انتي ناجحه اجتماعياً؟؟ قربي حياج

[موزان88]

السلام عليكم ورحمة الله وبركاته
آآآآآ

انا من زمان ودي اكتب موضوع في هالقسم الحلوو بس دوووووووووووم انسى
والحمدلله تذكرت الحين باني لازم اكتب موضوع .. ابرز نجومتي في المنتدى هههه

المهممم


بصراحه انا اتمنىىىىىىىى اني اكون اجتماعيه وين مااروح وفي كل وقت
احيانا اكون اجتماعيه حسب المزاج..يعني اسولف واظظحك حته عند الغريبه لكن في اغلب الاوقات امبوزه خص لما اكون عند اخواني الكبااااااار.. اقعد ساكته ومااتفاعل معاهم !! لدرجة اني انسى الكلاااااام والخبط في الرمسه..توتر!!..مااعرف ليييييش >.<


هذي كانت مقدمه لموضوعي واللي عندها تعليق تعلق وتقترح لي الدوا ^^

انا عندي كم سؤال وطلب ياريت لو تتجاوبون معاهم
7
7
# كل وحده تكتب لنا كيف تجذب اللي حولها .. شو هيه طريقتج عسب تكسبينهم
سواء مع قرابيج او الغريبين عنج ..سوق..مدرسه..جامعه..أي مكان

# اذا انتي اجتماعيه مع اخوانج الكبار...اكتبيلنا كيف تتقربين منهم وكيف تسولفين معاهم
ولو عندج مقالب ومواقف حلوه اكتبيها خلينا نستفيد ونطبقهــا ^^

 

[أحس فيك]

أولاً: أشكرك أختي الغالية ((موزون)) على جرأتك في طرحك الموضوع و بدأك في خطورة رائعة في هذا القسم...فحياك الله.
ثانياً: ربما سؤال طرأ على فكرة قبل فترة قصيرة.. ما هو السبب في إنجذاب الناس إلى فئة معينة من الأشخاص دون أشخاص..
فكان مما جاوب عليه عقلي أنه ربما هناك عدة أسباب ومنها:
1) الشكل: أرى ان المظهر الخارجي له دور كبير في جذب الناس حيث أكدة دراسة أن المظهر الخارجي للشخص من أكبر وسائل جذب الناس له حيث قامت بتطبيقه عملياً حيث قام أحد الأشخاص بلبس بدلة متسخه وشعره غير مرتب وقام بسؤال الناس عن إحدى المجمعات فلم يعره أحداً أهتمام بل كانوا يتركونه ودون جواب وفي نفس الوقت قام وغير ملابسه ولبس لبس أنيق جداً ثم ذهب وسؤال مثل السؤال الأول ولكن هنا اختلف الإجابة حيث الكل أعاره أهتمام بالغ بل وأخذوه إلى المجمعه نفسه. ((سبحان الله أنه جميل يحب الجمال))أرأيتي كيف تبدوا الحياة.
2) الأسلوب والأخلاق: كذلك لها دور كبيرة مثل ما للشكل من دور كبير فهي لغة التخاطب بين الناس فللأسلوب هنا تأثير الجذب أو النفر.
هذا بالنسبة لسؤالك عن ما هو أكثر شي يجذب الناس
اما بالنسبة عن اخوتك فأرى انك تكوني طبيعية و تبعيد عنك الخوف والتوتر وحدثي نفسك لِم كل هذا الخوف والتوتر أشعري نفسك بعدم أهميته لك فهذا يعطيك قوة كبيرة على السيطرة على التوتر.
كما أنصحك بفتح مواضيع مع أخوتك تشعرين أنتي بمدى حرصهم على هذه الأحاديث أو الموضوعات.
وكوني فكاهية معهم وانصحك بالإبتعاد عن الجدية معهم إلا في المواضيع التي تحتاج مثل هذه الجدية كوني مبتسمة وثقي بنفسك حتى لو أنتقدوك فهذا حال كل أكثر الشباب مع اخوتهم وفي حال انقادك أبتسمي بثقة وقولي أحلف واضحكي او غيرها من الأحركات إلا فيها ثقة زايدة..
هذا اللى عندي وبالتوفيق
وإن شاء الله لي عودة معك مرة أخرى
لأني الحين طالعه
بالتوفيق حبيبتي

 

[اوراق ملونة]

لى عوده واكتب لك

 

[سمو الغلا]

انا اظن الاسلوب فوق كل شي..ساعات تشوفين وحده حلوه بس ما ترتاحين لها اذا كانت مبوزه وما ترمس..بينما تشوفين وحده عاديه لكنها سوالف واسلوب ترتاحين لها على طوووووووووووول وتاخين معاها فى السوالف

بعدين انتي خايفه من اخوانج يمكن لانهم ينتقدونج و يجرحون فيج لما تحاولين ترمسين او تعبيرين عن اللى بخاطرج انا اقول لج قوي شخصيتج ورتبي افكارج وخليييييييييييييييييييج كووول...وارمسي وما عليج من حد ^_^

 

[ج ـنون الكـون]

عجبني مووضووعكِ ..

7
# كل وحده تكتب لنا كيف تجذب اللي حولها .. شو هيه طريقتج عسب تكسبينهم
سواء مع قرابيج او الغريبين عنج ..سوق..مدرسه..جامعه..أي مكان

بقوولك ..

البسااااااااااطه البسااااااطه بحدهاا تجذب
حلوو لما تكوني بسيطه بكلامك وباسلووبك بلبسك 00الخ < عكس التكلف الزايد والمبالغ فيه ..
خليك فرفوووشه اضحكي تكلمي (رزي نفسك بنص المجلس) لاتقوولين مااعندي جرأه تعووووووودي
بس لاتعلين صووتك < عقدتها الصووت العالي ههههههههه
تكلمي بنعوومه خلي مواضيعك وكلامك يجذب لاتتشكين عن الي في قلبك (يسمونك نكديه وشكايه)
بالعكس ازرعي ع شفاتهم البسمه ..
خليك ذووق بكلامك .. لاتحاولين ترزين فيسك(وجهك) بكل ششي ..لان كل مااترفعتي عن اللقاافه صدقيني بتكوني بنظرهم انسانه راقيه ..
وحاولي بكلامك خليه سطحي لاتتكلمي عن نفسك كثيرر < خليك غاامضه بهالامورر (مو لازم يعرفون كل شي عنك) بالعكس الغمووض بذاته يجذب

وماابغى اقوولك الاخلاق والتعامل والاسلوب الحلوو والانااقه والذووق يجذب <لانها اشياء بديهيه وكلنا عارفينهااا

ولاااااااا تنسين الابتساامه فهي مفتااح القلوووب
يمكن بيطوول كلامي بهذي النقطه لكن اكتفي فيماا ذكرت .. لان ماذكرت نقطه في بحرر ..

# اذا انتي اجتماعيه مع اخوانج الكبار...اكتبيلنا كيف تتقربين منهم وكيف تسولفين معاهم

اخوواني خاتم بصبااعي هههههه
ششوفي انتي اخووانك اش يفضلوون من كلام وتكلمي فيه عندهم
فيه عيال يجذبهم كلام الحرريم وسوالفهم والحش الزايد (اخو بنات تلقينه جاي بعد 5 بنات) ههههههههه
وفيه عيال يجذبهم < البنت المثقفه الي بس تتكلم عن الحياه وسيكلوجيتهاا واطباع النااس والاشياء الي تصير بالمجتمع (طبعآ هذول ناادر وجودهم) ههههه
وفيه عيال يجذبهم الرياضه مارياضه لاهنتي تكلمي عندهم بالرياضه حتىا لو ماانتي فااهمه فيهاا شي وادخلي جوو معهم وحااولي يووم تتابعين المباراه معهم <مثلي اكره مااعلي الرياضه وعالمهاا .. مع ذلك ماحسستهم بهذا الشي بالعكس وربي ينادووني اذا كان فيه مباره واذا ماتابعتها معهم يجوون يقولون لي النتيجه ومن الي جاب الهدف
وتصل احيان فيني اقرأ مجله (النادي) معهم واجلس اقصص من صور الاعبين والصقه في الدفتر مع اخووي (لان هذي هوايه عنده) وادخل جوووووووووو معه واحيان هنا بالنت افتح ع منتديات الزعيم واناديه اذا فيه خبر ولا شي ..واحيان ارد معه ع الاعضااء ..
يعني مفهووم كلامي مو عششان تكرهين الشي تحرمين غيرك من التمتع فيه معك بالعكس انسي انك تكرهين وادخلي جو معهم < بكذا تكووني اخذتي اخوانك بصفك ومايستغنون عن خدمااتك وكلامك
اضحكي معهم علقي عليهم اهدي لهم لو اشياء بسيطه رقعي لهم عن ابوك <يموتون عليك لو رقعتي لهم بيووم (دايم ارقع لهم) تشرطي اذا طلبوك شي (تدلعي ع اخووك مافيها شي هههههه) خليه يبووس راسك بعدين قوولي افكرر
ارسليه (تراني قوويه عين ارسلهم دايم ) اخووي الكبير ماايعرف يدخل المطبخ ولا يسوي شي .. وربي مره قلت له ابغىا تسوي لي شاي واكوي ثووبك <سوىا لي جيت بنكبه وع مر مر مرره وعلقت عليه وجلست اضحك
بالسيارره سسولفي < لاتخلينه يفكر انه ماخذ جدت معه هههههههه سولفي علقي ع الرايح والجاي (انا لو انام بالسياره يصحووني) <قلق اخوواني <من كثر اخوانك عاد هههه
(عندك اختي مثلك تسكت عند اخوواني مو مره تاخذ وتعطي معهم ودايم دايم تتهاوش معهم كائنهم اعدائها ههه مع ذلك احسهم مايرتاحون لهاا حتىا طلب مايطلبونهاا يجوني انا << فديتني يحبووني هه)

