انا وخطيبي والخيانة :( يامشرفات ادخلو ساعدوني تعبانة

م

معتوووقة

New member
إنضم
2008/07/31
المشاركات
23
السلام عليكم
حبيت اطرح مشكلتي
أنا مخطوبة ليا سنتين على ولد عمي بس خطوبة من غير ملكة ونتكلم تلفون
أنا عمري 23 وهوا 25 وكلنا جنوبيين
اللي حصل أنو في الفترة الأخيرة كترت المشاكل فيما بينا
إلى أنو في يوم استفزيتو بكلمة قام رد عليا برد جارح يقصد به أنو ماحكون أمينة على بيتو وممكن أدخل رجال من وراه ودا بسبب اني قلتله اهتم فيني وهو في وقت امتحاناتو كان مايكلمني ولا حتى 5 دقائق في اليوم بعد ذا الكلام زغلت وبكيت وقلتلو أيش تبغى بوحدة زيي وسرنا ما نتكلم إلا ونتصارب وكانت أياميها أيام امتحاناتي بعدت عنو فترة عشان يحس بقيمتي وبغلطو واللي حصل فيها المصيبة أنو أتعرف على غيري بالنت وكلمها تلفون لفترة
اليوم اكتشفت ذا الشي بتمثلية مثلتها عليه لأني كنت شاكة فيه شيء حصل
اللي أبغا أعرفو من خلال خبرتكم ذا الآنسان ممكن ترجعلو الثقة تأني ؟ أقدر أكمل معاه من غير ما يتكرر السي ذا
لأني قلتله خلاص كل واحد في طريق واليوم بكلم امه وأعلمها باللي صار وخلاص ابلغها أنو انتهينا وبستخير حاليا على اين اسيبو
نفسي عائفته
أدعولي
 
لا تستعجلي تكلمي أمه اليوم

وأستخيري إذا أيقنتي إنك ماتبغيه كلمي اهلك يكلموا اهله ينهوا الموضوع ويادار مادخلك شر..

واللي هذا أوله تاليه ينعاف..والحمد لله انكشف..

القرار قراك هذا مصيرك

بعدين حبيت أنبهك بما انكم مخطوبين ماتجوز المكالمات بينكم إلا للضرورة في حدود..
 
شوفي اذا انتي حاسه ومتيقنه انه يحبك لاتستعجلين

اما اذا تحسين انه راح يعذبك معه بعدين خلاص اهيها بود

وخليه مع نزواته وانتي راح يعوضك رب العالمين
 
الله يهديه ويصلح في ما بينكم
او يعوضك بانسان احسن منه
 

اللي حصل بينكم نتيجـــه طبيعيـــه لتصرفكم الخطأ من البدايــــه..

ما كان المفروض تكلمون بعض طبعا السبب الأول لأنه مايجوز طالما مابينكم عقــد..

السبب الثاني إنكم تتكلمون مع بعض سنتيـــن متوااااصله طبييييعيييي جدا يحصل بينكم خلافاااات

لأنكم مليتوا من بعض يوميا تتكلمون و صار اللي بينكم مشااعر عااديه مجرد روتين لا أكثر و لا أقل..

أنصحك تصلين استخاااره و إذا قررتي تبقين معاه وقفي مكااالماااتكم إلى وقت الملكـــة و لا تراقبينـــه اتركيييـــه..

خلي في مسافه بينك وبينه اعطي انفسكم فرصـــه تشتاقون لبعـــض و تفتقدون بعـــض خلي مشاعركم القديمـــه ترجع..

و لا تاخذين على كلامـــه لمن أهاانك قالها بلحظة غضب و انتِ سمحتي لنفسك ينقال عنك هذا الكـــلام لأنك كلمتيه قبل الملكــة...

و إذا كشفتيـــه متعرف على بنت هذا شيء طبيعـــي لأنه كان يكلمك بدون زواج فليش ما يكلم غيرك <~ هذا بيكون تفكيره..

اتركي على ماهي عليه و لا تكلمينه أو تكلمين اهله بس خبري اختك أو أمك باللي حصل و اتركي الكبار يتصرفون..

الله ينور لك طريقك و يكتب لك اللي فيه الخير



نــور عــيــونـــه


​
 
جزاكم الله خير زي ما هونتو عليا

كل اللي بيعملو دحين انو بيرسل مسجات انو هوا بيتاسف و ندمان وهوا نهى العلاقة من نفسو وقتها بس قد ايش استمرو ما اعرف

انتظر اراء الباقيين والمشرفات
 
حبيبتي غلطتك انك كلمتيه قبل انه يتم عقد القران بينكم :(

الحين قبل ما تتملكون وانتوا بمشاكل .. الله يهديكم ..

الله يكتب لك اللي فيه الخير ..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل