السلام عليكم
حبيبتي
طولي بالج واستهدي بالرحمن
انتي من نفسج قلتي انه مو راعي خرابيط وبنات وسوالف من هذي ,,, يعني المشكله بإذن الله اسهل
اول شي لاتعانديه وترادديه لانه بيعاند اكثر ويصر على موقفه
والرجال مايحب هااسلوب
استغلي الاوقات اللي رايق فيها وتكلمي معاه قوليله انج تملين من القعده بروحج وتبين تروحين زيارات
طبعا مفيه شي راح يتغير بين ليله وضحاها بس كثر الطق يلين الحدي
يعني كل فتره وفتره زني بس باسلووووووووووووب
واذا علىالعصبيه 90 بالمية من الحريم يشتكون من هالشي في ازواجهم
لان الرجال اغلبهم جذي ,, راضعين العصبية مع حليب امهم ^_^
مدري على شو يهاوشج ؟؟
على البيت والنظافه والترتيب ؟؟ وا على الكلام والتعامل ؟؟ ولا على شو بالضبط
انتي شوفي شو اللي يخليه يعصب واتحاشيه قدر الامكان
واذا زودها عاد ازعلي ماراح اقول لج بردي اعصابج بروود تام لانج بشر ولج طاقه وادري الرياييل مرات يزودونها
بس ازعلي وانحاشي ماتقعدين معاه مو تزعلين وتهاوشينه ,, لانه جذي راح يعاند
بس لو زعلتي بتمسكن وبعدتي وشفتي لج شغله تشتغلينها راح يحس بالذنب لانه زعلج
وخاصة لو اشتغلتي شغله له ,, يعني خيطتي له قميص ولا سويتي له شي بس انتي زعلانه وماتكلميه
فهمتي عليه ؟
ومشكله اذا البنت صارت تخاف من ابوها وتحب طلعته والله
الله يهديه ,, ماعندي فكره عن طريقة تخليه يتقرب من بنته
بالنسبه للمصروف ,,, اهو شايف ان اهلج يصرفون ومتطمن علشان جذي مو متحمل المسؤوليه
يعني فيه بديل
لكن لو يوقفون صرف وتقولين له ان هم مو ملزومين وانج تنحرجين منهم يصرفون علج واهو ريال البيت موجود الله يحفظه ويخليه لكم ^_^
يعني قولي له بأسلوب ينفخه ويحسسه انه هو راعي البيت ومجبور يصرف عليكم
واذا عاد ما اقتنع جيبيله فتاوي واحاديث لان هو مون واجبه يصرف عليكم وشدي بالموضوع شوي
هذا اللي عندي حاليأ ,,, والله يسهل امورج
اتعوذي من ابليس ولاتفكري بابغض الحلال اللي هو الطلاق
واذا السالفة اللي متعبتك اكثر شي الزيارات والطلعات صدقيني ماتستاهل .. زوجج وبيتج اهم
صح الزيارات تغيير جو بس ماتخسرين ريلج علشان شي اقل قيمه
واذا مليييتي ووصلتي حدج وهو مو راضي يخليج تطلعين
سوي الزيارات عندج بالبيت لووول << كيدهن عظيم
كلمي صاحباتج وقريباتج يجوا عندج وسووا جمعات وقعدات
وطولي بالد الدنيا ماتسوى
:
:
اللهم اصلح حالهم واجعل بيتهم مبنياً على الحب والرحمة والموده والسكن واجعل زوجها خير رفيق لها في الدنيا وسخره لها وسخرها له آآآمين يارب العالمين
