اهل خطيبي احسهم يكرهوني ساعدوني بليز:(

[فتاه بريئه]

السلام عليكم ..

ابي ابدء في الموضوع على طوووول

مشكلتي مع اهل زووجي احسهم يكرهوووني

مدري وش الاسباااااااااااااب ندخل في السالفه

انا طبعا بسكن في منطقه غير المنطقه الي عايشين فيها اهله

انا في الشرقيه و بعد الزواج بروح في الرياض

معأآآآآآآه المهم ققررنا انا واهلي نرووح للشقه الي

في الرياض علشان نرتب اغراضي ويصير كل شي جاهز

عمي مع خواتي وامي في سيااره وانا وخطيبي في سيااره

ويافرحه ماتمت .. وحنا في الطريق دقت وحده من عماتي

لانه خطيبي ولد عمتي المهم دقت على امي تبغى تعزمها

على مدري وشوو وامي مرره على نياتها وهذي عمتي

كل شي تسئل عنه وسئلت امي انتي وين قالت لها حنا

بنروووح الرياض علشان نجهز لبنتي اغراضها قبل الزواج

قالت يووووه ليه تروحون ومدري وشو تدخل في اشياء ماتعنيها

وشكلها قفلت من عند امــي دقت على عمتي الي هي ام زوجي وقالت

لها ترا ولدك رايح مع اهل ززوووجته ومااخذووك معاااه وتروووح

وسوت لنا مشكله حنا في غنى عنها كافي اهي تكرهني بدون سبب
مع انو انا بنت اخووها يعني يتيمه وابوي توفى واهووو صغييير

بس تكرهني وحتى بناتها احسهم مايحبوني والله مرة حماااي

اهي الي ماتحبهم وتسوي مشاكل بينهم وبين اخوووهم


واهم يحبونها اكثر مني وانا مسكينه مالي صووووت

ابببد واستحي ومقهوررين من خجلي وكله يتكلمووون

علي ويوصل لي الكلام من مرة حماااي وربي


مرات ابكي من كلامهم علي يوقولن تستحي ولا تتكلم

ولا شي وكلام كثير عااتي انا في فترة ملكه يعني يحق لي الخجل

واللله كنت حيل مستانسه اني بروح الرياااض لانه

توفى ابوووي واهو صغير وماااسافرت ولا مكاان

وبس رحنا قام الكل يحسدنا ومن الحسد ماتهنينا

كله تصير مشااكل كنت رايحه اشتري كم شغله

ويضيع بووكي وحالتي حاله ادري طولت بس

وربي من القهر ابي افضفض المـــــــــــــهم

اهووو بس راح البيت واليوم جمعة خوااته

يعني اكلللووو بكلامهم والله قالي بس باخذ شووور

واكلمك الا طول ساعتين زياده ورجع كلمني مرره متضايق

ويقول صارت مشكله انا خفت قلت له وووش فييييك

على ايش قال لا امزح معك وبعد اصراري قال ماابغى اقوولك

مابيك تتضايقين وربي من صوووته مرره متضاااااييييييييق

حتى قبل نقفل تزاعلنا بسببهم كافي هم يكرهوني يبونه اهو بعد

يكرهني .. والله كله يحاولون يسووون مشاكل بيني وبينه

بس الحمدلله تنحل الله يعنيني علييييييييهم وعلى مشاكلهم

وامي سمعت بالكلام قامت تبكي تقووول والله ماكان قصدي اقووول

لانه خطيب اختي سمع بالموضوع في هالوقتت الصغير لانه هما نسايب
يقول ام زوجي دقت على امه واهي تبكي وتقوول لها ماييني ولدي ومدري وشو

