انا وزوجي الشمالي الحب المستحيل

[أمي حبي]

ماني عارفه من فين ابدا من اليوم او ن امس او من اسبوع او من اول زواجي بس المختصر زوجي قاسي جدا كريم بالمال قاسي بالمشاعر قبل يوم تعبت مره ونا برى البيت وتصلت عليه وقلت انا رايحه المستشفى تعبانه توقعت طيران رح القيه قدامي او لاحقني والله ماكلف نفسه وفي الليل عاتبته والله بكل احترام وتوددتله بعد زعل مره ويقول مالي حق ازل واعاتبه والمفروض احسن الضن فيه واقول ان زوجي تعبان وراجع من الدوام عشان كدا ماجاني المستشفى قلت وادا تعبان وش تستنى يقولوا ماتت وتجي المهم بلعتها وقلت يبنت وضحتي وجهت نظرك وعرف خئه المهم امس كله طفشان ومسوي نفسه زعلان ليه مادري وفي الليل قربت منه اتودد قلت اجي على نفسي مالحضت اي ردت فعل ابد خاصه وانا من اسبوع ماجلسنا مع بعض عشان الدوره هنا انا قلت انت متزوج غيري زعل وقال كيف وليش وماخلا شي ومن الصبح اليوم خرج ولم يعد والله مادري شو اسوي اترك البنت والله عيشه تقرف كل يوم نكد او امشي واراضيه احسه مايحبني ابد مافي شي يدل على ها الحب احسه يبيني اربي عياله وبس اتوقع بكره لو اكح بيزعل كل شي يزعله ويقول انت قولي سم وامر وانا بكون مبسوط لا انا قش او يعتبرني عنيده كل شي خطاء اسويه بس في قرارت نفسه هو عارف اني ميه الميه يقولها لو بالخطا والله ماني قادره اكتب اكثر رجاءا دلوني

 

[أمي حبي]

اين اخواتي البلقيسيات ارجوكم انا في حاجتكم بعد الله اثابكم الله في هده الجمعه المباركه

 

[البيت السعيد**]

الله يساعدج عزيزتي ويمسح على قلب زوجج ويسخره لج،

شوفي حبيبتي، طنشيه على الآخر، وإهتمي بنفسج،

خله لما يدخل البيت يشوفج تبخرين شعرج وثيابج والمكياج ولا أحلى،

قولي له أحياناً عندي موعد مع الكوافيرة أو البديكير والمنيكير،

وعلى طول خلج مبسووطة وغني أغاني إلى روحج ودندني، طول ما قاعدة في البيت وتشتغلين،

لا تعورين قلبج يا حبيبتي أكثر من جذي،

بتصيرين عجوز بسرعة وهو ولا كأنه،

يمكن كانت عنده مشكلة عويصة في ذاك اليوم وما يبي يخبرج عنها،

بس قول لي له:


يا حبيبي وتاج راسي، إحنا لبعض وما لنا غير بعض،
لا تخلي المشاكل تأثر عليك، وإذا في أي شي شاغل بالك،

آنا ترى موجودة أسمع وأخفف عليك،
وتذكر إن حضني لامك وشايلك،

=========== وبس بعدين قومي عنه،

بتشوفين يوم يومين بيهدأ وبيرجع لج،


وفي آخر الليل لا تنسين الدعاء ثم الدعاء ثم الدعاء مع الإستغفار

 

[البيت السعيد**]

شوفي إختنا في هالموضوع إشلون حلت هالمشكلة،

http://www.niswh.com/vb/t161253.html

 

[أمي حبي]

جزاك الله خيراختي البيت السعيد

يارب يارحمان يارحيم اسعد وارضى ووفق اختي البيت السعيد شكرا اختي كم كنت محتاجه لمثل هده الدعم فلكي كل الشكروالعرفان:in_love::in_love::in_love::in_love:

 

[البيت السعيد**]

الله يسلمج ويعافيج،

بالعكس ما سوينا غير الواجب،

وكفاية هالدعوة الحلوة الصادقة من قلبج،

وبدعي لج خيتي

 

[profen600]

الله يعينك حبيبتي لاتشغلين بالك كثير اتركيه شوي واهتمي بعمرك والتمسي له العذراذا اخطاء
الله يسخره لك

 

[بدويه قويه]

مشكله نفس الي عندي والله

 

[أمي حبي]

شكرا

:shiny:جزاك الله خيرا اختي بروفن 600 ارجو ان يكون اسمك صح اسعدك الله ووفقك:shiny::shiny::shiny:

 

[أمي حبي]

بدوية قوية يعني انا وانت في الهواء سوا:icon1366::icon1366::icon1366:

 

[A7lasweet]

الـــلهـ يكون بعونكـ اختي
اكثري من الدعـــــــــااااء
والـــــــــلهـ يسخرهـــ لك
ويحنن قلبهـ عليك ..

