انقذوني اموت كل يوم من زوج بالاسم فقط وناس لاترحم

[لؤلؤة الشرق]

السلام عليكم ورحمه الله وبركاته​

انا متزوجه وليتني ماتزوجت ادرس في الجامعه سنه 3 ​

تزوجت قبل سنه وكان في بدايه الخطبه لم يبقى احد ماسالته عن خطيبي ابناء عمه الحاره العمل الاصدقاء ​

وكلهم قالووا رجال وهادي وحنون وطيب ​

المهم تملكت وكان في فتره الملكه يكلمني وعادي الا في فترات الويك اند وانا ماانتهبت لهالحركه الا بعدين ​

وتجهيزي كنت مشغوله فيه​

تزوجت وانتعست عمره 28 وانا 19 ​

اول الزواج كان ماخذ اجازه هني مون وماسافرنا وعذره انا ارهقتني مصاريف الزواج ​

وعرضت عليه انا نسافر على حسابي ورفض وتقبلت الامر قلت مو مشكله السفر ​

وكان في اجازه الهني مون يطلع ويخليني واحيانا ينزلني عند اهلي او اهله ليومين او ثلاثه وهو وين والله مع الشله متجمعين وابي استانس وانبسط >>> طيب ليه تزوجت وانت في بدايه زواجك تروح تسهر برى ​

تناقشت معاه على سالفه اني اخذ مانع حمل ورفض رفض غير طبيعي ​

وحملت وطبعا فرح اول ماسمع الخبر يمكن عشان يثبت رجولته قدام الناس وكان مهملني في الحمل ماراجعت الا بعد شهرين من الحمل بالمستشفى والحمد لله تلاحقت اكل دوا التشوهات
ووكان يستغل اي فرصه فقط عشان يزعل ويخليني عند اهلي ​

وتعبت اول الحمل تعب غير طبيعي كان ممكن يسوي اسقاط واكلمه ومايرد وارسل مسجات ومايرد كان ابوي يمرني وانا على السرير يتحسس على راسي وامي تعبت وصارت هي الي توديني للمستشفى يعني اهلي مو مسولين عني يوديني ويجيبوني ​

وكلم بعدها ب 4 ايام يقول وش فيك ؟؟ قلت وينك انت اكلمك وماترد وتخلي اهلي هم الي يودوني ويجيبوني قال خلاص بمرك وماابي اسبب مشاكل وعشان اريح امي وابوي رجعت معاه وقال عادي في بدايه الزواج تصير مشاكل قلت وانا ماشفتك عشان تصير مشاكل بالاساس انا اكلمك وتعبانه من عياده لعياده وارسل لك مسجات ليه ماترد علي وطبعا صار يصرخ ويقول خلاص انا ان دقيت تردين على طول واقول لك مشاكل تصير اول الزواج ​

وعديتهااااااااااااااااا على خير مو عشانه عشان بيتي ماينخرب وهو لسى ماانبنى ​

وكان يفوووت لي مواعيد المستشفى ويكلمني من طرف خشمه عشان ازعل ويطنشني ويطلع برى​

كنت اشوف في جواله مسجات بنات وبالهبل ولاسالته قال من زمان اصلا وخذيتها بحسن نيه وبعدها صار يقفل جواله ​

جاء العيد السعيد ونزلني ببيت اهلي وقال عيدي عندهم علما انا نفس المنطقه وكلمته بالليل تمر تاخذني قال لا ماني اجلسي عندهم بعيد برا البيت​

وعيدت عند اهلي 10 ايام شفتوا عيدي طويل صح ​

ورجع خذاني للبيت وطبعا يحطني بالبيت ويطلع برى وجاني طلق مبكر وانا حامل بالسادس ووزني ناقص عن وزن الحمل ​

وقبل الامتحانات كالعاده باخر ويك اند كنت وياه قال بطلع اسهر ونزلني عند اهلي كلمته بالموبايل بالليل وقالت يالله بينامون اهلي وصرخ في وجهي وقفل السماعه ​

وانهرت وبكيت وبكيت وحالتي صارت ماتسر لاعدو ولا صديق​

انا والحمد لله جميله وبشهاده هو اول الناس يقول ماشاء الله حلوة وماقصرتي معي في شئ بالعكس طيب ليه تغثني وجلست عند اهلي 3 شهور قبل الولاده وكلمت امي امه وقالت مايصير انتي قلتي بعيونكم بنتكم وقالت ايه والله وهو غلطان وبكلمه وبهاوشه ومايصير هالطريقه يسويها معاها هينا كانت معاي طيبه وبيطلع وجهها الحقيقي بعدين​