اذا يبون يروحون بيوديهم بس حنا مو معاهم لانه ماناخذ راحتنا مع بعض

والسياااره حقت خطيبي مااتكفي كلهم يجوون معنا اذا قالت امه بتجي خواته

كلهم بيجوون والحين السالفه انتشرت وصارت كبييييره واهي مافي اصغر منهااا


ياربي شنو ااسوووووي حت اهو متضايق وتزاعلنا خلاص تعبت


وبكرا عندنا عزيمه حق زواج وحده من اهلنا والكل راج يجي وام زوجي

الي هي عمتي بتجي واخاف تحرج امي قدام الحضوووور وامي مسكينه

حيل طيبه ومراح ترد عليها بس راح تنقهر واخاف يصير فيها شي

لانه عمتي ام زوجي طبعها مو زين اذا صارت زعلانه من اي وحده

ماتسلم عليها واذا سلمت ماتسلم زين وخايفه تسوي لآمي كذا

امي من القهر قامت تبكي وانا مو عارفه ايش اسووووي

بلييييز انصحوني واكيد نسيت اشياء كثيره اكتبها لانه السالفه مره طووويله

بليز ساعدووني والله مقهووووووره .:*.*:. وقمت ابكي لانه امي كسرت

كسرت خاطري ساعدوني انتظر ردودكم وعارفه اني طوولت والكلام خربوطه

بس من القهر

 

[رائحة الشكولاته]

ربي يكون في عونك ويسعدك
اتمنى الاخواااااااااااات يفيدوك​

 

[فتاه بريئه]

ترا انتظر ردودكم .. ابي اعرف كيف اتصرف مع هالوضع

وكيف اتصرف مع خطيييبـــــــــي .. الله يعطيكم العافي

ويوفق كل وحده ترد علي لان جد مقهووووره

ومافي غيركم افضفض لهم وبكل حريييه

 

[مطرية]

أذا عمتك وبناتها يكرهوك من البدايه ليش خطبوك لودلهمـ أصلا؟؟

موظوع أنهمـ يحجون عنك انك خجوله فهذه كلامـ عادى

سوا عاجبهمـ خجلك أو لا

فطنشى هالكلامـ

بخصوص تصرفاتك اهل زوجك لازم تتبعين السياسه معاهمـ

خليكى رسميه بقد الامكان ووحاولى تتقربين من عمتك فقط وتحببيها فيكى

وأهتمى بخطيبك وأكسبيه بجانبك

هو الاهمـ

 

[لذه طفوله]

الله يكون بعونك بس كان المفروض اذا فيه مشاكل من البدايه ماوافقتي على

 

[لذه طفوله]

الزواج تفاهم الله يساعدك تحملي نتيجة اختيارك وخوذي عمتك بالاسلوب الحلو ونصيحه خليك رسميه معاهم

 

[ميميته]

الله يعين..
لس الصراحة راحة..

امج ما له داعي تبكي و تبين ضعفها...
عادي اشرحي لعمتك ان ما كان قصدك و خلاص و السالفة ان السيارة صغيرة..
و قدام الكل في العزيمة امدحي في عمتك و وضحي لها ان اللي صار سوء فهم و ودكم تاخذونها بس السيارة صغيرة

 

[فتاه بريئه]

مطربه يعطيك العافيه .. بلعكس هما قبل يخطبوني يحبوووني

بس ملكنا تغيرووو والخجل عاتي وصفه حلووه لاكن هما

يقوولووو تستحي بشكل مو طبيعي هذا بتتزوج وبعدها

على هالحال يعني كأنهم يذموون فيني ويعطيك الف عافيه

لذة طفووله .. بلعكس ماكان في مشاكل قبل بس بعد

ماملكنا تغيرووو والله ماسويت لهم ومشكووره على ردك

ميميته ... والله امي من النوع الي بسرعه ينقهررون

وحست انها اهي السبب لانه قالت لعمتي واهي مو قصدها


وبسرعه تبكي وخصوصا بعد وفاة ابوووووووووي

وعمتي ماتتقبلني علشان اجلس امدحها قدام الكل

ومااقدر اقووووول كذا .. يعطيك العافيه



مشكوورين لانكم رديتو على موضوعي

 

[نضوج أنثى]

