انا وشقاي

[لولو الصغيره]

السلام عليكم والرحمه

احبتي ............ابكتب مشكلتي بشكل سريع واتمنى انكم تعطوني حلول لاني بصراحه تعبت وتعبت وتعبت من زوجي

انا انسانه متزوجه لي 8سنين السنوات الثلاث الاولى كنت عند اهلي بسبب ظروف عملي الى انتم نقلي لبلد زوجي خلال هالفتره انا زوجي كانا معاريس بس يجيني في الاجازات وطلعات وفنادق ومطاعم ..........

بصراحه اقول انا ما عرفنا بعضنا زين ........... لما تم النقل بديت اكتشف اشياء واشياء واعظمها ان زوجي يشرب الخمر والمصيبه اني كنت انا اجهزله الثلج لما يجي صديقه يقولي بيره بس ماكنت اشوف العلبه

المهم اكتشفت انه يشرب شبه اسبوعي صارحته وقال ابتركه وفعلا جلس فتره ورجع مره ثانيه وكنت اعرف انه شارب من الريحه لكن مالاحظ في سلوكه شي اللهم الروقان الزايد .........

طبعا فكرت وفكرت من يساعدني في الموضوع لقيت اكثر شخص يحبه زوجي ويخاف منه هو امه اما ابوه فكان شخص سلبي في البيت يعاني من حاله نفسيه ...... لكن البيت بشكل عام ملتزم دينيا وانا كنت ملتزومه ...

لكن زوجي غير موحريص على الصلاة في المسجد يدخن بشكل خفيف ......... من صفات زوجي الايجابيه انه حنون ......اجتماعي ...ناجح ومبدع في عمله .....بار جدا بوالديه ............شاعر ......... شخصيه قياديه


طبعا زوجي انصدم من شخصيتي اني انسانه جاده جدا في الحياه مو رومانسيه ولا اعرف شي عن الحياة الزوجيه ؟؟؟؟؟؟؟؟؟؟

 

[لولو الصغيره]

اكملكم بعدين لان زوجي عندي

 

[عنقود عنب]

لو لو الصغيرة

في انتظارك اختي

ما نقدر نحكم قبل ان تتمي قصتك

كان الله في عونك اختي

 

[نبراس الخير]

في إنتطارك

 

[فرحات]

في الانتظار...

 

[نسائيات]

جدية في الحياة الزوجيه لماذا يعني انتي في الفراش مع زوجك جديه
نصيحه لك اشتركي في المجله الجنسية في المنتدا
بخصوص زوجك يجب ان تجلسي معه جلسة مصارحه ليترك هذا المنكر ولا يشربه مع صديقه في البيت كيف بيره ؟؟يعني البيره غير عن الخمر صحيح فيه بيره خاليه من الكحول لكن ما يشربه زوجك محرم لعن الله شاربه و............
فكوني حذره من مثل هذه الامور
لا تتهاوني في مثل هذا الامر كوني حازمه وجاده

 

[لولو الصغيره]

اكمل لكم ...................

انا اتكلم لكم عن بداية زواجي السنه الرابعه ,,,,,,,,,,,,,ولما قلت لكم اني انسانه جاده قصدي اني من طلعتي على الدنيا ماعرف اي نوع من التسليه المحرمه مثل زميلاتي في المدرسه يعني ماكنت اجمع صور الفنانين ولا اعترف فيهم ولا كنت اسمع اغاني واتبادل اشرطه مع زميلاتي وكنت اعاني من الغربه في المرحله المتوسطه لكن في الثانوي الحمدلله لقيت صحبه خيره وفي الجامعه احسن واحسن ........الى ان تخرجت وتوظفت وتزوجت .......... كان من اهم شروط عندي في زوج المستقبل انه يكون ملتزم ماكنت افكر بالشهاده او الماده بس ماجاني الي كنت ابيه واخذت زوجي لان سمعته كانت مشالله كلن يمدحه والناس ماعليهم الامن الظاهر.......... طبعا زوجي كان من اهم شروطه في زوجة المستقبل انها تكون ملتزمه ؟؟؟؟؟؟؟؟؟؟؟؟؟؟؟ علما بأنه مقطع السمكه وذيلها ؟؟؟؟؟؟؟ مايحتاج افصل ؟؟؟؟؟؟؟؟

طبعا الان وضعي تحسن من ناحية المعلومات في الحياة الزوجيه لاني صرت اقرا واتثقف واسأل :icon30: :icon30:

المهم اكمل لكم القضيه الكبرى الي تشغل بالي وهي شرب الخمر ...................

لاحظت ان زوجي دايما يحاول يطلعني من البيت (( الزيارات العائليه))))))))) عشان ياخذ راحته في البيت في الشرب واذا رجعت للبيت شميت ريحته عندها فقدت الامل فيه وعلمت امه وامه شخصيه قوووووووويه على عيالها وداني مره عند اختي زي العاده تصرررريف يعني المهم اتصلت على خالتي وقلت صعدي لشقتي وشوفي وش يسوي وهي عندها مفتاح المهم دخلت عليه وشافت الخمر والدخان قدامه انفجرت فيه وزعلت عليه وهو انهار قدامها .........


