انا وزوجي مانكلم بعض من شهر ونص

ت

تناهيد عاطلة

New member
إنضم
2009/06/09
المشاركات
208
السلام عليكم ..

بنات انا سبق اني نزلت لكم موضوعي عن مشكلتي مع زوجي .. في هذا الرابط ..


http://www.niswh.com/vb/showthread.php?p=6469109#post6469109

بصراحه قبل انزل الموضوع كنت كثييييييير احافظ على كلامي معاه بس لمن قريت الردود اثرت فيني صراحه مادري يمكن لاني نزلت الموضوع وكنت منتظره نصايح لكيف اعامله وانسيه كنت ابي احد يجاريني بالكلام زي اللي تقولو ابي اطمن نفسي وبس لان نفسي مرره مرتبكه وخايفه ولمن نزلت الموضوع الاخوات اثبتو خووفي زياده عدا قله من الردود اللي نصحتني استمر بزواجي ..!

انا تناقشت معاه كثيير وبانت غيرتي كثييييييير قدامه وبصراحه انبسط اني اغار عليه واحيانا احسه صار يتعمد يخليني اغـار بعدين يجلس يضحك بس انا صرت دااايم ادقه بالكلام وانا اذا زعلت ماحاسب على كلامي اعطي على ثقيييييل .. كثير اوقات بينت له اني اخطيت في حبي له وانو هوه يعرف بنات وانو هوه يكلم بنات وهو كان يقول يابنت كل الشباب يمرو في النزوه هذي وتريها فترة وعادي ..

ودايم يتحمل ويسكت ويحاول يراضيني بس علمته اني نزلت موضوع عنه في منتدى بلقيس وطبعا هوه مايعرف نكي طلبني الرابط وطبعا ماعطيته سالني ايش قالولك ايش نصحوك قلت اغلبهم نصحوني ابعد عنك ... قال لي ترى احنا لسه ع البر اذا تبغي تبعدي عني مااجبرك علي .. انا سكت مارديت عليه انا مااصبر عنه ولا هوو اغلب الوقت مع بعض ياجوال يامسن

بس اوقات ينشغل عني كثييييييير وصرت اشك فيه .. اجيبها بمزح

بس زاد بيننا الدق بالكلاام بس جاء يوم جلست ادق فيه بالكلام وهو يصرف السالفه وانا خلاص مقهوووره منه وهو يقول ابي بوسه وحشتيني احبك ومن هالكلام وانا كنت مره مقهوره لان كان في مشكله بيننا بس نسيت ايش هيه بعدين قال لي ساعه اقول احبك ووحشتيني وابي بوسه اذا جبت لك كلام حلو لسانك ياكله القط بس في التجريح مافي اطول منه .. روحي قولي لناعمه الهاشمي انا مااعرف احب ..!! قلت له بس انا ااعرف احب قال لي قوليلها انك تعرفي بس ماتعرفي تتكلمي بالحب ولاافعااااال للاسف سكت انا وقلت انا بروح اصلي قال باااي طبعا هذا بالمسن :(

جلست بعدها يومين تقريبا لا هو يتصل ولا بس كنت دايم استناه بالمسن ارسلت له بالمسن اغنية اهداء .. وبعدها مرضت سخونه ارسلت له انو انا مسخنه وحرارتي مره مرتفعه وتعبانه ولارد علي ولا عبرني ..!!!

الحين لنا تقريبا شهر ونص مرررررررره مانكلم بعض بأي طريقة من الطررق ..

انا مابي اكلمه لاني ابي فترة للتفكير .. وهو مادري ايش فيه ..!!

انا بديت اتأقلم ع فكرة غيابه على اني ماكنت اصبرر عنه اوول وكثيييييير يوحشني واشتاق له بس الحين بعد الشهر والنصف اعتقد اني قادره بكل سهوله افاتح اهلي اني ماعاد ابيه يمكن يكون صعب فترة الطلاق بس ماعتقد راح اتضايق زي لو اننا ماتركنا بعض لنا شهر ونصف ..


كثير اوقات بالمسن يحاول ينرفزني بس بالتوبيكات مايحكي معي ولا انا احكي بس يختار توبيكات ترفع ضغطي كلها دق فيني

وحتى البنت اللي كان يحبها من قبيله ثانيه فلنفرض اسم قبيلتها الجامحيه << اسم من راسي ÷‘

لقيته حاط توبيك ياجعل الصبايا فدوة للجامحيه ...!!!!!!!!! وهيه انتحرت بس كذا عشان يقهرني ..

بس صفطته ارسل لي ايميل انو اللي بيننا حب كذاب ومدري ايش ماعبرته ع طول مسحت رسالته ولارديت عليها بحرف .

ادري طولتهااا وهي قصيره بس وش رايكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اكلم اهلي او اكلمه واقوله وش ترسينا عليه ؟؟؟

ماادري وش اسوي ؟؟؟ ابي شوووركم
 
الله يعينك اختي احنا نحبهم من كل قلوبنا ونفكر فيهم وهم يلعبوا علينا لا ويلعبوا على الحبلين
الي ماعندة خوف من الله الحرام عنده ألذ وأفضل من الحلال
 
احس زوجك مراهق ولا يعني سوالفه مافيها ولاشي يحسسني انه يحبك

وشهر ونص ولا اكلمك ويستفزك بعد بالكلام ماادري صراحه موضوعه غريب

انا من رايي تستخيرين وبعدها تقررين ولو انا منك اسوي له بلوك ولااخليه يعرف عني اي شي صراحه شهر ونص مو بسيطه اشوف راح يتحرك او لا

الله يعينك
 
حبيبتي ليش تنبشين في الماضي وتجيبين لنفسك مشاكل انتي في غنى عنها هو صح غلط لما اعترف لك لكن مو من حقك تحاسبينه على الماضي وهو كان تمام معك اتغير من طريقة تعاملك انتبهي الرجال مايحب الخنقه والضغط والغيره الللي مالها داعي والدق بالكلام حطي تحته مليون خط الرجال يحب الكلام المباشر انتي مسويه مشكله من لا شئ الحين هو محتاجك محتاج تحنين عليه تنسينه الاحساس بالذنب صدقيني لو لقى منك الحب والحنان بيجيك بكل جوارحه تراه يحبك ويبيك لاتخربين على نفسك والدليل الامور اللي يسويها يقصد من وراها استفزازك حتى لما ارسل لك انه حبكم كذب ترى هذي حركه عشان يرجع الامور لمجاريها وتردين عليه وتتناقشون وترجعون تكلمون بعض بدل ماتستغلين الفرصه تسكتين وتطنشين ترى الرجال مايحب التهميش والله زوجك تقدرين تملكينه وتصيرين ملكه بقلبه ولي تعليق على سالفة انه انشغل عنك وعاتبتيه ويتهرب تدرين الرجال مايحب يطلع غلطان ولا بصوره من الصور ولو طلع غلطان يبدأ يتهرب او يقلب الموضوع وهذا اللي سواه ولما طلب منك بووسه دليل على اعتذاره صدقيني اسلوبك معاه مرره غلط يمكن تزعلين من كلامي لكن انا اقولك الصح عشان ابي لك الخير لاتفكرين بالانفصال ارجعي لزوجك وهذي احلى فتره لاتخسرينه وتضيعين وقت اكثر بالعكس خلي بينك وبين نفسك تحدي انك تنسينه الماضي وتخلينه اسير لك انتي وبس لاتفكرين بأمور تافهه لاتقدم ولا تأخر تراه بشر تأسره الكلمه الحلوه والابتسامه الله يسعدك فكري زين وعيدي حساباتك
 
ربي يفرجها علي وعلي وعلى أمة محمد صلى الله عليه وسلم
 
صلي على النبي وهدي ولاتشعللين فكرة الطلاق براسك
قومي صلي وذكري الله ودعي ربك بان الله يسخره لك ومايشوف غيرك
ترى اسلوب الدق والمداحر مررره سئ على الحياه الزوجيه تتعاملين معه كنها صديقتك
تعوذي من ابليس لاتنكدين على اهلك
 
ياقلبي استخيري هذا ماراعى شعورك وانت زوجته حاط اسمها في التوبيك
كيف بعد الزواج يعنى لو له علاقة بوحدة وانتو متخاصمين بيكلمها قدامك
استخيري اكثر من مرة وايش يثبت انها انتحرت ماتدري يمكن يكذب
الله ييسرلك يارب اللي فيه الخير
 
حبيبتي ماينفع كذا الرجال طبعهم كذايحبون يستفزون الوحده
اكبرغلط تجلسين كل هذي المده بعيده عنه ونصيحتي
لاتختاري طريق بكرى تندمي عليه وهي فترة مراهقه يشوف
انتي تحبينه اولا .......​
 
حبيبتي هذا طبع الرياييل
كلهم يموتون على رفعة ضغط حريمهم>>>
صح شهر ونص مدة طويلة
والمفروض كان تصير فيها علوم

هذا زوجك ،، حاولي تسترجعينه
حافظي عليه ،،حاربي عشانه
إذا كنت تحبينه وتبين تكملين وياه
لا تضيعين من إيدك عشان وحدة ثانية تظفر فيه
بس لاتفكرين بالطلاق ،، شيليه من بالك
بنفس طريقة التوبيكات عاتبيه
عبري له عن شوقك له وحبك
لا تتنازلين عنه بكل سهولة
 
