انغذوني

[ام سارونة]

السلام عليكم ورحمة الله وبركاته

بصراحة انا عايشة مع عقد نفسيه وجسدية
انا عندي كرشة ومع العلم
طولى 160 وزني 58
هل هذا عادي او لا تعبت وانا اخفف وامشي واسوي رياضة

وغيره وغيرة بس ماصار شي <<< وناس انصحوني بالمشد الاندونيسي
بس مادري وين احصله بالكويت

اللى تعرف تبلغني سواء على الخاص او بالردود

تحياتي لكم

 

[زهورالأمل]

أهلين أختي..

بصراحه المشد الأندنوسي ممتاز وعن تجربه يشد الظهر يعني إذا بتصبرين عليه مو راح يختفي الكرش بيكون قوامك ممتاز

ولا أعرف كان له اضرار لأن فيه أحد بصرااااحه يحذر منه..

لكن جلربي وشوفي يناسبك أو لا..وعشان الحذر أعطي نفسك راحه كل شهر ثلاث أيام في الشهر..
أما مكانه فهو في كل مكان..منتشر بالمرررره وكثير في النت ينباع..والله يوفقك
​

 

[الحلوة فيهم]

بالنسبة لي مارتحت على المشد الاندنوسي لانه طويل ويبغاله تربيط وحالة
المشد المطاطي اللي يباع بالصيدليات افضل واسهل واسرع استعمال
شوفي المشد الاندنوسي عندي مرمي بالدولاب
هو عبارة عن قماش يشبه الكتان بس طويل يمكن 8 متر تلفيه على البطن وتربطيه يعني نفس مهمة المطاطي بس على اقدم بامكانك تجيبي اي قماش طويل عندك وتلفيه يؤدي نفس الغرض

 

[ام سارونة]

زهور الامل

مشكور على المرور

بس شلون طريقة استعماله المشد الاندونيسي ؟؟

تحياتي<<<

 

[ام سارونة]

الحلوة فيهم <<< وادري انج احلى خواتج ههههههههه
المهم ممكن تصورين لى المشد اللى استرية من الصيدليه ؟؟
شنو اسم ماركته ؟؟
تحياتي لج

 

[بنت قطر22]

المشد الاندونيسي ينفع للمربى ( اللي توها والده ) تكون عضلات بطنها مرتخيه اما اذا تجاوزتي السنه من الولاده ماينفع إلإ الرياضه حاولي تستلقين على الارض و تثنين رجلج وترفعين جسمج

 

[أ.ندى الجدعاني]

حبيبتى ..

اماكن تخزين الدهون تختلف من انسان لاخر على حسب التكوين الوراثى له !!!!


خبيبتى بالمجله التغذويه راح تلقين صور خاصه ... لرياضه البطن

اتبعيها مع الاستمرار عليها عشان تلقين نتيجه رائعه ...


بالتوفيق​