فتره وتعدي لا تحتكين فيهم أحلى شي إنك مو ساكنه معاهم اتحمليهم كل ماصرتي عندهم واهم شي زوجك اذا طيب ويستاهل اشتري خاطره ولاتحسسينه من الحين إنه في مشاكل بينك وبين اهله وتشتتينه اتغاضي واتنازلي عشانه وبعد عشان لا يآخذ فكره من الحين انه بينكم عناد ويبدأون يكرهونه فيك لاتعطيهم فرصه يدخلون بينكم

 

[فتاه بريئه]

نضوووج انثى مشكوووره حبيبتي

وخطيبي الحمدلله طيب بس وربي خايفه

يأثروون عليه ولحد الان مااادق علي

وشكله مو ناوي يدق يلا الحمدلله

على كل حال ويعطيك الف الف عافيه

 

[فتاه بريئه]

وكل وحده عندها رد لاتبخل علي

 

[هموسآ]

حبيبتي الجأي لربك والله بإذنه الكريم لن يخيب رجاك


ادعي الله حبيبتي باخر الليل , ادعي بين الاذان والاقامة يوم الجمعة وخصوصا اخر ساعة من نهار الجمعة

ادعي بكل وقت ان الله يكفيك شرور عمتك وكل الناس وييسر امرك

والاستغفار والصدقة , كلها بإذن الله تريح بالك


الله يفتح عليك وييسر امرك

من تقرب من الله واصلح علاقته به ,, بإذن الله تنصلح علاقته بعباده,,

وقولي لامك هذا الكلام وان شاء الله تلقوا النتيجة بعد الصبر

اعانكم الله واصلح بالكم​

 

[om alreem]

اختي الموضوع لا تعطيه اكبر من حجمه! ورحوا المناسبة بكل ثقة وشياكة وانتوا ما سويتو ا غلط عشان تخافوا منهم،واذا كلمو امك بشي قولي كنا نفكر انكم عارفين من ولدكم،وقولي عادي انشاءالله نروح مرة ثانية سوا بس اهم شي تصرفوا عادي جدا وخليكم واثقين من ارواحكم والله يعينكم ويفرج همك

 

[مآمه آحلى قمرين]

يا قلبي ما ابي اغير عليك بس صدقيني الاقارب عقارب وربي انا متزوجه قريب مني وما سبوني بحالي وصرت اتحسف ع اليوم اللي تزوجت فيه قريب لي مع انه طيب وحنون بس امه وخواته حسسسسسسبي الله ونعم والوكيل فيه كل يوم يتكلمون علي ويسبون لين تعبت انا وهو بعد تعب والله يعين
معليش ما ابي اخرب عليك بس اللي بقلبي قلته لاني حاسه فيك وقولي دعاء اللهم اجعل كيدهم بنحرررررهم يا كريم واذا امك شافتهم تقول هذا الدعاء اللهم من اراد بي سوء فشغله في نفسه ونصصصصصيحه مني اسستخيري اذا شفتي نفسك مرتاحه توكلي ع ربك
موفقه يا رب

 

[فتاه بريئه]

هموسآ وربي كلامك جواهر يعطيك الف عافيه يالغلا

وامــــــي ماتقصر في الدعاء

ام الريم .. مشكووره يالغاليه واكيد بنروح

وحنا في اخر شياكه بس والله خايفه على امي تحرجها

الله يعين ومشكووره مره ثانيه

مآمه احلى قمرين.. وربي كنت متردده اني اوافق عليه لانه

من الاهل وعاارفه انه هالايام اهلال الي تصير بينهم المشاكل

والله بعد اهو طيب وحنون ويحبني وانشاء الله مايتغير علي

لانه لحد الان ماادق وامي اكيد ماتقصر في الدعاااااء

وزواجي بعد اسبوعين ومتوتره وهذول زادوو علي

يلا الله يبعد عنك اهل زوجك ويخلونكم في حالكم

ومشكوووووووووووورين على ردودكم الحلوووهـ ريحتوني شوي

 

