بسم الله الرحمن الرحيم
تزوجت من 15 سنة تقريبا كانت احلا ايام عمري حسيت اني ملكة متوجة بقلبة فوق ماتتصورن ليروح بالكن بعيد بس مدة 6 شهور الاولى من زواجي بدا المغازل اول شي عيني عينك ويوم اواجهة واصيييييح جني مذبوحة يقول انا كنت اغني او تتوهمين المهم بدا الشك وبدا السهر برا ويبت اول مولود لي وابتدا السفر عند ابو الشباب (( علما ماكان يشتغل ابوة اللي يصرف علينا)) واكتشف صورة يوم مع البنات وكل ماواجهه اطلع انا الغلطانة ويزعل لين انا اراضية كنت ياهل ماعندي خبرة كيف اتعامل معاهلين اول مواجهه قوية له يوم اتصلت على ربيعتة وخبرتها وقلت لها اذا ماابتعدتي عنة بخبر اهلج ومسكينة تبا تبتعد بس اهو مايباا خبرتة اني اتصلت فيهاا وجان ايني وعيونة شرار اشوي وبيظربني وقام يدعي علي ويلعني ويلعن الساعة اللي شافني فيهاا وببساطة قلت له طلقني انا اصلا ماباك اهني انصدم من ردة الفعل وجان يقعد يصيح وانا اهني ماهان علي جان ايي واحضنة واحبة (( خبلة ))تندمت اني مارحت لبيت اهلي لانة تمادى وااااااااااااااااااايد
طبعا في هالايام كانت يدتتي تعبانة ومنومة بالمستشفى وهي بعد كان احد من اهلهاا تعبان وابو الشباب شافها وانعجب فيهاا وجنة اول مرة يشوف بنت وابتدت المعناااااااااااااااااااه وهي من النوع الفري البس والشعر والسفر كله عادي من كبارية البلد حبو بعض وايد وانا مطنشة طول الوقت وهو ف عالم ثاني وكل يوم سفر مصر ويوم اقولة ليش هالسفر يقول انا ابا استانس تعبان نفسيا ن ظغط الشغل المهم ابو الشباب يسافر وياهااااا (( ابتدا ف مشروع مكسب ويدر علية ذهب))
اكتشفتة وواجهتة وانكر لين ياني وانا كنت والدة بمولودي الثاني قالي انا احب بنت من عرب ومحترمين يعني يدها ماتخليني امسكهااا(( يعني تسافر معاه وينفردون بغرفة تصير محترمة)) المهم انا ماعرفت انطق بكلمة وقلتله شو المطلوب مني قال ماشي كأنة يبا يتزوجها ماعرف او فضل يعيش معاها بالحرام معنها بنت كثرت الطلعات خصوصا بوقت الضهر لان البنت ماتطلع ف الليل والظهر كان القاء بشقة واحد من قرايبناا واعرف انة بالشقة لان قريبنا ايجينا بالوقت اللي يكونون هم بالشقة تخيلوووووو والله من القهر كنت ببلغ عنهم الشرطة واتصلت وقلت له قالي عطيني العنوان والله تشوفين شو راح يستوي لهم وماهان علي كنت احبة رغم البعد كنت احبة وحتى بشهر رمضان مااحترموو طلع الصبح وياني الظهر وقال انا تعبان همزي ظهري ويوم شلت الفانيلة جان القى كله عض ومص بالازرق والله ما مخلية مكان ماسوت علامة انا اهني انهرت طبعا اهو انكر وقعدت على سياتي وانا اصيح اقول انا اللي عندك حق خذة واذا انا ظالمتنة خذح حقة والله حالتة تدهورت وصار ع الحديدة والدون مالها حل المهم سافر ويا يدتي العلاج وطبعا انا دقيقة مايكلمني وهي التلفون كلة مشغول وهو تلفونة كله مشغول ( اراقب الخطييين خخخخخخخ) وكلت امري لله وطبعا كله انا نكد في نكد المهم رجعو وانقطع تلفونة وانا من هبالتي رحت بعت ذهبي وسددت بعض الديون وفتحت تلفونة شفتو الغباء
مرت اسنين واسنين وهو نفس الشي وعلى فكرة كل مرة يوعدني ان مافي حد بحياتة واني انا الوحيدة اخرطي كشفتة مرة((بسبب ضروف المعيشة انا بمكان مع اهلة وهو بمكان )) لحد اخر مرة فتشت بأغراضة ولقيت صور واشياء ثانية بس انا مافتشتها اتريها قطعت العلاقة بتعرس اضن هو قرا لي الرساله بس مش كلهاا يخسارة مالقيتهاا قبل(( ادعي عليها من كل قلبي الله يرويها بريلها وحياتها شكل ماروتني)) والله يبنات يوم راحت تدرس امريكا ين علي وكان بيسافر لها يدرس وياهاا تخيلووو مب حرام المهم خليتة وكملت دراستي الثانوية ودورت على شغل واشتغلت والحين ادرس دورات الله يعيني بس بعدة مستمر لان بحكم شغلة اليديد لازم يسافر برا بلد عربية وكلت امري لله وخليتة معن للحين يحز بخاطري والقي اشياء عندة واعزم اروح بيت اهلي لاني انا صد ماريدة لكن تدخل اهلناا يمنعني والله يبنات اني اهملت اعيالي ومب طايقتنهم وساعات جني اعاقبهم على اللي سواه فيني لكن ارجع واستغفر ربي
انا الحين اطبق عندي اشياء من اغراضة مثل(( حبة سنافي_ شريحة ممري فيها صور ربيعاتة_تلفوناتة اللي فيهم رسايل حب وغرام وارقام بس البلاد اللي كان مسافر لها_اشغاب _ كرت _ صورة )) وللحين ماواجهتة
انا الحين قوية مب وايد
اباا حد يشجعني خخخخخخخ
مطنشني بالاتصلاتة
حارمني
قربة ممكن في السنة هذي 3 مرات تقريباا معني وايد اريحة
بديت اهتم بعمري اكثر لاني انا هواياتي المحافظة على جسم حلو وبشرة حلوة والكل يشهد لي
لبسي كان مااشتري وايد الحين اشتري وايد وافصل
بس السؤال اختي شغف كيف اخلية يتلهف علي وعلى اتصلاتي احس فية مايبا يسمع صوتي وساعات اكتفي اطرش له مسج( اهو مب عايش عندنا بس الاجازة اينااا)
وخبروني كيف اعدل علاقتي بعيالي لانهم مايسمعون كلامي ؟؟
ساعدوني والله احس معاكم بعد الله قوية
اختي شغف انا طولت عليج بس ابيج تعرفين كيف كنت عايشة والحمدلله الله معطيني طولت البال
وصدقيني الكل يقولي معنج انتي عندج مشاكل لكن انتي مرحة وضحك وسوالف
يزاج الله خير وجعلة في ميزان حسناتج
