخافين تضربين


جباااااااان الي يمد يده على زوجته

المهم عيالك خوذيهم معك ولاتخلينهم لاحد الا اذا زوجك يبيهم قولي خذهم وانا مابيك انا الف يتمناني ويعيشني ملكه

اذا شاريك قولي شروطك اذا لا شوفي حياتك

طبعا انا ماحرضك على زوجك بس صبرك هذا وش اخرته ؟

 

[ام ذهب]

لانه مسحور وبلاة علي هو محافظ على بيت ويحب اولاده بقوة ولمن يضربني يجي يعتذر ويجلس يبكي كان يتعالج عند شيخ بس ماعاد يروح لشيخ وسحره عقد ويبغالة جلسات اللي يزيد همي لسان امة ماترحم وظالمة

 

[ستروبوري]

الله يفرج همك ويبدل حالك للأفضل ويارب يعطيك حتى يرضيك ويسخرلك الي حولك

 

[ام ذهب]

الله يجزاكم خير

 

[بكيت انا]

الله يفرج همك نصيحة لا تخلين عيالك والله الدنيا ماتسوي بدونهم ويمكن يحرمونك منهم بالمستقبل
ضربك لهم غلط حاولي تعاقبيهم بالحرمان ترى يجدي مع الاطفال اكثر
وخوذيه بحسن نية هي يمكن تضايقت لما شفتك تضربهم احسها تقول مو كافي محرومين من ابوهم هالمرة ينضربون

 

[ام ذهب]

اختي بكيت انا
لسعة ماضربتهم بس ام زوجي متسلط بس مالها حق تغلط الله مارضى باظلم وعيب عليها هذي ماول مرة ترمي بالكلام
مالها حق تجرحني وتعايرني وان نحن بنات قبيلتنا تنضرب وبناتهم ماينضربون في اي دين هذا

 

[ام ذهب]

ماطلبت من اهل زوجي غير الستر وخلوني اربي عيالي لاتتعبوني وتزيدون همي بس تجريحات وزوجي ربي حيشفيه ويصلح حاله باذن الله

 

[تشكرات]

لاحول ولا قوة الا بالله العلي العظيم .....ربي يفرج همك وينصرك يارب .....

لماذا لا تعيشين في بيتك الخاص بك ....؟؟؟؟......

 

[نحمدة ونشكره]

شو دخل القبايل بالضرب وشو دخل الجمال بالمووضع انتي جميله افتهمنا وبناتهم مو جميلات مثلك كمان افتهمنا بس الي ابيك تفهمي انه هم على قله جمالهم ماحدا ضاربهم ومحترميهم ورازيهم فوق روسهم شو الي يخليكي تنهانين بهالشكل وبعدين ليش جالسه مع عمتك وزوجك بالسجن من سبب السحر هاي اول مرة اسمع انه السحر يسجن طيب والشرب والضرب والخيانات كولها من السحر اجل اطلاق في هيك حاله ارحملك وترا لا اسم قبيلتج ولا جمالج ينفعج اذا ضاع عمرج

 

[حياه اجمل]

الله يهديك مااحس انها غلطت ام زوجك هي تنصحكي فعلا الضرب ماجيب نتيجة وانت طلعتي حرتك فيها وفي ااطفالك
اختي عليك بالدعاء وصلاة الليل والاستغفار وقول لا حول ولا قوة الا بالله وصدقة

 

[ام ذهب]

زوجي كان مطوع اول متزوجتة بعدها بشهر انتكس وكان مايقبلني ولايعاشرني ويرضرب مع العلاج بداء يتحسن لكن بطل يروح لشيخ ومع السنين انحرف مع الصحاب السوء وتغيرت حالتنا وبسب الحبوب هو في السجن
اما امة عيالها كلهم متزوجين من نفس قبيلتهم بس زوجي تزوج من برى القبيلة وهذي امة كل ماصارشي تعايريني

 

[انوا رة الرياض]

الله يعينك ويفرج همك ويمكن ام زوجك اهي بعد مضايقك على ولدها واولاده وهي تمر بضغطوالكبار مايتحملو و الله يصبرك

 

[ام ذهب]

ياخوتي ترضون عيالكم يلعبون في الشارع الى النصاص الليالي ماورهم مدراس الي متى هذا الحال موكفايه ابوهم
النار ماتحرق غير رجل واطيها وكل وحدة شاركت الله يجزاها خير

 

[سأبقى جميلا]

فرج الله همك يااختي ... استعيني بالله في تربية اطفالك واطلبي من الله العون وأن يشفي زوجك ويرجعه اليكم سالم ويبعد عنكم شر كل من به شر .... عندما يخرج زوجك من السجن اشترطي عليه أن يتعالج لكي تبقي معه وضربه لك من البلاوي اللي ياخذها ... من الان الى أن يخرج من السجن الّحي على الله بالدعاء بأن يصلح حال زوجك ويرده اليكم سليما معافا ....

 

[ام حناااان]

الدعــــــــــــــــــــــــــــــــاء اشكي همك لربي


والله يفرج همومنا وهمومكم..

 

[ملاذ قلب]

الله يفرج همك ويكتبلك الى فيه خير
ولا تنسى ياقلبي سهام الليل لا تخطى

 

[اللهم ازل همي]

المشكلة فيك وشلون ترضين بالاهانة محد خسران الا انتي
خسرانة صحتك واعصابك لا صار فيك شي محد بينفعك
لازم تاخذين موقف انتي الان المره والرجاال
فكري بمستقبلك العيال مو دايمين لك