استخيري ثم استخيري ثم استخيري في الاستمرار او الانفصال
 
بعد قراءه متمعنه وطويله في موضوعك الاساسي وردودك ارى انه بالعكس مافيه اي سبب يدعوك لطلب الطلاق ..اتركي عنك تفاهات حبه القديم وسفراته الماضيه واحكي لي في الواقع ..هل الرجل يصلي ومتعلم ويعمل في وظيفه لائقه ومعروف عنه حسن الخلق ...؟.اذا كان كذلك تزوجيه وتمسكي به واعيدي الاتصال به مع تقليل للمكالمات ..دايما اقولها مااحب الملكه الطويله والمكالمات كلها خرابيط وتزيعل واثارة غيره وكذب ومجاملات ..
الواضح جدا ان زوجك يحبك وخفيف دائم وعلى وجهه يعني شمالي غربي كما اعتقد وانتي الشماليه الجاده الموسوسه اللي تدققين في كل كلمه وتكبرينها ...تزوجي وانبسطي وتعوذي بالله من ابليس
 
اختي قل قسم .. هو اللي بدا بالمقاطعه صح بيننا استفزاز لبعض وكذا مره نترك بعض بس نرجع ثاني يوم بس هالمره ماكان في سبب قوي !!! فجأه كذا وارسلت له اهداء بعدين سألت عنه فينك بعدين مرضت وارسلت اني تعبانه وحرارتي وصلت 40 ولا رد علي بكلمه وحده !!!!! مررره يقهررر !!


اختي نضوج انثى صاادقه في كل كلاامك وانا عارفه هالشي ولا هذي طريقتي بس تخيلي يانضوج نسولف ولا احلى منا شوي يعطيني مقطع من اليوتيوب لمرقص مدري ايش في سوريا .. يقول هالمكان لي معاه ذكرى .. او يعطيني اغنية يقول كنت دايم اسمعها على جبل مدري ايش في لبنان مدري سوريا وهالكلام كله كانت بعد سنوات حبه طيب خلاااص انا عندي احساس تعبببببت وانا اتسمع لمغامراته وقصص حبه لا ويعلمني انه للحين محتفظ بصورتها في جواله طيب وش المطلوب مني !!!! افرح انه وفي لحبه الاول !! هوه بحركاته قسى قلبي عليه وربي كنت مااتركه الا وقت النوم وع طول مع بعض جوال ومسن الحين ماصرت تعودت على فقدته .. كان دايم يقول انا ماقدر استغني عنك كأني بنت حامل منك وتبي تداري فضيحتها !! والحين ولاعاد سائل فيني .. وانا كنت عارفـه انه يوم ارسل حبنا كذاب يبغى يفتح مجال للنقاش بس حسيت قلبي لسه مليان منه ولا فيني حيل ارجع اسمع عن حبه للبنت خصوصا بعد توبيكاته اللي يستفزني فيها


طيب كلامكم كلكم على راااسي بس شسوي معاه اذا جلس يحكيني عن البنات !!

يقولي يابنت عادي نزوه وكل الشباب يكلمو وبعدين عادي يعقلو وانا الحين خلاص ماعاد اكلم بس ماعاد اثق بكلامه ..


طيب شرايكم كيف ارجع احاكيه !! اخاف يطيح وجهي :30:

انا ودي بس ارجع احكي معاه عشان اقدر اقرر معاه اذا نستمر او نترك لاني لو بس من طرفي بقول معاد احس معاه بشيء اتركه احسن :(


شرايكم شسوي ؟؟ علما اني اذا جاريته بالتوبيكات يحط توبيكات مرره قويه وتجرح
 
ارجعي كلميه ونصيحه لاتعودينه على غيابك
والي فهمته من كلامك انه يحبك بس هوه عنده احساس انك ماتحبيه وانك رح تتخلي عنه بعكس حبيبته الي ضحت بحياته عشان حرموها منه انت بيني له انك تموتين عليه بالكلام والافعال وهوه لما يتكلم عن علاقته احسه يبغى يثير غيرتك انتي لاتسكتي قولي ماابغى اسمع ذا الكلام منك
جاريه وشوفي اش نهايتها معاه عشان لما تتخذي قرار الانفصال ماتندمي
الله يختارلك الطيب
​
 
اكبر غلط من وجهة نظري انك قلتى له نزلتى المشكلة في النت والمفروض الزوج ما يعرف عن قراءاتك شي او او حتى المواقع اللى تدخلينها مثل مملكة بلقيس احس انه سر يستاهل ينخش عن الزوج

وقت الرضي ما راح يقول شي بس وقت الزعل يقعد يعايرك بشئ اللى قريتيه

وبالتوفيق ان شاء الله والله يسهل امرك​
 
اختي الحلم الضائع والله كثيير اوقات اقوله ماضيك ماابي تحكيني عنه وسويت تصميم له فيه بيت شعر
طلبتك لاتحاكيني عن احبابك ولا ذكراك
ولاودي تحاكيني عن الماضي ولا ادري

انا ماهمني الماضي ولا ايامي قبل القاك
انا عندي بدايتنا .. بداية عمرك وعمري ..

