انا ورفيجاتي الثلاث

[بنت_البلد]

بسم الله الرحمن الرحيم


هذي اول مشاركه لي :bigsmile:

واتمنى ماتكون الاخيره


بصراحه انا عندي مشكله يمكن تكون اجتماعيه اكثر من كونها زوجيه

بس ماعرفت وين احطها فاخترت هالقسم :sad_1:







انا وعندي 3 رفيجات عزيزات على قلبي نعرف بعض من احنا وصغار والحمدلله كانت مستمره العلاقه وطيبه .. لحد ما كل وحده فينا تزوجت


والصدفه انه تزوجنا بنفس السنه بفارق اشهر بس ومثل ما انتو عارفين انه اول سنه تكون صعبه وكل وحده تحاول انها تحل مشاكلها الزوجيه اللي تكون في بدايه الزواج


بس همن ما تغيرنا ضلت العلاقه طيبه وندق على بعض ونشوووف بعض بس مو مثل قبل يعني قلت بوايد


بس انا بداخلي شي ..احس انهم تغيرووو علي .. بس همن ما بينت شي

اييي نسيت اقولكم .. اني صريحه وما اجامل احد خصوصا رفيجاتي هذول لانهم يعتبرون خوات بالنسبه لي فاكووون حييييل صريحه معاهم ويمكن كلامي يجرح بوايد مرات ..


المهم الحين بعد 3 سنوات ... صار اللي ماكان عالبالب ولا علخاطر


تكلمت مع وحده منهم اعتب عليها واشرهه عليها انهم تغيرووو علي من بعد ماتزوجنا





قالتلي :



-انتي وايد تقطين حجي وماتثمنينه <<< انا ادري انه فيني هالعيب بس والله ما اقصد اللي اهم يفهمووونه .. وغير جذي .. انا لمن اقط حجي اكوون ابي اوعي اللي جدامي اللي اهي اختي ..


- انتي ماتتكلمين معانا عن زوجج تخافين نحسده <<< انا اشوف انه هذي خصوصيه .. مادري انتو شرايكم







بناات انا اعترف جدامهم وجدامكم اني اسلوووبي بالكلام جااارح وصج وااايد اقط حجي عليييهم .. بس ما اقصد انه ابي اضرهم والله اني احبهم وكلامي لمن اقوووله بويهم اقصد فيه انه اوعيهم وانبهم عن شي يمكن اهم مو شايفينه ..





الحين اللي صار انه رفيجاتي خلاااص مايبون يكلموووني


والله اني تعبانه ومو هاينه علي العشره اللي اكثر من 15 سنه احنا مع بعض !! شلون هانت عليهم العشره .. شلووون مايبوني .. شلون بيتخلون عن صداقتي !!




انا مستعده اعدل نفسي وما اكون صريحه يعني ما اقط عليهم حجي ومستعده اثمن الكلام قبل لا اقوووله


بس رفيجتي اخر مره كلمتني قالتلي انتي انزل من اني ارد عليييج .. وانسي انه نردلج !!





عقب هالحجي .. اعتذرتلهم وحده وحده وطرشت بوكيه ورد


بس احس خلاص هانت نفسي ونزلت نفسي اكثر من مره بالاعتذار واهم مطنشين حتى مسموووحه ماقالوها لي :schmoll:



شسوي يا بنات

والله نفسيتي تعبااانه وما احب احد يزعل علي كللللللللللش

 

[همسة ليال]

شوفي اختي انت اللي عليك سويتيه الزم عليك نفسك وترى الصديقات واجدات
اشرايك اصادقك خخخخخخخخخخخخخخخخخ:blush-anim-cl::blush-anim-cl::blush-anim-cl:

 

[بنت_البلد]

مشكوووره حبيبتي ما تقصرين


بس شسوي بالتفكير اللي ذابحني


ما احب احد يزعل مني والله كل يوم قاعده افكر فيييهيم



اللي بينا عشره عمر مو شويه شلووون بلحظه ينهدم كل شي !!



ما يهون علي كلما ذكرت الايام الحلوه ابجي :\

 

[Butterfly sprin]

ياقلبي خلي كل شي للوقت انتي سويتي الي عليك

صدقيني مع الوقت راح ينسون وتمي واصليهم بس مو تدقين يعني بين فتره وفتره ارسلي مسج حلووو

وكذا الين ماتصفى النفوس

وربي يوفقك

 

[بنت_البلد]

مشكوووره حبيبتي عالرد


وانشالله تصفى النفوووس

 

[بنت_البلد]

بس ماكو حلول ؟؟

 

[smile moon]

انتي الي عليك سويتيه بس ان شاء الله لما ترجع المياه لمجاريها
حاولي انك تستخدمي اسلوب النصيحه لا اسلوب الذم او النقد *ولو كنت فظا غليظ القلب لانفضومن حولك*
عارفه ان الكلام هذا موجهه للرسول بس عالقاعده تشمل و تعني جميع البشر.
وانا متأكده انكم بترجعو مع بعض لان زي ما قلتي عشره عمر بس انتي اصبري شوي

