معلومات شيخه الخليج
انا ومرت اخو زوجي
السلام عليكم
انا عندي مشكله شايله همها على الرغم من مرور سنين عليها لكن ماني قادرة انسى
مشكلتي هي ان مرت اخو ريلي تسوي لي مشاكل وتحاول اثارة غيرتي باي طريقه وانا من الله غيورة جدا ... المشكله من البدايه
قبل الزواج
زوجي يتيم وهو اصغر اخوانه اخر العنقود واخوانه كلهم متزوجين وهو عايش بروحه ببيت امه لان ابوه متزوج حرمه غير امه الله يرحمها واخوه الي اكبر منه بشوي تزوج بعد وفاة امهم بفترة قصيره وعاش هو وزوجته ببيت امهم الي ساكن فيه زوجي ... زوجي كان صغير لما توفت امه تقريبا عمره 15 سنه وكانت هاي زوجة اخوه هي الي اداريهم وكل شي ما قصرت وكانو عايشين حياة سعيده ومستقرة بعدين اخو زوجي تغير فجاة بعد ما كان انسان ملتزم صار لعوب وراعي بنات وسوالف وعانت منه زوجته وااايد وكانت دوم تشكي لزوجي عن سوالفه وزوجي كان يوقف معاها ضد اخوه لان فعلا هو الغلطان اخوه ليومكم هذا لعوب وراعي بنات مع انه مب مقصر على بيته وزوجته وعياله لكن هذه طبيعته ... المهم زوجته فيها طبع انها فتانه وتنقل الكلام وااايد وتغار على زوجها غيرة جنونيه وقامت تسوي مشاكل مع حريم اخوانهم الي اكبر وتنقل كلام وسوت مشاكل ما لها اول ولا تالي والكل يعرف عنها هالشي وحتى مع خوات زوجها كانت تسوي مشاكل ومحد يحبها بس يزوروها بحدود عشان خاطر اخوهم ... وزوجها حاول ان ينصح زوجته ويردها لصوابها لكن ماشي فايده.... الكل كان ضدها الا زوجي كان دوم يدافع عنها وهي بنظره مسكينه وعلى نياتها لان زوجي اصغر اخوانه ووايد وياها مثل الاخوان يعني ... تمو على هالحال لين ما زوجي خطبني وانا طبعا ما اعرف عنهم شي ... وكنت في فترة الخطوبه دوووم يكلمني عنها انها مسكينه وحرااام الي يسوي لها اخوه وجي من هالكلام ... لان زوجي طيب زياده عن اللزوم وكان يحس فيها اخته لانه هي الي اهتمت فيه بعد زواج اخوانه وخواته وعاش معاها بنفس البيت وكنت على نياتي وصغيرة لما خطبني زوجي كان عمري 18 سنه وكان دوم يقولي اني اصادقها لان ما عندها اصدقاء وانا بالفعل صادقتها وكنت معاها وااايد حبوبين ومثل الخوات لين ما ملجنا هني حسيت بالغيرة شوي من علاقه زوجي بها لانها دوووم تتصل له وجي وهو الي قضي مشاويرها صح هالشي طبيعي كونهم عايشن بيت واحد بس انا بحكم طبيعتي الغيورة كنت ما احب ودوم اغار بس بحدود خصوصا ان نحن بعد الزواج بنسكن بنفس البيت ...لما اقترب موعد زواجي كانو خوات زوجي دوووم ينصحوني اني ابتعد عنها وانها راعيه مشاكل وجي وانا ارد عليهم اني ما شفت منها شي وهي زينه معاي وحبوبه ... فليش اعاملها مثلهم دام انها ما ضرتني بشي وانا الي اشوفه منها غير عن الي اسمعه عنها ...
بعد الزواج
تزوجنا وعشنا حياة سعيده وكنا مثل الاخوان ... لكني بديت اغار زياده منها لان حركاتها كانت ما تسر ابد ..
اولا ... كانت دوووم اذا تبي شي تطلبه من زوجي مب مني انا شخصيا حتى لو شي يخص البنات
ثانيه ... كانت يوم انا اكون بالبيت قاعده معاهم بالصاله مثلا ما كانت تقعد معانا تحاول تشغل عمرها بشغل البيت والعيال وجي خصوصا انها مشالله عليهم عندهم عيال وااايد واعمارهم متقاربه ..بس لما زوجي يقعد بالصاله تقعد ...