المهم ترك الخمر وانا زعلت عند اهلي لمدة شهرين ........... المهم رجعت وترك الخمر لمدة اربعة شهور وبعدين صرت اشم الريحه فيه بين شهر وشهر ... رحت ازور اهلي وجلست شهر عندهم

لما رجعت ليتني مارحت لقيته صارت السلفه اسبوعيا كل خميس يطلع مع ربعه للبر اوالبح يوم الخميس ولا يرجع الا الجمعه عشان الريحه تكون راحت ..........

قبل اذا جا رمضان وقف ولكن السنه هذه للاسف يطلع بالسياره يشرب ويروح لصلاة القيام ؟؟؟؟؟؟؟؟؟؟

تناقض رهيب

طبعا انا تعبت من الزعل تعبت من الهواش تعبت من حياة النكد جربت معه الرسايل جربت الكلام الصريح خوفته من العقوبه ولكن احس قلبه مات ....... في رمضان لما يكون شارب ورايح للمسجد اقول له ماتستحي تدخل المسجد وهذه ريحتك يسكت ولا يرد............


طبعا زوجي يحاول ينفذ لي طلباتي يمشيني ويطلعني كل الاسبوع عشان اسكت عن يوم الخميس ...........


دائما انا ادعيله بصوت مسموع امامه ان الله يهديه ويبدله رفقة صالحه خير من هالرفقه ......... يسمع ويسكت .......

ودائما يقول الواحد مادام ماضر احد خلاص مافيهاشي .................
ِِِِِ

الشيء العظيم الي اشك فيه انه يتعاطى الحشيش لاني اشم ريحه جديده فيه و ودائما يشتكي من المصاريف علما باني موظفه ولا عندنا اجار وين تروح فلوسه ؟؟؟؟؟؟؟؟؟؟؟؟ صحيح اني من خذته وهو مديون بس الحين

يبقى من راتبه 6 الاف وانا اصرف على نفسي وشغالتي علي وبعض مصاريف اولادي علي.........


نسيت اقول لكم علاقة زوجي بأمه خربت بعد السالفه وفشلته مره عند اخوانه بهالسلفه علما بانه الكبير ومتحمل مسؤلية اخوانه((((((( من ناحية مشاوير وطلبات ))))) يعني مو من ناحيه ماديه.........

طبعا انا كذبت على ام زوجي وقلتلها انه تركه وخلاص الحمدلله ....رجعت علاقتهم مثل اول وخاصه انه يعتبر لامه الولد والبنت والصديق وكل شىء بالنسبه لها ........


انا احس زوجي ضعف جنسيا مومثل اول ....... انا صرت ماتقبله جنسيا بسبب الريحه ...........


انا لاحظت انا اذا تحنت علاقتي بزوجي مايتعاطى الحشيش طبعا هوشك لكن مالقيت دليل ........

ولكن من يطلع الخميس ويرجع وريحته طالعه اكره ولا اتقبله ويدري هو عن هالشيء وغالبا الحين في العلاقه الجنسيه ارفض التقبيل وهو يتضايق بس غصب عني مااقدر ..........



المهم ........ ابغى طريقه اتعامل مع هالمصيبه عشان مايطيح في شي اعظم .......... بتقولون ناقشيه .........ززززز ناقشته بجميع الطرق مافي فايده ......

عذرا على ركاكة الاسلوب ......... بعدين ابكتب لكم عن شي عظيم حصل له توقعت انه بيكون نقطة تحول ؟؟؟؟؟؟؟؟

 

[عســـــولة]

الله يكون بعونج ياحبيبتى والله مادري شأقول غير ان الله يهديه

 

[اهات مكتومه]

الله يهدي زوجك ............. عليك بسهام الليل

 

[درة الأكوان]

شوفي حبيبتي
أنا سمعت مرة عن واحد كان مدمن خمر وزوجته صورته بكاميرا فيديو وهو سكران عالآخر
ولما كان صاحي قالت له أبي أخليك تشوف فيلم عجيب وجابت الشريط وشاهدته معه وبعدين من شاف نفسه وتصرفاته
مثل المجانين وما متوقع أنه يفعل هذه الأفعال الهبلة.و تااااب توبة صادقة
لو تقدري تصوريه بدون مايحس يمكن هذا يجيب نتيجة بما أن زوجك مثل ما فهمت له وضعه الاجتماعي وبس يعرف كيف نظرة الناس له وهو شارب وسكران يمكن يحسّ على دمه.
جربي ربما ينفع هذا الحل
وادعي الله في كل وقت وكل حين أن يهديه ويصلحه

 

[نسائيات]

اكملي نحن في الانتظار

 

[.-. ذوق .-.]

