انا وبنتي وشمالي الغربي و600 ريال

[حور@]

بعد السلا وتحيه الله """"""""""ابي مشورتكم زوجي شمالي غربي طلبت منه فلوس علشان اشتري لي ولبنتي ملابس للعيدعلمن بان هذا اول عيد يمر على بنوتي الله يحفظهالانها جديدة فصار يتحجج بانه بيشتري سيارة جديدة ومامعه شي وانه كمان بتسلف من واحد من ربعه علشان يكمل فلوس السيارة الجديدة ووووو وغيرها من الاعذار متعود اني اعذرة مثل كل مررة واكتفي بمكافئه الكليه لاني طالبه بس من بعد ماقريت بهل منتدى الغالي قررت اني اخذ حقي واطلب واطلب الي ابي جوال لاب توب سفرة وبعد الالحاح ينفذطلبي اعطاني600 ريال سعودي صراحه انا ماني محتاجه لهم لاني اشتريت حجات وانا مسافرة والى الان ملبست بس خايفه يتعود على هل مبلغ ويجنني بعدين فايش رايكم اطلب ياالي عندها خبرةمن الرجل الشمالي الغربي لاتبخل علي انتظركم

 

[القوس قوسي]

إنشاء الله يشتري ديره بكبرهااا .... حقوقك لاتتنازلين عنها وخاصه حقوق بنتك خليكي قويه

 

[صاحبةعيالي]

ياختي قولي الحمد لله غيرك ما يعطي .
انت تعاليله من باب الدلع بوسيه ومدحيه وضميه بدلع قوليله حبيبي انا قلبو انا وبعد هذا الدور بفتره مهب على طول بعدين يفهم الحركه خليك على نفس المنوال حبيبي حبيبتك تبي فلوس علشان اتكشخ لك وتلبس لك وبعدين اذكري الناس قولي ولما يشوفوني الناس يقولون وش الزين مرة افلان والله مو مقصر عليها .
انشاء الله افدتك والخوات ماقصرون

 

[أم نهيان*]

اليوم قريت مشكله وحده ريلها ما يشتغل ومسكينه ماعندها شي لا لها ولا لبنتها ..

حق النفقه عليه وطالبيه بالمبلغ الكافي لج ولبنتج ..وماعتد بيكلف شي فستان واغراض للعروسه الصغيره يعني اكيد حاط حساب احتياطي ..مستحيل فلوسه كلها للسياره !

الفلوس مشكله حساسه وصعب توصلين للشي اللي تبيه الا بعد ماتعرفين الطريقه الصح .. انا معاج تطالبين بمالج الخاص وبمصروف واغراض البنوته الله يحفظها ..

ماحبيت اطلع بدون رد ..الله يصلح ما بينكم ويحفظ الكتكوته^^

 

[غروري سر حضوري]

ياعزيزتي الشمالي الغربي كريم جدا بل مسرف من خلال خبرتي
ولكن يمكن تكون عنده ضروف فعلا صعبه
ولكن بالتدريج خذي حقك
قوليله بدلال اذا مانع
اتركيه فهو يندم على مافعل غالبا
وكرري الطلب في وقت اخر ولو بمزحه
فهو لايرضى لزوجته واطفاله ان يظهرو امام الناس بمنضر غير لائق
ولكن للامانه زوجي شمالي غربي مائل للغربيه اكثر
والله يسخرنا لنا ازواجنا ويبعدهم عن الحرام وجميع المسلمين

 

[حرب الأحساس]

اذا مو بخيل وظروفه على قده اصبري عليه
صبرت مع زوجي والحمدلله لما تفرج عليه ماينساني
وربي يوفقكم

 

[بقعة ضوء]

فهميه إن هالمبلغ اللي يعطيك هو مصروفك وكأنه راتب شهرياً لازم تستلميه

تعرفي زوجي يعطيني مصروف شهريا وكل زيادة تجيه بالراتب أطلب منه زيادة بمصروفي لو 50 ريال ما اتنازل عنها عشان يتعود وهذا واجبه تجاهي

 

[(خوالج)]

الصراحه المفروض تقدرين وضعه خصوصا اذا مكان طبعه البخل يمكن الرجال مزنوق انتي قولي له ماتكفي بس علشان ظروفك بحاول ادبر نفسي فيها

 

[حور@]

حبيت ابين لكم هوكريم على غيري موعلي من صفات زوجي انه ماسك علي ويغرق غيري من اهله واخواته حتى لوانا في حاجت هذي الفلوس انا لي 3سنوات متزوجه واستلم مكافئتي تكفيني فماطالبه بمصروف الافي العيدين بس وابوشباب تعودبس الحين عندي بنت وقريت للاستاذة ناعمه الله يخليها ان الشمالي الغربي بخيل على زوجته فعلاهذا صفه في زوجي واتكالي فسويت حركه ان امي اخذت البطاقه حقتي وقالت بجمع مكافئتك لك وزوجك مايقصر عليك بشي تدرون وش اكتشفت اني مغفله كنت اصرف على نفسي وحقي عندة ضايع غيري ياخذة بلحيله مثل خواته وامه وهم مستواهم المادي ممتازعمي ابوزوجي يصرف عليهم مارحموزوجي فانا اولاصح ولى اناغلطانه الشمالي بخيل من ناحيت زوجته مادياوانا خايفه يجنني ويتماداالين ماشوف ريال هذا وانا عايشين عند اهله يعني بس ملزوم بي وببنته لاايجار ولاغيرة وراتبه فوق 5000 تدرون اناخايفه لكثرعدد اطفالي مع الحين بس زوجك على ماتعوديه ردوياضحيات الشمالي الغربي

 

[غربة احساس]

الله يسخرة لك يارب كلامك حلو بس باقي التنفيذ
والصبر زين عودية شوي شوي مو فجاءة
انا شمالية انتي صادقة في الي قلتيه عن الشمالي لكن الله يسخرة لك وعلى فكرة تري الشمالي يموت ع المدح
بالتوفيق ياقلبو

 

[سنية وافتخر]

فعلا الشمالي كريم جدا انا زوجي كذا بس زوجي عنده ظروف ماقدر اطلبه اكثر لانه اعطاني 700 ريال فقط يعني اخذ حقي اكثر كيف وانا اعرف انه عنده ظرررروف اما اا زوجك مقتدر فاطلبيه بهوء ودلع

 

[AUDI]

الله يقويك وعوديه على المصروف ولاترحمينه ههههههه

 

[طبيبة أسنان]

الي تسوينه صح حبيبتي .. لا تسكتين عن مصروفك الشهري خصوصاً انك قلتي انه مو ناقصه شي و لا عنده ايجار و لا غيره ..

هذا حقك الشرعي و حق بنتك ..

عسى ربي يسخر زوجك لك يااارب..

 

[^طوق الماس^]

سعادة الرجل في الأنفاق على زوجته
وسعادة المراة في اخذ النفقه
لأن الرجل يشعر بالقوامه عند إعطاء النفقه .. وان زوجته تحتاجه.. (أخذي من زوجك النفقه يحبك )

والزوجه عند اخذ النفقه
تشعر انه دليل حب زوجها لها
وهو حق شرعي لها

 

[raneh]

منكم نستفيد

 

[NiCeDReeM]

الله يصلح الاحوال .
بس ابغى اعرف ليش الرجال يستكثرون الصرف على زوجاتهم؟ ليييش؟
انا جنوبي اظنه شرقي نفس حالتك وزووود.