انتبهن لا تضعي الزيت بجانب النار قصة خادمتي

[أم دبي]

السلام عليكم ورحمة الله وبركاته
كيف حال الجميع سأبدأ على طول

جئت بخادمة سريلانكية الجنسية الذي يراها يقول كلها ادب وان شكلها فقيرة وما يخصها بشي في الدنيا

كانت نظيفة ومرتبة وتنظف البيت بشكل مريح يعني لا يتبقى في البيت بقعة بدون نظافة واذا شاهدت شي
لم يعجبني انبهها وارى فيها الطاعة
كانت تصلي جميع الصلوات حتى الضحى رأيتها بنفسي
تحب الاطفال ويحبونها لكن انا لا اترك عيالي عند الخدم لو اموت بس وانا في البيت ايحبونها
انا باب بيتي مفتوح عبيت امي
تقريبا بعد شهر ونصف
يت يوم من الأيام تقول انا خايفة وايد
قلت: ليش
قالت: انا ايون في غرفتي جن
استغربت
قالت: قالت انا مقري عليي في بلادي وراوتني خيط ومثل حديده مربوط حول بطنها و
انه اخترب يوم يت بلادنا
وسبب وضع هالخيط انها راحت ورا بيتهم وكان في قبر(شوفو الكذب) واستلبست
انا اهنيه خفت وقلت انتي فيك جني؟
قالت : فيني ابليس
انا راودني الشك بس هديتها وقلت بشوف بابا شو يقول
خبرت زوجي وقال عيارة لا تصدقينها وقولي مافي شي لا تخافين

ثاني يوم
قالت لأمي انها شافت حرمة لابسة ابيض وشعرها طويل
وانالجن يسحبونها لين الحمام كرمتوا ويسكرون عليها الليتات
ووووو اشياء وايد يعني انا صدقت مسكينه:thumbdown:
وبعد ايام قالت ان ريولي وعظامي تعوررني ومرة اتقول الاكل اللي اكله ما يتم في جسمي المهم كل يوم شي لين ما فاتنت عليها
و قلت لها خلاص ما ابا ولا كلمةه

انا اداوم وزوجي يداوم وعيالي مدارس
ويعني محد في البيت
شوفو شو صار
خلصنا من موضوع الجن طبعا استوت احداث وايده بس انا طوفتها
حصلت سرقة لابتوبات وذهب في بيت اهلي اللي هو مفتوح عبيتي وتم معاينه المكان واخذ البصمات ( كانت امي خارج المنزل لأمر ضروري
وثاني يوم يت اتقول انا ايشوفني ريال لما افر المهملات ويفتح الليتات في وجهي
ثالث يوم اونها يبا يدعمها ها الريال بالسيارة
وقلت لهاا لا تسيرين في الليلل سيري الصبح
شوفوا الحبكة
رابع يوم يتصلون علي وانا في دوامي
تخبرني اختي تعرفين شو صار؟
قلت شو بعد؟
قالت ان خدامتك اعتدى عليها ريال:busted_red:
قلت : اكيد تكذب
سرت وتحققت كان شكلها وحدة عادية ما كأنها صاير لها شي وقالت( كأنها تقول فلم هندي)

قالت : ماما انا كنت اكوي وجا رجال ملثم ولابس قفازات ولابس كله اسود (اتقول: النينجا)
وقالتت له شو تبا قال افتحي غرفة المدام
قالتت مقفوله
قال انا ابيك (مالت عليها)
وقال انا اعرف متى تروح المدام والزوج واعرف وين يشتغل رب البيت
والمهم كانت بتتصل اونها بس الحبيب فر التلفون عنا هههههههاي
واعتدى عليها
وقال اناكل يوم بي(مب فلم هندي؟

ودينها للشرطه واكتشفنا انها سارقة الاشياء اللي ذكرتها وردت على واح من العمال اللي بيشتغلون
في ترميم بيت اهلي انه حملها وقبضوا عليه وهو عربي الجنسية كانت خايفه ايكون سافها وهي تسرق
ولكن طلع ما له خص مسكين والحين يحاولون انها تعتررف منو اللي نايم معاها ووين ودت المسروقات ولكن مب طايعة
عافانا الله
انتظر ردودكم وتوجيهاتكم

 

[اغلى جواهر]

لا حول ولا قوة الا بالله

شكلها من يوم ماقالت لك السالفه ماتبي تشتغل عندك

ورمت حرتها في سرقة الاغراض وتعرفت على الرجال الله اعلم

بس انتي ليش تخلين بيت الباب مفتوح حتى لو امك مقابلتكم لازم بيتك يتسكر ا>ا طلعتي من البيت وامك ا>ا احتاجت لك تتصل عليك ماتخلين بيتك مفتوح لاي شخص يمر يدخل عليه هي يوم شافت هالحاله لعبت على كيفها وخ>ت حريتها ولفقت الكلام عشان ماحد يشك فيها فانتبهي خويتي لبيتك

واي شغالة تجيك اعطيها معلومات وعرفيها بكل الحدود والنصايح

وتهدديها من الحركات ا>ا سوت شئ وكلامها كله ك>ب كله ملفق

الله يستر عليكم ويارب تكشفون اللي سرق الاغراض

 

[أم دبي]

اشكرك على الرد انا اخليها تسكر باب بيتي من اطلع بس تعرفين الخدم اللي يبونه يقدرون عليه والخادمة اللي فيها امانه ما بتسوي اللي سوته و اتصدقين مب طايعة تعترف على المسروقات معانده
واللي فهمته اخر مره انها تسافر بلدان واتسوي اللي سوته عدنا وتسافرر يعني هالمرة ما نجت الله المستعان

 

[&لحظه صمت&]

الله يعينك ويكفيك شراهااا
هاذاهم الشغلات يتمسكونون حتى يتمكنووون
فانتبهي منهن ولا تقثين بااي وحده
الله يغنينا ويغنكم عنهم

 

[احاسيس مرهفة]

الله يعينك اختي

 

[أم دبي]

والله لين الحين تتصل وتحلف انه بريئة وانها مظلومة شو ررايكم انصحوني
وحاولت اخذ منها كلام عن مكان الذهب وقلت لها اذا خبرتيني انا بطلعك من السجن وإذا عانتي بخليك عشر سنوات
بس حلفت انها مب هي وانا طبعا ما صدقت بناءا على الكذب اللي كذبته من قبل

 

[كبة مقلية]

معليش الدنيا عندي 3 الفجر ما رح اقرأها
من غير شي كل شوي اتلفت حولي
هلأ خليها بكرة بشوف وبردلك

 

[أم ريمااااني]

لاحل ولا قوة إلا بالله.. الله يعينا عليهم..

 

[أم دبي]

الله المستعان
بس ادعو لي افتك من همها وتعترف بالسرقات وتنفد
شكلها قوية ما تبي تعترف

 

[بنت الحصن]

لا حول ولا قوة إلا بالله