ثالثا .... يوم نكون برع البيت تتصل بزوجي تسأل متى بني البيت وشو نبا علالغدا ومن هالكلام وانا هالشي ما يعجبني
رابعا ... اذا صارت مشكله بينها وبين زوجها تقول لزوجي ما تقول لي حتى لو كنت انا الموجوده
خامسا .... اذا حست ان بيني وبين زوجي زعل تروح لزوجي تسأله ما اتيني انا
وزوجي كان له نصيب من العتب ايضا كان دوووم اذا بغا شي يطلبه منها ما يطلبه مني حتى ابسط الاشيا مثل الشاي او عصير يطلبه منها مش مني انا وكان عادي يدخل عليها غرفه نومهم ويجلس معها وعادي تركب معاه السيارة بروحهم بغير محرم لكن اذا انا بغيت اروح مع زوجي مكان كانت تسوي المستحيل عشان ما يوديني واذا كان ولا بد لازم هي تكون مع عيالهم موجودين معانا
اكيد تسألون زوجها وين من الموضوع ....
زوجها دوووم برع البيت لانه ما يحب حشرة العيال خصوصا انهم عندهم مشالله وااايد عيال ووتقريبا 8 وكلهم صغار اعمارهم تحت العشر سنوات وعيالهم وااايد مشاغبين وهم ما يحب الحشرة فدوووم برع واصلا هو ما يهمه زوجته اهم شي وناستنه ودوووم مشاكل بينهم وهو غيور وشكاك ما يحب ان زوجته تطلع حتى عالحوش اذا شافها بالحوش عادي يضربها وما يعطيها موبايل بكاميرا موبايلها قديم جدا يخاف انها تصور عمرها ( شفتو التخلف ) يعني هو وااايد شكاك
انا حاولت اني ابين لزوجي غيرتي لكن هو مب مقتنع بها الغيرة يقول هاي من ما انا صغيرة معاها مثل اختي اقول اوكي بس خل حدود بينكم هو مرات يحاول يحافظ على مشاعري بس هو مب مقتنع
حاولت اني اكلمها وابين لها بطريقه غير مباشرة انها اذا بغت شي تطلبه مني وانا ما بقصر معاها ومن هالكلام لكن ما فاد نفس الشيي
مرة عرفت ان زوجي كلمها وقال لها ان انا اغار منها وهني انا اشتطيت منها كيف يقول لها جي صح انا اغار وهو لازم يبين لها لكن مب جي فيه اسلوب يقول لها جي زياده بتعاند
خصوصا انها وااايد تحاول تثير غيرتي من بدايه زواجي وكان وااايد تصير اشيا وتنققلها لزوجها وزوجي بعكس الي صار بس عشات تبين اني انا الغلطانه زوجي كان يوقف وياي وزوجها عارف تصرفاتها بس كان محايد بس هي ما تكل ولا تمل
مرة
راحت واتصل لزوجي كان هو في الشغل (زوجي يشتغل في مدينه بعيده عن مدينتنا يعمل في العاصمه ابوظبي وانا ادرس في الجامعه والجامعه بعد بعيده عن البيت يعني ساكنه بسكن الطالبات نهايه الاسبوع نرجع البيت )
اتصلت في زوجي وقالت انها شافت رساله جدام باب غرفتنا الخارجي مكتوب فيها كلام حب وكلام عن العاده السريه ( تخيلو كيف جرأتها ووقاحتها) يعني كأن وحده تحب شخص وتمارسالعاده السرريه واني انا صاحبه الموضوع وزوجي اتصل لي وخبرني وانا انصعقت من الكلام ... للعلم زوجي ما كان معصب ولا شي كان هادي لما يكلمني ومستغرب من الي صار ومصدقها وانا اوقول كيف تصدقها ها كلام ما يدخل العقل واتصلت فيها واكدت لي الكلام وصار اتصالات بيننا المهم انتهت انها شافت من ورا الرساله اسم بنت فقالت يمكن هاي ربيعتها يعني ربيعتي كاتبه لي قصتها وخلص الموضوع يعني ريلي اقتنع بكلامها وتحليلها (المنطقي ..