اهل ريلي و....

[jowana]

مرحبا ...
كيف الحال ...​

بدش في الموضوع على طول ... واريد رايكم فيه وخاصة من الناحية الدينية اذا في وحده عندها خلفية دينية قوية ..... وايد ايهمني الحلال والحرام ورضا رب العالمين ..
انا في مره كتبت عن حياتي ويا اهل ريلي ...
وهالمره اريد افضفض في مشكله صارت قريب ...
من اتزوجت ولازم كل سنه اتصير بين ريلي واهله مشاكل وكلها بسبة الفلوس واي شئ يملكه ريلي .. دايما ايحبون اللي عنده يعني ما اريد ادخل في تفاصيل لانه صراحه اتفشل ..يعني لو رفض يعطيهم بيسوون من الحبه أبه وبيدورون عليه اي شئ ....
يوم يشمون ريحة رزق ياي لريلي يحومون حواليه مع انه مب مقصرين وياهم ونعطيهم بدون ما يطللبون بس شو انسوي في الطمع (احس حالنا واقف ودايما اللي نباه ونتمناه ايينا بعد معاناة )بس الحمدلله على كل شئ ... امه دايما اتقوله "الابن وما يملك لأبيه" حديث عن الرسول عليه الصلاة والسلام .. وانا رحت ودورت عن الحديث وقريت تفسيره ...
هي فهمت من الحديث والله اعلم انه اي شئ يملكه زوجي لابوه .. طبعا تقدرون تقرون التفسير .. وهو غير بالمره عن تفسيرها ... يعني في شروط .. من ضمن الشروط انه الاب اذا ما كان محتاج ما له حق بس الحديث يتكلم عن البر وطاعة الوالدين يعني انه الابن يعطي اهله اذا عنده خير بس مش كله وما ايكون في ضرر عليه .. المهم ... الحين هم زعلانين من زوجي عشان نفس الموضوع .. واللي مأرقني انه هالمشكله كل اهلهم تقريبا عرفوا فيها ومطلعين زوجي انه ما فيه خير وعاق والخ .... يعني حرام البيوت اسرار و انا ما بدافع عن زوجي بالعكس عنده سلبيات ومحد كامل .. بس رب العالمين يشهد على كلامي ومش قاعده أمن على حد .. زوجي اكثر واحد مسوي فيهم خير مع انه عندهم ولد ثاني وايد عوف فيهم وحرمته ما تحترمهم بس محد يعترض ولا حد يتكلم عنه ... والمشكله بعد انه ابو ريلي يشتغل في وظيفه مرموقه وعند خير وايد لكن اتصدقون انه ما ساعد عياله لا في زواج ولا شئ .. فكيف ينتظر منهم انه يعطونه وهم ما عطاهم ولا ساعدهم بس فوق كل هذا ريلي مش مقصر وياه بس كل شئ وله حدووووووووووووووووود ... كرهت الروحه عندهم وكرهت شوفتهم وكرهت حياتي وياهم واكره شئ عندي يوم ايطلعون مشاكلهم عيب والله عيب ... دلوني كيف اتصرف الحين صارلي فتره طويله ما رحتلهم بسبة هالموضوع ونحن عايشين وياهم في نفس البيت لاني متأكده اذا رحت بيتكلمون وبيسمعوني كلام اينكد ولو دافعت عن ريلي بياخذون موقف ضدي يا ربي شو الحياه ليش الاهل اتغيروا ليش ما صار في رحمه ولا حب ولا احترام دلووني شو اسوي ..والله ماريد مشاكل ..
حتى عيال ما عندي ولا أتخيل انه ايكون عندي عيال في ظل هالظروف وفي بيتهم بالذات ... صارلي على الحال 5 سنين وما في اي سبب يمنع الانجاب بس النفسية تلعب دور كبير ..
اي وحده تقرا موضوعي تدعيلي بالذريه وتدعي لكل محرومة ...
والله يهديهم يا رب ويصلح حالهم​

انتظر ردودكم ...​

 

[أساورمن ذهب]

اختي الشرع يقول قول الرسول صلى الله عليه وسلم (لاافراط ولاتفريط) صحيح انت ومالك لابيك بس مش معنى ذلك البلع ع الروحه والجيهلا والف لا يعطيهم باللي تطيب نفسه بس مش غصب وقهر ماهذا ان كان مو مقصر معهم لا يعطيهم فقط مايكون بطيب النفس وماتجود به هذا من ناحيه شرعيه اما ماذكرتي فلك الصبر والسلوان ووالله اعلم اهل الزوج ومابهم من مرارة والم بس توكلي واذهبي عندهم لاتقاطعيهم وخليها بالحسنى اخيتي ولاتتفوهي بكلام يغضبهم ولاتسمحي بالاهانه وربي لك ويعوضك بالاطفال ويملؤا حياتك وانت سعيدة باذن الله

 

[jowana]

أساور من ذهب ...
شكرا حبيبتي على ردك الطيب .. وانا ان شاءلله هذا اللي بسويه بحاول ما اقطعهم بس والله اني كل ما اروح عندهم أكون حاطة ايدي على قلبي مع انه ما تفرق عندهم رحت ولا لأ ... بي دايما اعمل حساب الحلال والحرام .. والله يهدينا ويهديهم ,,,
مشكوره حبيتي مره ثانية ... والله يرزقج يا رب كل ما تتمنينه ..