ولو عندج مقالب ومواقف حلوه اكتبيها خلينا نستفيد ونطبقهــا

قصدك مقالب مع اخووانك ..ولا مع مين ..؟


لي رجعه ان شااءالله



تنبيه .. ترىا مو املائي غلط بس الظاهر جهااازي خررررف
النقطا ماايكتبهااا .. لاحظي اقوولك احوواني .. والرياصه .. < يعني اخواني والريااضه .. ههههههههههههههههههه

 

[دلوعة مملكتنا]

عجبني رد جنون الكون


انا اجتماعية الحمدالله ولكن مو مع اي حد


والحمدالله متحدثة ومستمعة جيدة مع كل اخواني


الا واحد منهم لج عليه شوي ..


ولكن باقول لج كل اللي قالته جنون الكون حلوووووو

وطبقيه على الاقل وحدة وحدة

 

[دمعة وفاء]

ان ااجتماعيه ولكن اكتشفت شي سبحان الله المراه التي تفرض شخصيتها اتكون اجتماعيه اما المراه كثيرة اللغو والكلام والضحك بصوت عالي وعدم الاتزان تجعل الناس ينفرون منها انا على فكره مو شاطره وايدفي الكتابه اكثر ما اني في الاشغال اليدويه ببس هاي حسته احسن نصيحه اقدمها لج

 

[غيورة 123]

نفس مشكلتي

انا اثتحي مررررررررررهـ
ومااحب التجمعات

ومااسولف كثيييير

كلووو من الخجل

ياليت اللي عندها طريقه سحريه تفيدنا

وماقصرو الاخوات

 

[ms-cute]

آشكرك آختي موضوعك رآئع ..

آنـآ عن نفسي آلحمدلله اعتبر نفسي محبوبه من الجميع سواء غريب او قريب احـآول اجذبهم باهتمـآمي لهم
واحـآول اسعدهم ولو بأبسط شيء عندي وآضحك ولا احب آبكي آو اشكي لآي أحد عشان مآاضيق صدورهم وبكذآ يعتبروني ممله .. وخلي همك لربك وحآولي انك تستانسين وتضحكين على طول لآنك بعمر الشباب

 

[الطله الحلوة]

صراحه كلام ج نون الكون وارفعي يدك مشكووووورهـ

 

[أسامينا]

علشان تكسبي الناس لازم تكوني مستمعه جيده لكلامهم يعني منتبه لهم ,,واختاري نوع الكلام اللي يحبه بمعنى الكلام مع جدتك مثلاً مو زي الكلام مع اختك ,,,وحتى الطفل الصغير له تعامله,,,
وكمان اذا كلمك احد لازم توجهي جسدك كله له يعني ماتكوني مشغوله وهو يكلمك خاصة اذا كان الامر مهم,,,ولا ثم لا للفلسفه الزائده والتفاخر بالعلم يعني اللي يسالك عند الناس دائما جاوبيه بالمفيد او قولي لها لما نتقابل اكلمك ,,,ودائما اسالي عن احوالهم واذا شفتي وحده جديده مع مجموعتك سلمي عليها ودردشي معاها شوي بس لاتطولي .قال عليه الصلاة والسلام الا ادلكم على شي اذا فعلتموه تحاببتم افشــــــــــــوا السلام بينكم)

..وان شاء الله اكون افدتك,,,