المهم احتجت لي ملابس ورحت للبيت ولقيت هنااااااااك الصاعقه الكبرى لقيت هدايا بنات له وسفرات لميت اغراضي كلها وماانكر اني انهرررررررررررت بكا في السياره لدرجه السواق شوشت عليه وهو يسوووق فيني ​

وطبعا خلال هالفتره مافيه مصروف وتقرر لي ولاده قيصريه كلم ابوي وقال ترى مرتك بالمستشفى بغرفه العمليات العمليه الصباح ولاجاء الا الظهر شاف ايش جبت وسجل اسم البيبي وانا ماعرفت ايش سماه الا بعد يومين من الناس​

ثاني يوم جات امه لي وهو وياها وكانه مغصوب ولا ادري ليش جو وهم ماسووا شئ ماسوا اوراق البيبي وكان تعبان البيبي وبيجي الاستشاري يشوفه ولا جلس وانا اقول لامه بيجي الاستشاري يشوفه راحوا ​

طيب جا ء الاستشاري كلمته امي والحمد لله تعرفون الصغار اول مابنولدون نتف وحاله وتغير وضع عليهم​

جاني فقر دم وانا مااكل وابي اطلع هاوشني الدكتور وقال مستحيل تطلعين الا على مسوليتك وانتي عمليه ونخاف ع الجرح وقعت وطلعت احس كنت في سجن ​

تكاليف المستشفى كلفت مبلغ 15 الف دفعوها اهلي وهو مادفع شئ​

وبعدها تعب البيبي ولازم اوديه المستشفى وعمره 8 ايام وكلمه ابوي ومايرد على الموبايل وارسل له مسجات نبي اثبات البيبي عشان نعالجه ومارد ردينا كلمنا امه قالت ماادري عنه بكلمه وبرد عليكم ياااناس بيبي عمره 8 اايام ليه ماتعطونا اثباته نعالجه لان المستشفيات رفضوا وقالوا لازم اثبات للطفل وارسلت امه الاثبات بعد 21 يوم وهو مسوا الاثبات من عمر الولد 7 ايام ومع امه ويوم كلمناه انكرت انها شافته طيب ليش تماطلون بااوراق البيبي​

وانا نفاس جاتنا صاعقه كبيرررررره على روسنا توفى جدي وكنا في حاله مايعلمها الا رب العباد وطبعا الاخ مايعرف واجبات المسلمين ولا راح للمقبره ولا عزا الا ابوي بس ​

وكلمت امه وقلت خلاص ابي طلاقي فكوني ياعالم ذوقتوني المر كبرت بهالسنه عشرين سنه من الهم انا البنت الدلوعه ببيت اهلي القاء كل هالصدمات ليش​

و هو طبعا وراء امه مايرد على الموبايل ولا يواجهه​

وقالت مافيه مشكله بطلق وتردين لي المهر كامل قلت ياسلام ومصاريف المستشفى والنفقه قالت لامي بقلعت بنتك ماعلي منها ولا من تعب ولادته ومصاريفهم ابي فلووسي كامله ​

وراحت طلعت علي كلام له اول ماله اخر الدلوعه تبيه لها سواق وتبي بس تطلع وتكشخ وتروح وترد
وانا والله الذي لا اله الاهو ماسويت الي قالته بس وين بتروح عند الله تاخذ جزاها الله لا يحللها ولا يبيحها اللهم امين ​

يعني يوم كان يهدني يروح كشفته بالهدايا وبالمسجات وبالسفر طيب ليه مايطلق وهو عارف انه الغلطان ومايصرف علي ولا على البيبي وماهتم لامر البيبي اصلا ​

ومو عدل اني اعطيه المهر والله مو عدل وين واجباته اتجاهي واتجاه البيبي​

والناس واه من الناس بدات تتكلم بقدامي ومن وراء ظهري ناس تقول عادي ارجعي ولا تخربين بيتك ووحده تقول لي مهما انتي ناجحه بدراستك وبكره بوظيفتك انتي اصلا فاشله لانك بتطلقين هذا وهي جامعيه ​

والي تقول اصبري يااما صبرنا ​

ياااناس انا كرامتي واهلي فوق راسي وماهمني رجال ​

انا يوم تزوجت ابيه يكون لي سند بوقت الضيق وهو صار علي فرعون​

تعبت تعبت تلقون لي حل

:sad_1:​

 

[الباحثة عن الحب]