الله المستعـان !!

أعانـكِ الله عزيزتي ،،
وهوَن عليكِ مصابـكِ .. !!

ربما تفيد معه طريقة " درة الأكوان " !!

لا أدري ..
ولكن فعـلاً مشكلتك تحتاج وان تضعي لها حد ،، فالخوف كل الخوف أن تتطور !​

 

[لولو الصغيره]

اتوقع ان المشكله وضحت لكم وماتحتاج توضيح ..............

لكن قلت لكم ان فيه شيء حصل يوم العيد كنت اتوقع انه يؤثر عليه وهو ..................................

وفاة احد اصدقائه في حادث وكان الخبر مفجع وخاصه ان صديقه مكلمه وقايله تعالي في البحر واتوقع ان جلستهم بتكون على الشرب المهم زوجي اعتذر وراح صديقه لوحده وهو راجع صار له الحادث طبعا زوجي انصدم وكان اول كلمه يقولها بعد تلقيه الخبر ........... الله يستر عليه ............ ثم بدا يدعي له ..............

قلت يمكن تكون فاتحة خير وهدايه له ........... ولكن للاسف ماتغير شيء....:tears: :tears: :tears: :tears: .......ز اسبوع واحد ورجعت مأساة الخميس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا الاحظ جميع القضايا الي تتناقش في المنتدى هي الخيانه ...................... فيه احد يقدر يساعدني في مشكلتي ..........::


دعواتكم ................دعواتكم ................ ان الله يهدي زوجي وازواجكم ............

 

[لولو الصغيره]

الاخت درة الاكوان ................ انا قلت لكم ان زوجي مايشرب عندي ....... يشرب برا وفي سهرة الخميس ........... ولاالاحظ في سلوكه شيء اللهم الريحه فقط ويكون هادي اعصابه ....... فقط

 

[اهات الصمت]

الله يعينج
بلاء الخمر بلاء ما يعلم فيه غير رب العباد

حبيبتي اذا كنتي ناويه تصربين عليه وتستردينه
فعليج بالدعاء له والصلاه وقيام الليل

خليه كل ما رجع البيت يسمع قران مشغل بصوت عالي
خليه دايم يشوفج تقرين قران وتصلين
اتعمدي تحطين امام عينه الايات اللي تتكلم عن شرب الخمر وتحريمه
القصص عن اللي يشربون الخمر ونهايتهم المؤسفه


دايم كلميه عن جهنم
دااااااااااااااااااااااااااااايم خوفيه من جهنم



وقلبي معاج يالغاليه
والله اني ادعي ربي يهديه لج
امييييييييييييين


ادعولها ياخوات
يزاكم الله خير

 

[عنقود عنب]

اختي كثير من الاحيان اذا الزوج شاف من زوجتة اصرار على انه يترك امر ما .. مثل الشيشة او الدخان يعاااااااااااااااااااااند اكثر

اختي .. زوجك رجل كبير فاهم وعارف ان اللي يسوية خطا

و مو كلامك اللي راح يخلية يترك المنكر

انا في راي شوفي طريقة ثانية غير الوعظ والارشاد و انك شغلين قران او انك تصلين وقت ما هو يحضر

انت قولي له . انا هذا المنكر ما يعجبني

لكنك رجل عارف الحلال من الحرام وانت وربك وضميرك

انت خليك اذا شفتية شارب انك ما تخلية يقرب منك .. حسسة بانك مضايقة وقت ما هو يشرب لكن بدون ما تنكدين كثير علية لانه راح يعند اكثر

والله يكون في عونك

 

[ساندريلا]

الله يصبرك..ويعطيك طول البال والاصرار على تغيير هذا الوضع........
ابدأي بنفسك ..خليه يحس ان السعاده في طاعه الله
..وربي عيالك على ها الشيء...
الزمي الاستغفار بنيه ان يترك زوجك هذا المنكر.......والله يهديه

 

[عنقود عنب]

نسيت اقول لك نقطة اختي

اوعي تخلية يدخل المنكر بيتك ...

هنا عاد ثوري ثورة كبيرة .. قولي له... تبغي تسوي المنكر بره ...انت حر مع ربي وربك

لكن داخل البيت انا مستحيل ارضى لك .. وهددية

بانك مثلا تتركين له البيبت وتروحين بيت اهلك .. او اي شي من هذا القبيل

وربي يهدي لك زوجك ويصلحة

 

[لولو الصغيره]

اشكر من تجاوب معي في مشكلتي ......... ولكن مازلت انتظر من يساعدني في وضع خطه عمليه ........ حتى اساعد زوجي على ترك المنكر

 

[لولو الصغيره]

ياليت ترد الاستاذه .........ناعمه ............. على مشكلتي ؟؟؟؟؟؟؟؟؟؟؟؟؟؟؟؟