 

[ريماس الحب]

يا اختى انصحك اذا زعل من غير سبب او زعل على شي ما يحوج لا تراضينه طنشيه وهو معاد يعيد هالحركات هاذي نصحية

اما اذا كل شوية تراضينه كل شوية بيزعل ويتحجج بالزعل انتي كمان من حقك احد يدلعك مو كل الجو له

 

[وسن العلي]

حبيبتي الله يخلي لج امج حبيبتك ويرضيها عنك على طول
فعلا الشمالي هذا طبعه غالبا وانا اعاني من نفس المشكله لكن لما بديت استمع لنصايح البنات وما اعطي لقسوته وجلافته اي اهتمام واعوضها باهتمامي بنفسي وفرفشتي وسعادتي وضحكي واستمتاعي بحياتي بديت اخذ حيز في حياته وبدا يهتم بي اكثر من السابق ويجلس في البيت وقت اكثر عشان كذا اهتمي بنفسك واعطي لنفسك رعايه بالتالي تجدين الاهتمام والرعايه من الشمالي الله يوفقك ويصلح لك زوجك ويهدي امركم​

 

[غرااام المحبين]

الله يصلح بينكم ويوفقكم و يالف بين قلوبكم

 

[سموه حبيبي]

الله يصلح زوجك ويسخره لك
المشكلة أنا مشكلتي مع خطيبي نفس مشكلتك اول اسبوع كله بسرعه يزعل وانا ماابي اخسره
صرت اراضي فيه أقل كلمة تزعله واحس اني اعتذر كل شوي دخلت المنتدى بالصدفة ماادري
ادور حل
احس شخصيته نفس شخصية الشمالي بالصراحه مااعرف شلون اتعامل معاه تعبت منه فوق ماتتصورون اللي اعرفه انه البنت تتدلع وهو يراضيها مو العكس
بس هالنوع من الرجال احسهم معاملتهم وطريقة تفكيرهم غريبة الصراحه احترت معاه ومو عارفة كيف اراضيهـ
كلنا بالهواء سواء :icon1366:
اللي تعرف شلون نتعامل معاهم تنصحنا :blushing:
والله يجزاها ألف خير

 

[حياتي انتظار]

الله يسخر لك زوجك
كان الله في عوننا
انا زوجي شمالي شرقي تعبت

 

[أمي حبي]

جزا الله خيرا كل من رد علي بدعاء اونصيحه
المهم زوجي رجع يوم الجمعه مع المغرب بعدغياب لعدت ساعات المهم اخضته بالحضن وقلت مالك حق تخوفني عليك كدا طالع من الصبح ومسكر الجوال قال كنت اصلح السياره ومخلص شاحن الجوال طنشت وجلسنا مع بعض رغم غضبي الداخلي المهم بالليل طلعنا كنا معزومين وقبل مانطلع كنت ملكة جمال ولا كنه يشوف قلت شو رئيك شوف كل هالجمال قال ببرود حلو زين انت ماتبطلين حركات التكشخ والستعراض لين تصكك الناس بالعين ونزل السياره رجعنا ورحت اتوددله وهو مطنش نمنا المهم واليوم الثاني داوم وحنا رحنا زياره لاهلي طبعا هو لا يتصل ولا يسال ولا يهتم احنا رجعنا اولا المهم رجعنا المغرب وهو نايم توه يفتح جلس وهو مو مصحصح معنا شوي وقال عندي مشوار بصوت منخفض وانا كني ماسمع وكان عند بنتي تحليل بعد العشاء قلت سوينا تحليل نوديه المستشفى قال انا بس بروح قلت خلنا نروح معك نتمشى بالطريق طبعا هو يموت مايحب يقول نروح اونجي معك كاننا هم مو عياله قال لا قلت اجل نزلنا عند اهلي نسولف والله رجعت وخليت جمعتهم عشانك زعل وقال انت كل يوم كدا تونا امس متنكدين منك المهم طنشت ولبست عباتي ورحنا معه لانه عصب عنده مشوار يبي يتحجج بالتحلييل ماعلي والله يروح ويجي ويستانس بس مو حياه دوام الى قرب المغرب وبعدين نوم ويصحى يجلس ساعه يايطلع يامتنكد احس ان في احد بحياته والله مو مقصره بشي واحاول اشغل نفسي عنه بس مو حياه ابي احد يدلعني ابي احد يغازلني ابي احس اني انثى مرغوبه ليه الدلع للرجال انا اعرف الدلع للحريم المهم في السياره معصب ومسرع قلت وش دعوه كل هدا عشان رحنا معك لف خلاص رجعنا طبعا بمزح ودلع وقلت يله سولف لان عن وانت صغير كان بادي الحكايه من كم يوم وماكملها المهم سحب يده من يدي وقال السوالف يبيلها مزاج ورواق وكمل سكوته انا هنا قلت خلاص استب رميت بنتي الصغيره ورى اقصد رجعتها المرتبه الخلفيه مع اخوانها وسكت ولاكلمه الى ان رجعنا البيت نزلت البيت اخدت شهاداتي واوراقي وقلت ودني لاهلي قال ليه قلت قراري نزلنا وفي الطريق قال ممكن اعرف سبب القرار سكت وعاد السؤال قلت تصرفاتك وزعلك غير المبرر على كل شي المهم وصلنا لبيت اهلي اخد بطاقة العائله مني وبطاقة مستشفى العيال وقال كلميني ادا تبين ترجعين نزلت ولا رديت عليه كرهت الحياه وكرهت الرجال وليه الرجل قاسي وين الموده والرحمه ليه بس يبون سم وامر اخواتي دلوني خلاص اطلب الطلاق الحياه حلوه بدونه او اجلس ببيت اهلي الى ان يكلمني انا مشتته هل من ناصح:sadwalk::sadwalk::sadwalk::sadwalk::sadwalk::sadwalk::sadwalk::sadwalk::sadwalk::sadwalk::sadwalk:

 

[أمي حبي]

:tears::tears::tears::tears::tears::tears::tears::tears::tears::tears::tears:ماحد رد علي ليه محتاجه مشورتكم:tears::tears::tears::tears::tears::tears::tears::tears::tears::tears::tears::tears::tears::tears:

 

[أمي حبي]

اين البلقسيات اليوم