انا وزوجي وحالتنا الماديه

م

مستواي راقي

New member
إنضم
2010/06/23
المشاركات
9
:32:

اهليين وسهليين

كيفكم بنات

والله انكم بهالمنتدى ترفعون الراااس .. الله يوووفق اللي قاموا عليه وتعبوا عليه ...


بنات انا ابي اخذ راايكم بشغله هااده حيلي ونغصه علي عيشتيي:30:

انا متزووجه لي سنه و8 شهووور >>والحمدلله حياتي حلوه وهااديه ربي يتممها علينا

زوجيرجال مستقيم ووطيب ومافي منه الله يحفظه بس فيه شي وااحد ((ماعنده فلوووس)

بنات كل ماطلبت شي منه قال ماعندي والله حتى 10 ريال يقوول ماعندي>>وهذا شي صحيح فعلا ماعنده

تخيلوا معي بنات ووبدون مبالغه والله يمر الاسبووع كامل مامعنى ولا خمسه ريال

يشتغل بشركه وراتبه 2000 ريال فقط ماعنده سياره تخيلوا الراتب اذا طلع المغرب مخلص الرااتب

تقولون لي ليش كله يروح تسديد

زووجيع نده قرض بالبنك وياخذون الراتب كله

والله ان حياتي حلووه يس هالمشكله منغصه علي

بنات ضليمته شينه اذا طلبت يعطيني بس متى بعد طلبي باسبووع يروح يدبر لي منا ولا منا ...

والله انقهر احيانا مليت اقوول له كمل دراااستك عشان شهادة الجامعه تنفعك اقوووله افتح لك مشروع صغير تستفيده منه بس مو راضي يسمع مني

اقول له طوور نفسك دور لكووظيفه احسن من هاذي اللي تعب ومكرووف كررف وراتبه كم 2000 ريال والله ماتسووي شي

صرت انا اللي اكد على نفسي والله اتعب انا ماعندي دخل احياننا انا اللي اصرف على البيت

بيتنا نص الثاثه مني انا تعبت كثير

الحين احتاااج ملابس كثييييييييييير احتاج اغراض خاصه احتاج كريمات احتاج اشياء كثيره لي شهر اقول له يقول ماعندي من وين تبين اجيب لك ..

بنات موب انتم تقوولون ان الرجل يقدر يسووي كل شي يقدر يدبر انا اذا قلت له انت رجااال انت اللي تكد على وتصررف علي يقول تبن اسرق لك من وين لي انا

انا خايفه بعدين لما يصير عندنا اولاد وش بتصير حيااتنا

بنات وش اسووي معاه انا ابغى فلوووس صدقوني انا مو طماعه بس محتاجه عندي ديووون

من كثر ما اخذ من اهلي ابغى ملابس احتاج كل شي

احيانا انحرم اطلع مع صديقاتي السووق عشان مامعي جواللي له سنه مقطوع ماسدده لي اشحن لا بعد كل اسبوع ةتقضي بيوم

صدقووني انا تعبااانه واايد من هالشغله

احيانا اعذره واحيانا اقوول لا لاني اشووف اذا احتاج شي يقدر يدبر له المبلغ بس انا لا



احيانا ياخذ مني ... هو يطلب مني بعدين استحي ارده

والله مقهووووووووووورره بنات وش اسوووي

تكفون ردوا علي ...






 
طولي بالك يا اختي

خذوهم فقراء ...يغنيكم الله

اكيد تحتاجين اشياء ...ولكن ايضا في اولويات

شوفي الاهم ...وبعدين اذا توفرت لكم فلوس ...سوي الاشياء الثانوية

الحياة هذه الايام غالية نار ...حتى اللي راتبة عشرة آلاف ريال..والله ما يجي اخر الشهر الا الراتب طاير

انت حاولي تلاقي لك شغلة ..حتى لو في البيت..مثلا ...اعملي محاشي وبيعيها على اهلك وربعك...او حلويات ..