لا حول ولا قوة الا بالله الله على كل ظالم ومفتري اختي لقد قطعت قلبي ولكن لا تيأسي انت على حق وهو على باطل ولم يكن الباطل يوما منتصرالجئي الى الله فهو الملك المتصرف الرؤؤف بعباده ادعيه في ظلام الليل عند السجود وثقي انه سوف ينجيك من معاناتك وايقني بهذا الامريقينك بوجود الخالق سبحانه لانه متى ما تأكد يقينك بالله سوف تستجاب دعوتك ونحن الان على ابواب ايا م فضيلة وخاصة يوم عرفة فلا تشغلي نفسك الا بمناجاة الملك الجبار القادر المنقتدرولا تنسي اختك من الدعاء كما لن انساك انا ايضا ودمتي في رعاية الله

 

[لؤلؤة الشرق]

الباحثه عن الحب

ونعم بالله والله اني مومنه فيه بس وربي تعبت خلاص ماعاد اقوى على مشاكل اكثر من كيذا وتكدست على راسي وارهقتني

تعبت تعبت تعبت الم جسمي من الحمل والقيصري والسهر مع البيبي والدراسه

والم نفسي على حالي والنذاله الي يطبقونها علي وعلى نفسيتي وقت النفاس خرعه على مغثه لي على خوف على البيبي على امتحانات ياربي افرجها من عندك على اهلى الي مايستاهلون كل هذا

 

[لؤلؤة الشرق]

سوري ارسلت الرد قبل لاادعي لك ان ربي يفرجها علي وعليك وعلى كل مهموم

 

[سنديان]

??

الله معك وبينصرك باين ان اهلك ناس طيبين بس الله طيحكم في هالانسان اللي مايعرف المسئوليه .انصحك بالطلاق وربي يعوضك بس احتفظي بكل الفواتير اللي دفعتوها لانهم بيخصمونها من المهر وبيقدرون الضرر اللي صار لك.اكثري الدعاء والتقرب الى الله ان يصرف عنك كيده واذاه

 

[الحلاااا كله]

ياحبيبتي
الله يفرجها عليك ويريح قلبك ويسعدك ويعوضك في ولدك يارب
اختي انتي تعرفين زوجك زين اكثر من اي احد
وتعرفين هل بيتعدل ولا بيستمر على ذا الحال
وعاى هالاساس احكمي هل تستمرين او تنفصلين

وكمان اوصيك اوصيك اوصيك باللجوء الى الله فلا معين لك سواه
ولا اعلم بالجاي الا هو ادعي من قلب ان الله يختارلك الافضل
وصدقيني ماراح تندمين عاى اي قرار تاخذينه بعد كذا

وبخصوص كلام الناس ياحبيبتي رضا الناس غايه لاتدرك
طز فيهم وبعدين قولي الحمدلله يشيلون عنك ذنوب
وفي النهايه ادعوا الله انه يفرجها عليك وعلى كل مكروب

 

[زهرة البوادي2006]

كان الله في عونك اختي انا مريت بتجربتك كان لا يسأل عن ولده ويطلع من العصر ويرجع اخر الليل ولما اسأله يرد ان في العمل اي عمل نصف الليالي المهم كنت اشتكي عند امه وكانت تقول اصبري واستحملي هذا زوجك وابو ولدك لكن عرفت ان الام مهما كان ولدها سيئ نظرتها ان ولدها لا يعمل خطأ
اختي حاولي تجيبي ادله على علاقاته وسفراته ادله ثابته مو كلام وبس لانك اذا تريدي الطلاق يطلبو منك ادله لكن نصيحه الطلاق فكري فيه اخر حل لانك لسه صغيره وحاولي ناقشي الموضوع مع اهلك وشوفي ويش الحل الانسب والله يوفقك ويسر امرك

 

[ميوسه]

ياعزيزتي في شي اسمه قانون

ومحكمه ماينفع معاهم الا هالشي

ومالك دخل من كلام الناس حياتك وانتي حره

ولاتعطيهم مجال يناقشونك بهالشي


واستمتعي مع طفلك الجديد واهله وانتبهي لدراستك

وانتي بعدك صغيره

والحياة قدامك


موفقه

 

[بصيص أمل]