 

[نجمة مشرقة]

السلام عليكم ورحمة الله وبركاتة
صباح الخير

قال الرسول صلى الله عليه وسلم (استعينو على قضاء حوائجكم بالسر والكتمان )
ماله داعي يعرفون اش عندكم واش ناوين علية واش تنتظرون وفي ايش تاجرون
والا مصادر الدخل عندكم اش هي عشان ما يطمعون واذا احد سالكم قولوا له
حنا محتاجين اذا عندك ساعدنا ( مو بس اهله حتى الناس برى ) لاني من وجهة نظري
احس الموضوع هذا خاص جدا والناس هذي الايام الطمع والحسد ياساتر

تقبلي مروري​

 

[jowana]

نجمة مشرقة ... ان شاءلله دوم مشرقة ...
يمكن تستغربين لو قتلك انه ما نخبر حد شو عندنا او كم او بينا خير ,,, انا ما اعرف كيف يعرفون ؟؟ وحتى لو قلنا ما ايصدقون ... يعني الحين ريلي يبا ياخذ سياره وخايفين من ردة فعلهم .. ؟؟
يمكن قبل كان زوجي ايخببرهم بس الحين اتأدبنا وما انقول ومع هذا ايعرفون كيف الله اعلم ..
وبعدين عندهم اسلوب انا اعتبره خبيث ... مثلا يوم ايشمون ريحة شئ جاي في الطريق او اشترينا شئ بمبلغ وقدره يصيرون طيبين وايطرشولنا الأكلوالمعاملة تتغير وريلي لانه طيب ويتمنى انه ايعيش وياهم في سعاده وحب واحترام يعطيهم ومجرد ما ياخذون حاجتهم خلاص، عندنا مثل في الامارات ايقول ( ماكلين خيرنا ولاعنين صيرنا ) وهذا ينطبق عليهم ... وانا والله اني اتمنى اعيش وياهم كأنا عيله وحده لكن رب العالمين ما يرضى بهالمعاملة يعني ليش ما يضلون طيبين والمعامله ما تتغير ... ؟؟؟
اعتقد الحل الوحيد انا نطلع بيت بروحنا هذي الطريقة الوحيدة اللي ما بيعرفون شو عندنا ... لكن طبيعة شغل زوجي ما تساعد وخاصة ما عندي عيال يعني في الايام اللي هو مش موجود فيها بتم بروحي في البيت ؟؟ ريلي ايحاتي هالموضوع ... فادعيلي الله يرزقني بالذرية ... ويرزق كل محرومة ...
ما علينا ... شكرا اختي على ردج وان شاءلله ربي بيهديهم ويحنن قلوبيهم علينا ..

 

[احلىحلاوه]

الله يفرج همك
اشوف افضل حل انكم تطلعون بيت لحالكم

 

[jowana]

أتمنى والله اني اطلع من أول يوم حطيت فيه ريولي في بيتهم لكن ما باليد حيلة زوجي ما أيأمن ايخليني بروحي يوم ايكون في الشغل خاصه انه شغله فيه سفر وايد وفي أماره ثانية ... وصليت كم مره استخاره اذا طلعتنا من البيت فيها خيره النا لكن السبب نفسه ايخلي ريلي يتردد ويحاتي ... لكن دعواتكم لي انه ربي يرزقني بالذرية الصالحة عشان اطلع وعيالي يمولون علي حياتي ..
ادعولي ...
شكرا على ردج

 

[(قلب صافي)]

الله يعينكم ويهدي اهل زوجك ويصلح حالهم
اختي خالي زوجك يخصص لهم مبلغ محدد دعم لهم وبس لا يعطيهم زواد ابد
علشان يتعودون عليه وبس ويقول لهم ضروفي ما تسمح لي اكثر من كذا
والباقي سوى ادخار لكم تنفعكم اذا جوكم عيال بس بدون ما يدرون عنه

 

[jowana]

الله يعينكم ويهدي اهل زوجك ويصلح حالهم
اختي خالي زوجك يخصص لهم مبلغ محدد دعم لهم وبس لا يعطيهم زواد ابد
علشان يتعودون عليه وبس ويقول لهم ضروفي ما تسمح لي اكثر من كذا
والباقي سوى ادخار لكم تنفعكم اذا جوكم عيال بس بدون ما يدرون عنه

هلا حبيبتي قلب صافي نورتي ...