وقال لي كلام حلوو ووعدني معاد يقول شي عن اللي صار في الماضي ..

بس لمن يطلع لي فجأه بسافر المكان الفلاني ينغزني قلبي اصحابي عزموووني وبروح ولا اقدر اشبك من هناك مسن مررررررره اغاار حتى لمن يقول كلام بالمزح بروح اشوف البنااات يقولها بضحكه ومزحه بس مررره اززعل ودايم اقوله مزحك يجرحني ويبكيني ويجلس يعتذر ومحد حبيته زيك .. مع انه ماقد كتب فيني قصيده الا حبيبته الاولى :( كتب فيها ثنتين او ثلاث ... اخاف يكون ماخذني كسسر حاجز الخوف يبغى ينسى وكلامه لي بس خرط :(

بعدين كيف ارجع احكي معه مالي وجه المفروض هو يجي لانه حتى هو يغار من الهوى وقد هزأني مرره عشان شي تافه وسوالي سالفه وجرح فيني بالكلام عشان اضافة مسن احسه احيانا مرره مرااهق يتعبني اذا عصب وربي احيانا اخاف من بس مسجاته ولاعمري تجرأت اسمع صوته وهو معصب اخليها مسجات واخاف من حروفه لانه مرررررره عصصبي مررررررررره وعنييييد


والحين مااجرأ انا ابدا اكلمه وهو اللي مطنشني مو انا !! علما ان خلال الشهر والنصف فهمت من خلال توبيكاته انو سافر لبنان ..!!

 
فووشيه ماركـه والله صادقه بس مدري شجاني وقلت له .. ايييه اعتقد راح قال اسالي اي احد عني وعن تصرفاتي ويقول لك اني احبك واموت فيك رحت قلت اني حطيت موضوع عن تصرفاتك معايه وتصرفاتي والاغلبيه نصحتني ابعد عنك قال خليكي وراهم يخربوا بيتك بعدهاا بيوم قال روحي قوليلهم انا مااعرف احب زوجي .. قلت بس انا اعرف .. قال تعرفي بس ماتعرفي لا كلام ولا افعاااال للأسف !! مع اني دايم اقوله اني احبه واقوله بمشاعري حتى وانا اقولها مو من طرف لساني لا وربي لاني احس بنفسي وانا اقولها احس اني ارتجف من حبي فيه واحس في وجهي حرارة وربيي ماعمري قلت له احبك كذا من طرف لساني .. بس دايم يقول انتي ماتحبيني انتي بسهوله تستغني عني انتي انتي انتي .. علما وربي يشهد على كلامي انه اكثر من مرره هو تركني وقال خلاص انا بسيبك وانا اجلس ابكي لاني فعلا مااقدر اصبر عنه كل وقتي معاه وكل مره يقول بس كنت اختبرك اشوف بتستغني !!!!! قلت حلوه ذي اجل بعد الطلاق طلقني طلقه وقول كنت اختبرك .. بعدين الاختبار مره مرتين ثلاث هذا الانسان طولها وكل مره انا وربي اجلس اراضيه على انه هو المجحف والعصبي بس هالمره الاخيره لمن اختلق الزعل وتركني طنششته لاني اساسا كنت شاكه انو مااقدر استمر معاه ومن ردود البنات في موضوعي الاول زاد الشك ...........

طيب الحين شرايكم ؟؟؟؟؟ كيف ارجع والله يابنات مااني عارفه كيف ابدأ اكلمه والله استحي

اخاف مايرد علي لاني حاولت ثلاث مرات تقريبا وطنشني ..!! علما ان كذا مره حاول بطلب بعض الاشياء في من خلال الايميل ماطلبني بالجوال ولا رسائل فوريه .. لا ارسل ع البريد ..!!
 
لما تدخلين مسن وتلاقينه متصل عادي سولفي معاه وشوفي اش بتكون ردة فعله هل بيتكلم ولا بيطنشك
او دقي عليه جوال صدقيني لو تقعدين تسوين كرامه مع الرجال بتتعبين احلى شي عندهم عشان ياخذون راحتهم
وبعدين لو مو مهتم فيك ماكان حاول يستفزك بالتوبيكات هذا دليل انه ميت قهر حاولي باي طريقه تكلميه وبسرعه لانه كل ماتاخر الوقت بتصعب عليك
​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل