انا وزوجي وحفاظات بنتي

الحالة
مغلق و غير مفتوح للمزيد من الردود.
اسمحيلي اختي يوم انفعلت عليج من ساعه

خلي ريلج لين ما تهدى حاله بنتج شوي و هو يهدى و بعدين قوليله انج كنتي غلطانه من ناحيه المناديل و انج ما كنتي تعرفين بس انتي الحين قريتي عن كيفيه الاهتمام بالبيبي و بتقريت اكثر بس من ناحيه الحفاظ فهميه كيف بنت بهالكبر اتم من دون حفاظ قوليله مش سنها انها اتم من دونه.. بتعلمينها يوم تكبر شوي



كل ما بينتيله انج قاريه و فاهمه و ساءله بيبطل اسئله و نغزات هذا حال الرياييل حتى لو كنتي دكتوره اطفال بيغلطج بس انتي كوني مستعده للاجابه
بس تكونين صدق قاريه خخخخخخخخخخخ مب يكتشف بعدين
 
ريم لبنان قال:
حبيبتي استعملي كريم داكتارين
وكمان كل ما بديك تغيري للبنت الحفاظ غسليلا بالمي وما بقى تستعملي المناديل المعطرة لأنو هي السبب
أنقر للتوسيع...
فعلا بنتك فيها التهاب فطري وماينفع معه الا كريم daktarin انا صار لبنتي كذا ومانفع معها شي وكانت تقوم من النوم وهي تصيح ولا اصارت تاكل وكنت متنكده بس الحمدلله
وكنت اخلطه مع طبقه كثيفه من فازلين
 
شكرا
اختي غزال
بس مدري وشلون بيقتنع بسالفة الحفاظ بيرجع وبيقولي امي ماكانت تسوي لنا حفاظ وبيقول ان الدكتور قال لاتلبسيها الا اذا طلعت وهوقصده بس فتره العلاج وزوجي فهم غلط يحسب انه يقصد دايم وقلت له ولاصدقني
 
شكر سنديان
عطاني الدكتور مرهم fucidin
ومرهمdiaper rash‏ بالمساء
بجربهم
 
مرحبا عزيزتي

اولا عن بنتك
نصيحه انك تغسليها بالماي الدافي وخاصه ان الجو بارد احين ، اذا ما تحبين تاخذينها للحمام عزكم الله جيبي لها ماي دافي وبالقطن صبي ومسحي عليها في مكانها لانها لسه صغيره وممكن تستلقي على الارض ، ونشفيها زييييييييييين حتى لو تخلينها مستلقيه وعليها الفوطه لا اييها برد ، طبعا ما تمشي يمكن تتحرك شوي او تزحف او يمكن تحبي ، انتبهي لها ، وبعد ما تنشف تمام ويطقها الهوا وينتعش جسمها ، دهني كريم مناسب لها ، اذا عطاج الدكتور شي استخدميه ، وسودو كريم من خلال تجربه ممتاز ماتحطينه والجلد مرطب لااااااااا غلط ، خليه ينشف تماما بعدين مسحي ولو تحطين كميه ثقيله يكون احسن

ان كنتي خايفه من زوجج لفي البنت بفوطه خفيفه عشان لو توصخ عزكم الله يكون في الفوطه مو في ملابسها او الارض!!!! وتعبين حالك
هذي البنت وخلصنا من النصايح لها ربي يشافيها ويحفظها لكم ان شاء الله

زوجك ، طبعا هو ماشاف غير امه واذا كان عنده خوات ،يعني بقارنج بأهله شو كانو يسوون! وعنده يمكن كل ما يسوونه صحيح ، في وحده من البنات قالت لج اقري ، وترا في كتاب اسمه الفراشه ممتاز اذا تحبين تقرينه او تدخلين مواقع خاصه للطفل وصحة الطفل وتربية الطفل ، وخل يعرف زوجج انج مثقفه وتحبين تطلعين وتسألين ناس ذوي خبره 0

والافضل انج تقولين له من كثر ما قريت اكتشفت ان بعد ما تعدي هالفتره يجب تغيير نوعية الحفاظ ، عشان ترجعين لاستخدام الحفاظ ، وبعد مثل ما قالت لج وحده ثانيه من البنات ، لبسي بنتج وقت ما يكون موجود وانتي مشغوله جدا ، وشيليه وقت ايي :) يعني اش بتسوين!!!