هه)وما اكتفت بها الشي راحت وقالت لزوجها اني انا كنت كاتبه له هو رساله حب وغرام واني احبه تخيلو وياي يعني هي فهمتنا شي وفهمة ريلها شي ثاني وانا هالشي عرفته من ريلها بعد فترة طويله وبالصدفه وتخيلو قالت لريلها اني البس ملابس شفافه وقمصان نوم جدامه وقالت لزوجي بعد خل زوجتك تحتشم في البيت وما تلبس ملابس ضيقه وشفافه جدام ريلها وزوجي طبعا مصدق كلمني بهداوة وفهمني ان هالشي غلط اني البس مثل هالملابس ججدام زوجها طبعا انا عصبت كيف تقول مثل هالكلام انا دووومم محتشمه في البيت زوجي طبعا يصدقها ويكلمني بهداوة لاني صغير وانا بنظرة صغيرة جدا ويمكن ما افهم بهالامور رحت لها وكلمتها انكرت وواجتها بزوجي غيرت السالفه واتهمتني باني فهمت غلط
اخر مرة صارت مشكله كبيرة بيني وبينها ... كان زوجي مب موجوده وزوجها كذلك وكنت في غرفتي ارتب ملابسي فجاة دقت علي الباب خدامتهم وقال لي انها متأذيه من المدام الي هي زوجه اخو زوجي وانها دوووم تضربها وتعاملها بقساوة ...فعلا هالشي صح ... بس انا ما ادخل بينهم ابد واصلا ما اتعامل مع خدامتهم بروحي انظف غرفتي وحمامي وملابسي بروحي اغسلها ... انا قلت للشغاله انا ما يخصني بينكم لا تدخليني بمشاكلكم قالت لا انتي كلميها عشان تسفرني بلادي قلت انا ما يخصني فيكم لا ادخليني قالت لا انتي عطيني فلوس عشان انا اسافر قلت ما يخصني وبعدين قالت لي انتي انتي ماما وااايد زين احسن عن ماما (م) انتي وااايد طيب انتي يعطيني ملابسي عشاني انا صح قلت لها هي ( لاني قبل فترة كنت عاطتنها ملابس عندي ما ابيها عشان افرحها ) وطبعا الست مرت اخو ريلي كانت في الحمام المقابل لغرفتي تسمع احنا شو نقول طببعا هالحوار الي بيني وبين الشغاله كان تمثيليه من تاليفها هي عشان تسوي مشكله جديده لكن هالمرة المشكله كانت كبيرةجدا
اول ما قلت للخدامه هي انا عطيتج هالملابس لج انتي طلعت مرت اخو زوجي من الحمام وهي معصبه وقالت لي لحقيني لغرفتي قلت لها ليش قالت ليش ما تعرفي ليش ؟؟؟ عشان السحر الي سويتي لي قلت لها وانا مصدومه ومب مصدقه الي يصير لي اي سحر قالت السحر الي انتي سويتي لي عشان تنزلي الجنين الي في بطني هي كانت حامل ( البيبي رقم :nosweat:8) قلت لها على اي اساس تقولي هالكلام انا مب فاهمه شي قالت توج تقولي للخدامه انج متفقه وياها عشان تحط لي طب في الاكل عشان ينزل الجنين قلت لها متى قلت انا ما قلت شي راحت وسألت الشغاله جدامي قالت لها شو قال مدام الحين لج الشغاله قالت اني انا متفقه وياها انها تحط سحر في اكل المدام عشان ينزل الجنين قلت للشغاله متى قلت لج هالكلام احنا اصلا ما كنا نرمس بهالسالفه انكرت الشغاله وقلت لمرت اخو زوجي انا والله العظيم ما سويت جي وكنت اصيح ومنهارة جدا قالت لي كلام بذيء جدا وسبتني وسبت اهلي وقالي اني مب متربيه وهالشي مب يديد على عايلتنا احنا متعودين على هالسوالف وانا منهارة ومصدومه منها لاني كنت هذالك الوقت صغيرة عمري 19 سنه وهي تقول لي اني انا اغار منها عشان هي حامل وانا للحين ما حملت مع اني كنت ما مر على زواجي غير ثلاث شهور واصلا كنا في نفس اليوم متغديين مع بعض وكنا نضحك ونسولف معاهم وما تصورت انها جي بها النذاله وكيف انها بعد الغدا على طول تقلب علي هل كان تمثيل امام زوجي وزوجي عشان يوقفون معاها...؟؟؟ وفي هذه الاثناء دخل زوجي الغرفه وسمع الصراخ الي كان بيننا وكان مستغرب وانا على طول رحت ابكي عنده وهو يسالني شو صار وزوجها بعد وصل وراح لها وانا قلت لزوجي كل شي وراح لهم معصب ورجع لي وهو يتهمني هي فهمته شي ثاني وانا هني انهرت صج وقلت له كيف تصدقهم وتكذبني وتميت اكلمه لين ما صدقني وراح لهم وهو معصب مرة ثانيه وتهاوش وياهم ورجع لي يراضيني وهي هناك مفهمه زوجها شي ثاني وهي عندها سلوب في الاقناع قوي وطبعا من بعد هاليوم نحن في حالنا وهم في حالهم ما نكلم بعض مع انا ساكنين بيت واحد بس الاخوان يكلمون بعض لكن نحن الحريم متزاعلين وزوجي ما يكلم زوجه اخوه مع انها حاولت انها تكلمه اكثر عن مرة لكن هو ما يعطيها ويهه .... وتسلم عليه وهو ما يرد السلام عشاني انا لكن زوجها عادي يكلمني وانا اكلمه لكن انا ما اكلمه الا اذا هو كلمني عشان ما تستوي مشاكل
والحين مر على هذه السالفه ثلاث سنوات وخلال هالوقت هي دوووم تحاول تستفزني مع ان نحن ما نقعد معاهم ننرجع البيت بس للنوم وباقي الوققت نكون يا بيت اهلي او بيت اخت زوجي
وتحاول تتقرب من زوجي ...عشان ترجعه لها مثل ما كان وما حاولت تتاسف مني
مرة زاد المشاكل بينها وبين زوجها وانا كنت في الجامعه وزوجها خلاص طفر منها ومن تصرفاتها واستوت مشكله كبيرة بينهم ودخل اخوهم الكبير في السالفه واخوهم الكبير عرف بالي صار لي وانصدم كيف تسوي جي معي لانه يعرف اني مسالمه وراحو سالو الشغاله وضغطو عليها لين اعترفت وقالت ان المدام هي الي اجبرتها تقول جي وهي ما كانت تبي تسوي جي وهي تعرف اني زينه وحبوبه بس هي الي اجبرتها على هالشي وطبعا الشغاله سافرت بلادها لانها مب طايقه تعيش معاهم
والحين دوووم تحاول تستميل زوجي عشان ترجعه لها وزوجي ما يعطيها ويهه
بس الحين انا احس ان زوجي بدا يحن لهم وللقعده معاهم بس يخاف على مشاعري صار هالهاجس مسيطر علي لاني مستحيل اسامحها على الي سوته فيني وحتى لو سامحتها اعرفها بتستغل زوجي وبتسوي مشاكل وبتغسل مخه عدل
وخصوصا ان اخو زوجي مرات يكلف زوجي باعمل للبيت ويضطر زوجي يدخل بيتهم وهي ما تصدق تمارس افعالها معاه عشان يعطيها ويهه وانا اخاف ان زوجي يرجع لها ويرد العلاقه بينهم
مع اني مرات احاول است\رجه بالكلام عشان اعرف شو تفكيره بالضبط الي فهمته منه انه مرات يحن للقعده معهم بس الي هي سوته فيني مب شوي يعني الي فمته انه عادي يرجع لهم بس عشاني ما بيرجع وانا مستحيل ارضى انه يرجع لها ... اخوه مب مشكله ما بفرق بين الاخوان لكن هي لا
بس انا اخاف ان من وراي يروح لهم ما ادري هاي وساوس الشيطان يمكن
اخاف ايي يوم ( بعيد الشر يموت اخوه ) ويضطر زوجي يتحمل مسؤوليتهم في ها الحاله شو اسوي خصوصا انهم عايله كبيرة وابنا ء كثر وزوجي هو الي متحمل مسوؤليتهم من البدايه
اكيد بتقولون ليش ما نطلع بيت بروحنا ,,,,
احنا ساكنين بيت العايله يعني مب بيت زوجي بروحه ولا بيت اخوه بروحه بيت الاخوان كلهم لهم نصيب من البيت ونحن بس نرجع ويك اند وطول الاسبوع محد فحرام ناجر بين على يومين واصلا اخوه باني فله كبيرة وقريب بينتقل المفروض انه ينتقل من زمان لان الفله مخلصه بس هو ما يبي عشان الفله في منطقه جديده ومنعزله عن باجي الفلل وهو ما يبي يعيش برحه في هاي المنطقه
انا ما اعرف كيف اتصرف في حاله اكتشفت انه زوجي رجع لهم او اذا اضطر يرجع لهم لان هالدنيا ما لها امان يمكن الله ياخذ روح اخوه باي لحظه خصوصا ان اخوه صح كبير بس طايش
اخاف يكون زوجي هو المعين لهم انا ما ابي هالشي ليش دايما زوجي ومب اي احد ثاني من اخوانه