[دمعتي خانتني]

يالغلا الكره مايأتي من أهل الزوج إلا من الغيره والشيطان لذلك
نصيحه مايطلعوا على حياتك لا بحلوها ولا مرها
وأكسبي أم زوجك بالهدايا وياريت تشتري
هديه وتعطيها خطيبك وتخلينه يعطيها أمه ويقول
هذي منها لك يمه لآن الرسول صلى الله عليه وسلم
يقول تهادوا تحابوا ولا أقول إلا الله يفرج همك
ويلين قلوب هالبشــــــــــــــــــــــــــــــــــر
الواحد عايش في الدنيـــــــــــــــــــــا كأنه معمر
لا حولا ولا قوة إلا بالله..

​

 

[فتاه بريئه]

خانتني دمعتي مشكووووره ...

والله انا احبها ام زوجي لانها في الاصل عمتي

بس اهي مدري وش فيها علي اخاف افكر اجيب

لها هديه تردها او شي بس انشاء اللله بسوي هالشي

ومن ناحية الغيره بااايين ذكرت موقف صاااار

كنا رايحين السوووق انا وامه و2 من خواته

انا عجبتني شنطه قلت له عاجبتني ودي اخذها

وهم جالسين يناظروون فيني وبعدين كلهم اخذوو

نفس الشنطه الي اخذتها واخذو لآختهم الي ماجت

يارب ابعدهم عني اهئ... ومشكووووره يالغلا مره ثانيه

 

[مدري مين انا]

الخطبه ياما يصير فيها مشاكل
وكلها ان شاء الله تهون
بالنسبه لعزيمه بكره
فوضي امرك لله وقبل لاتدخلي قولي " اللهم انا نجعلك في نحورهم ونعوذ بك من شرورهم "
وتوكلت على الله
وان شاء الله ما بيصير شي
ولا تجلسي تفكري كثير علشان الوالده ربي يحفظها لك
بس بيني وبينك المفروض دقيتي عليها وقلتيلها حتى لو من باب المجامله
لان ولدهم رايح معكم
مافكرتي انه ممكن يعلمها ؟؟؟ وش كان تصرفك ؟​

 

[ياربي انصرني]

اولا ياعزيزتي ---لاتسمعين لحماتك اللي تنقل الكلام --وتصبه في اذنك ونصيحه ابتعدي عن زوجات اخوان زوجك من الان خلي علاقتك فيه على الاحترام وضعي حدود ولاتعطين اي وحده فرصه ان تتعمق في علاقه معك ضد اهل زووووجك في نقل القيل والقااال000

ثانيا---ام زوجك ان كانت زعلانه لان زوجك مااعطاها خبر انه بيروح معك وامك للرياض وهذا من حقها انها تزعل المفروض يعطي خبر لامه انه بيروح يكمل شغله وباقي لوازم الشقه000

ثالثا-- امك الان عرفت عماتك وهذا درس لها تكون كتاب مغلق000 وتقضي حوائجها بالكتمان000

بالنسبه للمناسبه ---خلي امك تروح عادي وتسلم وان شافت صدود اواي ردة فعل تطنش وتكظم غيضها---وتحتسب اجر ذلك لله

عليك ان تسوين كنتروووول مع اهل زوجك خاصة سلايفك ---اولا احتفظي بخصوصياتك
لاتشتكين من زوجك او تتكلمين عن حياتك الخاصه او ايمواقف لانك بتكونين تحت المجهر

سولفي وكوني مبتسمه وعلاقتك فيهم احترام وتقدير ---عمتك اكسبيها بالكلمه الطيبه والاحسان اليها واعطيها هدايا 00

اكثري من الاستغفار والزمي قيام الليل والدعااااء وتلاوة القران بتدبر 000

الدعااااء يرد القضاء الزميه ان يؤلف بين قلبك وقلوبهم000

والله يوفقك ويسعدك ويتمم زواجك على خير امين000

 

[الشتاء الدافئ]

لاتزعلين مني ياعزيزتي لصراحتي ..لاني ارى العيب منك ومن امك ..انتي وامك حساسات وضعيفات وفي هالوقت الضعيف ينداس وان لم تكن ذئبا اكلتك الذئاب ..الطيبه الزايده هي سبب ضعفكم ..لو تأملتي حالك لرأيتي انسانه خوافه ..تعطي الناس اكبر من حجمهم ..تثق في كلام الغير ...وامك الله يحفظها على نياتها وهذا ماينفع ..انا مااقولك صيروا وقحات وخذوا الناس بالصوت العالي ..لا طبعا ولو حاولتوا ماراح تقدرون لان طبيعتكم طيبين وتحسبون لزعل الغير الف حساب وهالطبيعه الراقيه تعاملوا بها مع الناس الطيبين اللي يحبونكم اما اهله
فضعي عندك يقين انهم يغارون منك وسيموتون وهم يغارون منك مادامهم كلللهم اشتروا نفس الشنطه اللي اشتريتيه (الحمدلله والشكر) ماراح يتغيرون لا وممكن يصيبونك بالعين انتي وزوجك والحل في رأيي المتواضع هو الااااتي ..
1- الغموض التتتااااام لايشوفون اي تصرف لطيف او يسمعون كلمه حلوه بينكم او تشترين شي قدامهم واحمدي ربك انك بتعيشين بعيده عنهم
2- لاتدلعين احد منهم ابدا عاملي امه برسميه لانها قويه والقويه ماتحب الضعفاء وتحتقرهم وماتشتريها الهدايا ..واي شي منك بتقول شرى لي ولدي خلي زوجك بعدين هو اللي يهديها ونفس الشي خواته ولاتعودينهم على المكالمات او الاتصالات الا في الضروره او اذا زوجك طلب منك ..اذاقاموا بحقك قومي بحقوقهم واذا طنشوك طنشيهم لكن كوني دائما المبادره وراعية الاوله عشان زوجك يقدرلك هالشئ ...
3- لا تعطين سلفاتك وجه ابدا هم يعانون ايضا وراح يزيدونك هم ونقل للكلام مايفيدك وممكن يعلمون ازواجهم وازواجهم يعلمون امهم وتكبر المواضيع مثل ماهوحاصل ..قللي اتصالات وكوني رسميه وغامضه
4- لاتتبعي اخبارهم ولاتجعليهم اكبر همك ولاتذكريهم بسوء خاصة امام زوجك ولاتمنعيه من ان يعطيهم ويبر بهم بدون ان ينقص من حقوقك عليه ...
5- عوديهم على اللي يريحك من البدايه وطنشي اي تعليقات بتتعبين في البدايه لكن بتجنين الثمار بسرعه مثلا اذا زرتوهم في الاجازات انزلي عندهم اليوم الاول مثلا وبعدها روحي لاهلك وكملي اجازتك عندهم ولو تقوم قيامتهم مثلا طنشي بيعرفون انك مانتي سهله ..خلي امك تطنش اتصالاتها اذا فيه غيم في الجو وماتعطيها فرصه تجرحها ..
6- عليك بتحصين نفسك بالاذكار وقوي شخصيتك بالاستقلاليه تعرفي على جيران وصديقات في الرياض واستفيدي من تجارب الاخرين وتمسكي بهالمنتدى لاتتركينه لو بعد سنوات من زواجك
7- علمي امك هالدعاء وردديه قبل ماتقابلينهم ( اللهم ولي نعمتي وملاذي عند نقمتي اجعل نقمتهم بردا وسلاما علي كما جعلت النار وسلاما على ابراهيم ) و( اللهم اكفنيهم بما شئت )
انا عارفه اني طولت عليك وزودتها لكن من خوفي عليك ولاني مالقيت احد ينصحني لما كنت مثلك ...الله يوفقك ويسعدك..