لاحول ولاقوة الا بالله العلي العظيم

أسأل الله ان يفرج همك وان يجعل لك من كل ضيقٍ مخرجا.ً
غاليتي:
توجهي لله سبحانه وتعالى وارفعي أكف الضراعة لله عز وجل فهو أعلم بحالك ومايصلح أمرك ويقيم حياتك..
مهما عظمت مصيبتك فما ذلك على الله بعزيز وان شاء الله ربي ييسر لك امرك ويفرج همك ونسمع عنك اخبار زينة .يارب
أختي الحبيبة اعرف ماتعانين وشعرت بالألم في سطور قصتك
لذا
اطلب منك بل ارجوك ان تكثري من الإستغفار والدعاء ثم الدعاء ثم الدعاء لأنك اشبه بالتائهه وقد حملتي نفسك فوق طاقتها فلم يعد بإمكانك التفكير ...
فهذا أول الطرق اللجوء لله سبحانه وتعالى والإلحاح بالدعاء فهو ارحم الراحمين ولن يخذلك الله ابداً وستجدين راحة نفسية بإذنه جل شأنه حين تشكين همك له وهو أعلم به جل شأنه.

هذا كل مابيدي من حلول لأقدمها لك الى ان تفيدك ذوات الخبرة في امرك ان شاء الله....

ولك مني أصدق الدعوات..

 

[salma_ahmed]

الله يفرج همك ..

فعلا هناك قانون .. وأنا إنسانه ما يهمني كلام الناس كثير .. إلا ما يغضب ربي .. لأن الناس ما لها إلا الظاهر وصعب إرضاؤهم .. بس المشكله الأهل وهم إننا نهمهم أو نحزنهم ..

رأيي الأهم فالمهم .. دراستك لحد أجازه نهايه العام .. والدعاء ثم حلي مشكلتك على نار هاديه في الأجازه ..

الدراسه مع النفاس وتغير الهرمونات والله تعب نفسي وجسدي كبير .. وما في داع تضيعي مجهودك ..

أو توقفي وتتنفسي وتحلي مشاكلك .. وكله راجعلك لأنك الأدرى بعد الله سبحانه بوضعك ..

دخلوا ناس ثقه .. منهم شهود وخط دفاع ومنهم عقل ثان من خارج الدائره يفكر معكم ..

الكلام كثير والحلول بإذن الله كثيره بس الأهم إنتي شو تريدين؟

 

[الكناري]

ما املك الا الدعاء لك بتفريج همك ويبرد على قلبك

 

[غربة]

يااارب ايفرجها عليج يااارب

الصراحه عورني قلبي مادري اشهالاشكال اللي تظهر صاايره ظاهرة

الشباب المستهتررر ولين سالو عنهم عند الزواج الكل يمدح فيهم لية ماادري
الرجوله عندهم ايسششششش سوالف بنات وسهراة وقلة ادب

لاحول ولا قوة الا باللة
هذيلا لية ايزوجون عيالهم اصلا عشان ينصلح حالهم يعني؟؟؟؟؟

ويوهقون بنات الناااس المستورات في بيوت اهاليهم :santa_1:

يااارب يفرجها عليك الطلاق مو مشكله وهو حل شرعه رب العالمين

عشان هالحالات المستعصية ويااارب يخليلك ابوك وامك سند

وكلام الناااس خليه واظربي بة الطوفة ولا يهمك اصلا هم ايورون اي شي عشاان

يبدون ارائهم وحكمهم ولا يهمج خليج اقوى منهم وسوى اللي اتشوفينة صح

 

[daydream]

الله يكون بعونك ياعمري ويفرج همك ويتكفل بك وبولدك
والحمد الله انو اهلك طيبين ومو من اللي عقلياتهم متحجره وكلام الناس ارميه ورا ظهرك ولا يهمونك ..
أنا استغرب الأشكال اللي مثل زوجك ليش يتزوجون ويخربون على بنات الناس

 

[yoshyosh]

لا حول ولا قوة الا بالله
حبيبتي اول شي صفي ذهنج وابتدي بالاستغفار
بعدها استخيري وادعي ربج بالحل
وباذن الله باستخارتك ودعائك الصادق لله بهذه الايام المباركة راح تلقين الحل

اما كلام الناس انسيه اهم شي انتي واهلك وليس الطفل والزوج
انا بالنسبة لي اثق بالمقولة ان الابن والزوج يتعوضون بس الام و الاب لا

وربي يعينك على مصيبتك وربي يفرج همك بهالايام المباركة
ويفرج همي وهم كل من يقرى موضوعج ويرد عليه​

 

[البرائة]

والله ماعرف ايش اقولك...