انا بالنسبه لي يخوني اهون من انه يرجع لها
اذا عندكم اي اسلئله انا حاضرة
انا عندي مشكله شايله همها على الرغم من مرور سنين عليها لكن ماني قادرة انسى
مشكلتي هي ان مرت اخو ريلي تسوي لي مشاكل وتحاول اثارة غيرتي باي طريقه وانا من الله غيورة جدا ... المشكله من البدايه
قبل الزواج
زوجي يتيم وهو اصغر اخوانه اخر العنقود واخوانه كلهم متزوجين وهو عايش بروحه ببيت امه لان ابوه متزوج حرمه غير امه الله يرحمها واخوه الي اكبر منه بشوي تزوج بعد وفاة امهم بفترة قصيره وعاش هو وزوجته ببيت امهم الي ساكن فيه زوجي ... زوجي كان صغير لما توفت امه تقريبا عمره 15 سنه وكانت هاي زوجة اخوه هي الي اداريهم وكل شي ما قصرت وكانو عايشين حياة سعيده ومستقرة بعدين اخو زوجي تغير فجاة بعد ما كان انسان ملتزم صار لعوب وراعي بنات وسوالف وعانت منه زوجته وااايد وكانت دوم تشكي لزوجي عن سوالفه وزوجي كان يوقف معاها ضد اخوه لان فعلا هو الغلطان اخوه ليومكم هذا لعوب وراعي بنات مع انه مب مقصر على بيته وزوجته وعياله لكن هذه طبيعته ... المهم زوجته فيها طبع انها فتانه وتنقل الكلام وااايد وتغار على زوجها غيرة جنونيه وقامت تسوي مشاكل مع حريم اخوانهم الي اكبر وتنقل كلام وسوت مشاكل ما لها اول ولا تالي والكل يعرف عنها هالشي وحتى مع خوات زوجها كانت تسوي مشاكل ومحد يحبها بس يزوروها بحدود عشان خاطر اخوهم ... وزوجها حاول ان ينصح زوجته ويردها لصوابها لكن ماشي فايده.... الكل كان ضدها الا زوجي كان دوم يدافع عنها وهي بنظره مسكينه وعلى نياتها لان زوجي اصغر اخوانه ووايد وياها مثل الاخوان يعني ... تمو على هالحال لين ما زوجي خطبني وانا طبعا ما اعرف عنهم شي ... وكنت في فترة الخطوبه دوووم يكلمني عنها انها مسكينه وحرااام الي يسوي لها اخوه وجي من هالكلام ... لان زوجي طيب زياده عن اللزوم وكان يحس فيها اخته لانه هي الي اهتمت فيه بعد زواج اخوانه وخواته وعاش معاها بنفس البيت وكنت على نياتي وصغيرة لما خطبني زوجي كان عمري 18 سنه وكان دوم يقولي اني اصادقها لان ما عندها اصدقاء وانا بالفعل صادقتها وكنت معاها وااايد حبوبين ومثل الخوات لين ما ملجنا هني حسيت بالغيرة شوي من علاقه زوجي بها لانها دوووم تتصل له وجي وهو الي قضي مشاويرها صح هالشي طبيعي كونهم عايشن بيت واحد بس انا بحكم طبيعتي الغيورة كنت ما احب ودوم اغار بس بحدود خصوصا ان نحن بعد الزواج بنسكن بنفس البيت ...لما اقترب موعد زواجي كانو خوات زوجي دوووم ينصحوني اني ابتعد عنها وانها راعيه مشاكل وجي وانا ارد عليهم اني ما شفت منها شي وهي زينه معاي وحبوبه ... فليش اعاملها مثلهم دام انها ما ضرتني بشي وانا الي اشوفه منها غير عن الي اسمعه عنها ...
بعد الزواج
تزوجنا وعشنا حياة سعيده وكنا مثل الاخوان ... لكني بديت اغار زياده منها لان حركاتها كانت ما تسر ابد ..
اولا ... كانت دوووم اذا تبي شي تطلبه من زوجي مب مني انا شخصيا حتى لو شي يخص البنات
ثانيه ... كانت يوم انا اكون بالبيت قاعده معاهم بالصاله مثلا ما كانت تقعد معانا تحاول تشغل عمرها بشغل البيت والعيال وجي خصوصا انها مشالله عليهم عندهم عيال وااايد واعمارهم متقاربه ..بس لما زوجي يقعد بالصاله تقعد ...
