انوثه مغربيه وباقي الحكيمات لحقوني

[نور1406]

انا كتبت لكم مشكلة بنت اختي باختصار زوجها شمالي غربي وهي موظفة واول سنه زواج عطته بطاقتها واخذ قرض وجمعيه بعد سنه طلبت بطاقتها وهددها بالطلاق وراحت لاهلها بعدين استسلم ورجعها بشرط ان البطاقه ياخذها ابوها وبعد ما رجعت شقتها رجع يضغط عليها تاخذ قرض وهي رافضه صار يضغط عليها ان تستخدم الباب الي بين شقتهم وبين اهله وهي رافضه لان اهله يدخلون من غير استئذان فصارت تستخدم الباب الخارجي بس الحين رجع يهددها اما ان تعطي ولدها لامه عن طريق الباب المشترك والا تفصل من وظيفتها لان دايما يكرر انا ما احد يذلني ولا يكسر راسي وامه دايما تدخل الملحق يعني شقتها وتتدخل وعندها فضول مو طبيعي مع ان كان من شروط رجعتها انها ما تستخدم الباب واليوم سحبها من يدها ودخلها من الباب المشترك لحقوني بحل

 

[نور1406]

طبعا زوجها حاقد على امها لان كان بيسمي ولده اسم يفشل فاعترضت امه وقالت له نقد قوي فتحس ان جالس ينتقم من امها فيها

 

[نور1406]

وهو دايما يقول ان ابقاك ترجعين زوجتي القديمه الي بس تقول اي وما تعترض وابقاك تفكرين نفسي يعني يبقى يلغي شخصيتها ويقول لها اذا مو مدخله ولدك من الباب فصلي من وظيفتك

 

[Amina]

أختي نور واضح انكي تواجهين بعض القلق ما جعل الكتابة مستعجلة وغير واضحة

اكتبي بتروي تفاصيل المشكلة

و متى بدأت و كيف و الأسباب

لكي يسهل علينا ايجاد الخيط المؤدي للحل

فليس من الممكن ان ننصحك بأن تدخل او تخرج من الباب و نحن لا نعلم على هذه السيدة وهذا السيد شيء غير هذا الموقف

حتى البطاقة لم افهم لما اشترط او اشترطت ان يأخدها ابوها

ليس هناك تفسيرات لما يحصل بينهم

وضحي اكثر اختي و ان شاء الله خير

 

[رندا كووول]

عزيزتي اليس الباب له قفل..تفتح وتسلم الولد لامه وترجع تقفل الباب .>>>مالمشكله

البطاقه لاتتنازل عنها ..واعطيناك حلول في استشارتك السابقه.

تتعامل معه وكأنه هو صاحب القرار ..لاتعانده بطريقه مباشره وتستخدم معه الحيله.

بالتوفيق.. .

 

[نور1406]

بنت اختي تزوجت قبل سنه ونصف وايام الملكه زوجها طلب منها تكفل شخص بدون ما تقول لاهلها عشان زوجها بيستفيد من القرض وطبعا كان المبلغ ينخصم من راتبها وبعد الزواج كان عنده محل بس تركه لان عليه ديون لان طبع زوجها يبقى يعيش مرفه سيارات غاليه وغيرها ولكن كل هذا بقرو وديون بعد الزواج طلب منها تاخذ قرض عشان مشروع بعدين اشترى فيه سياره وطلب منها جمعيه عشان مشروع وبعدين شرى فيه سياره ثانيه والاقساط تنخصم من راتبها واخذ بطاقتها وكل هذا بدون ما يعرف احد طبعا امها حاسه وتنصحها بس مشكلتها ما تحب النقاش مع زوجها فتستسلم بعد سنه انا خالتها اكتشفت الموضوع بتفاصيله وتدخلت انا وقلت لها تسحب بطاقتها منه لان كان يصرف على اهله من راتبها بس كان ينكر وهي قالت له فلوسي ما احلل تنصرف على غيري المهم بعد ما طلبت البطاقه هددها بالطلاق وراحت بيت اهلها بعدين شاف ان ما راح تستسلم فقرر يرجعها بس بعد ما اشترطت ان البطاقه تكون عند ابوها اما الباب فهي عندها قسم فيه غرفتين ومطبخ ويفصل هالقسم عن بيت اهله باب وايضا يوجد باب خارجي ولكن الممشكله ان امه وخواته يدخلون من الباب في حاله عدم وجودها وحتى لو كانت نايمه يعني مو محترمين خصوصيتها وهالباب كانت تستخدمه عشان تعطي ولدها لام زوجها قبل ما تروح الدوام وطبع اهي رافضه تترك ولدها عند ام زوجها لكن زوجها مصر ان ما احد يمسك الطفل الا امه وطبعا شرطها الثاني عشان ترجع الشقه ان الباب يقفل ولكنه رفض وقال لها انا بستخدمه بس انتي لا تستخدمينه لكن الان رجع يحن على القرض ويقول ان يبقى يسدد ديونه لان مديون بمبالغ كبيره بس مستحيل تعطيه قرض لان شافت كيف تصرف زوجها ولعب بالفلوس الي عطته ولا فكر يسدد ديونه منهم. ورجع الحين يجبرها تستخدم الباب المشترك