او اذا كنت تعرفي خياطة ...خيطي بعض الاشياء البسيطة وبيعيها

يعني انت بعد دبري لك شغلة تحصلي من وراها ملبغ بسيط تساعدين فيها زوجك

اهم شي يا اختي...لا تحملي هذه الفترة ....الى ان تستقر اموركم المادية

صحيح ..قلنا الرجال هو المسؤول عن زوجته...ولكن ايضا الزوجة لازم تقدر ظروف زوجها

ولا تنسي الدعاء والاستغفار ...لكي يسهل الله اموركم

وربي يسعدكم
 
حبيبتي انتي تقولين راتبه الفين من وين يجيب؟؟ اصبري عليه ولاتضغطين عليه اكثر من ماهو مضغوط حرام مفروض تخففين عليه وتصبرين والله كريم وانتي حاولي تشتغلين اي شغله تساعدينه واذا عندج مثلا فلوس تستثمرينه في اي شي اسهم والخ حاولي تساعدنيه لاتعبينه وفي اشيا ممكن تاجلينها اذا مو ضروريه عشان تشترينها كفايه انكم مرتاحين والحمدلله وايش الفايده يغرقج فلووس وكله مشاكل ونكد وهم وغم احمدي ربج واصبري عليه وان شاالله تهووون
 
حبيبتي الحياة صعبه هالايام كل شي غالي والله يبيله صبر احنا طالعين منى بيوت اهلنا واحنا ما حسبنا لهالشي نحسب انا بنعيش افضل يالله الحمدلله على نعمة الصحة والفراع والامان
وقول هالدعاء وبإذن الله بتنفتح في وجهكم
اللهم اكفتنا بحلالك عن حرامك وبفضلك عن من سواك
 
عنقوود عنب

يعطيك ربي الف عافيه

صدقيني انا ما اطلب كثير وما ابيه يغرقني فلووس

بس فهميني

انا احتاج اشياء ضروريه
احتاج ملابس احتاج احذيه احتاج ااشياء مثل هيك

صدقيني انا مقدره وضعه بس احيانا لا ابغى مثلا تبين احرم نفسي من طلعه اووناسه او جمعة بنات عشان 20 او 30 او 50 ريال لا مستحيل يعني انا ابي شي على قدي مابي شي يغرقني

ربي يووفقك ويسعدك وين ماكنتي
 
وربي انا نفس الحاااااله مع انه رااااتبه ما شاءالله حلووووو بس وربي كلها طااايره في الديوووون الله يعين
 
طيب حاولي تخلينه يغير شغله اذا حصل وظيفه احسن من كذا بس انتي بعد ساعديه شوي
 
أختي الغالية .. حاولي أن زوجك يحسن من وضعه بس من غيييييير ضغط حاولي يدور أي شغله ولو كانت بسيطة
شوفي أنت هو وش اهتماماته وش موهوب فيه وحاولي تشجعينه .. أعرف واحد إذا راح مكة جاب معه كم جيك موية زمزم ويبيعها في مدينته.. أو أنت سوي شغلات بسيطة مثل أطواق وربطات وبعض الشغلات اليدوية اللي البنات يحبونها .. وإذا أنت تحبين الكتابة اكتبي بحوث .. والله ييسر أمرك.
 