ثالثا .... يوم نكون برع البيت تتصل بزوجي تسأل متى بني البيت وشو نبا علالغدا ومن هالكلام وانا هالشي ما يعجبني
رابعا ... اذا صارت مشكله بينها وبين زوجها تقول لزوجي ما تقول لي حتى لو كنت انا الموجوده
خامسا .... اذا حست ان بيني وبين زوجي زعل تروح لزوجي تسأله ما اتيني انا
وزوجي كان له نصيب من العتب ايضا كان دوووم اذا بغا شي يطلبه منها ما يطلبه مني حتى ابسط الاشيا مثل الشاي او عصير يطلبه منها مش مني انا وكان عادي يدخل عليها غرفه نومهم ويجلس معها وعادي تركب معاه السيارة بروحهم بغير محرم لكن اذا انا بغيت اروح مع زوجي مكان كانت تسوي المستحيل عشان ما يوديني واذا كان ولا بد لازم هي تكون مع عيالهم موجودين معانا
اكيد تسألون زوجها وين من الموضوع ....
زوجها دوووم برع البيت لانه ما يحب حشرة العيال خصوصا انهم عندهم مشالله وااايد عيال ووتقريبا 8 وكلهم صغار اعمارهم تحت العشر سنوات وعيالهم وااايد مشاغبين وهم ما يحب الحشرة فدوووم برع واصلا هو ما يهمه زوجته اهم شي وناستنه ودوووم مشاكل بينهم وهو غيور وشكاك ما يحب ان زوجته تطلع حتى عالحوش اذا شافها بالحوش عادي يضربها وما يعطيها موبايل بكاميرا موبايلها قديم جدا يخاف انها تصور عمرها ( شفتو التخلف ) يعني هو وااايد شكاك
انا حاولت اني ابين لزوجي غيرتي لكن هو مب مقتنع بها الغيرة يقول هاي من ما انا صغيرة معاها مثل اختي اقول اوكي بس خل حدود بينكم هو مرات يحاول يحافظ على مشاعري بس هو مب مقتنع
حاولت اني اكلمها وابين لها بطريقه غير مباشرة انها اذا بغت شي تطلبه مني وانا ما بقصر معاها ومن هالكلام لكن ما فاد نفس الشيي
مرة عرفت ان زوجي كلمها وقال لها ان انا اغار منها وهني انا اشتطيت منها كيف يقول لها جي صح انا اغار وهو لازم يبين لها لكن مب جي فيه اسلوب يقول لها جي زياده بتعاند
خصوصا انها وااايد تحاول تثير غيرتي من بدايه زواجي وكان وااايد تصير اشيا وتنققلها لزوجها وزوجي بعكس الي صار بس عشات تبين اني انا الغلطانه زوجي كان يوقف وياي وزوجها عارف تصرفاتها بس كان محايد بس هي ما تكل ولا تمل
مرة
راحت واتصل لزوجي كان هو في الشغل (زوجي يشتغل في مدينه بعيده عن مدينتنا يعمل في العاصمه ابوظبي وانا ادرس في الجامعه والجامعه بعد بعيده عن البيت يعني ساكنه بسكن الطالبات نهايه الاسبوع نرجع البيت )
اتصلت في زوجي وقالت انها شافت رساله جدام باب غرفتنا الخارجي مكتوب فيها كلام حب وكلام عن العاده السريه ( تخيلو كيف جرأتها ووقاحتها) يعني كأن وحده تحب شخص وتمارسالعاده السرريه واني انا صاحبه الموضوع وزوجي اتصل لي وخبرني وانا انصعقت من الكلام ... للعلم زوجي ما كان معصب ولا شي كان هادي لما يكلمني ومستغرب من الي صار ومصدقها وانا اوقول كيف تصدقها ها كلام ما يدخل العقل واتصلت فيها واكدت لي الكلام وصار اتصالات بيننا المهم انتهت انها شافت من ورا الرساله اسم بنت فقالت يمكن هاي ربيعتها يعني ربيعتي كاتبه لي قصتها وخلص الموضوع يعني ريلي اقتنع بكلامها وتحليلها (المنطقي ..هه)وما اكتفت بها الشي راحت وقالت لزوجها اني انا كنت كاتبه له هو رساله حب وغرام واني احبه تخيلو وياي يعني هي فهمتنا شي وفهمة ريلها شي ثاني وانا هالشي عرفته من ريلها بعد فترة طويله وبالصدفه وتخيلو قالت لريلها اني البس ملابس شفافه وقمصان نوم جدامه وقالت لزوجي بعد خل زوجتك تحتشم في البيت وما تلبس ملابس ضيقه وشفافه جدام ريلها وزوجي طبعا مصدق كلمني بهداوة وفهمني ان هالشي غلط اني البس مثل هالملابس ججدام زوجها طبعا انا عصبت كيف تقول مثل هالكلام انا دووومم محتشمه في البيت زوجي طبعا يصدقها ويكلمني بهداوة لاني صغير وانا بنظرة صغيرة جدا ويمكن ما افهم بهالامور رحت لها وكلمتها انكرت وواجتها بزوجي غيرت السالفه واتهمتني باني فهمت غلط