 

[نور1406]

مشكله الباب ان اذا استخدمته راح ترجع امه تدخل في عدم وجودها لان زوجها يترك الباب مفتوح وهي تبقى تحسس اهله ان ما تبقى احد يستخدم هذا الباب

 

[نور1406]

بالنسبه للبطاقه هذي المشكله بالنسبه لها انحلت بس اهو جالس يسوي كل هذا عشان بس انها مو راضيه تعطيه القرض فيضغط عليها في كل شي حتى ان الان سافرت ام زوجها وطبعا زوجها الي سفر امه ومن فلوس الي اخذها منها في السابق مع انها كل فتره تقوله ما راح اسامح لو فلوسي تنصرف على غيري

 

[نور1406]

المشكله ان يبقى في كل شي تقول اي وما تعترض يعني مثلا الحين انتقلت لمركز قريب من شقتها بس زوجها راح يحاول ينقلها مكان ثاني عشان ما يبقى اهل قريته يعرفون ان زوجته موظفه يعني يبقى يسيطر عليها في كل شي يخصها وهي دايما تقول له انت قطعت علاقتك باهلي وانا ما جبرتك تصلح علاقتك فليه تفرض علي اسوي كل شي يرضي اهلك بالرغم من الي يسوونه فيني

 

[نور1406]

زوجها مهووس بالسيطره لدرجه ما يحترم ابوه ويفرض كلامه على كل اهله

 

[نور1406]

وفي نقطه مهمه بعد ما رجعت لزوجها اذا عصب يجرحها بالكلام ويذكرها بالكلام الي قالته امها له ويعايرها يقول لها انتي ما تسنعتي الا بعد ما تكلمت عنك طبعا يقصد ان بعد ما جلس ابوها مع زوجها وابوه عشان يتفاهمون جلس زوجها يكرر اهي ما تهتم فيني ولا تدلعني ولا تلبس لي وكان ما يرضى يتكلم عن البطاقه كان كل كلامه ان ما تهتم وما تسوي طبعا من الاسباب انعا ما كانت تلبس قصير حيييل لان كان الباب المشترك فجأه تجي امه او احد من اهله وكان يطلب من زوجته تفتح بسرعه ويقول لها عادي لو شافوك اهلي بهاللبس

 

[لن أيأس]

اختي نورة علمي بنت اختك كيف تكون ذكية 1 وكيف تحل مشاكلها بهدوء وبدون مواجهه 2علميها لك ولها الحياة مو حرب والرجال يجيبة الذكاء 3

4اختي متنتي عايشة طول عمرك لبنت اختك وعلميها الحياة حلوة لكن بالذكاء وتعلمه يحترمها بدون مشاكل مثلا علميها العتاب


باختصار اختي مانتي عايشة طول عمرك لها .....علمي حرفة ولاتعطيني دينارا

والاثنين خليهم يستمتعو بالحب .....والبطاقة تبقى بعيد عنه بس لراحت لها تروح تقضي بفلوسها وتمتع نفسها

 

[نور1406]

يا بنات فهموني كيف ما تستخدم الباب بذكاء انا اعرف اتصرف وعندي خبره ولكن بنت اختي ما عندها خبره ونتيجة المشاكل الي صارت صار زوجها يدقق على كل شي تسويه المشكله ان اذا ما كانت موجوده تفقد جزمتها او اشياء تخصها حتى ياخذون اغراض من مطبخها بدون علمها واذا لمحت لزوجها يقول عادي نشتري غيرهم
يعني لو انا مكانها كنت ما راح اناقش زوجي وبكسر المفتاح في الباب وكأن الشي حصل بدون قصد بس الحين كل شي تسويه يقول لها في احد موسوس براسك وهو يقصد امها بالرغم ان امها ما تتدخل

 

[نور1406]

المشكله باختصار تتلخص في نقطتين
كيف تحد من سيطرة زوجها المبالغ فيها
وثانيا شنو الطريقة المناسبه عشان الباب ما ينفتح لان باختصار بما ان ما قدر يحصل على القرض يبقى يكسر كلامها وكلام ابوها الي اشترطوا عليه ان ما تستخدم هذا الباب لانها تحس لو استخدمت الباب راح تكسر هيبة ابوها واتفاقهم

 

[نوفه1]