وتناقشي معاه بهدوء وعقلانيه وفي وقت يكون رايق ، بحوار حلو هادي ، وتمدحينه طبعا وديه فووووووووووووووووووووق ، وقولي له ياليت تناقشني وتفهمني شوي ،واذا ما عاجبك شي فيني يكون بيني وبينك وانصحني ، حلو نتعلم من بعض 0000 الخ

بالتوفيق عزيزتي و الله يسخر لج زوجج ويهديه
 
عزييييييييييييييييزتي
انا قريت اسماء الكريمات الي عطاج اياهم الدكتور
المفروض انج تستخدمين واحد منهم مب اثنينهم مع بعض!!!!!!!!!!!
لان الي اعرفه انه فيسيدين بروحه قوي!!!
سألي صيدلاني خبيييييييير وكيف تستخدمين الكريم الي عطاج اياه الدكتور!!
لان المفروض يعطيج واحد وتجربينه ، مانفع ، في المره اليايه يعطيج الثاني!!!
هو ليش ماعطج اثنين!!!
انتبهي لبنتج عزيزتي
 
شوف يا اختي
مشكلتج عباره عن مشكلتين
مشكلت بنتج وطفح الحفاظ كووووووووووووم.. ومشكلة زوجج وياج كوووووووووووووم
طفح الحفاظ يتعالج بوايد طريق والخوات ماقصرو واقترحو عليج..بالنسبالي انا الفازلين مثل السحر لعلاج طفح الحفاظ بس مشكلته يترك بقع غامقه بعد مايطيب الجرح,

اما زوجج.. شكله نفسه ظيق وبسرعه يعصب.. قوليله هدي هدي بلا عصبيه بعدك شباب وماعندنا غير ياهل واحد..اذا صاروو خمسه شو بتسوي,, وماكان له داعي يتشكا عند الدكتور .. على العموم كلشي بالتفاهم ينحل
 
السلام عليكم
ياغالية لاتزعلي نفسك اغلب الرجال كذا ولاتزعلي من صراخه عليك فالحياة مليئة بالمشاكل
لارحتوا مراجعة للدكتور اسأليه استمر على الحفائظ أو لا وهو يقتنع
أنا استخدم لأطفالي ماء مع صابون ديتول
وانشف حتى يجف وإذا فيه تسلخات اضع نشا مخلوط بالزيت الزيتون
والمناديل عند الخروج في التمشيات فقط
لك حبي
 
الله يعينك على زوجك ويصبرك زوجي نفس الشخصية مايبغى يسمع غير انشاالله وطيب
مافي مجال للمناقشة والأخذ والعطا (هذا طبع):dunno:
وبتك استخدميلها سودو اوفازلين والله يشفيها.
 
افضل علاج للاتهاب الحفائظ بسيط وسعره رخيص خذي نشا الذرة رشيه على الالتهاب وعبي الحفاظ بعد كل غيار وشوفي النتيجة وادعيلي . لان النشا يعمل طبقة عازلة على الالتهاب
 
مشكورين عالردود الحلوه
ام حمدان الكريمين قال واحد بالصباح مره واحد بالمسا مره
دكتور جلديه
بس يابنات زوجي مايكلمني كاني انا الي غلطت عليه شسوي اطنشه ؟
 
حبيبتي ماركة بامبرز جدا سيئة.. فيها مواد عطرية تضر بشرة الأطفال.. جربي ماركة ثانية.. هجيز مثلا حلوة ومافيها ريحة..