اخر مرة صارت مشكله كبيرة بيني وبينها ... كان زوجي مب موجوده وزوجها كذلك وكنت في غرفتي ارتب ملابسي فجاة دقت علي الباب خدامتهم وقال لي انها متأذيه من المدام الي هي زوجه اخو زوجي وانها دوووم تضربها وتعاملها بقساوة ...فعلا هالشي صح ... بس انا ما ادخل بينهم ابد واصلا ما اتعامل مع خدامتهم بروحي انظف غرفتي وحمامي وملابسي بروحي اغسلها ... انا قلت للشغاله انا ما يخصني بينكم لا تدخليني بمشاكلكم قالت لا انتي كلميها عشان تسفرني بلادي قلت انا ما يخصني فيكم لا ادخليني قالت لا انتي عطيني فلوس عشان انا اسافر قلت ما يخصني وبعدين قالت لي انتي انتي ماما وااايد زين احسن عن ماما (م) انتي وااايد طيب انتي يعطيني ملابسي عشاني انا صح قلت لها هي ( لاني قبل فترة كنت عاطتنها ملابس عندي ما ابيها عشان افرحها ) وطبعا الست مرت اخو ريلي كانت في الحمام المقابل لغرفتي تسمع احنا شو نقول طببعا هالحوار الي بيني وبين الشغاله كان تمثيليه من تاليفها هي عشان تسوي مشكله جديده لكن هالمرة المشكله كانت كبيرةجدا
اول ما قلت للخدامه هي انا عطيتج هالملابس لج انتي طلعت مرت اخو زوجي من الحمام وهي معصبه وقالت لي لحقيني لغرفتي قلت لها ليش قالت ليش ما تعرفي ليش ؟؟؟ عشان السحر الي سويتي لي قلت لها وانا مصدومه ومب مصدقه الي يصير لي اي سحر قالت السحر الي انتي سويتي لي عشان تنزلي الجنين الي في بطني هي كانت حامل ( البيبي رقم :nosweat:8) قلت لها على اي اساس تقولي هالكلام انا مب فاهمه شي قالت توج تقولي للخدامه انج متفقه وياها عشان تحط لي طب في الاكل عشان ينزل الجنين قلت لها متى قلت انا ما قلت شي راحت وسألت الشغاله جدامي قالت لها شو قال مدام الحين لج الشغاله قالت اني انا متفقه وياها انها تحط سحر في اكل المدام عشان ينزل الجنين قلت للشغاله متى قلت لج هالكلام احنا اصلا ما كنا نرمس بهالسالفه انكرت الشغاله وقلت لمرت اخو زوجي انا والله العظيم ما سويت جي وكنت اصيح ومنهارة جدا قالت لي كلام بذيء جدا وسبتني وسبت اهلي وقالي اني مب متربيه وهالشي مب يديد على عايلتنا احنا متعودين على هالسوالف وانا منهارة ومصدومه منها لاني كنت هذالك الوقت صغيرة عمري 19 سنه وهي تقول لي اني انا اغار منها عشان هي حامل وانا للحين ما حملت مع اني كنت ما مر على زواجي غير ثلاث شهور واصلا كنا في نفس اليوم متغديين مع بعض وكنا نضحك ونسولف معاهم وما تصورت انها جي بها النذاله وكيف انها بعد الغدا على طول تقلب علي هل كان تمثيل امام زوجي وزوجي عشان يوقفون معاها...؟؟؟ وفي هذه الاثناء دخل زوجي الغرفه وسمع الصراخ الي كان بيننا وكان مستغرب وانا على طول رحت ابكي عنده وهو يسالني شو صار وزوجها بعد وصل وراح لها وانا قلت لزوجي كل شي وراح لهم معصب ورجع لي وهو يتهمني هي فهمته شي ثاني وانا هني انهرت صج وقلت له كيف تصدقهم وتكذبني وتميت اكلمه لين ما صدقني وراح لهم وهو معصب مرة ثانيه وتهاوش وياهم ورجع لي يراضيني وهي هناك مفهمه زوجها شي ثاني وهي عندها سلوب في الاقناع قوي وطبعا من بعد هاليوم نحن في حالنا وهم في حالهم ما نكلم بعض مع انا ساكنين بيت واحد بس الاخوان يكلمون بعض لكن نحن الحريم متزاعلين وزوجي ما يكلم زوجه اخوه مع انها حاولت انها تكلمه اكثر عن مرة لكن هو ما يعطيها ويهه .... وتسلم عليه وهو ما يرد السلام عشاني انا لكن زوجها عادي يكلمني وانا اكلمه لكن انا ما اكلمه الا اذا هو كلمني عشان ما تستوي مشاكل
والحين مر على هذه السالفه ثلاث سنوات وخلال هالوقت هي دوووم تحاول تستفزني مع ان نحن ما نقعد معاهم ننرجع البيت بس للنوم وباقي الوققت نكون يا بيت اهلي او بيت اخت زوجي
وتحاول تتقرب من زوجي ...عشان ترجعه لها مثل ما كان وما حاولت تتاسف مني
مرة زاد المشاكل بينها وبين زوجها وانا كنت في الجامعه وزوجها خلاص طفر منها ومن تصرفاتها واستوت مشكله كبيرة بينهم ودخل اخوهم الكبير في السالفه واخوهم الكبير عرف بالي صار لي وانصدم كيف تسوي جي معي لانه يعرف اني مسالمه وراحو سالو الشغاله وضغطو عليها لين اعترفت وقالت ان المدام هي الي اجبرتها تقول جي وهي ما كانت تبي تسوي جي وهي تعرف اني زينه وحبوبه بس هي الي اجبرتها على هالشي وطبعا الشغاله سافرت بلادها لانها مب طايقه تعيش معاهم
والحين دوووم تحاول تستميل زوجي عشان ترجعه لها وزوجي ما يعطيها ويهه
بس الحين انا احس ان زوجي بدا يحن لهم وللقعده معاهم بس يخاف على مشاعري صار هالهاجس مسيطر علي لاني مستحيل اسامحها على الي سوته فيني وحتى لو سامحتها اعرفها بتستغل زوجي وبتسوي مشاكل وبتغسل مخه عدل
وخصوصا ان اخو زوجي مرات يكلف زوجي باعمل للبيت ويضطر زوجي يدخل بيتهم وهي ما تصدق تمارس افعالها معاه عشان يعطيها ويهه وانا اخاف ان زوجي يرجع لها ويرد العلاقه بينهم
مع اني مرات احاول است\رجه بالكلام عشان اعرف شو تفكيره بالضبط الي فهمته منه انه مرات يحن للقعده معهم بس الي هي سوته فيني مب شوي يعني الي فمته انه عادي يرجع لهم بس عشاني ما بيرجع وانا مستحيل ارضى انه يرجع لها ... اخوه مب مشكله ما بفرق بين الاخوان لكن هي لا
بس انا اخاف ان من وراي يروح لهم ما ادري هاي وساوس الشيطان يمكن
اخاف ايي يوم ( بعيد الشر يموت اخوه ) ويضطر زوجي يتحمل مسؤوليتهم في ها الحاله شو اسوي خصوصا انهم عايله كبيرة وابنا ء كثر وزوجي هو الي متحمل مسوؤليتهم من البدايه
اكيد بتقولون ليش ما نطلع بيت بروحنا ,,,,
احنا ساكنين بيت العايله يعني مب بيت زوجي بروحه ولا بيت اخوه بروحه بيت الاخوان كلهم لهم نصيب من البيت ونحن بس نرجع ويك اند وطول الاسبوع محد فحرام ناجر بين على يومين واصلا اخوه باني فله كبيرة وقريب بينتقل المفروض انه ينتقل من زمان لان الفله مخلصه بس هو ما يبي عشان الفله في منطقه جديده ومنعزله عن باجي الفلل وهو ما يبي يعيش برحه في هاي المنطقه
انا ما اعرف كيف اتصرف في حاله اكتشفت انه زوجي رجع لهم او اذا اضطر يرجع لهم لان هالدنيا ما لها امان يمكن الله ياخذ روح اخوه باي لحظه خصوصا ان اخوه صح كبير بس طايش
اخاف يكون زوجي هو المعين لهم انا ما ابي هالشي ليش دايما زوجي ومب اي احد ثاني من اخوانه
انا بالنسبه لي يخوني اهون من انه يرجع لها
اذا عندكم اي اسلئله انا حاضرة
اسم الموضوع : انا ومرت اخو زوجي
|
المصدر : الزوج والزواج