مشكلت الباب سهله تقفله الله يعينها على كل دخله وطلعه
انا كذا بيت مع اهل زوجب لكن فوق اهله ياداخلين ياطالعين ابدا مافيه خصوصيه
وتكلمت مهم زعلو مني زعل شديد ماباقي شي ماسووه اخر شي صرت اففل الباب اللي فوووووووق واريح راسي لنهم يدلون ل غرفة النوم عادي عندهم
لان زوجي يا نازل يا راقي مع ولدي وصعبه ك شوي انزل وخلاص من بعدها اقفل الي فووووووق وريحت راسي منهم ومايصدقون خبر اذا تركته مفتوح ههههههههه



وعلى البطاقه لا والف الا تعطيه حقهاا وماله دخل فيه حابه تساعده مبلغ بسيط عادي اما نه يسطر على البطاقه وفلوسها ا\لا لا لا

 

[نور1406]

مشكورين ع الردود

 

[رندا كووول]

كيف علاقتها بأمه واخواته؟؟؟
ماموقفهم عندما سكرت الباب واشترطت عدم استخدامه ؟؟
مانمطها ونمط زوجها؟؟

 

[رندا كووول]

وفي نقطه مهمه بعد ما رجعت لزوجها اذا عصب يجرحها بالكلام ويذكرها بالكلام الي قالته امها له ويعايرها يقول لها انتي ما تسنعتي الا بعد ما تكلمت عنك طبعا يقصد ان بعد ما جلس ابوها مع زوجها وابوه عشان يتفاهمون جلس زوجها يكرر اهي ما تهتم فيني ولا تدلعني ولا تلبس لي وكان ما يرضى يتكلم عن البطاقه كان كل كلامه ان ما تهتم وما تسوي طبعا من الاسباب انعا ما كانت تلبس قصير حيييل لان كان الباب المشترك فجأه تجي امه او احد من اهله وكان يطلب من زوجته تفتح بسرعه ويقول لها عادي لو شافوك اهلي بهاللبس

لاتهتم لكلامه الجارح .ولاترد عليه ..تلزم الصمت ..يتكلم ويسكت لانه لايجد مواجهه وجدال .>>>>>بصمتها تفرض عليه الكف عن الكلام الجارح.


تحاول تدلله باللبس والكلام المعسول ..ولا تجعل المشاكل البسيطه تؤثر ع حياتهم..
تكلمه عن المستقبل والبيت المستقل وتعيشه في الاحلام .
ارسلي لها روابط تفيدها كيف تتعامل معه بذكاء وحب ...عندما تمتلك قلبه تمتلكه كله..
ربي يسعدها ويسخره لها.

 

[نور1406]

علاقتها بامه وخواته عاديه ولكنها لا ترفض لهم طلب مثلا اذا طلبوا منها شي فانها تعطيهم سواء احذيه للمناسبات او. مكياج وحتى انها تعمل لهم مكياج لمناسباتهم ولكن في كثير من الاحيان تلبي رغباتهم وهي غير مقتنعه بذلك لانها لا تستطيع ان ترفض طلبالاحد وزوجها يلاحظ من ملامح وجهها عدم ارتياحها لتصرفات اهله ودائما يقول لها اهلي مو عاجبينك ولكنها ترد لو كانوا مو عاجبيني ما عطيتهم ولدي
اما فيما يخص موضوع الباب فان ام زوجها غضبت وقالت لن ادخل من الباب المشترك ابدا لكنها لم تلتزم بذلك فهي فضوليه جدا اذا فتح لها ولدها الباب المشترك فانها تدخل منه ولكن ام زوجها حاولت كثيرا ان تقنع بنت اختي باستخدام الباب المشترك حيث بدأت باسلوب الشده فكانت لا ترد السلام على بنت اختي ثم تذهب وتشتكي لولدها كذبا ان بنت اختي لا تسلم عليها ومره قامت بالصراخ عندما اتصلت بنت اختي وطلبت من اخت زوجها ان تقوم بارجاع شيء اخذته منها عن طريق الباب الخارجي فقامت ام زوجها تصرخ لماذا لا تفتح الباب المشترك ثم عندماشعرت ان الشده لا تنفع اخذت تقنع بنت اختي باللين ان تستخدم الباب المشترك وهي دائما تنقل كل شي لولدها اما اخوات زوجها فما زالت العلاقه عاديه وعلى فكره قبل حصول المشكله كانوا يدخلون ضيوفهم في شقتها لانه لا يوجد لديهم مكان سواء كان الضيوف نساء ام رجال لان شقتها كان جزء منها تابع لبيت اهل زوجها لكن قبل الزواج قام ببناء مجلس خارجي لاهله ولكن لم يكمل الصبغ ولذلك اصبحوا يستخدمون شقتها برضى زوجها

 

[نور1406]

بالنسبه لنمط زوجها شمالي غربي
اما نمطها جنوبيه ولكن لست متاكده ان كانت جنوبيه شرقيه او غربيه