بس بدعيلك
الله يفرج همك ويساعدك وينصرك على من ظلمك عااااااجلا غير اجلااا

 

[@@ورد الجوري@@]

الله ينصرك ويطمن قلبك
ويعوض عليك بوليدك

 

[مسرة]

الله يكون في عونك ويساعدك علي الخروج من ازمتك بسلام انا احب اضم كلامي الي كلام الاخوات ما عليك الا الصلاة والدعاء ثم الدعاء ... ولاتلتفتي لكلام الناس فانهم يرضون سواء كنتي مرتاحة او العكس المهم هو ان اهلك معك ولاتتعجلي في معالجة امورك فاعطي لنفسك راحة من عناء تعب الحمل والنفاس ومن ثم فكري فما ستقدمين عليه الله اختي يكون في عونك ويمنحك القوة والتبات في احلك الظروف

 

[تــولــيب]

حقاً ..لا الة الا الله ...
فكري فيها ببساطة ...!!!
انا وش مستفيدة ...البيبي وش مستفيد منة ..
لا انا ولا البيبي مستفيدين ..الا هو صاير هم علينا ...لا سؤال ..ولا مصروف ..ولا سنع ..ولا ادب ..ولا اهلة يعرفون الواجب .. انتي خسرانة ..المعنى .!!!!! واللة ان هذا اللي بقولة لخواتي ..الانفصال ..
عادك صغيرة ..عادك بطفل واحد ..بتقولين وولدي ..واللة احسن يعيش بروحة ولا يعيش مع اب مستهتر وام مثل خيال ..نفسيتها تعبانة ..
احنا وين عايشين ..ماعاد حن مثل اول المراة تصبر ..المراة كانت تصبر من الحاجة ..من قلة الحيلة ...من الضعف ..من نظرة المجتمع المتخلفة ...مطلقة ..بالطقاق ..وخير يعني !!!!!!!
ول اكون متزوجة وبحكم الميتة المسجونة ....
بتموتين اذا قعدتي عندة ..تحسبين بتصبرين وبتعايشين مع الوضع ..الا بتنحرق اعصابك مع زيادة اغراءات الحياة ,,وزيادة المصاريف ..
وفلوسة فلعتها ...ماعندك ؟؟؟ تسلفي ..اشتغلي ..اهم شي ماتموتين من الحقران ومن القهر ..

والله يصلحة ...ولا يفكك منة ..آآآآآآآآآآآآمين..

 

[لؤلؤة الشرق]

سنديان

اهلي طيبين ومايستاهلون الي صار لهم تعبوا بالحيل من مشكلتي
والطلاق ابيه اليوم قبل بكره النفس عافته خلاص مو رجال ينشد فيه الظهر بس معندين على المهر وهو بصراحه ماله حق فيه اهلي الي صرفوا واهلي الي عالجوا وانا اللحين عندهم مع البيبي وش وساعه الوجهه هذي وش قله الحياء والذوق

والفواتير حقت المستشفى عندي والله يكتب الي فيه الخير

*********************

الحلااا كله

عارفه ووزانت المشكله وطلاقي احسن وهو ماوراه تعدل وكم مره قلتله قال هذي طبيعتي طول عمري وماراح اغيرها >> امحق طبع

وكلام الناس مااهتم له بس كثر علي وكل ناس يالفون وصرت قهوه المجالس يحلون في سالفتي وكل وحده تعطي اقتراح وهم ماعاشوا ولا ذاقوا ربع الي ذقته اه بس مالهم دخل فيني ياعالم ماطلبت من احد مشورة ناس مريضة وان شاء الله ماانسى الدعاء وربي يعيني ان شاء الله

 

[لؤلؤة الشرق]

زهره البوادي 2006

الله يعظم اجرك وفعلا الام تستر على ولدها بالبدايه تجيك باللين اصبري وبقوله وبعدين تقلب عليك وتكذب وتقول عنك اكاذيب

ونفس الشئ يقول لي عمل وش عمله الساعه 2 /3/5 الفجر

والطلاق ابيه اصبر لين اعجز ليه بالعكس اتطلق اللحين احسن من بعد كم سنه وكم طفل

والله يفرجها علي وربي اعلم بالظلم الي جاني والكذب والتحكم ويفرج عليكم وعلى كل مهموم

ميوسه

عارفه فيه قانون بس ربك يعين قانون مع الرجل اكثر شئ وبلجا للمحاكم اخر شئ بشوف هالشهرين بيطلقون او لا لاني منشغله بالامتحانات وبعدها بتفرغ والله يكتب اللي فيه الخير
والناس
والله اني مااعطيهم مجال اقول الله يكتب الي فيه الخير بس تعرفين جهل الناس ووقاحتهم شتسوي