اه ياحرقة قلبي--- ليتك توقف وارتاح

[شموخ الاحزان]

السلام عليكم
كيف حالكم اخواتي وكل عام وانتم بخير
انا سبق وكتبت موضوع في هالقسم عن اني لقيت شنطة ملابس نسائية مخبيها زوجي عني المهم سألته قال لاخوة وبعدها رحت لاهلي وحلف ان الشنطة ماهي له وماجاء يراضيني عند اهلي وبعد اربع ايام ابوي قالي ارجعي لبيتك اللحين مضى عالسالفة قرابة شهر وانا في هم ابغى اعرف السالفة وهو موراضي يجاوبني وعلاقتنا متوترة وماحد يحب يسمع اي كلمة من الثاني والله انه اليوم هاوشني وبكيت بكل حرقة حتى العيد ماحسيت بفرحته قلت نبغى نتفاهم قام قالي ان الشنطة جهزتها لاني خطبت وحدة وابي اتزوجها بعدها استخرت الله وكرهتها وماكنت ابغى اتزوج الا عشانك تعبانه (لاني مسحورة) وقالوا الناس علاجك بأني اتزوج عليك بس تركتها وهي اللحين تزوجت انا عرفت قبل فترة انه خطب من وراي بس ماأعرف التفاصيل والليله علمني بكل شيء سكت وطلعت قام لحقني وكلمني قلت له ابي اتطلق لان والله مااقدر انسى السالفه هي لها اكثر من سنتين ونص لكن كل مرة اتذكر وتنتكس نفسيتي وقلت له ياما تطلقني وراح اتزوج منهو افضل منك واسعده بكل اللي يبغاه ياما اخونك واذوقك من الكأس اللي شربتني منه وانا والله مستحيل اسويها بس من الحرقة اللي بقلبي راح وتركني
البارح سمعت امي واختي يسولفون عن يوم خطب وانا ماكنت معاهم بس احس جرحوني اذا هم اهلي يتكلمون وش بتقول الناس الباقين
والله ان جاني القلب والضغط والقولون العصبي من بعد هالسالفه وان توني 23سنة
بالله عليكم وشلون انسى وش اسوي عشان تطفى النار اللي بقلبي كيف اعامله خلاص والله اكرهه وماعندي احد اشكيله
وعرس اخوي يوم الخميس وانا من الهم كني عجوز والله اني كل مااطلع زواج الحريم يخطبوني مادرو اني متزوجة انسان مايقدرني
آسفه طولت عليكم ادعولي

 

[دمعة الغيمه]

حبيبتي والله مشكله بس انه داام انه تراجع عالزواج عشانك فهذا يكفي
وحاولي تتناسين زوجك يمكن راح للحلال ولا خانك مع احد الله لايذوقك مر الخيانه
بس انتي استعجلتي لمن طلبتي الطلاق كمان غلطتي لمن قلتي بخونك
اجتهدي في الدعاء والاستغفار وتذكري ان عندك مناسبه سعيده
زواج اخوك على الاقل بتفرحين فيه ولاتخلين مشكلتك تأثر عليك
والله يشاافيك من السحر يارب

 

[ردية الحظ]

حاولي تنسينها افرح بعرس اخوك اللة يصبرك

 

[روعــــــــة]

اختي اسمحي لي تقولي اخونك وهو ماسوى حرام خليك هادئه ومتفهمه
بعدين هو قال الصراحه وانتهى الموضوع لاتضيعي حالك وزوجك الي يحبك

 

[ميانج&]

اختي والله الحزن اللي انتي فية من الشيطان ’تاثير السحر’
هو تراجع خلاص ادحري ابليس وانسي صدقني هو تراجع لانه يحبك

الله يحفظك استمري بالرقية

 

[دمعه بلمعه]

الله يكون بعونك

 

[دلوعة بآبي]

ياقلبي الله يفرج همـــــــــــك,,

 

[شموخ الاحزان]

اختي دمعة الغيمة جزاك الله خير على الرد والله يسمع منك
بس وشلون انسى ماعاد اطيق اشوف وجهه

 

[نولا زين]

السلام عليكم ورحمة الله وبركاته
أختي الغاليه أعانك الله وشفاك من كل سوء
أكثري من الإستغفار ومن قول لاحول ولا قوة إلا بالله
وبما أنه صارحك وتراجع عن الموضوع سامحيه
حتى لايعود للتفكير في الزواج مرة أخرى

 

[ملكة بإحساسي]