وبالنسبة للمناديل.. لا تستخدمينها أبدا.. ضارة جدا.. خليها للاستخدام الاضراري.. ولا تستخدمين ماركة بامبرز.. استخدمي مناديل زيتية أفضل.. (أنا أستخدم ماركة سيبا ميد)

وفي هالأمور خلي لك طبيبة أطفال شاطرة تهتم بهالأمور.. واستشيريها.. وخلي زوجك يعرف بهالشي.. لأنه كشرقي بيهتم بالراي الطبي..

وأخيرا غاليتي بالنسبة للكيناكومب! هالكريم مب للأطفال انتبهي منه! حتى لو يكتبونه لهم.. يضرهم حرام.. وايد قوي.. فيه نسبة عاااااااالية من الكورتيزون اللي يضعف الجلد وممكن يأثر لها على المنطقة في المستقبل.. وممكن تتعب خصوصا وقت الولادة وتصير منطقتها سريعة العطب..

هالكريم كتبته مرة دكتورة لأختي وقالت لها حطي نقطة صغيييييييرة.. فما بالج بنت صغيرة..

نفس الماركة لها كريم خاص للأطفال اسألي عنه.. مكتوب عليه بالأخضر.. baby ointment.. ولا تكثرين لها من الكريمات.. إذا شفتي احمرار حطي لها زيت زيتون أو زيت نارجيل.. وإذا ما فادها حطي لها كريم..

سبب الالتهابات أكيد الحفاظات الرديئة وكثرة استخدام المناديل.. وفي نقطة مهمة.. حتى يوم تقضي حاجتها الصغيرة غيريلها.. كثرة بقاء البول على جلدها يسبب تهيجه..

هذه الطفلة الأولى.. وطبيعي ما بتعرفين كل شي.. لكن اسألي الدكاترة والبنات اللي عندهم أكثر من طفل.. لكن سنهم مقارب لسنج.. :)

ربي يوفقج ويقر عينج بها..

وبالنسبة لزوجج.. الصبر والنقاش وقت ما يكون هادي ويضحك..

أما الحين وهو زعلان مافي داعي تتكلمين معاه عن الموضوع..

وبيني وبينج حبيبتي.. لا تخلين الرجال يتدخلون في هالأمور.. قولي بروح عيادة الأطفال وخلاص.. أو أعطيه رؤوس أقلام.. مب لازم يعرف الموضوع كله..

هذا رايي وربي يوفقج.. :)
 
التعديل الأخير:
اذا على بنتج سوي مثل ما قالوا لج الخوات ..
اما زوجج اسكتي عنه .. واللي يقوله لج قولي انشالله ولا تحاججين عشان تسكتينه .. و لاتسوين الا اللي تبينه و يريحج .. وافتكي من الحنه..
 
