اولادي -- ساعديني يادكتوره

[رمانه العود]

السلام عليكم ورحمة الله وبركاته


دكتوره عندي ولد عمره خمسه سنين ونص وبنت عمرها 3سنين وشهرين

ولدي دايما يدينه بفمه وياكل اظافيره اللين تتجرح اظافيره

وكمان دحين بيروح للروضه واتعلم انواع الالفاظ السيئه مو بس من المدرسه احيانا يشوف طفل يقول كلام وسخ فيقول زيه ماني عارفه كيف اتعامل معاه دايما يكسفني في الخروج يقول هالكلمات ويكسفني مع اننا مانقول ابدا هالكلمات في البيت ودايما نقوله انها عيب والاولاد الشطار والمؤدبين مايقولو كده بس يسمع الكلام شويه ويرجع يقول ثاني والمشكله علم اخته الصغيره فمره صعبه طفله صغيره تقول هالكلمات كيف اتعامل معاهم واخليهم ينسو هالكلمات


وكمان يقلبو البيت وغرفتهم ومره يطفشوني وكل ابواب البيت اقفلها بالمفتاح واشيلها عشان لايخربو صرت لما اخرج مثلا اروح لبيت اهلي وهناك كل شي مفتوح فيجلسو يخربو ويوسخو ودايما يكسفوني ولايرضو يرتبو او ينظفوا الا اذا ضربتهم وانا ماابغى اتعامل معاهم بالضرب دايما فايش تنصحيني بطريقه للتعامل معاهم باسلوب بسيط وهاديء


ولدي الله يهديه لما اكلمه يصرخ او يرد علي بصوت عالي او بضجر واحيانا يسب مع اني اعامله كويس ولا اسب ابدا ودايما اقوله ربنا يزعل من اللي يسوي مع امه وابوه كذا ويدخله النار وانه الاولاد المؤدبين يحترمو اوهم وامهم واذا سوى كذا مااكلمه باقي اليوم عشان اللي سواه وحتى ابوه مايكلمه ويتعاون معايا وسرت احيانا اقولهم قصص بسيطه عشان يفهمها هل وسيله القصص تنفع لتعديل السلوك
بس كيف نعلمهم الاحترام للوالدين مع اني انا وابوهم مره تعاملنا راقي ومحترم وجلساتنا كلها هادئه مافيها مشاكل الحمدلله ونادرا ماتسير مشاكل قدام الاولاد عشان كده مستغربه من طريقته لاكل اظافيره وحتى اخته صارت تسوي زيه هل هي حاله نفسيه او ايش ؟؟؟؟

بس احيانا اعصب على الاولاد اذا وسخو او خربو شي لانه باجلس طول اليوم انظف وماعندي شغاله فكيف اتحكم في اعصابي وكيف اتعامل معاهم وكيف اعاقبهم ويجيب العقاب نتيجه


انتظر ردك يادكتوره والله يجزاك الجنه

 

[رمانه العود]

السلام عليكم

وغير كذا يادكتوره اولادي على اي شي يبغوه يبكو على طول يعني حتى لما يطلو شي وبيتكلمو يبكو احيانا يعصبوني واعاند مااعطيهم الي يبغوه عشان يبكو واقولهم لما تسكتو اعطيكم ايش اسوي معاهم صار البيت مناحه طول الوقت


وكمان دايما مضاربات هو واخته ويخربلها اشياءها مثلا دولابها يخرب ملابسها يرميها في الارض ويقول انها هي خربتها عشان نضربها واحس اننا مره مابنفضل احد عالثاني بس مدري ليش يغار منها و صار يكذب مع اننا مانكذب ابدا ودايما لما نساله شي ونحسه يكذب نقوله قول الصح لاتكذب واحيانا يقول واحيانا لا كيف تعاملنا يصير اذا في كذ عشان مايتعودو عالطريقه هذه


معليش دكتوره عالاسئله الكثيره

الله يجزاك خير

 

[رمانه العود]

السلام عليكم

دكتوره فينك منتظره ردك

وعندي كمان ولدي بس يمسك عضوه كل شويه وقت الاكل وهو واقف وهو بيلعب مو عارفه كيف اخليه يبطل هالعاده

 

[أ.نجوى ناجي]

المشكلات , مسك العضو , قضم الاظافر , الفوضى , العصبية كل هذا موجود استشارات عديدة مماثلة في القسم , ان شاءالله تفيدك