 

[محتسبه]

عزيزتي
انتي تعرفينهم من مدة طويلة وتعرفين نفسياتهم
شوفي شي ثاني غيرهم عليك ... غير مسألة الكلام الي بالوجه ويجرح
اكيد بعد الزواج صار فيه اختلاف بينكم ( من النواحي الاجتماعيه والماليه )
يعني اقعدي مع نفسك وقارني << من هذه النواحي
يمكن اصبحت افضل < زوجك اولادك دخلك
او اقل منهم<< فيمكن بيتخلصون من صداقتك
على كل حال لا تلزمينهم بهذه الصداقة << انتي ماقصرتي اعتذرتي
ولم يقبلو عذرك
لا تجعلي سعادتك مرتبطه بهم
اعطي زوجك وبيتك الحب الذي يعوضك عنهم
وسيرزقك الله بأفضل منهم
وفقك الله يالغالية
اتمنى اكون افدك

 

[قهوة بالبندق]

انتي زي اختي الشمالية
صرييييييييييييحة وتعطيكي الكلام في وجهك على طول
بس الفرق انها لو حبت تنصح اي وحدة سواء انا او صديقتها او وحدة من قرايبنا
تنصحها على جنب على انفراد
زي ما بيقول المثل النصيحة بين الناس فضيحةحتى لو كنتوا كلكم صديقات ما تنصحيهم وتعيهم قدام بعض
واحيانا النصايح يكون لها وقت مو من يوم ما تشوفي الغلط تحرجي الطرف التاني في وقتها
بعد فترة كلميها بالتليفون وقوليلها لاحظت عليكي كم ملاحظة وحابة انبهك لها
وكمان لا تكرري النصيحة باستمرار كانك الوصي عليهم لانه شي يضايق لما تشوفي وحدة في كل مرة تقولك نفس الكلام في وجهك وتحسسيها انها طفلة


وكمان انتي من النوع اللي ما تهون عليه العشرة زي اختي تمااااااااااااااااااااااااام
حتى هي لها صديقة عشرة عمر على قولتك ومهما قطعت تفضل تواصلها حتى لو في المناسبات
وانا واثقة لو صديقتها ديك رغم انها قاطعت اختي من غير سبب لو رجعت مثل اول
كانت اختي حترحب بها وتواصلها

الله يرجع المياه لمجاريها يارب ولا يحرمكم من بعض

 

[لؤلؤة الدنيا]

بصراحة كسرتي خاطري:tears:

خلي هذا درس لك انك تمسكي لسانك شوي يمكن اهم بعد الزواج من كثرت الضغوط مايتحملون:busted_red:

وبعدين خلاص اثقلي انتي اعتذرتي وسويتي اللي عليك وش بتصلحين اكثر:fish:

اذا سامحوك والا براحتهم واتوقع انهم بس بيعطونك درس وبيردون لك:harhar1:

انتظري الايام جاية:detective2:

بص:detective2:راحة عجبني تمسكك فيهم احس انك مخلصة بس لسانك طويل ههههههه


تقبلي مروري

دمتي بود​

 

[بنت_البلد]

مشكووورين بنات


كلامكم يطمن



محتسبه .. صح صار اختلافات بعد الزواج بس هذا ما يمنع انه نظل صديقات احنا مو يهال عشان وحده تغار من الثانيه عشان صارت احسن :\

لا بالعكس المفروض كل وحده تتمنى الخير للثانيه



قهوه .. انا والله ما اقط حجي جدام الكل والبنت هذي قتلها بني وبينها اهي اللي راحت قالت لكل البنات تعالو شوووفو



لؤلؤه .. لوووووووول ضحكتيني .. صح انا لساني طووويل بس خلااص هذا درس لي وراح اثقل



لووووووووول

 

[فراشة القمر]

صحيح الشي يضايق ... صداقة عمر تضيع في لحظات

انا مثلك انقطعت علاقتي مع صديقاتي ... لاني اقل وحده تتكلم عن زوجها >> طبعا ماعجبهم وقالو انتين تخافي نحسدك ومن هالكلام

في لحظة مناقشتنا انا قطيت كلمة قويه .. بس من حرتي ... وبينت لهم ان الكلمة ماكنت اقصدها وشوي شوي صار ينقطعو عني
طبعا انا صرت ادق عليهم بين فترة وثانيه اسأل عنهم بدون عتب او تذكر الماضي... وبكذا ارضي ضميري

اكتسبت صداقات جديده
لكن تعلمت درس ... ما اعطي الصداقة اكبر من حجمها

يمكن تمر ايام احن الى الايام السابقة ... بس احاول اشغل نفسي بأي شي .. لان المشاكل اللي جاني منهم كثيرة

انت بعد خلك مثلي ... بس اتصلي تسلمي وتسألي عن احوالهم ... ومع الايام هم بيصيروا مثلك يسألو عنك

 

[بنت_البلد]

