اتصدقون يابنات..هذا العيد الثاني اللي بيمر وزوجي مايكلمني..هجر بكل اشكاله ..الكلام والجماع والنفقة..تضررت نفسيتي كثير وقلتله ماتبيني طلقني ولا القى منه الا الصمت..تدخلوا اخواني يبون الاصلاح وماشافوا منه الا كلمة وحده (الطلاق صعب) طيب وبعدين؟؟رحت لاهلي شهرين ونفسيتي اتعبت اكثر لقيت الكل لاهي بحياته ولا احد يسأل عن الثاني وبيت اهلي مايشيلني صحيح امي حاطتني على راسها بس برضو وضع غير طبيعي..حاولت اكلمه اكثر من مرة ابي قلبه يلين خصوصا ان لي ولد منه بس قلبه اقسى من الحجر يابنات والله..ولو تقولون وش غلطتك اللي خلته يهجرك كذا..اقولكم ان بدا يبتعد عني تدريجيا ويهجرني يعني مره بالشهر ..فتشت ن وراه لقيت اصدقاءه الشباب مرسلين له ايملات كلها صور عاريه وتعليقات مدح لاجسامهم وكلام حيل وصخ منهم..انصدمت شلون زوجي اللي مسوي نفسه محترم وثقيل ورزين جدامي يشوف هالاشياء؟وشلون يرافج شباب بهالاخلاق السيئة..ولما واجهته قسى اكثر ..الحين صارله هاجرني من اربع شهور بلا جمااااااااااع وبلا كلام ولا حتى نظره ..دعيت ربي الحمدلله ..بس هو رافض اي اتصال بيني وبينه ..لاتقولون لبسي واغريه ومن هالكلام لاني جربتها كثيرا وحنا متصالحين ولا فادت فيه وشلون هاللحين اللي حتى مو طايق يطل بوجهي..مع العلم انه ينام بغرفه لحاله منذ بدايه زواجي..عمر زواجنا سنة ونص..ماذا افعل