الأخت العزيزة مستواي راقي,,
اذا بقيتي على نفس طريقتك معاه بعد سنة بتسمين نفسك
(كان مستواي راقي)
أقولك هذا الكلام من واقع تجربة شخصية
أحبه وطيب وشاب ولطيف ورجال لكن مامعه شي
واذا قلت له يقول أطق السماء؟
بس أنا شايفه انه رجال والمراجل قدامه كثيره
أنا بدايتي مثلك
والآن لي 6 سنولت مع طفلين وحامل
أصرف على الجميع موظفة ومديونة ومعي ضغط
وباقي السكر
هو أكبر مني لكن أنا عجزت قبله..والسبب:
عمره ماحس في بيتي بالجوع
عمري ماقلت له دبرنا أنت رجال البيت
عمره ماقال دبريلي ورفضت
حتى انه من زود الجرأة يقول خذي من أهلك أوزميلاتك
حبيبتي مستواي راقي صدقيني زوجك راقي لأنه اختار وحدة مثلك
ونصيحتي لك لا تخسرينه بسبب عدم حكمتك.
أدري صعب عليك خوض التحدي في البداية خوف من الخسارة
وخوف من الطلاق
ومن شماتة الناس
لكن صدقيني هذي كلها أوهام..
غيري أسلوبك معاه وحسسيه انه هو عمود البيت وانتي أحد أركانه
صمت, طيبه،تجمل،اذا طلب شي مامعي،منين اجيب؟
بين فتره وفتره عطني فلوس. دبرني. أنامقدرآخذ من أهلي
إذا بيصرفون علي رجعني لهم(وهذي الطامة)
راح يتجنن, وماراح يقدر على كذا.
أما إذاماهمه كلامك فهذا أفضل لكرامتك
أنا ماقول خربي بيتك لكن أقول حافظي على ماتبقى من كرامتك
وهذا اللي استفدته من هالمنتدى الغالي.
وبدأت بتطبيقه.
والحمد لله تحسنت أمورنا وما زلنا في البداية
لكن إذا لم تحسني التصرف سيأتي أيام مرة: لن تستطيعي شراء مايليق بك.
ستكونين أقل النساء أناقة وحضور
ستفوتين الكثير من المناسبات
ستعجزين عن تقديم الهدايا والزيارات والعزايم والواجبال تلاجتماعية لأقرب الأقربين
بعد ذلك ستصابين بأمراض عضوية كالقولون والضغط والسكر ....إلخ
أعذريني للإطالةولكن لا تنسين التنمية الذاتية إذا كنتي ضعيفة الشخصية
لأنك ماراح تقدرين على مواجهة التحدي.
أنا بما اني مشغولة وشخصيتي كانت ضعيفة أخذت سنة أثقف نفسي في مجال التنمية الذاتية
والسنة هذي بدأت معركتي مع زوجي بعد ماتمكنت من ذاتي
والحمد لله اتضح انه ليس سئ ولا يمكنه الاستغناء عني
واذاحبيتي اسأليني عن الكتب اللي قرأتها
دمتي بود
 
يصاحب الهم إن الهم منفرج
أبشر بخير فإن الفارج الله

الصبر ياختي
يعني راتبه قليل
من وين بغيه يجيب لك
الفلووس مو كل شيء يااما نااس عنده ملايين ومو سعيدي
يعني تبغيه يسرق ولا يحمل نفسه دووين
ويكون شايل هم تسديده
القناعة كنز لا يفنا
أقنع بما قسم الله لك تعش أسعد اللناس
أهم شيء متفاهمين متحابين متالفين
مستوورين ياربي لك الحمد

موفقه
 
أنتي الان داخله النت من وين ؟؟

دام عندك نت استفيدي من النت او اذا تعرفين مهنه معينه اعمليها وتكسبي منها مثل الاعمال الفنية او الخياطة او اشتري شي بالجملة وبيعيه ع قريباتك اسالي قريباتك وش يبغون وفريه لهم بنسبة معينه

بتقولين من وين راس المال انا معك لكن لا جزمتي ع الشي خذي دين من اقرب وحده لك وتكون عارفه ظروفك وتقولك من عسرك ليسرك الدين متى ما ربي اكرمك ومن عليك رجعي الدين ومن ذا المال كوني لك تجارة بسيطة منها تكسبين وتساعدين زوجك وتوقفين معه واهم حاجة الصدقة لو تربحين 10 ريال تصدقي بريال​
 
راتب زوجي الف وثلاث ميه

ولااشوف شي منه
الحمدلله على كل حال
لابيت لااغراض كل شي محتاجينه
حتى ملابس ماعندي
كل لبسي قمصان عاديه
مااطلع الا لبيت اهلي بس
او خواتي علشان اللبس
اصبري اصبري ثم اصبري ثم اصبري
اهم شي العافيه
دايم لاجلست افكر يضيق صدري
بس الواحد وش يسوي

الله يرزقنا والمسلمين اجمعين
 
خليه يدوره شفل 2 مع شغله هو بهده ومن احد راس المال

وحطيلك ميزانيه يعني اكتبي مصاريفك وحاولي تطبقين الميزانيه على قد حاجتكم الضروريه

والحمدلله انه رجال بمعنى الكلمه والله بهالزمن ماتلاقين رجل للاسف وش فايده الفلوس بدون مرجله


وتصدقي بجزء لو بسيط ترا الصدقه تبارك بالمال

ويارب يعين الجميع​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل