اهل زوجي سبب في تعاستي

[(عاشقة الورد)]

السلام عليكم حبيباتي
اشكركم على المنتدى الرائع و الاكثر من رائع
و الذي جعلني اطرح موضوعي هي ردودكم الجميله
:clap::clap:
لا اريد ان اطول عليكم و سوف ادخل في الموضوع مباشر..
مرت 5 سنوات على زواجي و الحمد لله زوجي يحبني و عندي طفل و طفله
اهل زوجي يدخلوا في كل صغيره:icon1366: مثلا: (ليه ما تقص اظافرها،ليه تلبس عريان،قفل جوالك و انت نايم عندنا .. واذا ما قفله هم لقافه يقفلووووو،لا تخرجها كثير،.........الخ)
المهم كانت المشاكل بسيطه و مع مرور الايام كبرت و زوجي يسمع كلام اهله كثير
ويعتقد انه اذا ما سمع كلامهم يكون اتغير عليهم ويتكلموااا عليه بالسوء
وعلما بأن قبل الزواج بسنين ما كان يزور اهله الا في الشهر مره او في الشهرين مره
تخيلوا سببوا لي مشكله من لاشيئ و زعلنا من بعض لمدة عشر ايام ما نكلم بعض
سؤالي لكم كيف اقدر اخليه ما:no: يسمع كلامهم ؟؟
الا في الخير و طبعا طلباتهم..


:c016::c016::c016:

ارجوكم ساعدوني و انصحوني​

 

[روزس]

الله يعينك

أنا أشوف أن أهل ريلك يتدخلون في كل شي غلط،
ولكن لا تحاولين أن ريلك مايسمع لهم لأنه ولدهم، أنتي تسمعين كلام أمك وخواتك واخوانك وتثقين فيهم ترى هو كدا كمان يحب يسمع كلام أهله وإذا حاولتي تمنعين عن أنه يروح بيت أهله بطريقة أو بأخرى أو أنه ما يسمع كلامهم، ترى يمكن الرجال يتغير علك أكثر وأكثر ، بس كوني حكيمة في التعمل مع أهل الزوج ومع الزوج وبدون ردات أفعال عاطفية.

 

[عنقود عنب]

عزيزتي

اذا كانت الطلبات هذه تطلب منهم لك مباشرة ...فانت بكل هدوء و لطف

قولي لهم مشكورين على النصيحة لكن هذه امور شخصية ما احب احد يتدخل فيها

انا البس اللي احب واطلع مثل ما احب

اما اذا كانت الطلبات تقال امام زوجك .... ففي البداية اسكتي ...ولكن اذا انفردتي مع زوجك

تكلمي عن اهله بالخير و الحب ...و قولي له ...هذه امور شخصية ...انا لا احب ان يتدخل فيها احد

وانت خليك حلوة معهم ...لكن لازم تبيني لهم انك ما تحبي احد يتدخل في خصوصياتك

وربي يسعدكم

 

[(عاشقة الورد)]

الله يسعدكم على ردودكم لي و نصائحكم و انا دايم اقوله هذا الكلام لكن يسمع لمده و يرجع لنفس العاده
و الله اني اقدرهم و هو متأكد من هذا الشيئ بس ما احب التدخل في الخصوصيات...

 

[*مشاعر مكتومة*]

الله يصلح حالكم ويسخر لك زوجك ..
حبيبتي من رأيي اذاقالوا شي وزوجك جالس قولي لهم جزااااكم الله خير وسكري على الموضوع وإذا جلست معه فهميه إن أهلك هم اهلي الثـانين واني احبهم واقدرهم بس مو معناته انهم يدخلون بينا قولي له انت ترضى إن أهلي يدخلون بحياتنا وانت بعد اكسبي أهله قدر ماتستطيعين اكرميهم اخدميهم بالمناسبات تفقدي الناقص عندهم وقولي له يجيبه وجيبي لهم هدايا والله راح ينقلبون معك 180درجة وراح تشوفين الفرق يعني بإذن الله راح يوقفون معك ضده:msn-wink:..
بس ياهوووووووه لاتنسيني من الدعوات ان الله يصلح لي عيالي..
الله يسر امركم..​

 

[هند بنت عتبة]

حبيبتي انا اشوف انك تجزمين الامر معاه ان لازم يفهم اهله انهم مالهم دخل بخصوصياتكم ...

الله يوفقج ويسخر لج زوجج

 

[نبع الحنين]

الله يهديهم ويكفيك شرهم .

 

[المنقبة]

الله يكون بعونج صح ما عندهم حق يتدخلون فيج بس هم هدا ولدهم ما يقدر يقولهم شئ و خصوصا امه و ما اعتقد احد يقدر يقول لامه لا حتى لو هي غلطانة يا الله وش تسوين ما عليج الا اصبر و انت همج تخلي ريلج بطيب و حكمة و كل شئ بالدلال و الابتسامة تنسيه كلام اهله ما عليج منهم خليهم يقوله الي يقولوه انتي عندج الاهم هو ريلج و الله يوفقج

 

[latulipe]

اختي لا تفكري كثير في اللي بيقولوه طنشي صدقيني بتستريحي
واذا فكرتي في كبيرة وصغيرة رح تتعبي افضل شيء لما يوقلولك اي كلمة كأنك ما سمعتيها
هادي نصيحتي

 

[(عاشقة الورد)]