اذا انتي بس فكر ولا تم الموضووووع عشااانج بس,,كيف ببقية الحريم اللي تزوجوا عليهن أزواااجهن وطنشوووهم تحاااسبيه لأنه فكر وتراااجع عشااانج ها كله عشااان بس حبج وفضلج حتى على نفسه,,بعده في فرصة حبيبتي فكري بعقل رجعي واهتمي بنفسج توج صغيرة وها الامراض كلها فيج ليش ما تحبي نفسج رووحي ولبسي وكشخي العيد هذا وضحكي لزوجج,,,أحسن عن يسويها صدق ويروح منج,,انسي أختي انسي وعيشي حياااتج برااحة وبدون نكد ولا غم عشااان صحتج واذا الله سبحااانه يسااامح ويعفو أحنا عباااده ولازم نسااامح بعض كيف وهذا زوجج وبعد عشااان مصلحتج واذا كنسل عشااانج أول مرة ما تعرفي شو بصير ثااني وبعدها محد بيحاااسبه لأنج أنتي منكده حياااتكم ومهملة في نفسج وحاااطة الامراااض تييج بسبب نفسيتج,,,

والله اريد مصلحتج ويا قلبي روووحي وكشخي وتوداااي العيد وابدي حياااااة جديدة وصفحة جديدة والله يسعدج ويوفقج يا عسل​

 

[احب الكلل]

سامحي زوجك

حبيبتي الغاليه اول شي قدر الله وماشاء فعل وقولي الحمد لله على كل شي . والله الدنياء ما تستاهل الزعل وهو اعتذر مين الي مايغلط انتي اكيد غلطتي وهو بعد حبيبتي خليك قريبه من الله وراح يسعدك الله
انتي تقولين عمرك 23 توك في احلى مراحل الزوج تماشي مع الواقع وسامحي اذا الله غفور رحيم ليه انتي ما تغفري له هو زوجك وهو حبيبك الحياه مو كلها سعاده يمكن يكون معاك افضل من قبل .اكثري من الاستغفار وحاولى ان ترضي ربك والله راح يرضيك ويسعك مع زوجك وبعدين انتي شوفي مشاكل الاخوات في المنتدى .ابدي من جدبد حب والله انتي الكسبانه لا ن اذا رضيتي زوجك راح يرضيك .​

 

[darkness]

يا ويلي تقولين له ابخونك وسكت لك؟؟؟؟والله انه رجال
كبري عقلك بس كلنا رجالنا لهم زلات ولا تحطين كل شي على السحر وهالخرابيط ! مسحوره وقاعده على النت؟؟؟!!! الله لا يوريك حالة المسحورين تعوذي من ابليس ولا تخربين بيتك والله زوجك سيد الرجال الي صابر عليك وانتي زي ما تقولين مريضه عموما انتي الخسرانه لو استمريتي تتذكرين الماضي هو يتزوج اطلق بنت من بكره وانتي اجلسي تحسري على زوجك الي راح لا تضطرينه يروح ويتركك انتي لو زوجك نكدي ماراح تتحمليه كثر خيره الي متحملك

 

[متزوجه ولكن]

الدنيا ابتلاء حاولي تنسين وتعيشين يومك
ولاتظنين انك لحالك
كثيير مثلك الله يفرح قلبك وقلوبهم
الله يأجرنا عليهم يارب ويهديهم

 

[papero0o]

أختي شموخ

الي سواة زوجك ماتعتبر خيانة .. هذا شرع رب العالمين و اعتراضك علية يعتبر أعتراض على شرعة و حكمتة .
انتي لازم تقوين علاقتك برب العالمين .. و تزيدين ايمانك بالله

ثاني شي هو تراجع و كان مفكر بزواج عشانك .. و الله سبحانة ما احل الزواج من اخرى الا لما يكون بل أولى اي عيب ان كانت مريضة او عقيم او ماتتعاشر ..
هو تراجع لانة يحبك فأنتي طولتي الزعل و المشاكل

في النهاية لما تتطلقين . بتجيك مثل الصفعة على وجهك و تتراجعين و تستوعيبن و تتحسفين .. و ساعتها ماينفع الندم

تعوذي من أبليس و هل وساويس الي بعقلك

و اقول مرة ثانية زوجك ماخانك .. الخيانة لما يكلمك بنات من وراك و يغازل ولا يطلع مع بنات

الحمد لله بعد انة يدور شرع ربة ولا دور الحرام

​

 

[*..الحلوة..*]