لاتسوينها قضية زوجك زعلان لان بنته مريضه

بالنسبة للحاله هذي تصيرعند كل الاطفال غسليلها بالمويه افضل

ولاتعاندينه لان مافي قصة كبيرة

والله يشفي بنتك
 
حبيبتي أولا " امتنعي منعا نهائيا عن استخدام المناديل ابدا ...وقت تغيير الحفاظ غسليها بما جاري في حوض الحمام واذا خف الالتهاب غسليها بصابون اطفال وبعدين نشفيها بالفوطه تمام ومن ثم السر الخطييييييييييييييييييييييييير ادهني المكان كامل بالفازلين حق الاطفال طبقة لا باس فيها ..عقب لبسيها البامبرز عادي ...هذا دائما في كل تغيير حفاض تسوينه بنتي عمره سنتين وعمرها ما جاها التهاب ..من عمرها ايام استخدم النظام هذا .. بس
ادعي لي ان الله يسخر لي زوجي ..
ام احلى بنت قال:
مساء الخير
رح اقولكم مشكلتي مع زوجي
صار لبنتي الي عمرها سبع شهور التهاب بسبب ا لحفاظ من قبل العيد بس شي خفيف وكنت استعمل له كينا كومب ولانفع زاد اللتهاب اليومين الي راحو نفغ المكان وادمى المهم زوجي له يومين متغير علي بدون سبب
سألته قال متضايق المهم هوقالي لاعاد تلبسينها بامبرز طول اليوم قلت اوكي ولا لبستها الاوحده قبل مايجي وصار اليوم الثاني الصباح ورحنا نطعمها بمركز صحي بعدها قلت ودنا المستشفى قال موضروري بيروح من نفسه بجيب لها من الصيدليه قلت حرام عليك البنت طول الليل مانامت كل شوي تصيح ليه انت اول ماتمرض تروح طوالي المستشفى هذي ماتتحمل المهم قالي انت مثل امي (امه اي شي بسيط علطول تقول ابي المستشفى)قلت له ايه بس بنتي له من قبل العيد عندها التهاب وقام يقول انا بس وراكي انت وبنتك فوق هذا ماحد يقدر
يلله ساعه لماودانا المستشفى المهم رحنا عند دكتور جلديه قال لاعاد تلبسينها بامبرز وزوجي يتشكوى مني يقول له تراهأ ماتفك البامبرز من عليها بعدين قال الدكتور هألفتره غسليها بمويه قاله زوجي تراها ماتسوي كذا دايم تنظفها بمناديل الأطفال المهم خرجنا من عنده واحنا بالسياره قالي لاعاد تلبسيها حفاظ الا اذا بتطلع بس قلت اوكي مارح البسها هالفتره لماتشفى قال مو هالفتره بس دايم قلت الدكتور قصده بس هالفتره قام يصارخ علي ويقول لا دايم لاتعاندين واذا كسرتي كلامي بوديك عند اهلك وانت فاشله والمره العاقله تسأل الناس قلت له سألت امي
يابنات انا مره متضايق من تصرفه ليش مايحترمني عجزت معه جربت كل الأساليب مافي شي نفع حتى مناديل الأطفال يقول غسلي لاتسوين فيها راقيه
يبغاني اسوي لها مثل امه ايام زمان كيف كانت تسوي له الرجال قديم ولسانه مايرحم دايم انتقادات وهوشمالي شرقي واناشرقيه جنوبيه
أنقر للتوسيع...
 
اسمعي من ناحية زوجك الرجال لولى طولت البال كان البيوت انخرابت.. مره... وابي انصحك لوجه الله...خذي كل شي بلهداوه....ولاتعاندي الرجال ودبري بنتك؟؟ حطي لها زيت زيتون وتنازلي
دمتي بخير
 
فيه مناديل زيت بالصيدليه مريحه مو مناديل معطره ولا تسبب حساسيه وترى الرجال كلهم كذا لا تتحسسين من زوجك
 
كلاااااااااااام الاخوات كله سلييييييييييم
لاتستعملين المناديل ابدا الا اذا كنتي بمكان لايتواجد فيه الماء
انا عن نفسي بنتي ولله الحمد عمرها ماجاها التهابات لأني دايم اغسلها بالمويه حتى يوم كنت مسافره حريصه على استعمال المويه باأغلب الاوقات عشان مايضر بنتي شي


زوجك دايم خليه يعرف انك فاهمه كل شي عن بنتك .. حتى لو مو عارفه شي .. سوي نفسك عارفه وأسألي من وراه .. لان الرجال يحب زوجته فاهمه وملمه بكل شي خاصه بأطفالها ..
ولايهمك كلامه ( لاتلبس حفايض ابد ) هذا تهديد لك بس
والا لايمكن تصير.. وصعببببه تصير
اصبري شوي وراح تعدي ​
 
الشمالي الشرقي


اذا تكلم ونصح حتى لو رفع صوته مو قصده يهينك او ينقص منك

بس اسلوبه بهالطريقه ودايم يحب المجرب وخاصة من امه لانها مرجعه بامور الحياة من ناحية الامور العائليه والاطفال


لاتتضايقي ردي بنفس الوقت باسلوب هادي وبيني وجهة نظرك سواء اعجبته ولا لا

المهم يعرف انو انتي لك وجهة نظر ورأي


موفقه
 
الحالة
مغلق و غير مفتوح للمزيد من الردود.
عودة
أعلى أسفل