حبايبي الله يسعدكم و يحقق امنياتكم و الله اني ماني مقصره معاهم و اذا رحت عندهم اقوم و اشيل و احط و اضيفهم في بيتي و اهديهم الهدايا بس امه ما تدخل كثير اكثر شيئ اخواته السبعه و في بداية زواجي كنت اسكت اذا قالوا شيئ بس دحين خلاااااااااااااااااص ما اتحمل لو اقولكم على اشياء ما اعتقد وحده تستحملها والله على اتفه الامور ...
اقول لكم على موقف : ( و انا بصلي صلاة المغرب في بيتهم بنت اخت زوجي دخلت تصارخ و تقول مين اللي قال لي خالي ((اللي هو زوجي)) المهم قامت اخت زوجي قالت: ما في احد ما يستحي في البيت دا كله الا حرمته .. ((اللي هي انا )) اش رايكم ؟؟؟؟؟؟؟؟؟
اش تردوا لو كنتوا مكاني ؟؟
المهم طلع الصراخ كله علشان مين قاله على الدوره الشهريه و الله إن عندهم عادي بس ما أدري ليه الفلم دا كله!!!!

 

[حبيبت رشيد1]

الله يكون في عونك ويسخرلك زوجك ويحنن قلبه عليك اختي قولي\اللهم اكفنيهم بما شئت انك على كل شئ قدير

 

[(عاشقة الورد)]

يسلموووووو حبيبتي و يجعلها لك ربي في ميزان حسناتك​

:sad_1:

 

[ثقتي عاليه]

هلا حبيبتي لا تعتقدين انج انتي الوحيده اللي متضايقه مع اهل زوجها لا والله يمكن اغلب الناس يكونون مستانسين في حياتهم بس اهل الزوج اللي يخربون عليهم..حبيبتي اهل زوجج شكلهم من النوع الصريحين فانتي كوني صريحه معاهم واذا قالولك شي قولي مالكم خص هاي شي بيني وبين زوجي
شكلهم اقويا وانتي بعد كوني قويه معاهم
وموفقه ياربي

 

[(عاشقة الورد)]

الله يوفقك يا قلبي بس هم في بعض الاحيان ما يقولون لي لكن يسلطوا علي زوجي

 

[ميمي 1404]

ياقلبي هي كذا الحياه .. اذا صلحت من جنب خرب الثاني ..
ياحبيبتي اهم شي زوجك وام زوجك وماعليكي بالباقين .. واللي يقلك لا تقولين لزوجك اي شي لا تسمعين ههههههه اذا في شي لصالحك قولي له واذا ماكنت غلطانه بيوقف معاك بالعكس تلحقي انتي قبل لا يوصل الكلام من طرف آخر ..... لا تقولين شريرة بالعكس يا حبيبتي الناس كل من همه مصلحته وانا اخت زوجي افترت علي كذب عشان مصلحتها ... واهم شي انتي لا تردين عليهم اسمعي واسكتي .. لابد ماتنفجري مرة بس سكوتك من صالحك
والله يكون في العون ويرد كيد الكائيدين في نحورهم ..

 

[زين_2]

شوفي علاقة زوجك باهله مستحيل تقدرين تغيرينها كانك بتنحتين بالصخر....


لازم هو تكون شخصية اقوى ويحط حد بينهم انهم مايدخلون بخصوصوياتكم....ان ماجت منه انسي انها بتجي منك...


وحاول تتناسين وجودهم وعيشي حياتك...انتي وخليه يفهم شي واحد وغصب عنه انهم مايدخلونك ولا يتسببوا لك بمشاكل ...قولي له اليوم شخصيتك تضعف وتنهمز قدامي بكرة تنهز قدام عيالك والطفل مو حلو انو يشوف ناس مسيطرين ع ابوه يمكن يحس..

 

[انت حياتي]

ياربي الله يعينك لاني نفس معاناتك تعبت خلاااااااااااااااااااااااااااااااااااص صارت تاثر علي انا وزوجي اول كنت اطنش الحين ماني قادره خاصه ابو زوجي الله يهديه وكلامه جارح بعد وانا احط 70%من اللوم على زوجي يجيني يعلمني اش قالو عني هو يقولي عشان انتبه واحاول اغير من نفسي لكن اقوله ان ماغلطت على احد ولا سويت شي يغضب الله وضميري مرتاح دام اني هالثلاث اشياء مرتاحه منها خلاص ماراح اتغير هم رضاهم غايه لا تدرك وانقلبت السالفه على راسي واي شي يصير حق زوجي يقولون انا السبب اف زهقت بصراحه

 

[ام البوبو]

وانتي ملاك معهم؟
طيب انتي كيف تعامليهم ؟
انا انقهر من اللي تقول اللي تبي واللي هي تسويه ماتقوله احنا صعب نحكم واحنا سمعنا من طرف واحد
يمكن انتي مسويه فيهم البلاوي ومسويه نفسك مسكينه
هذا ولدهم ويخافو على مصلحته بعدين ماقالو شي غلط العريان جاء له حديث صريح انهم كاسيات عاريات لاتدخل ولاتشم رحتها ماقالو عذبها ونقص مصروفها وطلقها ولاخلها خدامه عندنا الصراحه بعض الزوجات انانيات مو معناته تزوجتيه يعني ملكتيه امه اللي بتدخله الجنه مو انتي

 

[ضياء القمر]

من خلال تجربتي مع السكن مع اهل زوجي


خلك غامظة لا تعطين احد مجال يتكلم عليك ولا تقولين عن ابيظك او اسودك

 

[la yomal]

السلام عليكم مين فينا مرتحاح مع اهل الزوج بس حياه وبدها تسير وكوني معاه واسكتي وامشي معاه بتفاهم هذوله اهله علا قول زوجي المرأه بعشره لكن اهلي ما يتعوضوولا نجيب غيرهم الله يهدي الجميع