ماشي فايدة حبيبتي حتى لو خصصنا بعد يبون .. ايكفي انه ريلي قبل لا يعرس كان مديون قد شعر راسه عشانهم ويوم عرس محد ساعدة مع انه كانوا واعدينه ايساعدونه وبعد العرس اتبهدلت وايد حتى ااهلي كانوا يصرفون علي واتحملنا وصبرنا ورب العالمين رزقنا ومن هنيه بدت المشاكل ...
الله يهديهم يا رب بس أهم شئ انه نتحمل ونصبر وما نغلط عليهم مع انه والله مرات ودي انفجر في ويوهم واقولهم حرام اللي قاعدين اتسوونه رحمونا ... الدنيا ما تستاهل كل هالطمع والظلم ..
المفروض اي اثنين ايعرسون يعشون في بيت بروحهم بس عن هالمشاكل .. لانه الوحده منا تكفيها مشاكلها ويا ريلها ومب ناقصه مشاكل اهله بعد ...

شكر عالمرور والنضيحة ..

 

[بنت جده 1]

لا حول ولا قوة الا بالله كثير رجال مو ما عيشين مع زوجاتهم بسبب اهلهم وماشغلهم وطلباتهم ​

الله يعين بس

 

[معلمتـ روضهـ]

الله يرزقك ويقر عينك طفل تحملينه بين يدينك​

 

[نــور2010]

الله يكون بعونكم ويرزقكم الذرية الصالحة

 

[jowana]

بنت جدة ...

مشكوره عالمرور .. والله يعنيني ويصبرني ..

 

[jowana]

الله يرزقك ويقر عينك طفل تحملينه بين يدينك​

آمييييييييييييييييييييييييييييييييييييييييييييييييييييييييييييييييييييييييييييييييييييييييييييييييين

 

[jowana]

الله يكون بعونكم ويرزقكم الذرية الصالحة

مشكورة يا حبيبتي ...
والله يسمع منج

 

[هاربه]

معليش خله يساهم بمقاضي البيت
واوكي يعطي امه مبلغ معين كل شهر ولو بسيط جدا بمفهوم البر والتواصل
لكن الأهم ان هالشي مايرهق ميزانيته ويضغط على نفسه عشان يعطيهم وابوه اذا كان مهوب محتاج
لان الضغط يولد الأنفجار ويجيب القلق والهذيان وبدال مايسوي فيهم خير يخربها
ويقلب عليهم قلبتن قشرا بعدين وبكذا لاهو ولاهم بيستفيدون شي .. لا هم اللي رضوا عنه ولا هو الل مرتاح
فلا افراط ولا تفريط ... وكلن ادرى بمخباته ومسؤولياته .... وقوي ثقته بنفسه واسنديه وماعليك من احد

وانتي قلتيها ياقلبي

ماكلين خيرنا ولاعنين صيرنا


فا امسكوا خيركم فتره عشان يعرفون ويقدرون فضلكم وانه مايقصر وانتي بنت ناس
ويحشمونك ويصيرله هو قيمه عندهم

دعائي لك بالذريه الصالحه وياكلون من خير ابوهم ويعطيكم على قد نياتكم يــارب

 

[سنية وافتخر]

داري وسياسي تقريبا حالي قريب منك بس زوجي ماعنده شىء احزن عليه لكن العوض من الله والله استغرب من بعض الاهالي كل واحد ينهش ويعض من جهه لنا رغبات وحنا اوادم نحتاج مثل مايحتاجون بس الصبر الصبر واذا جاتكم فلوس لاتعلمو اذا كان يرضيهم ترى ماانتي وحيدة في غيرك نفس الهم بس الله يفرجها

 

[الجروح]

الله يكون في عونك أختي

أصبري واحتسبي الأجر فيهم .. وربي بيعوضك خير إن شاء الله

وأنت ما عليك إلا القيام بواجباتك الزوجية على أكمل وجه

ووصلهم بين فترة وأخرى وإذا وصلتيهم لا تطولي عندهم شوية وقومي

واكثري من الاستغفار والدعاء بالثلث الأخير من الليل وأوقات الإجابة

وكرري " اللهم أكفنيهم بما شئت "

وربي يرزقك بالذرية الصالحة اللي تنسيك همك

وعلى فكرة أعرف وحده زوجها على قده إلا فقير وعندهم عيال والزوجة ما تشتغل

وحصلت الزوجة ورث من أبوها وعطته زوجها يشغل الفلوس لها عشان حالهم تتعدل شوي

لكن وآآآآه من لكن جاه أخوووه ولعب عليه بكم كلمة وخذ الورث كله

والآن يقول ما عندي لكم شي " حسبي الله ونعم الوكيل "

وهذه الأسرة تعاني من قلة ذات اليد

أدعيلها

وآسفة طلعت عن الموضوع .. بس ذكرتيني فيهم وفي سوء أهل الزوج أو البعض منهم

 

[نيل المنال]

الله يكون بعونك اختي ولكن حسبك انك لست الوحيدة التي تعاني من هذه المشكله ولكن حسبك وحسبنا الله ونعم الوكيل

 

[ام لينا وليان]

عندنا وعندك خير هذا هم اهل الزوج الله يعيننا عليهم ويكتب اجرنا ويرزقك بالصالح