أولا كل عام وانتي بخير ثانيا حبيبتي انا بكون واااايد قاسية عليج عشان مصلحتج انت وحدة بصراحة الله يعين زوجك عليكي اتوقع هو المسحور فيج والله من كثر ما هو صابر عليج يعني انتي بصراحة واااايد نكدية وهو مطول باله ومستحمل وعشان شو شوفي حطي عقلج في راسج وعقلي لحسن والله تظلين ندمانه طول عمرج وخلي عنج الخرابيط مسحورة ومريضة وقلب وضغط وقولون محد ما سلمان من الامراض بس الرسول يقول لا تتمارضوا فتمرضوا فتموتوا يعني الواحد لو مريض بس ما ينكد على نفسه والله لا فيج سحر ولا شي عقولت وحدة من البنات اللي مسحور ما شفتي حالته كيف كل اللي فيج بعد عن رب العالمين قوي ثقتج بالله وكثري الاذكار والصلاة وبس ما فيج الا العافية وقومي لبسي وكشخي وبدل ما تحاسبين هالريال على شي انتي كنتي السبب فيه يعني يوم خطب انتي جبرتيه يسوي هالشي كله مريضة ومريضة جبتيلة المرض مب ملزوم يقضي حياته مع وحدة مريضة خليه يشوف عمره يا اختي العمر واحد ومن حقه الواحد يتهنى فيه ويرتاح عشان يعرف يعيش عوضية عن كل يوم نكدتي فيه عليه اذا تريدين حياتج تستقر وشوفي اللي ضربها زوجها واللي ما تشوفة بالشهور واللي ما يصرف عليها واللي واللي وحمدي ربج وشكرية وقومي اتجهزي واتسنعي لعرس اخوج وبس وما عليج من كلام الناس الناس تحكي على الفاضي والمليان وانشا الله تستفيدين من هالرابط http://www.niswh.com/vb/showthread.php?t=269781
والله يريح بالج دنيا واخره

 

[مها البوادي]

انا مع كلااااااااااام ملكة المسحووور حيااته غير ويعيش برووحه ويصااارخ ولا يبى حد وهالشي مب فيج
ع العموم تعوذي من شيطااااان رجيم وردي لريلج ولا تخلين الراس اطيح بالفاس ترااه الريال اذ صد تراه صد ومب ملزوووم بوحده كلهاا شكوى وتذمر واونها ع كلمه لمت اغراضها راحت عند هلها
ع العموم عليج بالرقيه الشرعيه وهاتي ماي وقري فيه الرقيه وسوره البقره والاحقاف وشربي منه ورشيه ع البيت ولو تيبين دخوون وتقرين فيه وادخنينن البيت بتتغير الاحوال ولازم يوميا ع الرقيه الشرعيه وتصدقي شوفي كيف بتتغير حيااااااااتج
وطبي عنج تفكير خيانه وطلاق وغيره ترا كل الرياييل يفكرون بالثانيه وحد يسويها وحد لا وهالشي تلعب فيه الحرمه عرفتي
نتريااااااا ردج

 

[كيمياء الحسن]

يالله يااختي كيف تعتبين على شخص راح بالحلال وحتى لو صار مافي لدين ولاعقل يمنعه من الزواج ولاتعتبين على نفسك وانتي انسانه مسلمه بالغه رشدك في اللي تسوينه بنفسك,,يعني انتي ماخلقتي الا من اجل هذا الزواج ترى نفسك لها عليك حق وصدقيني لو قلبك ممتلىء بذكر الله ماكان هذا حالك ارجعي الى الله واقراي الرقيا اليوميه واذهبي مع زوجك لشيخ كويس بالرقيه او قوليلي انتي باي منطقه وانا ادلك على راقي ممتاز علشان لاتصيرين معلقه بالوهم انتي وزوجك والله ثم والله ثم والله لو رجعتي لربك بقلبا صادق لرايتي كل هالامور شيء تافه لايذكر لعلمتي ان ماعند الله هو الافضل والادوم اصلح الله قلبك ودينك وجعل زوجك قرة عينك وشفاك الله توكلي على الله وداومي على الاستغفار ....
اختك كيمياء الحسن ....​

 

[شموخ الاحزان]

أشكر جميع اخواتي اللي ردوا علي والله يجعلها في ميزان حسناتكم
أخواتي الحلوة ومها البوادي والاخت اللي قبلهم أنا ماكذبت يوم قلت اني مسحورة ورحت لاكثر من20 راقي ثقة وكلهم اكدوا لي السحر وانه سحر تفرقه ومعظمهم قالوا سحر وحسد والله على ماأقول شهيد بعدين مافيه وحدة تتمنى لنفسها المرض لكن حكمة الله ولاتحسبون حياتي سعيدة والله اعاني معاناة مايعلمها غير الله والحمد لله اجاهد نفسي الين حفظت البقرة وآل عمران والحمد لله احافظ على مااستطيع من عبادة وتقرب الى الله بس المؤمن مبتلى وبدال ماتكذبوني ادعولي ولاتستهزؤون لان عقاب الاستهزاء في الدنيا قبل الاخرة لكن الله يسامحكم انا ماشكيت من فراغ ودلع وماتحس النار الا رجل واطيها

 

[تشكرات]

ايش فيكم يا بنات اذا قالتله ابخونك >>>من حرقتها مسكينه قالتها كل وحده فينا بتنقهر من زوجها وبتقول اي كلام <<على طول ركبتوها الغلط ....ياصاحبة الموضوع قولي اللي في راسك ماعليكي من احد >>>>هذولي رجال ما ينفع معاهم اللي العين الحمرا ..

 

[امال مكسوره]

الله يكون بعونك