اوكي انشالله تمشي الامووور

والله ماتدرون شكثر قلبي يعورني وافكر

 

[دفءعاطفي]

اختي ماالومك العشرة ماتهون ابد ....
بس بعد انتي غلطانه يعني لازم الواحد يثمن كلامه حتى لومع عيالك موبس صديقاتك ....
وغيركذا يمكن انتم متعودين على الصراحه مع بعض وتسولفون في كل شي موشرط تسولفين في خصوصياتك بس في اشياء عاديه كل الناس يسولفون فيها ويمكن هم لمايسولفون انتي الوحيده تلتزمين الصمت فيحسبونك خايفه من الحسد ....
انا من رايي تكلمين اللي صارحتك وتقولين لها اللي في قلبك وتقولينلها انك منتي مرخصه فيهم وانك عرفه اغلاطك وتخلينها تجمعكم وباذن الله تصفى القلوب ...

 

[السحر الحلال]

والله اني تعبانه ومو هاينه علي العشره اللي اكثر من 15 سنه احنا مع بعض !! شلون هانت عليهم العشره .. شلووون مايبوني .. شلون بيتخلون عن صداقتي !!

والله انها عشرة عمر
اللي عليك ترضين ضميرك
ركزي على تطوير ذاتك
وادعي لهم بظهر الغيب
وعسى ان تصلح الاحوال

 

[هند بنت عتبة]

بقولك شي اذا هم هانت عليهم العشرة وماقبلوا اعتذارك

بصراحة من غير زعل معناته مافيهم خير


الي يحب يتغاضى عن سلبيات صديقه حبيبه مو يوقف عالحبة

انسيهم ولاتعورين راسج فيهم ودوري على صديق يكون يعرف قدرج
ويوقف معاج بالضيق قبل اليسر

وحطي فبالج الي مايبيج مرة لا تبينه الف

وانتي اعتذرتي وبريتي ذمتج جدام الله سبحانه خلاص لاعاد تذلين نفسج لناس ما تستاهلج

 

[ღ لمعة الماسة ღ]

ياقلبي هذول ما يستاهلون انك تزعلين عشانهم انتي باين عليكي طيبة وقلبك ابيض
انتي ما قصرتي عملتي للعشرة حساب وحاولتي معاهم بس هم الظاهر يدورن لك على زلة او انهم يغارون منك
انا اقول خلاص انسيهم ودوري غيرهم

 

[قطرات ندى]

ياقلبي انتي سويتي الي عليك

وانتي صبري واصليهم بالمسجات وادعي

ربك انه يصفي النفوس الي بينكم

ويالله اذا تبيني صديقتك

انا حاضره ما بقى الا هم

ههههههههههههههههه

 

[قطرات ندى]

بقولك شي اذا هم هانت عليهم العشرة وماقبلوا اعتذارك

بصراحة من غير زعل معناته مافيهم خير


الي يحب يتغاضى عن سلبيات صديقه حبيبه مو يوقف عالحبة

انسيهم ولاتعورين راسج فيهم ودوري على صديق يكون يعرف قدرج
ويوقف معاج بالضيق قبل اليسر

وحطي فبالج الي مايبيج مرة لا تبينه الف

وانتي اعتذرتي وبريتي ذمتج جدام الله سبحانه خلاص لاعاد تذلين نفسج لناس ما تستاهلج

كلامك صحيح الصديق الي مايتحمل مني كلمه موصديق والي ماتكون معه مياااااانه شو الفايده

صديقي اانا امزح معه ويمزح معاي مثلا الاخوااااااااات تمااااام ما بينا زعل قووووي

وزي ما قالت لك الاخت هند انتي ابريتي ذمتك وخلاااااااااص

 

[المتجدده37]

عزيزتي بنت البلد

أنتي من الناس الأوفيااااااااء جدا

يظهر ذلك من اسمك أيضا...وحساسة جدا

الصديق الذي لايقدّر الظروف

ولا يصفح عن الزلات

ولا يعفو ولاريد أن يعفو

فهذا لايندم عليه انسان

أتعرفين هي التي أخرجت مافي جعبتها دون ان تشعر

فلماذا يهمها أن تعرف مايدور بينك أنتي وزوجك؟

لقد كشفت عن قناعها...لاأريد أن أوغر صدرك ولكن اوضح لك الرؤيا قليلا

أنتي أخطأتي في زلات لسانك وانتي من زمان هكذا!!

فلماذا الآن بدى الواقع غير مقبولا لديهن

ومع ذلك قدمتي اعتذار بما فيه الكفاية

فسوف يعوضك الله بإذن الله

هناك من هم أحق بودادك هذا وتسامحك ونفسك الراقية

عندما نعلم حدود كل شيء في الدين نعرف كيف نحكم عليه

فالصداقة أن أؤدي حقوقهم فقط فأتمنى أن تؤدي حقوقهم كمسلمين

وإن أصروا على موقفهم فعليهم العتب وذنب القطيعة وليس عليكِ

وفقك الله لكل مايحب ويرضى