ام فطومه
New member
- إنضم
- 2008/06/27
- المشاركات
- 3,254
السلام عليكم ورحمة الله وبركاته
بعد متابعة البلقيسيات لقصتي الزوجية يوميات شمالي غربي وجنوبية شرقية
http://www.niswh.com/vb/showthread.php?t=152036
وحثهن لي على الكتابة قررت ان اكتب هذه القصة الواقعية والتي اضفت لها الكثير من الاحداث والتفاصيل الخيالية ...لتناسب مانرمي اليه من فهم الانماط المختلفة التي تعرفونها
ساكتب القصة وبالتاكيد ستعرفون نمط شخصياتها من خلال الاحداث
استيقظت كعادتها منذ الصباح الباكر ودخلت الحمام لتغسل وجهها ثم خرجت مسرعة ولكنها لم تنس ابدا ان تنظر الى وجهها في المراة وتبتسم برضا
ارتدت ملابس العمل على عجلة ونزلت حيث كانت اسرتها تتناول طعام الافطار .... دخلت مبتسمة وقبلت راس والدها قائلة :
- صباح الخير يا بابا ..
- اهلين بنتي شلونك وشلون الدوام وياك ؟
ابتسمت وقالت :
- اذا انت بخير انا بخير
هتفت بها زوجة ابيها :
- ميرال ؟ ! .... تعالي شيلي الحليب وحطيه على السفرة انا رايحة اجلس اخوانك
ارتسمت علامات الضيق على وجه الوالد ولكن ميرال قامت مسرعة كي لاتحدث مشكلة بسببها لاسيما وان والدها كان مريض في قلبه وكانت المشكلات تتعبه كثيرا
ذهبت ام خالد لتوقظ ولديها فوجدت خالد وهو ينزل السلم فسألته :
- هيثم ماجلس ؟
- ما ادري عنه ؟!!!
- طيب
وذهبت لتوقظه
دخل خالد المطبخ ملقيا التحية :
- صباح الخير
- صباح الخير
نظرت ميرال الى ساعتها وقالت :
- يلاا بابا انا تاخرت مع السلامة
رد الوالد :
- في حفظ الله يابنتي .
وفور خروجها قال خالد بلهجة يشوبها الضيق :
- ليه يا يبا ما تخليها تجلس في البيت احسن لها من هالشغل ؟
رد الاب بهدوء :
- ياخالد ياولدي كم مرة اقول لك انا ماربيتكم على الاجبار ..... ومخلي كل واحد فيكم يختار طريقه ويعيش حياته مثل مايبي وموضوع دوام اختك مفروغ منه من زمان يكفي انها يتيمة بعد نظلمها ؟!!!!!
وفي هذه الاثناء دخلت زوجة الاب المطبخ وهي تقول :
- هذا من خوفه على اخته يا بو خالد لاتلومه ! وهو صادق كل ماجاها عريس وعرف انها تشتغل ممرضة تراجع عنها ؟ بتظل لين تعنس ساعتها ايش بتسوي ؟؟!!!!!
- وانا يعني مو ابوها واخاف عليها اكثر منه بس انا ما راح اغصبها على شي واذا هي حبت تجلس بارادتها على كيفها ...... واذا لا انا بوقف معها ........ بعدين ميرال بنت عاقلة والف واحد يتمناها ...
- وينهم هالالف ما اشوف احد منهم ؟
رد الاب بلهجة صارمة :
- انا عارف يا منيرة انك ما تحبي بنتي وانك من سنين جالسة تحقدي اولادك عليها . اتقي الله انا عمري ما قصرت في حقك ولا حق اولادك وانت تبغين اظلم بنتي .
قال خالد :
- بس انت مدلعها زيادة عن اللزوم يبا .
- يا خالد الله يهديك لا تتعبني وياك اترك عنك امك هذي اختك من لحمك ودمك ويتيمة حرام عليكم انا ما ابي احسسها انها وحيدة يكفي ان امك ما عوضتها عن امها اللي ماتت وهي صغيرة .
قالت منيرة وهي صارخة :
- انت عمرك ماراح تعترف فيني كل هاللي اسويه عشانك وعشان بنتك ومو مبين في عيونكم شي وهي لحد الان مو قادرة تناديني يمه ؟
وخرجت من المطبخ غاضبة
تأثر خالد بامه وقال :
- ليه يا يبا تسوي في امي كذا ؟
- امك طول عمرها انانية ومو فاهمتني واللي في قلبها وراسها عمرها ما راح تغيره اوهامها هذي بتقضي عليها عليكم .
وما ان انتهى الاب من كلامه حتى دخل هيثم وقال :
- صباح الخير .... وين ميرال لا تقولون راحت ؟
قام خالد غاضبا وخرج من المطبخ الى عمله
قال هيثم باستغراب :
- شفيه هذا ؟
- اتركه عنك يا ولدي تعال .... على الاقل انت الوحيد اللي تحن على اختك الله يرضى عليك
- اااه ... انا الحين فهمت شكله موال كل يوم ..... يا صبح ما اطولك
ابتسم الاب وهو يقول :
- الله يوسع صدرك يا ولدي .
............................................................
